Tunlai, Post a vang deuh niin a lang a, thahnem ngaih ana ve si a, La inpeih chhuak chiah lo chungin Post siam ve tan phawt a tul ta niin alang a, ka han try ve ta ngawt mai anih hi.
A enge ka han Post hmasak ber ang aw? ti a ka ngaihtuah kual laiin, kan banga kan thil tar, ka duh tawp theih loh chu ka han hmu ta a. Ka thlir nawn leh vang vang a, ngun takin a thu inziak ka han chhiar nawn leh a, vawi tam ka lo chhiar tawh thin mah ni se, min khawih dan ala ngai reng mai-
Zan khat chu, mi pakhat hian mumang mak tak mai a nei a. A mumangah chuan, Lalpa Pathian nen Tuipui kama tiauvut champo maiah kelawngin an lo kal dun a. Tichuan, mak tak maiin a tunhma nun zawng zawng mai chu fiah taka hmuh tirin a awm ta a ni.Pathianmi, Pathian nena lengdun reng thin anih avangin, a nunhlui hun hrang hrangte a han thlir let chuan, a kehniak bulah chuan, hniak dang, a Lalpa ke hniak ngei mai chu a hmu ve zel a ni.
Tichuan, a han thlir chhunzawm zel a, a hun hnuhnung lam a han thlen takah chuan, chung ke hniakte chu ngun taka a han ennawn leh chuan, mak tih em em mai a nei ta tlat mai a, a phawk ta hra mai a ni. Chu chu enge? mi pahnih hniak awm zel tura a ngaih laiin, vawi tam tak chu, pakhat zawk hniak chu awm lovin, mi pakhat chauh hniak a hmu thin a, mi pakhat chauh hniak a hmuh thin hun lai lah chu, a nunin harsat, mangan leh lungngaihna thim chhah tak a tawh lai alo ni thin lehnghal a, mak a tiin, a vuihmui ta viau mai a ni.
Chu thil chuan a rilru a tibuai ta hle mai a, a Lalpa chu a chhuahchhal ta hial mai a. “Lalpa, nangmah chauh zui zel thin tura thu tlukna ka siam lai khan, ka bulah i kal ve zel thin ang tih kha min tiam si a, mahse, enteh engatinge? ka nunah harsat, mangan leh Lungngaihna chhum a zin lai apiangin mi pakhat ke hniak chauh ka hmuh thin si a? ka va hrethiam lo ve, ka mamawh ber che hun lai apianga min kalsan thin mai le?” a ti ta bawrh bawrh mai a.
Lalpa erawh chuan, “Ka fa, ka fa duh tak, Ka hmangaih tak zet che a, ka kalsan ngai reng reng lo che asin. Mangan-harsat leh Lungngaihna i tawh lai apianga mi pakhat ke hniak chauh i hmuh na chhan chu e, i kal hah ngai lovin ka chawikang thin che a lawm” a ti ta a.
He thu ziaktu hi a inziak lova, mahse, ka nuna harsatna leh Lungngaihna alo thlen chang apiang hian, Lalpa hian min thlahthlam reng reng lova, min chawikang zawk thin ani tih ka hriat thar phah thin a, chakna thar ka lo neih leh phah thinin ka thla a muang thin a ni. Nangpawh inih ve ngei ka bei sei.
(He thu hi, lo post tawh an awm chuan, ngaihdam ka dil nghal e.Thahnem ngaih thil tak meuh anih hi)
August 1st, 2011 at 8:07 pm
Chhiar ang aw.
August 1st, 2011 at 8:08 pm
Fuihna tha tak ani,ka chhiar fo tawh,mce Infuih toh a awm thei lo a,hriat nawn fo hi kan mamawh zawk e..good post
August 1st, 2011 at 8:12 pm
A ni maw ka vawikhat hriatna a ni, a tha khawp mai, ka hre reng tawh ang.
August 1st, 2011 at 8:18 pm
that hmel hle mai
August 1st, 2011 at 8:27 pm
he thu phuahtuah hian an inhnial deuh sap sap a, crysty lane khan a hla pakhat ah a chham tel zauh bawk. hla mawi em em chu a ni lo na a thu tha tak chu a ni ve chiang alawm. gud pawd PK
August 1st, 2011 at 8:28 pm
Thu tha tak a ni.
August 1st, 2011 at 8:32 pm
Bang a kan thil tar a inang… 😀 . Kei pawn ka duh tawp theilo. He thu a fuh leh dik ka tih em em lai chu – a nuam a hniak pahnih, a hreawm leh harsa a hniak pakhat.
Chutah pawh hniak pahnih lai tak hi.
Kan tih theih reng ah Pathian inpawmtir leh tih tir vek kan tum hi rinna dik a ni lo, thatchhiatna, zawmthawtna leh mawlna, nalh taka RINNA ti a kan vuah mawi chawp mai mai a ni.
Sam 23 ah ‘MANGAN LAI a tanpui vartu hnai reng a ni’ tih a ni. Mangan loh lai a Lalpa puihna dil hi a diklo or naupangchhe zia a ni, mangan reng mai pawh a diklo bawk. Kan tihtheih kan ti ve hma loh chu Pathian a che ngailo.
August 1st, 2011 at 8:41 pm
Thupui ka hmuh ringawt khan Thlahrang lam emaw ka ti dawn zet a, a ni leh lo.
Ava tha kher em (Y) , Ka Lalpa duh tak min awmpui ang che…. (8) (8) (8)
August 1st, 2011 at 8:54 pm
Amen! A va tha em! Harsatna tawh chang pawhin Pathian hnena lawmthu sawi mai loh chu tih tur a awm lo a lo ni e.
August 1st, 2011 at 8:54 pm
leona lewis hla footprints in th sand pawh kha he thu hmanga phuah hi a ni e an tia lawm. he thu hi chu a tha thlawt. Pathian thatna hmu chiang tur chuan mala awm emaw in tih hi a ngai fo reng a ni.
August 1st, 2011 at 8:54 pm
Mi pakhatin post ve ngai lo a tih vang mai che a rawn post i nih chuan (N) (N) (N)
Thahnem ngaihna vang leh thu ziah tui vanga rawn post i nih chuan (Y) (Y) (Y)
August 1st, 2011 at 8:56 pm
111 chhangte val.. kher kher a che PK hi ka tan a nia
:-[ :-[ :-[
August 1st, 2011 at 9:04 pm
rose, kawmen 12 chauh a la ni si a, engtin nge #111 te i lo hmuh bik a…??? :p
August 1st, 2011 at 9:06 pm
@12 roseparvul, ka tan lutuk vang zawk a nia :dawt sawi lo:
August 1st, 2011 at 9:10 pm
(Y)
August 1st, 2011 at 9:15 pm
E he! Ka mumang lamah pawh ka la man chhin ngai loh, Internet (misual.com ) ah ka post te alo chhuah ve tak! Mumang chu ani em si lo maw? A hma lama ka comment ah ka lo sawi lawk tawh angin Post tan nan, August thla hi ka lo tin zawn ru reng a, doc_lib leh Ngaihdan thaa te pawh, “Post tha tak a ni” ti turin ka lo book lawk diam tawh a. Mahse, August ni 5 hmaa chinfel ngei ngei ngai, hna hmanhmawh ka neih avangin, ni 5 hnu lama post tan ka tum ru ran a ni. Mahse nimin khan Post a tlem hle mai a, tlai dar 4 a post chhuak khan zan dar 12 ah pawh thlaktu anei ta si lo a, doc_lib ten bawl phuan viau lo phei sela chuan, mangan thlak lehzual tur a ni. Hei hian Hamleta Pa iangin ka tum aia hmaah min nawr lut ta anih hi. Next ah chuan, My first Mi$sionary Journey rawn post ka tum ang a, a tlak that dan a zirin, part 10 thleng pawh a awm mai thei. A tawp nghal daih thei bawk ang. Ka lawm e.
August 1st, 2011 at 9:19 pm
PK, a ngaihnawm lutuk han ti zeuh2 rawh khai (Y)
August 1st, 2011 at 9:25 pm
Ok, i paws vawi 2na kan lo ngaichang e.
I nick – PKfanai hi “Pa Khama fanai” tihna a ni tih ka hre ve chiah :p
August 1st, 2011 at 9:32 pm
He thu hi ka hriat hnu a ni a, mahse thu hriat nawn duhawm berte zinga mi a ni.
August 1st, 2011 at 9:36 pm
A ngaihnawm hle mai, hetiang hi chhiar ve zeuh zeuh a tha asin, nun kaihruaitu tha tak a ni narawh e.
August 1st, 2011 at 9:43 pm
1st paws-ah pawh hetiang a tha i rawn thawhchhuahpui thei a, ka lawmpui khawp mai che, 2nd paws a nghahhlelhawm tawh khawp mai a.
August 1st, 2011 at 9:50 pm
A va tha tak em he thu hi chu (Y)
Chuan i paws leh tur “My first Mi$sionary Journey” maw ni dawn, a va ropui thin em! Misual.com ah hian missionary pawh kan lo awm nual nih chu mawle. 🙂 Ka va chhiar chak tawh. Rawn paws vat rawh! Chhiar chak tawh bon!
August 1st, 2011 at 9:53 pm
hniak 2 leh 1. Pathian hian min puih reng hi a tum lo.(spoon feeding). Pathian hian Kan tawngtaina zawng2 hi a chhang vek. 1- ‘AW’ 2- ‘AIH’ 3- ‘KHA KHA CHU NANG PAWN I TI VE THEI, TUM RAWH. kan tawngtaina tam ber hi chu a 3-na hian min chhang. Mihring theihna a tawp chuan, mihring kan nih hma pawha man dang beisei lova min tlantu, keimahni chhunga awm, pa pathian hi auh buai leh ngen chiam ngai lovin a rawn che lo thei lo. Jehova jire. (@pk:ka OT em o..)
August 1st, 2011 at 10:15 pm
Print chhuak ila tar ve tur a nih hi.
August 1st, 2011 at 11:53 pm
.
August 2nd, 2011 at 12:20 am
Foot Print thu hi ka duhthlu ngang mai a; i rawn post-a a lawmawm e.
I vawikhat post-na maw en ngat teh ang. I senior tawh hle si a.
August 2nd, 2011 at 12:26 am
Ka chhiar fo thin a, ka duh tawp hlei thei lo,.. (Y) a dik ngawt mai,.. (Y)
August 2nd, 2011 at 12:42 am
A tha hle mai. (Y)
August 2nd, 2011 at 12:47 am
FootPrints- Kum 7 liamta Hostel life min ti hre chhuak! Ka Diary ah ka ziak chhuak ve thlap a, ka chhiar nawn fo thin– Kala nei reng! (Y)
Tha khawp mai (Y)
August 2nd, 2011 at 12:52 am
Post puitling deuh tih hmain, Zaipawl video pakhat post ka duh a, an phalna la hmasa loin post ta ila, thil mawilo leh pawi thei ani em le?Aizawl Local Cable Tv ami lak chhawn ani a. Tin, Comments petu zawng zawngte chungah lawmthu ka sawi a. Mobile handset hmanga log in thin ka nih avangin Post ka siam ngai lo a ni. He post pawh hi, Rose_i Laptop avanga lo piang thei tawk a ni a, Tunah chuan, ka Laptop atha ve tawh a, ka chhun zawm thei zel turah ngai ila.
August 2nd, 2011 at 7:48 am
Ka hre tawh, mahse ‘Hrilh nawn fo che ka duh’ tih ang deuh in hriat nawn fo hi a tha a ni. I let chhuak nalh khawp mai….GOODPOST
August 2nd, 2011 at 3:29 pm
A va tha em ve le… (Y) (Y)
August 2nd, 2011 at 4:07 pm
a ve tha khem em……Good Post…@Apa Khuangte… (Y) 😛
August 2nd, 2011 at 4:15 pm
He thu hi chu a mawi a ni. Pu Pkfanai chu i ti mi viau dawn e. Han ti zel teh khai. Kei hi tunlai chu post lamah ka ro tlat. A thar dawn si loh a, a hlui chhuan lum lah ka duh mang si lo a. Hey den rial hi han ngai thla leh phawt mai ila, post rau thar te pawh kan chang mahna