Vanlalsailova kan thleng ve a!

October 25th, 2011 8:05 pm by mamboihi

A thlen tawhna zawng zawngah duat a hlawh lohna ber kan ni ngei ngei ang! Rawngbawlin state dangah a zinchhuak tih lohvah chuan Mizoram a haw leh thlengin (thla li leh a chanve) kan khawsa ho va. A crusade kan hlawkpui zia lam chu mi tam tak, inkhawmnaah leh misual.com-ah ngei pawh rawn sawi an awm tawh a, sawi ve vak tawh lo mai ang.

Kar khat awrh US-a a awm hnuin kan in lamah a rawn khawsa ta a. Kei lah chuan, “Duat ve dawn miah lo che a nia, tumah kan duat ngai lo!” ka lo ti ve ngawt a, kan nui dun vur vur a. Ka tihna chhan chu, a hmaa a thlenna in Pastor Biakchhunga te’n an duat zia kan hmu a, Pastor nupui phei chuan a ngaihtuah em em a, crusade a neih laia kea rei tak a din thin avangin a ke a lo khamin a lo na thin a ni awm a; foot massager thlengin an lo ngaihtuahsak vek a lo ni a. Kan inah ve thung chuan chutiang chu kan ngaihtuah sak hran lo va, a phunnawi bik hlei lo va!

Kan nupa hi chawhmeh siam lamah kan uang lo tawp! Rice hi chu cooker-a chhum a ni mai a, chuvangin Sailova hian eirawng a bawl fo! Chawhmeh siam vel a lo thiam zek lehnghal a, a siam sa hi tui ti takin kan ei ve leh mai thin! Thleng te hi a lo sil leh vek thin bawk!

Grocery shopping ka tihte hian bag min khailuhpui a, kan inah chuan a tul tul a ti ve vek a ni ber mai. Hei vang tak hian a thenin ‘Chapo, induh’ an ti hi chu kan tan chuan a mak tawp. Nel taka kan inkawm bawrh bawrhna zawng zawngah leh a sermon kan ngaihthlak zawng zawngah hian ‘mâwl’ tih tawngkam a hman vawikhatmah kan hre lo.

Nasa taka internet khawvela miin an sawiselna te chu kei chuan ka chhiar ve teuh va, (kan pa chuan a chhiar ve lo) an sawi ang chu a lo ni tak tak ang em aw ti-a kan belhchian viau pawh hian, amah hriatchian chuan a lo inpersan leh hle thin si.

Kan ina a rawn awm hnu lawk khan, ‘Nula duh si, pawisa duh bawk si,’ tih vel kha a lar chiam a. Kan experience ve thungah chuan, kan ina amah kawm duh leh hmu duha lokalte hian thla an lakpuii tlangpui a, a thenin kuah ngei an han phut bawk a! Keini thla 4 chuang lai awmpuitute nen hian thla kan laho ve lo tep a ni! A haw dawnah vawi 2 vel chu hmanhmawh tawkin kan hmet ve! “Hmeichhe duh an ti che a, hmeichhia hian an duh zawk che a ang,” ka ti a, ka fiam bawrh bawrh a.

Mak ka tih deuh chu khawvel hmun hran daih atangte khan keima number-ah an rawn call a, Sailova be duhin. ‘Engtin nge maw ka number an hriat le! Sailova be duh an tam viau a nih dawn hi’ te ka ti ta vel mai mai a, hun inang lo nen. Kei lah hian a mutchhuak leh chhuak lo pawh ngaihtuah lem lo hian phone hi zanlai pawh ni se ka’n pe ve ngawt bawk a, a rawn ko tu lah hi hmeichhia an ni deuh zel lehnghal! Chuvang chu a nia, “Hmeichhiate hian nangman i duh aiin an duh zawk che a ang,” ti-a kan fiam kan fiam ni.

‘Pawisa duh’ tih lah kha a mak kan ti tawp bawk. US-a a cham chhungin a CD Pathian-in mal a sawm a, rin aiin a copy kan siam hmasak ber chu a zo hma a, a CD lei tur hian tumah tihluih an awm kan hre lo va, amah Sailova pawhin midangte a CD lei tura ngen kha a thil duh loh ber pawl a ni.

Mahse, Pathian-in a theihtawpa a rawngbawlna chu mal a sawm ni berin kan hria a, vawi 3 lai mai copy engemaw zat kan pain a va siamtir leh chu Videolabs (CD lo siamtute) ho pawhin mak an ti ve khawp mai. A CD hralhna pawisa, Maryland State-a mi hi kan kutah a zuartute’n an rawn hlan zel a, receipt fel tak nen.

Rawngbawla a vahvelnaa miin duhsaka pawisa an pekte hi a ngai ngaiin a rawn hawn a, a zat pawh a hre chuang lem lo va. Kan kutah a hlan nghal vek zel a, kan nupa min ring ve tawp hi a mak khawp mai. Thawhlawm turte hi mi a dil leh mai a, a pawisa neih zat hi a hre lo tawp! Zawh pawh min zawt ngai lo. A haw dawnah chauh a pawisa hi a kutah kan pe a ni.

Pawisa hi chu kan mamawh vek a, mahse, negative taka ‘pawisa duh’ anga rawn sawi chiamna kha chu kan nupa chuan a nih loh zia kan hrechiang khawp mai. A haw dawn hnaih lam khan vawi 2 chu lawmthu sawi nan a ngaih pawimawh zual (nula an ni lo a nia! Kohhran hruaitu lampang an ni) dinner buatsaih a duh a, “Pawisa ka nei em le? Dinner tur hi ka pawisain lei ka duh a..” a ti ve chauh va, dinner chu tui takin kan ei a ni. Kan ngaihtuah leh hian pawisa lam kha chu a rilrua awm ber a ni lo tih kan hrechiang.

Mahse, harsatna lian tak pakhat kan nei, a haihawt lutuk kha! Kan pa lah haihawt bawk! Crusade lai te khan an kal hmasa a, biakin thlen hnu hian vawi 3 vel chu an thil theihnghilh keng turin min rawn hrilh leh deuh ziah! Phone a rik hian ‘Hello’ pawh ka ti peih tawh lo va, “Eng nge in theihngilh leh tâk?” ka ti nghal tawp zel!

Zing dar 2-ah te hian thil zawn chuk chuk chang a awm thin. Sailova phei chu a zin dawn emaw, a chhuah dawn emaw hian, “I theihngilh tur kha keng nghal vek rawh,” ka ti ziah a, mahse, a chhuahnaah leh zinnaah te thil a rawn theihngilh leh zel bawk si! “I va han chhe tak!” tiin ka lo hau fo! Pastor Biakchhunga lah a haihawt ropui bawk si a, Pathian hian A rawngbawl tur hian mi haihawt tak tak A thlang tel a nih hi ka ti ta vel mai mai; haihawt damdawi tha hria chuan pe teh u.

Sailova hi tawngtai nasa tak mi a ni, amaha a tawngtai kan hre fo. Mahse, vawikhat chu kan zanriah ei tur kha Sailova a tawngtai dawn a, “Aw Lalpa..” a ti chiah kha kan naute kum 3 miin a lo chhunzawm a. “Aw Lalpa chaw leh thil ti re, mi pek vang vangin ga awm e..” a rawn ti ta daih mai a! Sailova a tawp rih thung a, naute a tawngtai zawh chuan a tawngtai tha leh tawp a ni! Tin, a bible hi a va zawr tawh tak em! A chhiar nasa hle tih a hriat a, a sawp chhe tep tawh niin kan hria a, a thar a ngai tawh khawpin kan hria.

Kan nupaa kan lawm vena deuh chu, nimin thleng khan Sailova number (Mizoram) min rawn dil an la awm a, a CD an ngaihthlak atanga thlarau lama an hlawkpui zia rawn sawiin, amah Sailova hnenah pawh lawmthu sawi duh te an ni hlawm. Maryland State-a Mizo awm tam zawk hian (‘misual.com leh site danga lut ve ngai lem lo’ ti kher teh ang!) an ngaiin an kham lo hle.

Tawngtai inkhawmnaah leh inkhawmnaah te sharing hunah Sailova thu leh hla tha an tih sawi an la awm cheu mai. ‘An ning tawh, haw thuai thuai se an ti’ ti kha chu mi tam an ni thei lo tawp ang tih kan ring, kohhran hrang hrang atangin leh mimal atangin kan nupa hian phone call kan la dawng nasa em mai!

A va sei ta ve! Sawi tur chu la tam, mahse, duhtawk dawn teh ang. A bula awm a nawm zia te, fiamthu a duh zia leh kan nuih nasat thin zia te chu sawi tawh lo mai ang. Sailova chungchangah hian a positive zawnga comment chu a vang leh viau ang tih hre chungin, US-a a lo zin laia hun hman tampui ber kan nih avangin kan first hand experience kan rawn sawi ve a nia.

Kan nupain, ‘Elvis Presley pawh amah chawisangtute chu American ho an ni a, keini Mizote zingah chuan Sailova, kan Mizo tlangval Pathian-in a chawimawi tak hi sawichhiat phet rilru pu kan tam si a, zir tur kan va ngah em!’ kan ti vawng vawng.

Keini chuan kan ngai mang e, a room te hi a ngai ngaiin kan la dah. Lung a leng.

“A pa Sailo, lo haw tawh la.. I zai rei tawh em mai!”

Ma-i

Rockville, Maryland

148 Responses to “Vanlalsailova kan thleng ve a!”

1
Ruata Pachuau Says:
October 25th, 2011 at 8:08 pm
.
2
TuaiSialA Says:
October 25th, 2011 at 8:09 pm
Aw haw le..! A hot leh dawn mang e!
3
X_MAN_19 Says:
October 25th, 2011 at 8:12 pm
soitur ka hrelo.
4
zualbonez Says:
October 25th, 2011 at 8:12 pm
he is back..fathers hide your daughters
5
TuaiSialA Says:
October 25th, 2011 at 8:12 pm
Comment pakhatna ang chi hi chu a ho mah mah in ti ve lo maw?!
6
RTPA Says:
October 25th, 2011 at 8:18 pm
Mizo zaithiam zing ah chuan ka ngaihsan ve ber zing a mi nive tlats…
7
Prof. Snake Says:
October 25th, 2011 at 8:20 pm
zualbonez Vanlalzailova i thleng ve duh em? 😛
8
Chhuaklinga Says:
October 25th, 2011 at 8:21 pm
A post pawh hi a ho ka ti deuh tlat, kan kawmchhakpa fel zia ka rawn possi ve mai tur a nia. Noi 😛 😀
9
Ruata Pachuau Says:
October 25th, 2011 at 8:22 pm
TS “no comment” a nih khi… 🙂
10
drake Says:
October 25th, 2011 at 8:22 pm
AmiGo leh H.Vangchhia te pawh an MI thei tawh tur ah ngai ang 😀 😛
11
rowland vanlalawia Says:
October 25th, 2011 at 8:25 pm
Thupui mil takin sailova hi chu afel ngawt mai.
12
H.Vangchhia Says:
October 25th, 2011 at 8:26 pm
Good post 🙂
13
LaMea CâcTùs FLh Says:
October 25th, 2011 at 8:28 pm
Keichu a lartirh atagnga ngaisang kha ka nia.kei mi(sual) hi a dimhmunah ding ila ka va tlu nasa dawn em.,mihring a ni chung a amihring pui tamtakte hneh theihloh a hnehthei hi ka chhuang..SAILO TANG FAN FAN..
14
Lamji Says:
October 25th, 2011 at 8:29 pm
Comments tally…Sailova > Zu > Black mipa kawp 😛
15
malsta27 Says:
October 25th, 2011 at 8:35 pm
Tha hle mai (Y) (Y) …………..poisa chungchangah chuan mamawh lo tak2 chu a awm theih lova mahse poisa dah hmasa ber ang chi chu a nihloh ve hmel. A love song sak lar vanglai cassette release tur hmachhawp a pianthar san daih atang khan…….i soi khi a dik ka ring.

A bak hmeichhia ah te hi chuan eng ang pawn lo sawi mahse tlangval a la ni ve rih a, hmeichhe bula om te chu nuam tu pawn kan tih theuh hi maw……………. 😀 😀 Amah duhtu te a chhawn that vak duhloh vang te poh a lo soi chhe vak duh tawk te hi an awm ve thei tho bawk in a rinawm………….
16
jesuslovesme Says:
October 25th, 2011 at 8:36 pm
Vanlalsailova hi Pathianin a hmang a, sawiselna alo awm anih pawhin chu chu rawngbawltu anihna anga, a tawrh liam mai angai ani mai. Harsatna tawklo leh, sawiselloh rawngbawltu a awm theih ngai loh. Lal Isua meuh pawh kha an khua – Nazareth ah chuan an ngaisang lo nasa khawp mai.
17
littlerascal Says:
October 25th, 2011 at 8:38 pm
Deuh tehChhen chuan a
18
lrpa Says:
October 25th, 2011 at 8:47 pm
piparangtung! 🙂
19
bucko Says:
October 25th, 2011 at 8:54 pm
OT…. Lawngtlai Chandmary II a awm Chhuana IR/MAP Mamit a post in a nupui a that tih kha Mamit Misual.commer lam khan chiang kuang deuh in han post ta che u mo le……. Hraitchian a chakawm e a..
20
bucko Says:
October 25th, 2011 at 8:55 pm
Hriatchian tih tur… Comment ah pawh sawi tho teh u..
21
Lersia Says:
October 25th, 2011 at 8:56 pm
Vanlalsailova chuan na thu leh hla hi vawikhatmah ka la chhiar lova, ka la chhiar kân char char ziah …. hei pawh hi ka chhiar kân leh mai a nge…
22
blackmagicwoman Says:
October 25th, 2011 at 8:57 pm
sualna neilo ho khan deng hmasa rawh u le!! kei zawng, Sialova hi a fel emaw, fel lo emaw…sawisel ka tum lo bur…fak em em pawh ka tum lo. personally a ka hriat chian kelh loh ka judge mai mai dawn lo rengssss 😛
23
buh-duha Says:
October 25th, 2011 at 8:59 pm
(Y)
24
khumchikthei Says:
October 25th, 2011 at 9:00 pm
VLSLa hi chu a zaithiam a ni.

…Khrum
25
albaldes Says:
October 25th, 2011 at 9:01 pm
Sailova hi chu a hmel hi ka lawm chi a nia, an nuiseih te hi a mawi riau a sin.Zaithiam bawk si.
26
La lawma Says:
October 25th, 2011 at 9:01 pm
Pathian rawngbawltu ah chuan ka ngaihsan loh pawl a ni ve tlat,ka ngaihsan lohna chhan then khatte chauh. 1 Bible a chhiar tlem mai ni lovin a chhiar ngai lo, Bible chhiar lova tlaivar dawn dawn a FB lam a nula chat a duh zawk. 2 Tawngtai a inthlahdah hle bawk a tawngtai ngai lo tluk a ni. A nun a uluk lo lutuk a hmeichhe duh dan em em hi hun fal chance a neih phawt chuan nula te hi a tawn a tang hian himpial chuan an chhuak lo tawp ang.3 hei chen USA ah a awm a tawngtai inkhawm a kal ngai lo a hman reng pawn chhuan lam hote a hmang thin. Sawidawn chuan a tam lutuk ka sawi seng lovang, kan la van nei zawk e. Malaysia lam a BEER a in thin ang in he lamah chuan Beer a inthawm em kan hre lova a tih zia khawp mai. sawimawia fakmawi chiam vak turah ka ngai lem lo VANLALSAILOVA hi.
27
Atom c Says:
October 25th, 2011 at 9:02 pm
Sailova sawiseltute hi chuan an THIK vangah ka ngai tawp zel a, alo dik nge nge thin. Tlinlohna te chu a neive ngei dawn tih chu chiangsa reng. Amah hi chuti takin zaithiam pawh ka ti chuanglo a, a hla pawh ka ngaithla vak chuanglo bawk a, a nungchang erawh a chhe hranin ka hrelo tlats. 🙂 (Y)
28
Sandman Says:
October 25th, 2011 at 9:06 pm
Pi bmw, sualna neilo ho in deng hmasak tur a nih chuan, felna neilo ho in an fak hmasa ber tur tihna a mi? *biru nghal* 😀
29
mamboihi Says:
October 25th, 2011 at 9:09 pm
Ehe a lo chhuak der alaw?!! post a ka ziah angin positive comment a tam ring lo chungin, kan first hand experience then ka rawn share ve mai a ni e… comment tu zawng zawng chungah (Positive or negative) lawmthu ka sawi e.
30
Ruata Pachuau Says:
October 25th, 2011 at 9:11 pm
OT: Zanin zet zawng kan Mizo Idol ho hian ka Idol hla an sawisa nge, Ka Idol ropui zia an rawn phochhuak pawh ka hrethiam lova.
31
Sandman Says:
October 25th, 2011 at 9:10 pm
Pi mamboih, comment chu a rawn lut tan dawn chauh… lawmthu i sawi hma mah mah deuh maithei 🙂
32
hnarliana Says:
October 25th, 2011 at 9:11 pm
sailova hi alo tha ber a ni e..a pianthar hma pawh khan piangthar tam tak ai cuan a in serh thianghlim zawk..
33
mamboihi Says:
October 25th, 2011 at 9:13 pm
Sandy OK thanks, a tul chuan kan sawi lehzel mai ang chu…
34
blackmagicwoman Says:
October 25th, 2011 at 9:14 pm
Tv Sandy, a nih chuan i fak nghal thei! nang felna reng reng neilo val kha! :-p
35
blackmagicwoman Says:
October 25th, 2011 at 9:16 pm
La lawma ( # 26) khian a van hriatchian hmel ve! Dik tak maw? A dik chuan Lalawma hian ama hming diktak, address leh info source rawn tar lang hram rawh se…chuan, ka lo awih ve ang!! 🙂

hming lem hi chuan Brad Pitt a sawn ka pai, pawh kan ti ngam ve tho alawm. Thudik hi chu Pu HV-a te angin hming tak hmanga sawi pap pap zel mai tur!!

kha zawng kha he post ah hian ka comment ve theih chu ni e..ka lawm e!
36
LaMea CâcTùs FLh Says:
October 25th, 2011 at 9:17 pm
#26 i va hrechiang ve.a dik chiah amaw…Pathian rawngbawltu te sawichhiat hi a pawi ania..hriak thih ngat pastor,father etc. phei hi chu..
37
LaMea CâcTùs FLh Says:
October 25th, 2011 at 9:19 pm
#35 support
38
Lamji Says:
October 25th, 2011 at 9:19 pm
#30,,Sandman,, hahahaha!!! I lo thlir leh ang u hmiang,,…. 😀
39
Pakak Says:
October 25th, 2011 at 9:21 pm
.
40
Lily_parmawia Says:
October 25th, 2011 at 9:24 pm
Sailoa ang hian luck ve ila chuan ka NASA vet vet ang chu ooooo 😛 😛
41
Lamji Says:
October 25th, 2011 at 9:24 pm
@Pakak,, (Y) Ani reng asin 😀
42
bucko Says:
October 25th, 2011 at 9:24 pm
@sandman. #28…like like..
43
Saitawk Says:
October 25th, 2011 at 9:29 pm
Tunge Idol atangin tla ta le??
44
joseph sr Says:
October 25th, 2011 at 9:30 pm
Fakna tur ka hre lemlo, sawiselna pawh ka nei chuang lo. 😀
45
H.Vangchhia Says:
October 25th, 2011 at 9:33 pm
Pa Pathian rawngbawltu, mr.Duhlova te hmuahna tur motor ka va sil teh ang. (Y)
46
Ruata Pachuau Says:
October 25th, 2011 at 9:34 pm
#43 An puang tep tawh…
47
hnarliana Says:
October 25th, 2011 at 9:37 pm
sailova ka chhuang e..
48
Chhuaklinga Says:
October 25th, 2011 at 9:38 pm
Hmeichhia leh mipa an in(sual) leh may be. :p
49
ma-a Says:
October 25th, 2011 at 9:42 pm
Mihring ni ve ta fam chu sawisel theihna lai pawh a tam ve ang chuu!Nula a duh tih pawh khi a dik tih ka chiang,tu mipa fa in nge nula duh lo awm ang?hairehai!kei pawn tlangval senior hmel bumro pui2 ai chuan tleirawl tituai nalh zek zawk chu ka hmu duh daih!Pawisa pawh kan duh vek,insawi fihlim i tum lo law2 mai ang u,kei ang te phei hi chuan pawisa hmuh belhna tur ka hriat thlawt loh a vangin ka awm vel mai mai a ni ber awm e!ka mu daih dawn!happy Diwali 😛
50
mamboihi Says:
October 25th, 2011 at 9:43 pm
#26 I hriatdan leh a taka kan experience a va in ang lo ve aw!! A Bible hi a chhiar nasa lutuk a a thar lei tawh a ngai ka tih khi mawle!! A bible kha ka pack sak ngun em!!

51
La lawma Says:
October 25th, 2011 at 9:43 pm
blackmagicwoman.. Ka hrechiang khawp mai, a post tu nu pawh hi ka hrechiang a sin, hriatchian a vang a hming dik tak hman kher hi a tulna ka hre kher lo. Kan ram ah hian mizo ho hi chu i duh duh chanchin min zawt teh an hlawh nenlam ka hrilh thei ang che.
52
Ruata Pachuau Says:
October 25th, 2011 at 9:45 pm
Good bye Biakmuana.
53
lr hlonchhing Says:
October 25th, 2011 at 9:50 pm
Pi pute chuan, khual thu thang leh ar pan chuk a na an lo tia. A chhe zawnga sawi duh an awm bawk chuan, a chhia a ni mai. Lehlamah chuan, pan lovah tho a fu ngai lo an ti leh bawk si. Eng nge thu dik ni ta ang le?
A sawi mawi duh chuan an sawi mawi ang a, a sawichhe duh lahin a chhe zawngin an sawi reng bawk ang. Thu dik kawtthlerah a tlu mek a ni.
54
TuaiSialA Says:
October 25th, 2011 at 9:50 pm
Goodbye leh lo.
55
Ruata Pachuau Says:
October 25th, 2011 at 9:51 pm
OT laklawh: Biakmuana an hlangkai leh 😛
56
LaMea CâcTùs FLh Says:
October 25th, 2011 at 9:52 pm
#51 Pathian thlarau in chenpui lo se tiang hi a thlen ka ringlo..Central hr sec schl atanga 12 fail, thingtlang tlangval ve mai kha ani..Fb a chat tih vel te chu, bible a chhiar leh chhiarloh phah leh tawngtai tlem leh tlemloh i hriat ka va ring lo em.
57
Saitawk Says:
October 25th, 2011 at 9:53 pm
#52, Good bye lehlo! 😛
Judge te power in top 3 ah mi 4 an awm! power hi an lo la va ngah ve,, weinch (Y)
58
rowland vanlalawia Says:
October 25th, 2011 at 9:54 pm
Mamboihi vrs La lawma..haw haw haw..ka tan leh ka tan!
59
lrpa Says:
October 25th, 2011 at 9:55 pm
ekhai..an save zel te chuan a tawp thei nang! 🙂
60
lrpa Says:
October 25th, 2011 at 9:55 pm
tbc a kha ka tan a sin mawle..
61
lr hlonchhing Says:
October 25th, 2011 at 9:59 pm
#55. A va ho tawh teh nuaih ve
62
malsta27 Says:
October 25th, 2011 at 10:03 pm
@Lrpa tan thiam lo em nih chu mole hahahahahaha………..

halmawi en te’ng
63
Ruata Pachuau Says:
October 25th, 2011 at 10:05 pm
#61 lawmte lawmpui phawt mai teh ang………….arranged te pawh a ang rum rum e.
64
lr hlonchhing Says:
October 25th, 2011 at 10:08 pm
#63. Mipui an ti lungawi ngut ang em le? A tha ka ti lem lo khawp mai.
65
lrpa Says:
October 25th, 2011 at 10:09 pm
@malsta27..tan thiam a lawm le. Thutha a ‘khawnglungrun’ leh chaltlang nula leh TBC a bak hi ka ngaithla peih miah lo..a bak te hi chu lo zai ve mai mai rawh se.. 🙂
66
Uaiizzz Says:
October 25th, 2011 at 10:10 pm
Keichu VANLALZAIOVA ka star 🙂

Ti ve daih ila, Sailo-a hi chu a ngaihsanawm ka ti asin. Heti khawpa chance ngah hi hmeichhia ah leh zu ah te a tluchhe lo a. A zaithiam ka ti bawk.

Mahse, Pathian thu hriltu a nihna ang chuan comment tur ka hrelo.

A pianthar hnu hi chuan Krismas urlawk leh kumhlui thlah zan tih velah chuan BEER hi GOSPEL ZU ti-a a in ve kiang kiang thu leh a dose a san thu te hi chu, heng zan te a a hmanpui te ngei, ka thian pakhat chuan min hrilh ve!!!!
67
doc_lib Says:
October 25th, 2011 at 10:13 pm
Sailova pawh chu in ve er hlom ve maw le, in bialnu / in nupui ten an lo star lutuk a, tih ngaihna in hre si lo hi a lo ni ringawt a nge. Nula a duh lutuk tih ah hi chuan, a pianthar hma khan nula duh lutuk chu ni se a hmingchhe tawh ang. Khati khawpa Mizo tleirawl rual leh nu hoin an atchilh rawn ang kha tunlai mizo mipa ah hian an tam lo viau ani. Kei chuan ka ngaisang vut hran lo va, sawisel reng a tulna pawh ka hre hek lo. Ka nunah ah hian a in rawlh lo bawk a,ka tan buaina a siam ka hre lo bawk a 😛
68
malsta27 Says:
October 25th, 2011 at 10:17 pm
@lrpa: 😀 🙂 . Judith-i tha ber mai…………. 🙂 .

@doc_lib#67: ni khop mai, a aw hi chu thu hran nise, a zaithiamna hi chu ngaihsan awm ka ti khop mai……………nula lam ah hi chuan keini ni ve ta ang i la kan tal buai nasa ang chu…………….hahahahaha
69
Rumtea Says:
October 25th, 2011 at 10:21 pm
Vanlalsailova sawi luai luai hi hne awm khawp mai. Duh leh a lo fel viau ang a, duh leh arukin lo sual viau ang hmiang ho eeeeeeeee mai. 😛
70
lrpa Says:
October 25th, 2011 at 10:21 pm
@malsta27..Judith maw? nia a hmel a tha ber a la awm zingah chuan! 🙂
71
lyze Says:
October 25th, 2011 at 10:24 pm
#51@La lawma..I trong tam mah2 ngoi mai2 roh..mi soisel turin eng nge i nih vak bik aa.. :-S
72
malsta27 Says:
October 25th, 2011 at 10:24 pm
@Lrpa ni chiah e mawle……i tan thiam lo em lom le 😀 😀
73
lrpa Says:
October 25th, 2011 at 10:26 pm
@malsta27..idol ni luah mai chuan khiiiitah awm dawn sin..zei lo lutuk..vote tawh suh..i chan loh phah ang 😀
74
malsta27 Says:
October 25th, 2011 at 10:30 pm
@Lrpa: Vote loh chi nang, i chhass bem dan ngai kha apply toh suh oh hahahahaha…………vote don hrim2 😀 .
75
Rimenhawii Says:
October 25th, 2011 at 10:30 pm
Vanlalsailova,zaithiam chiang!a tak a hmuh a thlalak pui ve ka duh khawp mai..:).Malsawmna petu Pathian rawngbawl tur a in pe thei hi a ngaisan awm tak zet a ni.Pathian in malsawm zel rawh se!!..
76
doc_lib Says:
October 25th, 2011 at 10:31 pm
Mi in kher in kher chuan in tluk lo a, nangmahni kha in in duh tawk lo tih na. Kei chu keimah a keimahah hian ka hlim tawk khawp a, Nitina ka bula che tla ka zirpuinu in ‘u live in your own world, tih leh, tu emaw niin ‘i ke ler a tanga i chhip thleng hian i in duh tawk lutuk a, i vela mi te tumah ngaihsakna chang i hre lo’ tih hi comment ka dawn ve chhun a ni.
I envy nobody and nobody envies me
77
Nghatunval Says:
October 25th, 2011 at 10:44 pm
Vanlalsailova hian danglamna riau a neih chu a chanchin Post tawhna reng reng a HOT viau zel hi a ni.

Ka ngaih ve dan tlang takah chuan buaipui luai luai lo ila, Pathian in rem a tih loh hunah chuan a rawngbawlna hi ala dahsawn sak daih mai ang. Tunah hi chuan kan tehna hrang hrang atangin a tling famkim lo anih paw’n Lalpan rawng a bawl zel hi ala remtih sak tlat ni maiin ka hria.

Comment thenkhat khi chu Idol chungchang zuk ni daih a !
78
H.Vangchhia Says:
October 25th, 2011 at 10:49 pm
Thurawn:

Mihring niin taksa hrang, ngaihtuahna hrang nei theuh, ngaihdan hrang neithei kan ni hlawm. Chutiang kan nihna avang chuan titiho (discussion) neiin kan han inhnial fiam bawrh2 thin anih hi maw?!

Chutianga kan hmuhdan leh kan ngaihdan midangin min tawmpuia, kan thlirdan anga midangin an thlir veloh avangin keini ho hi zawng tumah a takin in huat phah lovang u aw?

Post hrang hrangah kan ngaihdan lova thil a awmin kan ngaihdan leh hmuhdan anga midang rilru puttir kan tumna avang hian tangulh lek lek, a takah pawh inhuatna tep a thleng thei dawn tlatin ka hria (keimah chuan ni lovin).

Chuvangin, kan ngaihdan leh hmuhdan te, kan thlirdan te kan sawi ho ang a, kan hmuhve dan anih loh avangin inhaw zawng emaw lak ulh teuh lampang kha chu dah zero thak thak ngam ang u aw.

Nui deuh sanga rilru ner sawk sawk thin pawh inawm niin ka hria. A tha ngai love.

Ka kal e 🙂
79
Nghatunval Says:
October 25th, 2011 at 10:52 pm
Ka lo zui che.
80
pathlawi virgin Says:
October 25th, 2011 at 11:04 pm
Vanlalsailova hi a zaithiam khawp mai. He post pawh hi post tha tak a ni. Comment pawh a ngaihnawm. Mi pakhat a tling Vanlalsailova hi. Ka chanchin hi Champhaia ka thlen in nu khan post ve ta sela, comment hi 10 (sawm) pawh a tling lovang!! ngaihtuah chhunzawm peih te tan
81
lrpa Says:
October 25th, 2011 at 11:07 pm
Hei an la live mek elo?
82
phawkars Says:
October 25th, 2011 at 11:10 pm
thik deuh chu kan awm a nih hmel…… (H)
83
lianchhiara Says:
October 25th, 2011 at 11:11 pm
Post-tu chuan a INBOX a hai let ve lo a ni ngei ang 😉

:kal bo nghal vang vang: 😉 :-[
84
mamboihi Says:
October 25th, 2011 at 11:12 pm
#80 (Y)
85
puipuia pa Says:
October 25th, 2011 at 11:12 pm
Lalawma chu hman a post pakhat post tupa khahlum tum tupa kha ni maw??? nang hi i hlauhwm fir fer reuh hi maw le?? Sailova hi chu Guwahaty ah a pianthar hma kha khan ka chik ru tawh..a rawn kalpui Mipa/Hmeichhe ho an Party luih luih lai a a fim kar thei kha mak ka ti…
86
kawlhawk Says:
October 25th, 2011 at 11:14 pm
Nutling/ Patling – engkim thankin tawh, xxl size nei chin thah tawhin a “sailova fek zia/ fel loh zia… lerh zia/ lerh loh zia… sum duh zia/ duh loh zia…” tih vel mai2 han chai luai2 tak reng mai chu(h)! :p
87
tebonga Says:
October 25th, 2011 at 11:15 pm
GOA A AWM TAWH, AWM MEK, KAL TUM LEH INTEREST HRIM2 TE NEN LAM Mizo United Goa group AH WELCOME VEK KAN NI E. HNATHAWH TUR ZAWNG DUH TAN PAWN SHARE KAN UPDATE RENG E…LO JOIN VE RAWH U
88
hnarliana Says:
October 25th, 2011 at 11:19 pm
sailova hi ka hrechiang ve khawp mai,sawisel bo chu anilo anga,mahse a pianthar miahloh pawh khan piangthar inti tamtak ai cuan sual lakah a fihlim zawk…a sawisel tute hi sailova anga nula atchilh rawn ni ve ta ula hmuh tlak in awm tawhlo ang…aa hmingchhiat tak vut ka la hre lemlo e kei chuan… (Y)
89
pathlawi virgin Says:
October 25th, 2011 at 11:19 pm
ha9….ti khan i chai ve chiah kawlhawk…tebawnga lah hi GOA…i tho aaaa nilo maw, nge i hangover..? amd chu ka nilova, se add tih nan chuan ava…..ve
90
chhana Says:
October 25th, 2011 at 11:21 pm
Ni e, Sailova hi chu a ngaihsanawm thlawt a ni. Hei leh chen hi milar a lo ni ta. Chutichunga hmingchhiatna a neih miah loh danah hian. Post tunu sawi ang hi a nih tak tak phei chuan (ka ringhlel hauh lo che a nia) a ngaihsanawm lehzual ang (Y) .
91
vlremruata Says:
October 25th, 2011 at 11:23 pm
Comment ka han thlir vang vang a, chuta ka hmuh dan chuan “la lawma’ inti khian personally in vanlalsailova hi huatna a nei hrim hrim ani lo mo? Ka lo hresual palh anih chuan minlo ngaidam se. Chutichuan a post tu khian anihna a pholang ngam ang khian la lawma pawh khian tunge anih han inpholang ngam ve se, a thu rawn hriat khi a pawm tlak leh tlak loh a hriat ang chu. A post tu hi chuan a in sawi hmangin thla 4 leh a chanve vel chauh a hrawn hman a,la lawma nen hi chuan chhas anlo intawm hrep tawh pawh ani mahna. Who knows? Enge mo tak chu thil inthup a awmin a lang. Nge – mi ngaihsan hlawh tum vangin thil hria nih chakin mi rilru la thei awm zawng thu a phuah? (mizo te hi chu atlangpuiin kan hnam mawl zia hi ala langa, mi positive side ai chuan mi negative side hi kan ngaihven sia)Chuti ni se enge alo hlawk na? tihte ka lo ngaihtuah vel mai mai a.
92
ma-a Says:
October 25th, 2011 at 11:24 pm
Lo leng rawh u,Sailoa te in bul chiah ah hian kan awm!kanin hre thawkhat!enge maw mai2 hi in phul pui leh hluah thin!
93
mamboihi Says:
October 25th, 2011 at 11:26 pm
#90 Chhana…ka lawm e, kan in a awm chhunga kan experience dik tak a ni e… Hmun danga a thlen tawhna te erawh sawi tur ka nei lo. Hei hi chu kan kianga a awmlai thil thleng dik tak vek a ni e. Haihawt tak a ni!!
94
TuaiSialA Says:
October 25th, 2011 at 11:28 pm
Ma-a, Upper Republic-ah maw i awm? Haha
95
ma-a Says:
October 25th, 2011 at 11:31 pm
#94
Niang chu.. i la hre na nge?..hehe
96
pathlawi virgin Says:
October 25th, 2011 at 11:31 pm
@ 91 sawi ang chuan i ngam em “la lawm”….? mi dawihzep bawk hian dawtsawi an huai a, rinthu a thusawi pawp pawp an ching AN TI…..la lawm….???!!!!!
97
vlremruata Says:
October 25th, 2011 at 11:33 pm
#96 (Y)
98
lrpa Says:
October 25th, 2011 at 11:41 pm
idol chu pui hle mai! live leh sound pangngai a en ka chak ve deuh! 🙂
99
pathlawi virgin Says:
October 25th, 2011 at 11:45 pm
century hit ang….ni teps…
100
pathlawi virgin Says:
October 25th, 2011 at 11:46 pm
awle….za na…100, sailova nge nge…
101
V-a_USA Says:
October 25th, 2011 at 11:47 pm
Vanlalsailova hi ka la hmu ve lo a, a rawngbawlna thawm ka hre ve fo a, hetiang khawp a tlangval lai a Pathian tana in hmang mi hi ka ngaisang tawp mai kei chuan.

Tuma huatthu loah: Rawngbawltute sawisel chingtu te hi Pathian an hlatzia lantirna a ni duh viau zawk a sin! Tumah tha famkim kan awm lova, rawngbawltu tiamin, amaherawh chu rawngbawltu te sawi sel hrat ho hi Pathian hlat tak an ni duh khawp mai. Pathian thianghlim chu i hnaih poh leh i sualna i hmu lian tial tial ang. Pathian thianghlim chu i hlat poh leh i sualna i hmu tlem tial tial ang a, mahni sualna hmu lovin, midangte sualna i hmu lian tulh tulh ang tih hi thudik a ni.

Mi thinghlim a kan ngaih ve Tirhkoh Paula ngei pawh khan Roman jail atanga a ziah, a thih hma tep khan a la famkim loh zia (Philippi 3:12) a sawi kha. Chutih a hnekin Paula bawk chuan misual te “zinga misual ber” ah a la inpuh leh ta nghal! (1 Tim. 1:15). Piangthar te hi damchhung felna kawng zawh mek an ni a, theologian ten Sanctification an ti – tumah piangthar hian famkim nghal an awm lo. Sanctification is the work of a lifetime. Some theologians prefer to call it holification. It’s never instantenous!
102
Asteric Says:
October 25th, 2011 at 11:49 pm
Idol kha awmzia ka bo map Judge ten Veto power an neih chuan vote pawhin awmzia ava nei leh awm silo ve aw…
min han hrilhfiah teh u
103
Jacka Pi Says:
October 25th, 2011 at 11:49 pm
Sailova hi chu a love song ho kha nalh ka ti zawk..a Pathian hla ho hi chuan ka lung a kuai ve tlat lo.. A nungchang sawisel tur emaaw fak tur emaw ka hre hran lo,mahse ngaihsanna chhan pakhat Ka nei..kawmen thenkhata an sawi tawh ang khian thingtlang tlangval,cl-xii pass lo si,tun ang dinhmun thleg thei tura a taimakna leh in zir peihna te hi ka fak thlawt..:mu nghal:
104
lamea25 Says:
October 25th, 2011 at 11:54 pm
Kei ka mi(sual) na a rei lova.sailova avanga a hma a inhnialna pawh ka hre heklo.mahse keini mizo tlemte in kan milarte, rawngbawltu chu thuhran an thatlohna kan sawi luai2 hi a finthlak ber em le..SAILO TANG FAN2..Joseph a pawhin ka bulah a pianthar,a tluk leh dan,a thawh leh dan min hrilh tawh a.ka ngaisang asin..An 2 tluka an lar vanglaia sum leh nula ina a umzui hi mizo zaithiam zingah an vang ngawt ang, kei ni ila ka tlu sa..Tang fan fan ru..
105
lrpa Says:
October 25th, 2011 at 11:55 pm
102..Asteric, next ah pahnih an tla dawn tihna ani awm e
106
Asteric Says:
October 25th, 2011 at 11:56 pm
@lrpa….Chutah pawh chuan an duhzawng tla se an Veto leh thei tho lawmni a rule ka hre lo tlat (bo hu)
107
H.Vangchhia Says:
October 25th, 2011 at 11:58 pm
lrp, ka en ve thei thaklo nia mawle

Inbual daih teh ang. Tichuan, thingpui ka in anga, ka fanu sikul bang ka hmuak anga, Reagan National Airport to go
108
lrpa Says:
October 26th, 2011 at 12:00 am
106 Asteric..a theih tawh loh kan dan siam ang hi chuan..
107. Pu HV, https://www.ustream.tv/recorded/18104228
live emaw ka tia, recorded a lo nia, mahse eksaman a ni e.
109
H.Vangchhia Says:
October 26th, 2011 at 12:01 am
lrp, Chuvang anih chu ka en theih loh Rollick a link atang khan hairehai thang khiu.
110
lrpa Says:
October 26th, 2011 at 12:04 am
Pu HV, awmzia a awm vak lo, a ri kan hre ve eih eih ani mai, thiam leh thiam loh hriat nan chuan awmzia awm lo…
111
Pc-a Says:
October 26th, 2011 at 12:15 am
Rev. Vanlalnghak kha chuan piangthar lose chu a tawpna a ho ngawt ang a ti. A album hralh mai theih tawh aiin, ‘Isua neih ka duh zawk’ an ti hlauh mai kha ka Like.
112
lrpa Says:
October 26th, 2011 at 12:23 am
Engtikah nge maw an tih leh dawn le? idol hi.. ka tan vek mai!
113
lrpa Says:
October 26th, 2011 at 12:35 am
Hmeltha deuh chu in mu ta vek ani maw?
114
VaiVa Says:
October 26th, 2011 at 1:42 am
Mimal chanchin sawi khawm vak vak hi a thliarkar rilru ka ti, a ho ka ti hle. Ram leh hnam vei phak lo hi misual kan lo va tam tak em!
115
puakphura Says:
October 26th, 2011 at 2:22 am
In thiam loh liau liau! khonge tunah sailova hi a awm pawh in hre awm tawp si lova! ti khan maryland ah khan awm ve mai mai se. Sap ram kal a awm ve a duh ani mai a. Australia Mizo awm te kha chuan an rawn thawn ho leh thei thlap! Tinge Maryland anih avang a a cham rei tak phian!!!! Lo awmtir ve ru, a hre ve kar a nia mawl hle mahse in cham hlen dan chungchang kha…
116
loneeagle26016 Says:
October 26th, 2011 at 2:26 am
Khawvelah hian tumah famkim kan awm lo, Lal Isua ber pawh kha ama miten an khenbehtir daih mai ! Vanlalsailova hi mi hlawhtling tak pakhat angin ka hmu kei chuan. Love Song a sak laiin T-Series thleng thlengin Contract offer a hmu bik a, ‘Vandemataram’ a sak vangin vai professor te meuh2 pawh mittui tla zawih2 khawpin a siam thei. Nula ho in an atchilh a, Sailoa mania khan a tuam vak anih kha… ! Mi tam berin Camping atanga pianthar an tum laiin, hepa hi chuan a thiltih lai a hlasak,a eizawnna zahpuiawm lo tak kalsanin Isua a zui ta daih a. T-Series ho contract thlengin a hnawl daih, ka ui lutuk. Theological certificate, Bible School a kal awm kan hre lo, mahse a hmangtuin a hmang miau a, USA a kal hma lawka Vanapa Hall a an crusade hlawhtlinzia te kha khatih hunlaia Pathianthu boruak a nasat loh ngaihtuah chuan malsawmna a tling tak meuh. Amah hi chu vawikhat ka kal pel ve thuak tawh, ka be hran lo. Kuhva/meizial a ti ve lova, a thawmhnaw pawh a fai hmel a, a hmel hmuh pawh a nuam fu mai. Kei hi chuan ka tluk loh ani miau a, ka ngaisang khawp mai. Hetiang mi nun uluk deuh hi Pathian pawhin a hman chhunzawm zel ka beisei.
117
loneeagle26016 Says:
October 26th, 2011 at 2:34 am
#115, Puakphura, Aizawl News ho chuan alo haw thu an chhuah chuai chuai tawh kha..hairehai
118
puakphura Says:
October 26th, 2011 at 2:39 am
Dik chiah lehkha thiam nilo mahse khalam ah khan nangni ho khan lo in tlangtlak tir hram2 ang che u. Burma refugee pawh Maryland ah khan an tam tih ka hria a, mix marriage ah harsatna lo nei su! Triau a kan naute awmpuitu te leh kan rawngbawltu; kan awmpuite khan advantage an nei anih pawh in ‘AR’ an lam theih loh chhung chuan an ding chhuak ngai lovang! Republic of Indo Myanmar hi democratic of republic an puan rual rualin kan awmpui te kha chu an lo let leh mai tur ani. USA pawh hian Burmese chu nau awm atan an la duh chuang lo a. Kan hnam hnufual Burmese ho hi chu kan thu hnuai ah thla khat a cheng 700 a kan rawih atan an lungawi leh tur ani ringawt mai ani. I salute you Brothers in Mi-hlun not in Arms.
119
puakphura Says:
October 26th, 2011 at 2:47 am
Vanlalsailovea te pawh chhuat nawt atan chuan a tha em em ang! A nihna a hai chuan thil dik ani chuang lo! Maryland ah a cham don anih chuan naktuk ah kan chhuat ron not sela chuan kan ekin (comode) a hrethiam em o!! rawn silfai nghal se ka duh a, ka ruai nghal e. Hetiang life hi Sailove chu a fel a engmah thohhreh a nei don chuang lo tih ka hria a, ka bathroom poh a hru tle hralh ang tih ka hriat avang hian, he nau hi Maryland ah hian thawk ve se ka tia. Mahse saptawng a thiam loh avangin helaia Mizo awmsa te hnuai ah a thoh angai don ta anih hi!. A thei tho ang chu poh chu, a rem apiang “Mate min nei rawh” tih lampang kha chu sim rih a tha ang!!! a hunah chuan a thleng mai ang….
120
mamboihi Says:
October 26th, 2011 at 3:53 am
Sailova hian US hi October 12 khan a chhuahsan a, tunah chuan Aizawl ah a awm tawh vangin a nia kan ngaih em em…@Puakphura
121
Lovely Says:
October 26th, 2011 at 4:02 am
Ku’Sai-Kim-Bonga chu ava ngaihom ve le… amah hrechiangtu chuan a haihawt ltk tih bak han soitur kan neih vak ka ring lem lo. Lai kohhran a a rawngbawlna ho phei chuan a in ngaihtlawmna ringot poh hi mak kan ti a.. an soi an soi ringot. Mihring chu tumah famkim kan awm lova… thil tha kan tih poh in soiseltu chu kan nei zel dawn tih chu a chiang.

Engpohnise, tun tum Sailova US lo zin sawiseltu tam tak hian amah an hriat chian loh vang ni ber in ka hria kei chuan. A reng thu ah, mihring te hian (Zohnahthlak zingah a nasa zual in ka hria) mi thatna aiin mi chetchhiatna hi kan hre peih zok tlat zel hi a mak ve ngot chuan ka hria…
122
loneeagle26016 Says:
October 26th, 2011 at 4:06 am
#118&119, Puakphura, i comment atang hian i mizia awm alang lek lek nge , i rawn uang le ? Sailova hi chu London, England ah pawh khan ain adopt reuh khawp asin ! Midang hmuhsit i tihnat hmel hle mai, Burma lama kan unaute ho pawh i hmuhsit ang ngawt hi anni miah lo ania, i tluk mang loh tur hi an kuhtul ania aw. I bialnu , i star ve em em khan Sailova hi alo atchilh hlauh emaw ni dawn le aw…
123
vlremruata Says:
October 26th, 2011 at 4:19 am
Mikhual thlen hi a changchuan a hahthlak ve thei viau a, milar thlen phei chu tlin a har viau in ka ring! Sailova lah khualthlen hrehawm vak anih lo hmel hi te ka lo ti ve mai mai..rawngbawl leh thlengsil thlenga a ti ve bawrh bawrh khi tha ka lo ti mai mai.
124
Aryan Says:
October 26th, 2011 at 4:56 am
“niminah chief guest nilo mah ila vawiin atana chief guest atana ruat ka nia ngatinge niminah khan thutna tha min pek loh” ti in ka an khum hmuar hmuar maitur che u sin
125
littlerascal Says:
October 26th, 2011 at 6:08 am
Nakinah lehlam ah a negTive lam in an rawn post leh mai ang ah! : rinthu:
126
Puii Says:
October 26th, 2011 at 6:39 am
Pi mamboih,i ziak ngaihnawm khawp mai…

Vanlalsailova hi Mizo tlangval lar ber a ni mai thei a, a chan chin a tha zawng leh a chhe zawnga sawi chu kan awm teuh ang.

A reltute hian Sailova tan tawngtaina lo hlan ve thin se hetiang an sawi ang taka mi fello a lo nih chuan!!!!

Relna leh sawiselna karah pawh a rawngbawlna chu a la kal zel chu anih hi… a lawmpui awm thin..
127
shailendra Says:
October 26th, 2011 at 6:44 am
chhiar vel peih lo e. Ho e mai. Worshiping a human…. bleeeh…
128
mamboihi Says:
October 26th, 2011 at 7:19 am
Ka hnathawhna hian a zir loh vang nge.. Mi ngaihsan chiam leh hmuhsit chiam hi chu ka ching lo ve tlat!. Sailova pawh hi ka worship hran lo,,, worship ila chu rawng te a bawl nang le!! NOI
129
Nguntang Says:
October 26th, 2011 at 9:51 am
vanlalsailova leh nghapih inanna–> a duhtu tan a ngainatawm tak,fak mawlh2 tlak.sakhaw mumal nei lo tan phei chuan biak hial tlak;a duh lo tu tan erawh a chanchin a tha zawnga an sawi hriat pawha luak bawrh2 na tham,tenawm leh rimchhia a ni thung.
130
Chhuaklinga Says:
October 26th, 2011 at 10:12 am
Nghapih sawi takah chuan ei duh chu sawi loh ka ten tlat, a rim a tang hian a thihna a rei tawh hmel lutuk a.
131
belebuta Says:
October 26th, 2011 at 10:15 am
Mizo te hi kan rilru alo va la te tak em…….
132
sangsangteii Says:
October 26th, 2011 at 11:06 am
He post chuh mipa mizia hrang2 siat nan a va tra ve. Gentleman tamtak an om laiin comment atranga mahni mizia butut tak (vaiva inti khian thliarkar zia a phuah ang)ron phuhcuak an om bok. Eg. la lawma, puakphura etc. An nun a bitterness om khian a ti hah hmel em a, an khonaithlak ka ti
Tin, mi trenkhat mi thil sawi apiang a dik/diklo proof tum miah lova mi thil sawi awi duak2 chi kan om in a lang. “Chumi chuan ati” ti a in ngah ai chuan, samaria rama mi ten,”We no longer believe just because of what you said; now we have heard for ourselves, and we know that this man really is the Savior of the world.” an tih ang khan thil reng2 hi keimahni ngeiin kan proof hian kan chiang a, kan huaisen bok. Pathian thu te hi mi sawi kan ngaihthlak ngot ai chuan keimahni ngeiin Pathian kan biak pawh chuan kan chiang zok (mi sawi ngaihhlak loh tur ti na ni lovin)Hetiang tur hian kan hnam hi kan taima tok lovin kan huaisen toklo tlangpui. Chu2 kan changkan thei lohna poh hi niin ka sia – zirna/politics/kohhran thlengin.

Comment pe ve si, an rilru tilang ngamlo ho khi chu ka rin danin christian, a hu hova om a phur ve tak, mal tlat nun a chaklo tak, sual hneh thei reng2 lo an nih duh hmel

Post tu nu, iti lomom e. Mizo te hi in fak ai chuan in sawisel ching kan ni tlangpuia, thih hnu hi chuan kan in fak ve trok ani mai a, hetianga an dam lai ngei a mi fakna tur kan neih te hian in fakin in chawimawi thiam ila, kan ram hian hma a sawn zok ngeiin a rinom. I sawi ngaihnawm thiam bok si. In naute khi hmuh ve a chakom
133
eih sii Says:
October 26th, 2011 at 11:32 am
Pi Mambawihi i ti tha e….Sailova hi hmaichhanah ka la be miah lo…mahse tlukloh rimnam ani tih hi chu ka chiang ani….Fakna atam poh leh sawiselna poh atam thin…Chuan mi kan tlukloh te chauh hi kan sawisel thin bok…..
134
benjamin rualthanzauva Says:
October 26th, 2011 at 12:24 pm
Pi Mamboihi chuan MSA day scene kha rawn comment thei se maw le.

“Pastor nupui phei chuan a ngaihtuah em em a, crusade a neih laia kea rei tak a din thin avangin a ke a lo khamin a lo na thin a ni awm a; foot massager thlengin an lo ngaihtuahsak vek a lo ni a.”

Pu HV an thleng ve se chuan a duat viau ang. Six pack a ni mai. Silai kah te pawh a lo zirtir ang.
135
CrySTaL Says:
October 26th, 2011 at 12:36 pm
Sailova chu in va lo khel nasa leh ve mawle. A fel na leh sualna lam vel chu sawi tur pawh ka nei hran lo mahse a haihawt chanchin hi kan zep ve lawk. Tun tum a rawn haw tur kha Chennai to Kolkata flight tur kha kan va nang lo hlauh a, a dawt chiaha flight ah khan kan book ta a, chuan a karah khan darkar tam fe kha a tla sia, checkin thlap ila haw leh phawt mai ang kan tia, a luggage kan checkin a kan haw dawn ta a, airport pawnah kan chhuak a, khaw nge i bag ka tia(laptop bag leh hand-baggage tur stroller te)check-in counter bula kan din naah khan a lo theihnghilh daih chu ni in, kan va let leh a, a lo la awm hlauh a. Kan va haw leh chuan a headphone a lo theihnghilh a, chu pawh chu a vawi 2 naah pawh a thihnghilh leh tep. A tala leh chahbi a theihnghilh hram bawk. Haihawt ve tak chu a ni. E taka..kan inah pawh a chaw eina a lo sil thlap.
136
Nghatunval Says:
October 26th, 2011 at 12:46 pm
Vanlalsailova hi mi pakhat chu a ni ve a ni ka tih khi in pawm em ? A chanchin sawi tawh naah chuan a pung hluai zel !

Post ka khar e kan ti ve ngawt ang a, a duh duh in pawm ula,a duhlo chuan in pawm lo mai ang a.. (thu awm vei !!)
137
sangsangteii Says:
October 26th, 2011 at 1:21 pm
Pu HV a kha chuan thlen chu sawi loh – Vawikhat chaw a eipui poh khan khati khop khan a chhiatna a zong nasa ania, pi mambawihi te thlen chin hi thleng phei se chu a that duh hial ang tih hlauom khop anih kha mo le pu rual!ha2 Tak2 in a thlalak ron post a a hnunga a hriamhrei a a tin hmel kha chu thlalak mai mah ni se mi ti trim ur2 thei alom le – a hmel kha a setanic top!
138
lamea25 Says:
October 26th, 2011 at 1:34 pm
Ngaihdan ain mil thei lova, ngaihsan zawng ain ang heklo.mahse a pawng ataka PUAKPHURHA te anga pawn sawichhiat vak mai khi a finthlak ber em…tul lova Burma lam unaute a sawivak te khi an dinhmunah ding se enge maw a nih ang le
139
Chhuaklinga Says:
October 26th, 2011 at 1:38 pm
@sangsangteii, i thu ngaih khi chu a tha khawpin ka hria. Mahse, english-a thu i ziah dik viau laiin, mizotawnga i ziah khi chu mit a ti kham deuh a nih khi, i duh chuan i ziak dik thiam tho awm si a, te ka lo ti ve mai mai a.
140
sangsangteii Says:
October 26th, 2011 at 2:10 pm
@chhuaklinga ka lawm e. Ka lo zir ve zel don nia. Text msging hi kan ti nasa a, hei hian nasa takin min ti khawlo ni in ka hria
141
Vanlalzailova Says:
October 26th, 2011 at 3:34 pm
Sailova in sawi in sawia Vanlalzailova hi enge in ngaih ve dan.
142
loneeagle26016 Says:
October 26th, 2011 at 4:16 pm
#137, Sangsangte, fiamthu leh thutak hi hriat hran atha khawp mai. Pu HV-a te zawng Sailova hi chhan ngaiin awmse, a chhan huai ber pawl ani ang chu mawle… Fiamthu kan duhdan hi a in ang vek lova, thenawm site ah phei chuan lo leng lut ve thinla, i tap chhuak hial ang ka ti..hairehai ..NOI
143
mamboihi Says:
October 26th, 2011 at 5:14 pm
#135 Chrystal A haihawt chu i lo tem ve ni maw?!!
Sangsangteii.. Kan naute chu cute tawp!:-D
#134 Benji… MSA Day Scene a athusawi hi ka la ngaithla ve lo pek! engpawhnise, phone call ka dawn atang leh hmaichhana min hrilh tu te atang in ngaihdan a inang lo!! A thenin, “A sawi nasa mah mah an tih laiin, a then ve thungin, “A ti tha, khatianga min hau ngam kha a lawmawm, zilh tu neih hi hlu deuh ania” ti an awm bawk!! Mipui kan thuhmun fo thei lo anih hi!!
144
k Says:
October 26th, 2011 at 5:50 pm
Sawitur ka nei ve lo tlat mi
145
filliz Says:
October 26th, 2011 at 5:56 pm
Vanlalsailova ai chuan Vanlalzailova hi ka duh zawk daih…hehe…
146
zodin Says:
October 27th, 2011 at 1:34 am
ka ngaisang bawn tawp ani mai, eng hla pawh sa se a aw kal dan hi siamtu in a duh ang tak a siam sak ani tih a lang leh zual, ka ngaithla ning thei lo mahse love song hlir ka ngaithla thung.
147
mamboihi Says:
October 27th, 2011 at 1:55 am
#146 Zodin.. I ti lawmawm e!
148
Florence Chhakchhuak Says:
November 8th, 2011 at 2:43 am
Engpawhnise, tu pawh mai hi tlin lohna nei theuh kan ni tih i hria ang u. Zawngin a ma mawngkhak a hmu lova mi mawng khak chauh a hmu tih hi a dikin leh hetiang nih hi awl tak mai ani. I fimkhurin leh in siam that theuh i tum ang u.