Kan rama cement hna thawk vai mistiri hlawh tur zat Central Y.M.A in bithliah an siam hian ngaihtuah a ti tam hle mai a, ka han puak chhuak ve lawk teh ang!
Heng mistiri te hian a ruaitu zawk mizote hi kan duap hmasa zawk zel thin tih an hria a, reilote nghak ila kan duh ang hian an ti leh tho ang tih rilru hi an pu emaw ni le!
India ram khawpui Kolkata, Delhi,Guwahati leh Silchar etc-ah han bazaar ila, mizo kan ni tih an hriat chuan kan nep a nawm zia an hriat avang nge ni (?) an thilzawrh te pawh tlang mi ve tho, Naga, Manipur-te hnena an chhiar aiin Mizote bulah chuan an chhiar to niin ka hre thin.
Han nep ve viau mah ila, mizo chu a to leh to loh lam niloin an duhzawng chu an lei tho tho tih an hria ni tur a ni an tawlh duhlo khawp mai.
Mizo te hi hnam naupang tak leh hmalam thlir thui lo tak kan nih (?) avang hian roreltu leh sawrkar hruaitute (politician) pawh hian atirah thawm neiin ri hluai thin mahse kan rilru tawi zia leh ngaihsam zia an hria a, thu belhchian dawllo leh ram tan a thil pawi thei tur, nakin a lang chhuak leh mai tur tih leh sawi te pawh hi an hreh loh phahin a lang thin.
Mi rama rei tak harsatna,nunphung tikhaihlak thei tu thil te pawh hi keini mizote zingah chuan nihnih/thum han rihluai mah ila reilote ah a reh fel leh hmak thin. Misual leh tualthattu chhui chhuah loh pawh awm sela,kar khat vel hnuah chuan enge chanchin tia ngaihven leh rilru seng zui peihlo, kristianna vanga ngaidam ni bawk si lo, thil tihsual, chhuichhuah loh, hlamzuih ta mai mai kan ramah hian a tam ngawt mai.
Hei hi kan kristianna vang nge ni ang a kan rilru tawi vang te, kan dawihzep vangte, kan thatchhiat vang te leh kan dawhtheihloh vang ni ang tih erawh chu chhut ngun ngai tak a ni.
Chuvang chuan ka rindan tak chuan Central YMA ten Vai mistiri hlawh hi Rs 300 turin bithliah mahsela, keimahni mizopa, a ruaitute ngei hian kan bawhchhe hmasa zawkin ka ring tlat a ni. Mite hriatah chuan YMA rate a awm a lawm pawh ti ila, a rukin kan hnamdang mistiri te hian an thawhna te hminin an duhzatin an in ruai lo ang tih hi sawi a har khawp mai.
Heng hnamdang te hi chu an tan a tha turah chuan an tangrual thei khawp a, reilote hna neihlova, ahnu ah hlawh tam zawk a an thawh theihna tur anih chuan kar hnih/khat han chawlh mai mai chu an pawisa lo, a hnuah an tan a tha dawn tih an hre tlat.
Chutih laiin a dawhtheilo zawk zopa ngei mai chu mahni ramah kan dawih aw leh duai ang a, kan hmanhmawh leh dawh theihloh avangin an rate duh danin kan ruai leh tho tho ang tih hi a van hlauhawm tak em !! Kan ram chhungah kei mahni leh kei mahni kan inti chhia in kan inti hniam zelin a lang. I fmkhur ang u, an ni (vai) hi chu an dawhthei a, an tana tha turah chuan teirei peih tak an nia aw.
Kan buante hi tisa leh thisen an ni silo,van hmunah te awm thlarau sual te an ni zawk e tih ang mai khan Mizopa anga tlawmngaihna leh midangte pawisak nachang hre lo te an tam avang hian i fimkhur ila, i tangrual teh ang u.
Thlir dan pakhat atanga ka thlir chang chuan heng development scheme hrang hrang te MIP,NLUP,etc te ai hi chuan Cement Mistiri, Mutia,cooker chhe siam thiam, hlawhfa inngaitlawm, artui zuar, chhangthawp zuar, taxi driver hlawh tlem ngam, chanchinbu sem, mi nauawm(babysitter) peih, mi awmpui ni ngam leh kuthnathawk peihah te hian kan intodelh theihna tur scheme te hi kan politician te hian zuar thin sela tun ai hi chuan kan ram in hma a sawn phah ang a, tun a kan harsatna tam tak hi chu kan pumpelh ngei a rinawm a ni.
(Hetianga kan awm dan – ram chhengchhe taka awma, thawh chhuah fumfe pawh nei chuanglo chunga nuamsa taka kan awm thei hi Thuhriltu thenkhat lah chuan Pathian zawn chhuah ram kan nih avang leh Chanchin Tha avanga kan chan malsawmna a ni an la ti zui lehnghal)
Mahse, Central YMA reng reng pawh hi, ngenna an siam a, an thuchhuah chu order tluk a ni thung. Chi leh chi, vun rawng etc. avanga inthliarna awm thin hi khawvelin a huat berte zing a mi a nih mek lai hian, kan rama pawl lian leh chak ber YMA-in hetianga ngenna (order tluk hial) a chhuah mai hi ngaihtuah chian a tul hle niin a lang.
Cement Mistiri zawng zawngte ti se la chuan a khaikhawm theih viau laiin “Cement Mistiri (hnamdang vai)…” tih kher hi inthliarna chikhat a ni. Kan ram a ni a, kan ta a ni; hnamdangte pawhin anmahni state-ah chuan hetiang hi an lo ti ve pawh a ni mahna.
Amaherawhchu, Mizo fate hi ram hrang hrangah eizawngin kan kal ve zel dawn tih hriain inthliarna hi a ngam lo ber turte zinga mi kan ni rih a ni tih kan hriat tlan a hunin ka hria.
Engpawhnise, ei leh bar zawnna kawngte leh thil danga inthliarna tih chiam ai chuan “hnam tlem zawk humhalh bik” kan nihna hi dik takin kal pui ngam ila, a awmchhun hnamdangte aiin taima in chhawr naawm zawk thei ila chuan kan rama hnamdangte hlawbi tur kan siam sak ngaikhawpa kan mamawhna hi a tlahniam zel anga; Pialral kan ngaih em em na faisa ringa awm chakna hi mizote rilruah a bo ve hret hretin a rinawm.
Similar Posts:
- Sa man leh mistiri hlawh tur bithliah
- Hnathawh kutkawr
- Kawnpui Dai Motor Accident-ah mi 3 thi-ah Thingsul VCP tel
- Vai mistiri bawk : A thawn haw lam ve thung !
- Kan Mizia leh nun duh dan
August 7th, 2011 at 9:34 am
Cement mistiri te hi an hlawh tha khawp mai…. Vai thawh tur chauhah hian ngai lo ila, Mizoram hian kan hlawkpui ngawt ang. Mizo zingah pawh cement mistiri chu an awm ve nual tawh tho a, hei ai hian thalai hnathawh tur hrelote hian ngaihven sela….kan ti mai2 maw le..
Ngaihdan tha tak chu a ni… a pawimawh berah chuan TAIMAK a ni ber e..
Report this comment
August 7th, 2011 at 9:34 am
chawlhni zingah ‘Cement mistiri’ … hehe .. Tha viau tho e …
Report this comment
August 7th, 2011 at 10:00 am
Ka’n zephenath loh chu..:-)
post thra viau e.
Report this comment
August 7th, 2011 at 10:20 am
Mizo thing Mitiri te pawh 400-500 in chhiar te pawh an awm tho a ni lawm ni? He post hi ka like e.
Report this comment
August 7th, 2011 at 10:21 am
Mahse, Central YMA reng reng pawh hi, ngenna an siam a, an thuchhuah chu order tluk a ni thung. Chi leh chi, vun rawng etc. avanga inthliarna awm thin hi khawvelin a huat berte zing a mi a nih mek lai hian, kan rama pawl lian leh chak ber YMA-in hetianga ngenna (order tluk hial) a chhuah mai hi ngaihtuah chian a tul hle niin a lang. Cement Mistiri zawng zawngte ti se la chuan a khaikhawm theih viau laiin “Cement Mistiri (hnamdang vai)…” tih kher hi inthliarna chikhat a ni. Kan ram a ni a, kan ta a ni; hnamdangte pawhin anmahni state-ah chuan hetiang hi an lo ti ve pawh a ni mahna..
Helai hi tha ka tya,ka ron paste leh top e. Nia mistiri zawng2 hi han khaikhom se,an thuchhuah poh hi a zahawm deuhtur.
Report this comment
August 7th, 2011 at 10:22 am
Report this comment
August 7th, 2011 at 10:45 am
Post tha tak ani
Report this comment
August 7th, 2011 at 11:21 am
Report this comment
August 7th, 2011 at 12:02 pm
Thil tamtak thlir sa veka an tih a rinawm. A nih leh Vai Mistiri hi thawk duh ta tlat se, Rs. 300 hlawha tha taka an thawh theih chuan Mizo Mistiri thiam ve tho aiin kan ruai duh zawk mai ang em?
Report this comment
August 7th, 2011 at 12:03 pm
kan hnam hi kan moral a la thra a(a nawlpuiin) survival games khelh vak ngailoin threnawm khawveng thra te zarah ngheiloin a la awm nawk2 theih zel a mahse rei a daih dawn tawhlo,’thawklo chuan eipawh ei suh se’ tih kha kan thupui a ni trep tawh…MAHSE…thawkrim lemlo a ei treuh tum hlir deuhthaw kanla nisi, kan work culture siamrem a nih hma si hian hnamdangin min chimpil anga kan harhchhuah hun a kan thawh ve tur zz ah hnamdangin bulthrut anlo chan tawh si chuan a buaithlakin thawkpeih tan pawh a beidawnthlak dawn em a… YMA hian chutiang hmathlir neiin ruahmanna a siam a niin a lang, ram mi inhumhalh a thawkpeihlo chung pawh a thawhluihtir hram dan kan indap a nih hi CHI INTHLIAR tumna lam a nilo
Report this comment
August 7th, 2011 at 12:49 pm
Law of supply and demand in hlawh te chu a rel tur ani. Mizo hlawh leh Mizo nilo hlawh lo fix ve rignawt turin YMA in thuneihna an nei lo. Chuvang chuan lo ngai pawimawh lo an awm pawn eng dan mah an bawhchhe lo. Racism chu sawi zui lo mai ang.
Report this comment
August 7th, 2011 at 1:41 pm
Vai mistiri hlawh hi ni khatah 5000 te tihsak se, tuman kan ruai lo mai dawn lawm,CYMA hi an thiamlo em mai
Report this comment
August 7th, 2011 at 2:07 pm
#8 & #9 hi ka ngaihdan chiah a ni. Mizo mistiri_te tan a that hmel viau a, mahse practically chuan Mizo mistiri_te chhawrtu hmu mang lova siamtu a ni thei tlat.
Hlawh chungchang bakah hian sawi belh duh ka nei a. Mizo hlawhfa a thawk thinte hi inngaihtuah chiang se ka duh khawp mai. In chhete ka khawr ve mek a. A tir lamah chuan hnam rilru pu-in veng chhung ami hlawhfa ah ka chhawr hlawm a. Mahse, Mizo chu rawih kan lo nuam lem lo, hlawh neiin mi in min chhawr tih reng kan ngaihtuah pha lo emaw tih mai turin khawsak kan ching tlat. Hna tan hun leh ban hun kan ngaipawimawh teh chiam lo a. Thingpuiin chawlh bakah, hnam dang tih ngai lem loh zial zuk chawlh tih ang rengte kan han nei leh zel a. A ruaitute thu zawm duh lem lo, ngeng ngalh mai te pawh kan awm zel mai. Tichuan, a hnulamah chuan vai leh khawchhak paihte ho ka ruai ta a, Mizo rawih ai chuan a manhla khawpin ka hria.
Report this comment
August 7th, 2011 at 2:42 pm
Ka ngaih ve danah chuan mistiri emaw,tiri lo emaw, vai emaw, vai lo emaw, an hnathawh azirin an hlawh hi inang tlangin bithliah ni se, amaherawh chu ram leilungfa ni ve lote chuan an hlawh atang khan sawrkarah chhiah pe mai se a tha in ka ring, Mizorama an rawn thawh manah.
Mizo leh vai khaikhin ralah chuan vaiho hi chhawr an nuam deuh zawk ni awm tak a ni. Mizo mistiri thenkhat te hi chu a ruaitu te duhdan aia mahni duh dan a thawk lui tlat hi an awm thin an ti.
Report this comment
August 7th, 2011 at 6:12 pm
Vai ho hi chu, helper anga in pakhat an sak zawh chuan mitiri angah an insawi mai a. An inzir peih a, an thiam reng a. Keini hi chu dam chhung a helper a tan tum, inzir tum reng2 lo kan ni a. Kan ngaihtuahna hi kan thlak deuh a ngai a ni. Mitiri ang a kan insawi ngam loh chuan tuman min ruai dawn lo…
Report this comment
August 7th, 2011 at 7:42 pm
Eng pawh ni se engkim mai a YMA an inrawlh mai hian kan sorkhar nep zia leh chak loh zia a ti lang a nih ber mai hi.
India ram a awm vek inthliar hranna neih hi dan kalh ani lo maw?
Tin engkimah mizo chhor ai chuan vai chhor hi a nuam zawk.
Kei pawhin ei zawna lamah regular tak in vai leh mizo ka chhawr ve fo tawh ka hre ve khat tawh.H;awh in zat rau rau ah vai in an thawk tam fe zawk ze.
Report this comment
August 7th, 2011 at 11:01 pm
Report this comment
August 7th, 2011 at 11:09 pm
#13,kei poh housing loan rs 20 lac la a in sa mek ka ni. ADA dan a nih hnu phei cuan ARCH/ST ENG roih nan nuai don ka seng. Vai mist rs.300 a roih tur hi YMA hian min pe thei se ka duh dan a ni. A chhan cu mist tuman rs 3 00 an duh lo,a tuar tu cu keimah bok. YMA poh hi an rate to hma khan ron ti se tha tur.
Report this comment