(He post hi zu thatna leh thatlohna; khap leh khap loh chungchang lo tuihnih ve zen na a nilo a, kan chei tam tawh avangin, ninawm zawng pawhin a kal ngei ang, ZU BAWK MAW? kan ti mai thei. Ram dangin engtiang chiah in nge, an lo hlawhchham pui tawh tih entirna mai ani e.)
Zu khapna dan tih hi zep thu cheng lo chuan, kan titi tui ber leh kan helh em em, kan au chhuah pui nasat, hma erawh kan sawn pui theih hauh loh a ni. Mizoram zaa za kristian tia in chhal ngam hi, lemderna (hipocrisy) nuna kan luh thukzia entirna fiah tha ber chu kum 1997 feb atanga zu sak, zawrh leh in khap burhna (Total prohibition) kan puan leh hman tan kha a ni awm e. Kum zabi thar kan kai atanga Total Prohibition puang hnuhnung ber chu, Mizoram Congress sorkar a ni. A fing tlai anih chuan khawvela fing tlai ber, a ai tlai anih pawhin khawvela a tlai ber ani ti ila kan sawisual tampui awm love. Tlai khaw hnua zu khap thu la buai pui chuk chuk sorkar kan ni a, Mi lung fing chin ina tha an tih loh leh a theihloh tur zia hre reng chunga, Kohhran nawr tawtna atanga inthlan leh huna mipuite duhsakna dawn beisei vanga, congress sorkar in hetia ati mai hi thilmak tak niin a lang. Zu khap burh nachang hre khawp sorkar hawihawm reng reng ke vanchhawnin an tla thin, tih hrelawk ngat sela chu, an tilo tawp tur ania, mahse an hre silo. Eng nge a nghawng? A kum leh november 1998 inthlannah chuan congress chu an chief minister hovin ke van chhawnin an tla deuh phiar ani.
He Zu khapna dan an siam hi mipuite pawh min nghawng nangiang reng a, a nghawng leh a thlen chin pawh kan hria, A thatna tam tak pawh lo awm mahse, a khawi zawk hi nge buk rit zawk anga, a eng hian nge ram khalh ngil ang tih erawh chhiartu leh mipui kutah dah mai ang. Ram leh hnam dang pawhin an lo ti ve tawh a, hlawhtling tak tak an awm kan hre lo. Entirna pahnih khat lek lo tarlang teh ang.
Europe, abikin England atanga USA rama pem hmasa, Protestant turu thlahte chu Middle-west leh south lamah lo nei leh ran vulhin an khawsa ber a. Heng pem hmasa, mi hlun (old stock) inti ho, hnam induh tak, fir taka Puritan ho zirtirna kenkawh duh ho hian hnam dang, pem tharho, mi hnuahnunga an ngaih, khawpui leh thilsiamna hmunpuia cheng, abikin Irish, Italian leh German mi, Protestant pawl pawh ni lote chu mi hnawksak, zu in ching leh nawmchenna nuna inhmang mi nia an ngaih avangin, an zalenna khuahkhirhsak dan an zawng a. Protestant pawh chuan 1869 khan, National Prohition Paty an din phawt a; kum 1895 khan Anti-Saloon League of America an din leh a. Kum 25 zet beihpui an thlak hnu chuan 1919 khan US Congress chu an zu sak leh zawrh khapna dan 18th Amendment, a bill pu luttu Volstead hming chawia Volstead Act an tih chu an pass-tir a, a kum leh chuan an hmang tan a. Kum 13 zet an beih hnu chuan an hlawhchham der a, zu khapna dan chu 21st Amendment-ah an hlip ta a ni.
Hemi chhung hian zu a let tamin a pung a, zu rui vanga accident tawk a let 647 (percent) leh zu tha lo ina thi a let 700 (percent) dawn laiin an pung bawk a. ZU atanga chhiah sorkar hmuh tur zawng zawng zu zuarte kutah a luh tak veng atangin nawhchizawrhna, pawisa inkhelhna (gambling and betting), nawmsip bawlna in te leh thilsual tihreng tihna hmun a pung nasa em em a. Politician ho leh Police-te chu zu zuarho kuta awm an nih avangin thu buai hla buaiah misualte chu ngam rual anni tawh lo. Chung lai chu alawm, mafia khawpui Chicago chuan “America khawpui zinga corrupt fai thak”(the only completely corrupt city in America) tih dihhmun a luah hial a ni.
October 24, 1929 a sumdawnng inpui Wall Street-a New York Stock Exchange nghawng chimtu zinga pakhat chu zu khapna vang niin thenkhat chuan an sawi bawk. Hei hian khawvel sumdawnna a nghawng chhe nasa hle a, indopui pahnihna intan thleng khan khawvelin a nghawng a la tuar a ni. Hemi hun chhung hi Chhiatna Rapthlak Hun (The Great Depression) an ti hial reng a ni.
Ram intodelh ber USA mahin zu khap chutiang khawp a chhiatpui dan chanchin Ram pakhat-a ram hruaitu lu ber pawhin kan hrelo nge kan palzam mai mai nge, kohhran hi kan ngam lo zawk? nge politics vang bawk em ni? Hei lo i lo en teh ang “Congress Chief Minister Lalthanhawla leh a hoten an tih ani a, an fakawm hle. Sorkar a Minister leh hruaitu lawk tak tak thlengin, tuman zu khap chu tha an tilova, a hlawhtlin an ring bawk lo. Kohhran hruaituten an nawr nasat em avanga an tih a nih thu an sawi vek. An sawi zel dan chuan, khap tura nawrtu puithiamho pawhin a hlawhtlin an ring lo. Mahse, zu khap tura sawrkar nawr kohhran hmaa an lo intiamna chu hlen ngei an dih si avangin,. puithiamho chuan an hmel hemmna tur veng ranin, hmai phih fai nan, sawrkar an khap luihtir a ni. Puithiamho leh politician hovin zu politics an lo khelh dan hi namai lo tak asin” tiin L.Keivom chuan Zoram Khawvel tih ah a tarlang hial.
Ngaihdan tam tak min neihtir a, a chunga ka tarlan hi ram dangin an lo tih ve tawh dan entirna mai ani a, a that leh that lohna sawi tur tam tak a awm ngei ang. Kan ram neihchhun Mizoram, hnam naupang tak leh ram dang dangte tihdan a tha emaw tha lo emaw, copy zung zung thin hnam hian Zu khap burna dan hi awm talo se, engtiang chiah in nge ngawng a neih ang? Tam tak chuan he Dan hman kher ngai lo hian control tum ta zawk se; mimal tin duhdan nise, a chin tawk leh awm tawk erawh inzirtirna khauh takin awm se ti duh pawl kan tam. Sawi zawh sen anilo, kei ka mimal ngaihdan ve mai ah chuan he Total Prohibition hi awm lo se, zalen takin awm se, a kum hnih khat ah kan buai pawh ani thei, mahse a rei ah zu kan in thiamloh na bik tur awmin ka hre lo.
Similar Posts:
- Zu khap bur na dan hman zawm duh!
- Cong. Minister hluiin MNF a zawm
- Aizawlah zu a zalen
- Zonunmawi virus Zu – MLTP Act-in delete rawh
- PRISM in Sorkar thil hman khap turin ngen
August 1st, 2011 at 6:04 pm
ka sawi ve peih ang em aw!!
August 1st, 2011 at 6:08 pm
Zu bawk maw.. hmm atha lawm mi truck pawh a lum alawm nge zu mai2 te chu kan inve ang chuuu (B)
August 1st, 2011 at 6:10 pm
Similar post hmasa ber chu Cong. Minister hluiin MNF a zawm… a ni hem mai..
Ka thlawp a, ka thlawp lo bawk e.
August 1st, 2011 at 6:15 pm
Sauvignon Blanc white wine ka van
inleih baw mai2 chak takk… (D)August 1st, 2011 at 6:31 pm
Khawnge Pu PC a kha e ? A comment lo nghak teh ang…. 😀
August 1st, 2011 at 6:57 pm
in chiah ka peih…commnt lo mai ang
sutheng (D) (@) (&) (K) (H) (Y) zu leh sa,nulat tlangvalna hi ka thumps up…lol
August 1st, 2011 at 7:06 pm
…kan chei tam tawh avangin”..,”chai” tih tur zawk ni awm a ni
August 1st, 2011 at 7:13 pm
“Total Prohibition hi awm lo se, zalen takin awm se, a kum hnih khat ah kan buai pawh ani thei, mahse a rei ah zu kan in thiamloh na bik tur awmin ka hre lo” tih em em hi chu khuahkhirhna tel lo a nih chuan ka pawmpui lo tlat mai…zalên tak chuan hmundangah pawh an zuar bik em ni, chutianga zalênte chu hnam changkang zawk pawhin an zo em ni ka ti deuh…
zu chungchanga kan dinhmun hi tun dinhmuna zawlaidi hian a hril pha ang em, MLTP ACT hlih chungchanga ngaihdan siam nan a tling pha ang em tih a nih ka ngaihtuahnaa awm thin zawk chu…zawlaidi hi zu in thin hian inhnangfak nan hmantlakah an ngai em, an ngai a nih chuan an chhiatpui nge chhiatpui lo aw…ka hre chak khawp mai
August 1st, 2011 at 7:42 pm
Kei atan zawng khap engang mah se, ka duh chuan zu tha ber chi ka hmu reng thei tho a; zu duh si, a tha leh man to hmu ve phak lo ho hi ka khawngaih thin. Ngheitir thei si lovin kan khap hnan a, an hmuh phak tawk – RV, Phunchawng, etc… Zu chhepui pui, man to tak2 a an lei chu an tlak ve ang pop2 a. Kum 1 pawh an in hmain pumpui pân, thin rô, etc…an vei nghal a, zopa – zu ngawlvei pawh kan neih theih tak loh hi. Rapthlak tak a ni!!
Hmanlai chuan a kuma kum an in fe hnuah a ngawl an vei a; ngawl an vei hnuah pawh kum 20 dawn te an lam dam thei a ni ngai a. Tunah erawh a ngawl pawh an vei hman ta lo! An ti dawn èk2 a, thlarau chhandamna leh tisa lama insiamthatna hun pawh nei hman lovin, kum naupang tein kan invui liam ta zut2 mai. Tu mawh nge? Harh a hun… Ngaihtuah a ngai e. (B) (D)
August 1st, 2011 at 7:45 pm
Mr. he he he,
Tripura, Meghalaya te khu, tunhma atang khan zu lakah hian fimkhurna chang lo hre ve deuh se chu chimral an ni bik dawn a mawn le.
Keini zawng Pathian zarah fimkhurna chang kan lo hre hlauh a, chimral lova kanla awm thei hi kan vannei takzet a ni. Thang hnìh/ thum liam dawn, Aizawl khawpuia lo cheng tawh hei hi ka In tih tur pawh la neilo tam tak khu chu, pa ber ruih thlek mai mai vang a ni duh khawp. Tunah thil tih a harsa tawh si.
August 1st, 2011 at 7:45 pm
Zu an khap loh ten a zuartute kan hlawk thei nang….. Hengte hi kan tan chance a ni ve a. An tih zalen vaih chuan kan eizawnna a chhe vek a ni mai.. 😀
August 1st, 2011 at 7:46 pm
Ka chhiar hmain thuhma ka hmuh avang khian ka comment lek leka; mahse, ka chhiarchhuak leh ta phawt zawk.
‘Mi’n an hlawhchham pui chu engvanginnge tih ve kher i tum? I thei chuang lovang,’ i tihna tlukah ka ngai.
Mizoramah hian zu khap hi a tha a ni satliah lo. A tul a ni.
August 1st, 2011 at 7:46 pm
Kei ve tleirawl tet lai atang a zu in ve thin pawl li ka zir lai in kawtlaiah kan rui tawh.
Zu tam em em na ramah ka awm ka inbul dawrah an zuar helamah chuan dawr tin hian zu an zuar tel vek.Mizoram a dawr tinin kuhva leh zial an zuar ang hian.
Ka kawl reng thin bawk mahseng Mizoram a zu ka duh ang leh in thin ang khan ka in ngai ta lo.Hah chang leh thian leng neih chang te party eng i lo chang chuan ka in ve ka intam duh tawh tlat lo. A tam vang anih ka ring.
Mizoramah sap zu um khat Rs 300 ten ka lei ngam chutih lai chuan nikhatah Rs 200 hlawh loh chang ka ngah .
Helamah chuan helam sumin 200 bawr nitin ka hlawh a zu um khat 30 man hi ka lei ve zeuh zeuh thin chu poh kar 3 te ka daih eng nge a chhan a tam in fo ka chak lo niin ka hria.Mizoramah chuan a van vangin in ka chakna kha a na zawk niin ka hria.
Khap zel ulang inkhap riltam mai rawhun.
Kohran a puipa sorkhar zemzen eiru thei hovin ei ruk mipuiin an huat an hlauna divert nan zu khap burna dan hi nawr chhuak an ni tih hi sawi fo chi pawh a ni lo ve a.
August 1st, 2011 at 7:51 pm
MLTP act hi chu Mizoram chhung chauh a huam alom, Zoram pelh san chiah hian a tulna teh chiam kan hre thin lo anih ber hi.
August 1st, 2011 at 7:58 pm
sawi peih lo.. Hlip se a ni mai..!!
August 1st, 2011 at 8:19 pm
@Hmingtea, sawi sawi suh, an awi duh chuang lovang. He ramah hian thutak aiin a langa mawi hi a lal zawk. Kohhran upa leh Pastor tam tak, thenkhat phei chu hun rei tak zu an in hnua piangthar tate hian an fate hi MLTP Act tel lo chuan an pianthartir theih an inring tlat lova, mahse chu chuan mi tam tak nunna a pawt tawi mek tih hi an hre lo der tlat bawk.
August 1st, 2011 at 8:33 pm
Kan inkhap tuihal a ni ber mai hi maw, a hlu em a in loh phal chi a ni lo. (B)
August 1st, 2011 at 8:35 pm
nuam leh dawn mang e!! ngawi rengin lo en leh ang! :-[ :-[
August 1st, 2011 at 8:43 pm
America in khap a tum hunlai chu a va rei tawh em, hlawhchham awm pawh an ni e. Zir chiangtuten an chhut danin khawvel pumah zu vangin kumtin Mizoram mihring 10,91,014(2011) let hnih aia tam an thi thin. Zu in mi ho hi an inang lo khawp mai, thenkhat in thunun thei tak an nih laiin thenkhat inthunun zo miah lo an awm bawk. Kan thawhpui pakhat zu in ngai tawhlo chu a in thar leh a, a hlawh chu an kham loh phah mai mai, khawngaihthlak tak a ni. Tunhma mi intodelh tak ni thin kha tunah chuan pawisa puk tur zawng reng tawh mai.
August 1st, 2011 at 8:44 pm
An hlip hnai in ka ring. Chivas Regal hi ka in ve tawh ah chuan tui ka la ti ber mai. (:chil put:) 😛
August 1st, 2011 at 8:59 pm
NO COMMENT kan ti dawn tep a, mahse./.. Mawia Pachuau America lama a hlawhchham chhan kha a rei tawh vang ani hauhlo ania aw. Duh tu an awmna hmunah khap tumna hi a hlawhtlin ngailoh vang zawk ani e. Ka lawm e
August 1st, 2011 at 9:17 pm
Zu khapna dan hlih duh ho hi Bar awm laia in ve hman an ni tlangpui. Bar awm laia an zu in dan an duh loh em avangin an paten khap an duh a. Tuna khapna dan hlih duhtute hian an fate zu in rual an neih hun leh zu khapna dan hlih hun innang tawk chiah se, khap an duh leh chung mai lo’ng maw?
August 1st, 2011 at 9:22 pm
Duhtu an awmna hmunah engmah a khap theih loh. Chuvangin khuahkhirh taka zawrh a, a intu te lamah dan khauh tak kenkawh lam hi a finthlak zawk.
Tun angah chuan sawrkarah revenue awm silo, zuar reng tho si, thih pui leh rui chhia awm reng bawk. Zalen sela, a intu te lam khuahkhirh thung se, sawrkar ah revenue a lut tam anga, kawnglai zurui pawh an vang sawt ang.
August 1st, 2011 at 9:31 pm
Zu hi ti fo suh u, a khak khak nen.
August 1st, 2011 at 9:34 pm
muante, ka fate puitlin hma ngei hian khapna hi hlip se ka ti… tak tak!!! zu in mi-ah chhuak se ka ti hauh lo; mahse, zu khapna ramah an sei lian ang tih ka hlau ngawih2. hmmm… a bak zawng sawi lo mai teh ang!
August 1st, 2011 at 9:44 pm
Zu laka fimkhur taka, kan ram ala kal thei hi kan vanneihna a ni. Pathian in a hunah atìh ah chuan ala hlip mai ang,
Khap ning ho khan tawngtaina nen in Pathian khi inrawn ve ngai em.? Khap duh ho chuan Pathian an rawn a sin.
August 1st, 2011 at 9:47 pm
Kawlhawk, kei ve chu maw ka fate hi an tunhnu hun tur chu sawi lawk thei lo mahila, zu khapna rama an seilen ngei hi tha ka ti, zu hi thil tha a ni lo tih automatically in an hriat phah ka beisei.
August 1st, 2011 at 9:51 pm
Mizote India ram hmun hrang hrang ah leh Khawvel hmun hrang hrang zu khap veloh na hmun ah a sing tel an awm mek e, zu vangin an rallo chiang kuang, Mizoram ah MLTP hi hlih ni ta se kan hnam hian kan chhiatpui ang maw, engvangin? Hei tluk a zeldin thu phawvuak hi sawi tur ka hre lo.
August 1st, 2011 at 9:51 pm
Zanin atan chuan katduh tawk e. Mr. Minhnial duhlo e mai. Nuam pawh ka ti lo.
August 1st, 2011 at 10:00 pm
@PC – kan decision siam ngei ngei tur a Pathian rawn sek hi naupangchhe zia, zawmthaw zia, thatchhe zia, mawl zia, nalh taka RINNA ang thei tur a cheibawl chawp mai mai a ni e, ‘Ke hniak’ a ka comment a ka sawi ang sawn.
Zu khap bur hi a kawnghmang loh zia kan chhia leh tha hriatna thiang tak, Bible leh Thlarau Thianghlim tanpuina nen a kan neih a ni e, chumi hnu a “Lalpa, hei a tha kan ti hauhlo mai a,I mite lak ah pawh khan i khap ngailo chu a ni a, Lal Isuan ngei pawh khan a khap lo chu a ni a, Bible ah pawh khap bur hi chu a awmlo ngei mai a, khap hi a tha viau lo maw?” han tih kual vel chu a ngailo e. Kan portfolio a ni e…
August 1st, 2011 at 10:06 pm
kan la mawl em mai a, khap sak kan la ngai a lawm. Ka khawhawi zau loh vang nge aww, ka hmuhphak ve chinah zu khap avanga zu in ta vak aiin zu khap avang a zu in tlem ta zawk hi an tam zawk in ka hre ve tlat. Zu khap lai pawh a inteuh thei chuan khap loh hnuah a in tlem sawt hi ka ring vak tlat lo.
August 1st, 2011 at 10:09 pm
zu tha leh mantlawm khap a, zu chhe lutuk leh man to (sorkar a chhiah chawi miah lo lehnghal) tam em em na ram hi ka fate seilen nan chuan ka duh hauh lo, pu muante.
August 1st, 2011 at 10:13 pm
Rv ho pawn asenchi an zuar tel ve tan ta,ava tihchi em,
August 1st, 2011 at 10:15 pm
Khap khap a ngai lo, MLTP act hi hlip vat rawh se! Mirethei leh hausa inkar ti zau tu mai mai. Zu chhia a tam phah. 😀
Khap lo ta se, zu tha lei tur hmu zo lo, RV a zu chhe deuh deuh in thin ho tan chuan nuam singkhaw ni ringawt mai. Inthlahrun tur awm dawn hek lo, bike nen leu puat puat ni mai. College zirlai nula/tlangval te tan engemaw tih khawm ni ah han lam mai tur awm tuarh tawh anga, a sen chi ngat kha an in tawh dawn ni.. kan va changkang tawh dawn em 😀 Khawlai a zu rui thin hrem tu tur pulit te pawh an rui ve tho emaw ania nga. 😀
August 1st, 2011 at 10:21 pm
29 # Ngawi hmak rih………. 😛
August 1st, 2011 at 10:25 pm
#19: zu in khap avanga zu chhia leh man to in lovin zu tha leh man tlawm in se pawisa puk tur a zawn ka ring lo.
August 1st, 2011 at 10:31 pm
Zu chhia leh á¹ha hi engtin chiah nge kan teh ber aw!! 😛 🙂 (D)
August 1st, 2011 at 10:31 pm
‘chu hnam chu zu in a eichhe zo takngial dawn a, an khap ta bur mai a, tun ah chuan an hnam chu khitah an awm tawh’
emaw
‘chu ram ah chuan zu khap burna dan an hmang a, an hlawhtling ngei mai’ tih hnam leh ram 3 tal han sawi ula,
‘e…. a lo ni thei dawn a nih hi’ kan lo ti ang e. Sawi tur in hriat loh chuan THU VU VUK, atso na thil,hnam hmuhsitna thil, vervekna thil,pharisai na thil, lemchanna thil, hlauhna thlarau atanga lo chhuak a ni tih hi pawm ve thung bawk ula.
August 1st, 2011 at 10:39 pm
sex (thianghlimlo) hman loh a tha ber, i hmang tho2 dawn a nih chuan condom hman a tha ber, natna lakah a him. Zu in loh a tha ber… Khap bur chung pawn zu chhe em em leh to uchuak kan in nasa tho in, kan in lo thei si lova. Enge a solution ni ta ang le.. Zu tha deuh leh tlawm deuh a ni mai lo maw…
August 1st, 2011 at 10:40 pm
#23 khi a ni mai (Y) (Y) (Y) (Y) (Y) (Y) (Y) (Y) (Y) (Y) (B) (B)
August 1st, 2011 at 10:54 pm
OT loks: @hairehai, sangtea music play TV-ah ka en mek, a lo ti ve thin tih ka lo hre miah lo. pui khup mai..
August 1st, 2011 at 11:02 pm
@saint sammoo, zu inloh a thaber lo, in zeuh zeuh a tha ber,medical science pawn a finfiah tawh alawm le. 😀 Isua indan kha a tawk khawp in ka hria, amah ngei in Last Supper ah khan “Pathian ram lo thlen hmaloh chu ka in leh tawh dawn hrihlo” a ti a, a hovin Vanram ah kan thli sen ziai ziai ang chu mawle, shekar ngei 😛
August 1st, 2011 at 11:07 pm
Ha …le..lui…ah/… AMEN, kawldaifawn….. Thli sen zuai zuai ila, Pumpui sa thla rum rum khawpin dawt meng leh kuk kuk mai teh ang … lolz 😀 😀 😛
August 1st, 2011 at 11:10 pm
In comment na te ka hmu a, ka lawm khawp mai,.. kei aia ngaihdan tha leh thiam zawk vek in nih avangin a mal te te a, han tuihnih vak ngaihna ka hre lo, min lo hrethiam mai rawh u 😀
Zu hi chu inbual nan a tha lo, lu suk nan leh hmaiphih nan pawh a tlak lo, in atan chiah a tlak, chu vangin have a (B) 😛
August 1st, 2011 at 11:18 pm
@zoho: fone ka hmang a, ka type tam peih lo a nih kha.. RV zu trawp lutuk leh damdawi tha lo pawlh chu in loh a tha ber. HN(hnial hrat)
August 1st, 2011 at 11:19 pm
@37 Saitawk, zu tha leh tha lo ka teh dan mai mai ah chuan, zu tha lo chu, mizoram pawnah chuan a man pawh a tlawm nge nge a, mizoram ah erawh a to thung, ka thi phawk phawk alawm, ar pul hri ang maiin, lol
@38 Zoho, (Y) (Y) Ram dangah, ZU KHAPNA DAN A TAKA HLAWHTLINPUI sawi theih kan nei em le aw?
@39 (Y)
@40 (Y)
August 1st, 2011 at 11:22 pm
@hmelthatea, a á¹hen phei chu meichhem nan pawh a tlak a sin!! 🙂
August 1st, 2011 at 11:27 pm
@hmel: #44. comment’ tih mai tur ‘na’ khi a tangkai lo, i belh hram duh a nih paw’n ‘te’ nen zawm tur..haha.IHC (inhnial chak)
August 1st, 2011 at 11:29 pm
A fiah kek kawk khawp mai he post hi!
Hetiang hian aw- Zu hi Rev ZT Sangkhuma ziak dan chuan kan Zosapte khan zu kha an khap lova, kum 1910, April thlaa Presbyterian inkhawmpui khan a khap niin a tarlang. Kohhran pahnihin khap turin an nawr ve ve a. An nawrlaia Excise minister(hming ka thup)khan zu in kan thiam chhoh zel dan leh kan khap mai chuan kan buai theih thu kohhran hruaitute a hrilh a. Mahse SEC chuan a nawrlui ta niin a ziak.
Rev HS Luaia erawh chuan Zosapte hnenah Rev Zathanga’n ‘Mizote chu rui lo hai lo chuan kan intibuai ngai lo, kan ruih hian buaina kan siam thin’ a tih avangin Missionary te’n an khap niin a sawi thung.
Kan mi hmasate pahnih thuchhuak hi lo hre ve ve ta ila….
Kohhranin Sorkar chakna hmanga sual do hi a mak ka la ti reng e. Thinlung lama raldo hi Isua policy a niin ka hria. Chuti ni lo se keini mi tlawmte hi min thlang lovang. Tuna kan kalpui dan hi chuan Babulon thlangin Israel kha a hnawl daih ang mawle… Juadai ram khaw chengkawr tak ai khan Rom lal chak tak kha a thlan a rinawm bawk!
PC i comment tha lutuk…. 😀 😀
August 1st, 2011 at 11:35 pm
Phek hma chu a awh zo leh ta nge nge e. (D)
August 1st, 2011 at 11:42 pm
Ram dang pawhin an khap hlawhtling thei lo ania, MIZO te hian ka control theih loh na bik tur awmin ka hre lo, kan Zoram chhungah hian. Zu khap lohna ram ah, mizo te hi a sing chuang kan awm ngei ang, ngawl vei avanga thi ta leh Zu avanga buaina siam mualpho em em kan awm ka hre lo (ka hriattlem vang nge; thil dangah kan hmeichhe thenkhat hminghliau chu lo awm ve mahse- zu vang nilo), Zu in leh ruih vanga mualpho ta em em leh tlachhe rawk khawp Prohibition awmlohna ah kan awm ka hre lo, Mizoram chhungah pawh khap ta lo se, tha takin a chintawk siam se, Rui bung bung leh tlachhe rawk khawp a, in duh kan tam lo khawp ang le,..
August 1st, 2011 at 11:44 pm
“Zu in thiam lo” hi kan inti teh fo va, zuhi han in ve mai chu a harsa lem lo, hmuama lem mai kha a ni deuh mai a. Ruih lah a harsa nahek lo, ruih thiam erawh a harsa viau ni ngei tur a ni.
Ziaktupa hian a chhui ril bawk a, post tha tak a ni e. ngaihdan thui tak min neih tir.
August 2nd, 2011 at 12:07 am
Ziaktupa hian min lo hrethiam hram se. Khawpuia cheng te, milehkhathiam leh vengva chin, Zoram pawn thleng thlenga lehkha zira chhuak pha chin erawh hi chua tumah zu in a tihbuai ka ring lem lo. Thingtlang atanga rawn chawr chhuak ka nia, thingtlang lamah chuan buaina kan neih tam ber (insual buai, intual vuak, tualthah, nupa inhauh buai, nupa tang then) thlentu tam ber hi Zu vang a ni tlat mai.
August 2nd, 2011 at 12:14 am
Zu bawk ….ad nauseam
August 2nd, 2011 at 12:35 am
Kan Mizopui Phaia awm te hi han en ila, Zu khap lohna ram a an rawn luh tirh chuan an in nasa thei khawp, an awm rei tual tual a, sum hlut zia an hria a, an in tlem tual tual– An za vai chuan ka ti lem lo mahse atam zawk!
Law of Diminishing Marginal Utility an ti ami kha ?? ka chiang chiah lo– hhaa
August 2nd, 2011 at 12:41 am
Zu te chu han kha fuk mai se, ruih lai lai hian lu hi na ngut ngut mai se la, zu tha tih na a ni mai lawm mi, tunlai a tan chuan?
August 2nd, 2011 at 12:45 am
comment ve lok…a sen chi ani emaw ani lo emaw.Hmanlaia kan traditional zu ho kher hi chu khap lo se aw.He laia kan vai thianten in teaditional zu ron keng rawh an tih in LOCAL bawk ken sak hi an ngai thin a.Zahthlak thei khop mai.Hei tak hi chu i hlip teh ang u,hmanlai kan mizo zu kher kher hi chu ka chhuang ve teh mai ania.
August 2nd, 2011 at 12:47 am
Misual-a zu khap support rum ruttute hi a tam zawk chu an chhungte zuin thin, buaina thlentua an ngaih, hnawk an tih em em vang tea ZU KHAP duh em em an ang ka ti. Mahse, zu-in thin an mahni Pathianin a hmangaih ang bawka a hmangaihte hmangaih thei hauh lote an nih ka va ring em!
August 2nd, 2011 at 12:52 am
An khap peih chen chen khap rawh se ( Kristian Lemchang) , anla khap seng dawn chuang lo.. Nakin ah chuan kan van lo hlip har em em an la ti ang..
August 2nd, 2011 at 1:04 am
Spain U19, U21 and senior champions. tunah khan U19 ah czech republic an hneh, football ah.
August 2nd, 2011 at 1:11 am
girls U17 Champion pawh an ni
August 2nd, 2011 at 1:13 am
August 2nd, 2011 at 1:17 am
Rambuai lai a MNF in firing order nen a an khap lai khan, khap rem theih chu nise a rem daih tawh ang. Khap chi a nilo a duh tan chuan in mai chi a ni zawk. Khap a nih chhung chuan zu avanga buaina hi kan ngah ting a ni mai.
August 2nd, 2011 at 1:18 am
@Zephyruss, a dikna chen chu a awm mai thei, mahse phai-a thleng thla tir hi ka hre ve nual a, an in nasa em em kher chuang lo, kawng pakhat ah chuan, Mizo te hian thil ‘thar’ hi kan lawm hma riau a, ‘khap’ hi bawhchhiat kan chak tlat a, ti suh tih hi kan tihchak ber ani pakhat bawk a; (mihring mizia a ni ve tlat)
Tam rei rui, duh tawka a awm hi chuan kan chak vak lo pawh ti ila, a dikna chen chu a awm mai thei 
@Caribou, a dik khawp mai, hmanlai (han ti mai ang) Pi leh pu te khan an lo control tha thei khawp mai. Khawlai ah zu rui hmuh tur leh buaina siam an awm ngai lo, In tin-in zu bel an nei a, Lal leh khawnbawl upa te khan an in nasa khawp mai, awmni-kham meuh in. Mahse Lal ban a han nia, hma kan sawn ve zela, kan danglam ve zel a, zu hian min chiah hneh ta em em a, a bikin thingtlang lamah zu rui, buaina siam leh ngawlvei kan tam,a dik; mahse tunlai kan en ila, kan changkan tawh zia hi, kum 5 hnuah ringawt pawh hian engtiang takin changkang ang imaw? Kan culture leh tradition te pawh kan her danglam zela, hmasawnna rahbi thar ah kan chuankai tawh hi, zu in hi kan thiam em em ang ka ring, han Hlip phawt mai sela,.
August 2nd, 2011 at 2:35 am
Zu hi chu sawisel leh fak vak pawh a ngai lemlo, a duh chuan in mai tur a niin ka hria . Khawvel hun reilote ah hian mahni taksa duat thiam a piang kha an damrei ang a, an nun a hlim zawk ngei bawk ang .
A landanin Total Prohibition hlih/hlihloh ah chuan a hlip duh pawlte hian a duh vaklo te aiin an chhui peihin an chik peih zawk viau a, an fakawm zawk mah a ni. He’ng, thil chik peihna/zirchian peihna an neihte hi ‘zu’ ah hian thamral tir mai lose la, nakin lehzela mizo thalaite tana tha leh tangkai turte pawh anla chhui chho/zirchiang leh turah ngai ila, tichuan, hma kan sawn duai duai tawh mai dawn a ni. Amaherawhchu, thildang dik leh tha ngaituah/chik duh miah silo a, ‘zu’ chungchang chauh chik/zirchiang peih mite nih erawh a ropui lemlo viau dawn a, midang zawng zawng aiin kan rilru a hniam hle tih kan tarlang ang a, a zahthlak hle bakah thenrual zingah harhchian deuh kan la ngai hle a ni, tih a langchiang tulh tulh tawh mai dawn a ni……
(noi)
August 2nd, 2011 at 6:39 am
Kan sorkar a ni emo, YMA a ni emo zu leh ruihtheih thil an khap a, chu ti ang ti mi an han vo hlum leh ta lehnghal, eng vang a zu te, ruihtheih thil dang lo zuar ta mai nge an nih chu chiang tak in an hre hle si a. Hleprukna (corruption) poh do ngam lo ho hi…..
Naupang sual in a ngam zawng a ti rethei vak a, a rualpui, a ngamtho, a hneh theih eng tin mah a ti ngam lo ang vel a ni. Hleprukna(corruption) avang a nun chan ta te leh rethei mangang a rum mek te Pathian engkim ti thei an awmpui sela HLEPRUTUTE chu Pathian engkim tithei an ROREL sak rohse. Kan sakhaw hotute poh hian an vei teh chiam lo emo ni ooo… kan KTP/TKP/Tralai hruaitu fel tak tak te, kan UPA fing tak tak te hian an ngaihsak vak lo nge ni ooooooo… LALPA Zoram hi zilh la hrem vak ang che lir nghing tir vak la hleprukna a insak zawng zawng ti chhe vek ang che an in hmuh chhuah na tur a nih phawt chuan.
August 2nd, 2011 at 6:49 am
Mi thil tithei leh a neinung zawk ten an duh zat zat a sen chi an tawlh luh theih lai hia RAKZU nana na hi chu nghei bik kava tum lo e aw…….
August 2nd, 2011 at 7:06 am
@66 sparta, i ti dik ngawt mai, mahni ngam zawng chauh-mahse i thahnem ngaih lutuk avang hian kan khawpui ber hi a chim chhe tam ngawt lovang maw?
August 2nd, 2011 at 7:25 am
E, Lungai ma ta che u, kan hotu ten a ngaihna an hai loh hi. An sah zau tawh viau a nia. Nakin lawkah chuan, Zu brand tin reng in duh duh zalen takin in la lei thei ang. A in chi leh a in lo chi te in ngaih tuah tawn a tha e. Tin, hetia a free vek rih loh hian, misual ah post leh comments a tam ve phah a lawm maw le. (a tangkaina lam inti thlir)
August 2nd, 2011 at 12:42 pm
Tlai tina zu dawr 2/3 tal han kel pelh hi a nuam ve riau
Vai chhia kan tih fo hi, Zu dawr ka hmuh ve thin ah hian an bengchheng le lu ngai miah lo nia!!! (ka hmu tlem pawh a ni mahna)
Zu ka in lo (ti ila.., thla hmasa khan Delhi ah Bacardi(?) far 5 leh Slice pawlh ka in ve ngei
) mahse, Zu khap bur hming pu, khap bur silo; an ngam zawng leh chanchhia chauh vai vai tu sawkar leh a buaipuitu department hi ka hua…
August 2nd, 2011 at 1:14 pm
Thil khap hi a tam leh lutuk a, zu khapna dan pawh hi an la khap ang ti nia!
August 2nd, 2011 at 1:36 pm
Zu zawrh khapna ramah hian zu an zuar khap hlawm tho chu a nih si hi..eg. RV, Phunchawng..
Kan pipute mahin a in dan an thiam chuan thangthar lung fing chinte hian an thiam loh bikna chhan tur ka hre eih lo! Zu tamna hmuna ka awmin in ka tum lova, a khapna hmuna ka awm pawn in ka tum chuang lo; mahse zu khap hi ka thlawp lo chiangkuang..
August 2nd, 2011 at 5:37 pm
sawi sawi mah sela ka nghei dawn chuang lo…..
August 2nd, 2011 at 8:33 pm
zu tha si tlawm si ka la hre ve hauh lo mai. Khuahkhirhna dan a awm a, zawm mai hi khua leh tui tha tih tur a ni. Dan zawm thei lo tu chu mizual a ni. Khuahkhirhna hnuaia tih zalen hun a awm a nih pawh in chu dan chu zawm leh mai tur.
August 2nd, 2011 at 8:36 pm
Hlip se ka va’n ti tak em
August 4th, 2011 at 9:46 am
@mawia pachuau.. ” dan zawm thei lo tu chu misual a ni” th tak hi a tha ka va han ti em. Ka In ngai lo a chu Zu khapna hi cu hlip se that zawk k ring. Sawrkarin zu zuar hnenah Tax han la mai se aw. road tax,eng tax pawh ni se, tax dang zawng2 belhkhwm ai pwn an hlwk mah zawk lawng mw le o.