mi(sual).com

Vanlalsailova hi  a hming hi hre lar em em mah ila  a hmunah mahni ramah te kan awm loh avangin  hmuh na remchang te kan nei ve vak  lova, mahse hei Pathian remtuat na ropui tak avangin  helai ah Maryland ah  thlarau lama thahnem ngai ten an sawmna ti thlawhling in alo kal hlauh mai a, a tak ngei in  kan lo hmu ve a, a lawmawm in a van neih thlak khawp mai.

 Methodist church ah Crusade a neih hmasak zawk atangin kan hman rem chan apiang in kan in khawm ve a, Lalpa hnen a tanga thlarau thianhlim pawlna  thilpek ropui tak takleh amah ngeiin a tak taka Pathian nen an in pawlna leh a tak tak a Setana nen an inbeihna te Testimony ropui tak tak mai kan han ngaithla chu a hlawkawm tak zet zet ani.

Abik takin keimah hian  ka hlawkpui tak zet zet a, ka chak loh na ah min tichak a ,ka rinna tlem ve em em te min ti chak a Pathian pawl dan te min zirtir nasa em em ani.

Mahni phak tawk choh nilovin mahni phak tawk leh theih tawk bak a  mahni thlarau tan leh Lalpa hnena in pe tur kan nihzia min han zirtir te kha Lalpa thlarau thiang hlim thil pek dik tak anih avang in ka thin lungah Lalpan mal a sawm tak zet ani.

Ama experience  roui tak tak a sawi te, harsatna a kaltlang ve nasat zia te, mahni lam harsatna choh nilo pawn lam hmelma dodal na leh sawiselna te a tawrh nasat zia  ka han hriat khan Lalpa ropui zia min hmuh tir nasa em em mai a, Lapa rin awm zia te a belh tlak zia te chiang lehzual a hriat tir in ka awm a ni.

Tin, Lalpa belhtlak zia a a taka hre tur leh a tak tak a nun pui tura a beih nasat zia ka hriat in a ropui ka tiin ka ngai sang a, mahni in sitin ka khat a, atak taka Lapa a han bia a a han ko a-kapa tia a koh lai a  thlarau thianghlim in a chenchilh zia leh amah pawh in a nei chiang ani tih kha midang te pawh in  an feel ang kha ka lo feel ve a Lalpa hi a makin a ropui ani.

A Testimony  in thinlung a hneh tak zet bawk. A testimony bakah ama chan chin hrim hrim tun hma leh tun hnu ka ngaihthlak atangin ka rilru ah thil pahnih alo langa, amah pawh chhan tam tak vang bakah thil chi hnih in ngaihsan em em na chhan ka nei a, chu mi ka ngaihsan na chhan te chuan kan mizo nopang, thalai leh puitling zawng zawng lakah ngaihtuahna nasa tak min neih tir a, chu chu tlemin han ziah tel lawk ka duh ani.

Amah elrel tu te sawi rik tam pawl ber ‘ Thingtlang tlangval’ anih na hi kei chuan  ka ngaihsanna ti zual tu ber pakhat ani a. Kan khawpui Aizawl kan en chuan Sailova rualpui lek lek, a aia nopang  te leh aia upa pui pui, anu apa rual pui awm pui pui pawh  a thinlung ang leh a tumruhna ang rilru pu pha lo an va tam em!!—hei hi chu a ngaihtuah thui ngam ngam in in hmu chiang in ka ring.

Hmuhsit tu te hmuhsit chhan ber pakhat   thingtlang tlangval anih na ti belhchhah tu ‘Harsattna leh Retheihna’ a kaltlang tawh –ama tumruhna te Lalpan mal a sawmna avanga a hneh tawh ang  pawh kaltlang ve  ngai lo leh harsatna awm zia pawh hre lo khawp a mi vannei Mizoram  mipui  tam tak te eng dinhmun ah mah in hlang kai tha  thei lem si lo, chhungkua leh khawtlang tana mi hnawksak zawk tak tak kan ram Mizoram ah khian  an va tam em.

Hetiang thalai te choh pawh ni lo taksa leh kum lam ah pawh puitling ve tawh mahni kalna- eizawnna kut hnathawh emaw sum dawng emaw  ofiice hna thawk te pawh  tlawm leh zah pawh dawn lova mualpho leh zah pawh dawn chang lo khawp a thahnem ngai leh Lalpa Malsawm na dawng tlak ngawih ngawih a hna thawk peih tam tak awm karah ti ve duh lo leh thei  lo tam tam an awm.

Hetiang mi pui mi mir tumah mimal sawi bik awm lova ka han sawi tak te- mahni chhungkua leh khawtlang tana tang kai lo choh pawh nilo-mi hnawk sak tam tak lo awm ta te, ram pawh in a hma a sawn na tur ang pawh a hmasawn theih na tur ti thuan awp thei  tu te an ni thei si a. Heng mi awn tha duh lo leh duhthlanna sual thlang tu te hi amah Sailova ngei hian siam that duh in a vei let leh em em mai si anih hi.

A thahnem ngaih zia hi a mak ka ti khawp mai. Amah ala nopan teh lul nen a rawn zinna lam ah te pawh  han hawi thawveng ve rual lek anih laiin Mizoram lama a rawngbawlna leh thahnem ngaihna hi a thinlungah alian ber niin alang a  Maryland ah pawh Branch te hial a din tawh ani.

 Tin ,a thlarau nun kawng Testimony a ropui ka  ti tak zet bawk. Kei ngei pawh Lalpa nei tu in ti vein thlarau lam a mahni chan tawk duh khawp loh na vang in Pathian ka ko ve thin a, achangin thlarau thil pek te dawng lo ngawih ngawih a in ngaih chang alo awm hian ka beidawng fo thin a, hemi kawng ah hian mi entawk tlak ani tak meuh meuh ani.

Ani ang taka Pathian buan a Setana bei a khawvel a a ropui ve ber lai pawh a khawvel thil lam  a chan tur zawng zawng pawh hrechianga Pathian hnena in pe ngam ‘Mi huaisen’ hi vawiin ni thleng hian a tir a  a koh thin Lapa Pathian hian malsawmna tam zawkin ala vur reng anih hi. Lapa hi a belhtlak si a.

Vawiin ni ah hian amah Lapa  bel tlat tu chu rel leh sawichhiat tum mahse a hma ah Lalpa a ding zel dawn tih kan hriat a tha.

 Tu Pathian thu sawi pawh  hi a ngaithlatu te chuan ani thusawi dan hi ka ngainat zawng ani lo, ka hriatthiam zawng ani lo emaw  tiin ngaihdan kan neih leh kan sawi chu a thiang in a awm a, a ngaithla tu te duhthlanna ani bawk a ani.Amah erawh chu hetiang mahni ngaihdan sawi  bak thu sawi tu  mimal nun  sawichhiat leh tih mualpho  tum tu te  hi chu Setana duh zawng ti tu te anni.

Pathian hnam thlan, Pathian fa te in ti theuh te hi chuan kan tawngtai sak zel  zawk tur ani. Amah Sailova pawh mihring lamah pawh nopang te ala ni a, mihring ve bawk ani.Amah  sawichhiat chak leh tih hmingchhiat duh tu te ang bawk a tlin lohna nei ve leh thlem na pumpelh thei bik lo ani a, ama tawngtai na mai bak kei ni Pathian fa in ti te hian kan tawngtai pui amamawh em em ani.  Tawngtai pui ngai te kan theihtawk a kan lo tawngtai pui ve hi kan tan pawh malsawmna ani zawk si a.

Khawvel hun hmawr ah kan awm tak tak tawh ani tih hi kan hre theuh a, vawiin ah emaw zanin ah emaw kan boral ve thei si a. Hmangaih taka min vei tu leh thahnem ngai taka min tawngtai sak aPa hnena min dilpui mawlh mawlh tu kan la neih lai hian leh kan tlai hma hian lawm takin in buatsaih theuh ang u.

Nutei Sailo

Maryland.

Similar Posts:

• Tawngtai
• Ka Lalpa Kraws
• Pathiana mihringte dinhmun;
• Vâwrsèla-pa
• Vanlalsailova kan thleng ve a!

Recent Posts:

• KOHHRAN PAWL HRANG HRANG LEH AN DINHMUN TLANGPUI
• Setana’n Evi A Thlêm Dân {Sunday Pual}
• Open letter to Dr. Mahminga
• How to locate your misplaced Android phone
• KUT HNATHAWKTU TE TANA HAMTHATNA

This entry was posted on Friday, August 5th, 2011 at 11:45 am and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.