Tun tum chu kan sermon vak mai teh ang. A duh lo tan chhiar a loh theih tho a, ka inthlahrung lo mai teh ang. Kan tunlai khawvel kan thlir chuan mitin maite hi kan buai em em hlawm vek mai a, hna tul kan ngah, tih tur kan ngah, hun min petu kan Pathian tan hun kan nei thei lo va, a tan thil tha kan ti hman lo ni berin a lang.
Kan nitin mamawhte hi sual a ni ta em ni? Ni lo ve, Amah Lal Isua aia kan buaipui apiang maite hi kan tan sual a lo zawk a ni. Kan Pathian thu chuan A ram leh a felna zawng hmasa turin min duh a, thil dang kan mamawh ei leh in tur te, silh leh fen turte pek belh chhah min tiam zawk lai hian a hmasa lo tur kan hmasak tir thin a vang hian kan chauvin kan ro zo thin a ni.
Kan Pathian hian mihringte hi mahni duh dan ang anga nung tur leh nuam kan tih ang anga awm mai tur hian min lo siam hauh lo mai. Thil tha tia a rawngbawl tur hian min lo buatsaih lawk zawk a ni tih hi i hre thar leh ang u. Kan tihtheih tawk erawh a inchen lo hle ang. Mahse, kan tihtheih tawk bak ti tur hian kan Pathian hian min beisei lo tih hriain kan theih tawka thil tha ti tura kan inbuatsaih a tul tak zet zet a ni.
Tin, thil tha tih tur hre si a, kan thatchhiat vang emaw, kan inthlahdah vang emaw, engvang pawha kan tih si loh chuan kan tan sual a ni ti pawh i hre thar leh ang u. Thil tha tam takte hi mite tih tura dah mai thin kan tam hle in a lang. Ringtu inti ve si thil tha tih tur hre miah lo kan awm a nih chuan kan in enlet a tul hle bawk ang.
Engatinge kan ram kan Kohhran rinna kawnga kan chak loh viau a, kan chauh em em thin? Thil tha ti tura siam ni si, min siam chhan ang ni lova kan nun thin vang a ni thei mai lo maw? Kan Pathian hian thil ropui tak ti turin min beisei kher lo va, amaherawhchu, a tana thil tha ti ve tur erawh chuan min beisei a, chu chu kan bat a ni.
Kohhran/ringtu chak nih kan duh a, Pathian hnenah pawh kan dil chamchi thin. A tha e, i dil zel ang u, nimahsela, Lalpa’n kan tih tura a buatsaih kan tih si loh va, kan hlamchhiah si chuan engtinnge kan chak ang a, kan nun theih teh lul ang le!
Pathian Thlarau thianghlim pawlna changa hlim tak leh chak taka awm kan duh theuhin a rinawm. Mahse, kan beisei leh duh angin a thleng mai thin si lo, kan beidawng fo thin em?
Pathian Thlarau Thianghlim pawl tharna hi a awm lo kan ti hauh lo va, a thleng fo tawh a, a thleng zel bawk ang, amaherawhchu, chu harh tharna leh pawl tharna beiseia i lo awm mai mai chuan i beisei anga a lo thlen loh chuan i buai ngei ang. Thlaraua khah kan duh a, kan khat thei mai si lo. Dawn thar kan tum a, kan tum angin a thleng mai bawk si lo. Ringtu tha tak takte pawh kan buai leh fo thin.
Chutianga i lo buai fo thin a nih chuan i nuna Lalpa thu lo thleng thinte kha chhut let la. A thu zawm turin inbuatsaih la, ‘Lalpa i thu ang zelin ka chungah thleng rawh se, Amen’ tiin, Lalpa’n ti tura min duh ang apiang tizel mai rawh, te lua a awm lo. lian lua a awm lo. Tah chuan Thlarau lam malsawmna i dawng ngei ang.
Kan nunah hian Pathian hian thu a sawi ring lem lo va, a hranpain thu a sawi fo lem lo. Keimahni theuhah erawh thu a sawi thin. Chu chu Amen lo ti theitute nunah Lalpa’n ropuina a chang thin. Tah chuan dawn belh tur tam tak i hmu ang a, tih zel tur tam tak i hmu ang. Tin, paih thlak tur tam tak pawh i hmu ngei ang.
A hranpaa lo thleng tur nghak mai lovin keimahnia Pathian thu lo thleng apiang mahni indah bo va. A thu anga kan tih zel a pawimawh takzet a ni. Amen i thu ang zel ni rawh se ti thintute hi a ni nunga rawngbawl thin chu! Thil tha tih hrim hrim vang lam ni lovin, Ama thu ang zawka thil tha ti thintute nunah kan Pathian hi a inpuangin thil ropui tak a ti thin a ni tih hi hre fiah tura kan inbuatsaih a tul takzet a ni.
August 4th, 2011 at 8:30 am
Report this comment
August 4th, 2011 at 8:31 am
Thil tha tih tur hria a, ti si lo chu a tan sual a ni…. tih Bible-ah a awm maw kha..!?
Report this comment
August 4th, 2011 at 8:31 am
chhiar ang lem
Report this comment
August 4th, 2011 at 8:37 am
Chhiar hmain. “Thil tha tih i ning suh ang u” tih ziak a ni. Thil tha tih hi sawi Farisai chi ani lo. Thil tha ti tur a in fuìh sauh sauh chi zawk a ni”. Chhiar tan ang…
Report this comment
August 4th, 2011 at 8:44 am
God doesn’t have a Blackberry or an iPhone, but He is my favorite contact. He doesn’t have Facebook, but He is my best friend. He doesn’t have Twitter, but I follow Him, and He doesn’t have internet, but I am connected to Him. And even if He has a great communication service, his customer service never puts me on hold. God is GREAT!!!
Report this comment
August 4th, 2011 at 9:17 am
Ka pawm zawng tak ani e. Vakul leh Asteric te paw’n tha an ti ve ngei ang, ka ring. “Thil tha ti atan a siama awmin, ama kutchhuak kan ni si a. Chu thil tha tih chu, kan awmna tura a buatsaih lawk a ni”
Report this comment
August 4th, 2011 at 9:20 am
Ring tu chu a intodelh tur a ni.
Report this comment
August 4th, 2011 at 10:06 am
Post tha khawp mai.
Report this comment
August 4th, 2011 at 10:18 am
Report this comment
August 4th, 2011 at 11:40 am
Tra hle mai..
Report this comment
August 4th, 2011 at 12:18 pm
Tha lutuk!
Hetiang zawng hian sawi tam a ngai. Thil tha tih avanga chhandam nih loh hi la vung kan TAM mah mah! Kristianna a awmzia thei lo….
Report this comment
August 4th, 2011 at 12:29 pm
@Ignatia : Ni khawp mai, a hming ka hre ta mai lova, ti hian a sawi. “Ka pianthar hma chuan chhaandam ni turin rawng ka bawl a, ka pianthar hnu chuan chhandam ka nih avangin rawng ka bawl,” tiin. He thu hi a thukin a inhahdam hleih hlein ka hria.
Report this comment
August 4th, 2011 at 1:04 pm
ephesi 2:10
Report this comment
August 4th, 2011 at 1:28 pm
Thil ṭha tih avangin tumah thiamchangin an awm dawn lo, hei hi Bible min zirtir dan a ni. Amaherawh chu thil ṭha ti lovin tumah Pathian mi a nih theihloh, hei pawh hi Bible min zirtir dan bawk a ni.
“Thil ṭha ti atana siam kan ni” mahse kan Pathian chu thil ṭha kan tih avangin a rilru kan hmin thei tihna a ni lo. Kan thil ṭha tih lam a en lova thil ṭha kan tihna chhan/kan rinchhan Pathian a zawk kha a en zawk ṭhin. Kan ṭhatna lai ber pawh pawnchhe hnangkhai tluk lekin Pathian mithmuh ah chuan a tenawm, (thil ṭha tihin a tih lawm zawh loh dan tur zia a sawina nih chu) “Mihring thinlung hi bum hmang chhe lailet der a ni, tu in nge hrethiam thei ang” a ti. Mihring hi bawlhlawh Panhnai bawmkhah luk angte in min tehkhin, thil ṭha kan tih ve pawhin misual thil ṭha ti kan ni ve ringawt, panhnai ang kan ni min tihna a reh phah eih lo. Farisai ten an thil ṭha tih an chhuan ṭhin avangin farisai te rinna khum turin min ti(an thil ṭha tih khum tur nilo in).
Thil ṭha ka tih pawhin “Bawih rinawm loh ka ni, ka tih tur reng a ni ka tih ni” tiin Bible ah inziak kan hmu. Thil ṭha kan tih in “Tu avangin nge ka tih” tih lai hi a pawimawh lai ber zawk chu a ni, Isua avang lo pawhin thil ṭha min a ti ṭeuh thei, Isua avang lo pawhin mite a khawngaih in a ṭanpui ṭeuh theih. Isua avang lo pawhin hlimna leh lungaihna hi mihringin a tawng ve hrim hrim thei bawk. A chhan leh avang “Kan rinchhan bera kha Pathian chuan a en zawk chu a ni.”
Bible chhiara ṭawngṭai ngailo pawhin thil ṭha a tih ṭeuh theih, mahse Bible chhiar ngailo in ringtu/Pathian lawmzawng mi a nih theihloh.
Report this comment
August 4th, 2011 at 1:42 pm
Lehkha chhiar thiam lo, Pathian ring tlattu leh a Fapa min tlanna ring nghettu hi an awm ve thei tho asin maw le!
Report this comment
August 4th, 2011 at 1:43 pm
Bible hi thil ṭha tih kawnga mihring ngaihdan turah chuan a fimkhur em em, thil ṭha kan tih hmaa kan ngaihtuahnaa awm hmasa tur a rawn sawi phawta, chumi hnu ah thil ṭha kan tihna tur thu chu a sawi chauh
“Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e.
Thil ṭha ti atan Krista Isuaah chuan siama awmin ama kut chhuak kan ni si a; chu thil ṭha tih chu kan awmna turin Pathianin a buatsaih lawk a ni.” (Ephesi 2:8-10)
#15 chawnghilh- lehkha chhiar thiam lo pawhin indirect a Bible chhiar leh zirtirna a dawn ngai loh chuan ringtu ṭha a nih theih chuang loh. Ringtu ṭha anih chuan aman chhiar lo mahse a ngaihthlak ṭhina khan a chhiar tho tihna ni mai lawm, a bul chu Bible chhiar tho2 alawm.
Report this comment
August 4th, 2011 at 1:45 pm
Ringtu/Kristianten thil tha kan tih hi a danglamna chu Isua vangin a ni a a dang nen a inang thei lo. Kan awmna tura buatsaih a ni.
Thil tha tih hi ‘Taksa chetna ropui ber’ a ni.
Nun bi chhiar nana tehfung tha tak chu WWJD(what would Jesus do-Isua ni se engtin nge a tih ang?) formula hi a ni.
Post tha leh hlu tak a ni e.
Report this comment
August 4th, 2011 at 2:37 pm
vakul : Ekhai thu ropui deuh min hrilh a lawm le. “Taksa chetna ropui ber” a dik khawp mai.
Report this comment