Kar kal ta khan, Bazar hmun kil khatah vai motia (?) leh mizo tlangval zu rui – chawrche ve hmel tak an insual a. Vaipa chuan a lo pe dak ngun deuh nge ni, mizo zawka chu a mit ko a duk a, a hmui a thi bawk a. A thiante pawh ni chuang lo – mizo tlangval pali velin pawt thenin, vaipa chu a awmah an thap ta bawrh bawrh a. Kut an thlak hman tep nghe nghe a!
Ka tlan phei vat a, thil awmzia ka zawt a. Mizo tlangval zu rui chuan vaipa pawisa a dilin kut a lo thlak hmasa a ni awm a. Tlangvala chu ka bulah ka pawt hnai a; a thil tih dik loh zia leh amah mimal tan mai ni lo, hnam tana mualphona thleng thei a nih zia te ka hrilh hrep a.
“A tirah tha deuhin ka dila min pe duh lo a nih kha. Ka haw anga kan veng vaiho ka dil leh tho ang. Min pek loh chuan an chàk lovang, vai mai mai…” a tikhanglang a.
“Thu tha ka hrilh che a, i dik lohnaah ka zilh che a, a pàwng zawng zawnga i la tawng chu le… he vaipa hi tunah hian, hmaichhanah ngaihdam i dil loh chuan Police Station-ah ka hruai dawn che” ka tive ta a.
Chu ve leh, tlangval pali zinga pakhat (an rui miah lo) chuan –
“Hmaichhana vai ngaihdam dil turin hepa hi i phut a maw? Ka pu, em em a che a!…” a rawn ti a. “em em lo ve, he tlangval hi a sual a, an vengah sual leh a la tum a, ngaihdam a dil duh loh chuan police-ah ka hruai ngei dawn a ni” ka ti ta tlat a.
Pakhat dang chuan – “Ka pu, a suala-te chu an sual a ni mai a. Ka ngaihdan chuan he ramah hian, engvang mahin vaiin mizo thisen chhuak khawpin kut a thlak tur a ni lo. ILP lem hmangin duh chen chen an awm a, tih emah chuan Kristian ram kan nih avangin an lakah that pawh kan tha thawkhat viau alawm le…” a rawn ti a.
“Thlamuang taka awm anga in ngaih lai hian, kan rama vaiho hi an thlamuang hauh lo…” ka ti dek dek a, a hmaa mi bawk chuan páwr tawkin – “Thlamuang e… Vairamah kum 7 lehkha zirin ka awm… Kan dikna ngawih ngawihah pawh kutthlak let chu sawi loh, tawngkam vin pawh kan hmang ngam hleinem. Mikhual theuh theuh, kan rama vaiho nen chuan inthlau vet vet tak kan ni. A pawng a takin hmusit ang u… ka tihna a ni lo. Mahse, he ramah, kan khawchhungah hian a dikna pawh niraw sek sek – vaipain zofa kut a thlak ngam tur a ni lo hrim hrim. He tlangval – zu rui hi kan tan a ni lo, kan bazar hmunpui bera mizo kut a thlak ngamtu – vaipa hi nakin zela mikhual awmdan tha zawk a hriat nan ben harh kan tum a ni zawk!”
a rawn tita piap piap a.
“A vawtu èk cheh” an tih ang deuhin, zilh hrep tumtu zawka chu ka dàng a ni ta der a.
An ‘aw ki’ a san chhoh tak em avang leh, an sawi chu dikna chen awm ve tlata ka hriat avangin vaipa chu ka kai chhuak a, a tha a la khur deuh dar dar nghe nghe a. “Nangmah chu sual lo… Nangmah mijoramah om char char du suan, voi 1 poh mijo maar toh suh, sia em…” ka ti a, a lu a bu nghat a, ka kaltir ta a.
Sawi ho atan —
#1. Vairamah chuan kan lo chep deuh pawh a ni thei e. Kan diknaah pawh dikna sawi ngam lo lèka rahbeh pawh kan ni thei e. Chumi avanga an tih ang chiaha lo tih ve hi — a Kristian lo a, anmahni ang leka sualah kan inchhuah tihna a ni. “Pathian hnam thlan” inti ngam ngat ramah hian mikhual leh hnam tlem zawk mah nise, an diknaah an trang ngam ve tur a ni dawn lo’m ni?
Mikhual chuanga that nasa tak chhuah thin kan thlahtute hre rengin leh, Pathianin keimahni ang thova duh taka a siamte annih ve avangin, kan hmusitin kan rapbet tur a ni lo. An dikna pawh engmah sawi ngam lo leka vau beh te ngat phei chu sual lian tak a ni.
#2. Mikhual/ Ramdang miin, engvang mahin a ram neitu kut a thlak tur a ni lo. India ram angah te ngat phei chuan a nunna atana hlauhawm khawp pawh ni lo, misual kuttum satliah mai maiah tan lo khawhin a tawk let tur a ni lo hrim hrim. A sahim nan a tlanchhe zawk mai tur a ni. “Ka diknaah chuan…” tiin an inla pàwr khâng tur a ni lo.
Tun hnaiah pawh vairama mizo zirlaiten kut an tawrh tak zeuh zeuh hi. Buaina a punlun zel loh nan leh an sahim nan, an diknaah pawh tlawm zawkah an tang mai thian ang hian – kan rama vai, burma mi leh mikhualtu pawhin an diknaah tlawm an hreh tur a ni bik lo.
Similar Posts:
- Combined Post: Football leh Pro Fight
- Dan lova mi rama luh hi!
- Harsa ka tih thin — 10
- An Eye for An Eye?
- Vai pasal ka nei a
August 9th, 2011 at 12:36 am
101 na
Report this comment
August 9th, 2011 at 12:38 am
Zurui tih mualpho nan 102 teh ang.
Report this comment
August 9th, 2011 at 12:39 am
Press F1 to continue!
Report this comment
August 9th, 2011 at 12:39 am
reilo te vairamah ka awm vea, a hmingin 2wheeler ka nei bawka,motor dangin vawi 2 ka hnunglam atang min su thlu tawpa, traffic police pawn min chhan lo,ka hmel a hmuh chian veleh a kalbo deih. ngaihdam dil tir i tum kher chu tul ka tilo khawp mai. thelh la, vaipa chu tlanbo/tlansawn tir la a tawk viau ani THIL THA TIH I TUM VE anih pawn. a tha thawkhat viau ani. a bak chu ka sawi thui lo mai ang
Report this comment
August 9th, 2011 at 12:39 am
Vai mutia emaw Mizo zurui emaw khian an thiam leh thiam loh lam ni lo-in an intibuai lai va hmutu chuan an inkara roreltua tan i va tum ringawt hi a dik ka ti ve miah lo tlat.
Thil tha lo leh dik lo i hmuh chuan thuneitu hnena thlen mai kha i tih tur dik leh tha ber niin ka hria.
Report this comment
August 9th, 2011 at 12:43 am
Mihring hi kan fel tak tak lo alawm.
Report this comment
August 9th, 2011 at 12:55 am
Vairam thlawh kanin ramdangahte hian kan tu leh fate zawng zawng hian lehkha zirtir thei vek se tha tur a nia.. Vairam atanga vai naupang Mizorama lehkhazir an awm mang bawk silo. Vai nazawng pawisa lo dil ve sek chu zawhloh nghawngkawlah kan inbat kual vel lek lo’ng maw ? …an diknaah chuan kan ram pawh nise a lang tala an thlavang hauh ngam a tha ka ti, diklohna ah leh a langlo lamahte chuan mahni Mizo puite chu kan tan vek ang chu….. Mahni nulate chawn chen chauh ngaihtuahna neih hi chu sim vang vang a hun tawh… He thilah phei hi chuan kei pawh a langa thlavang hauh ngam a post tu hi ka tan tlat, chhunzawm zel chi ah ka ngai …..
(noi)
Report this comment
August 9th, 2011 at 12:58 am
Report this comment
August 9th, 2011 at 4:05 am
A pawm dan zawk tur ka hre lo! Ngaihnawm ka ti hle a a ni mai!
Report this comment
August 9th, 2011 at 6:07 am
Report this comment
August 9th, 2011 at 6:15 am
Hmanlai Lunglei vai dawrkai ho kha chu Bazar tlangval ho khan an chhan thei khawp mai.
Vairam ah chuti ngawtin buaina hi a tawn ngawt theih em aw ka ti. Vairamah kum 25 chuang ka khawsa ve tawh a, mizo buaina tawk, chhan leh ngai hi an mahni cho chhuah ani tlangpui thin in ka hria.Sichar vai hi chu an sual hrim hrim.
Tawngthiam loh hi buaina tawhna ani duh khawpmai, Tawngthiam si lo pawr si hian a ti buai duh bawk
Report this comment
August 9th, 2011 at 7:54 am
Post leh comment a ngaihnawm. Vaipa in vairamah Mizo ka chhan a tih ve hunah chuan o…
Report this comment
August 9th, 2011 at 8:01 am
Comment thren khat khi chu a nuih loh theih loh…hahahhaa
—- Ku Thaiboy leh Duat Duat comment ho khi…lolzzzzzzzz 
Report this comment
August 9th, 2011 at 8:53 am
A pahnihin kan khaikhawm mai teh ang, i dinhmun angah khian ding ve ila chu rei vak lo chu kuangkuahin ka thlir phawt ka ring, piansualna emaw thihna hial a thleng dawna a lan lem loh chuan.
Ka mikhual chu tha takin ka enkawl tur a ni. Tin, ani pawhin thlenin pa kut a thlak a nih chuan ka ngaizam mai mai lovang. Mikhual chuan a thlenin chu nuam a tih vak loh chuan thlenin dang a zawng mai tur lah ni. ( vaidawr awm loh na champhai pawh khi vaiin dawr siam nuam an ti vak lo a nih ka ring ve mai mai a)
Report this comment
August 9th, 2011 at 9:21 am
a tawp ka’n khar ange.. Tute emaw anga mahni kuta thuneihna i in pe ngawt khi i thiam lo hulhual.. MOB RULE i la kalsan hla vak lo.
Report this comment
August 9th, 2011 at 9:21 am
Kawlhawk hian vai nilovin, mizo zurui a chhan pawh ti ila a dik ve thei tho.
Report this comment
August 9th, 2011 at 9:27 am
Vai ram a vai sual kan tih ho hi chu a tlangpuiin lower class lampang an ni duh khop mai. Chutiang deuh chiah chuan vai ho pawh hian mizo te hi min ngai ve tho ang em le? N0I
Report this comment
August 9th, 2011 at 9:34 am
115 # I khar hma in…..
“..he tlangval hi a sual a, an vengah sual leh a la tum a, ngaihdam a dil duh loh chuan police-ah ka hruai ngei dawn a ni”
a tih khi…thu neihna a inpe hlei nem..thuneitu te kut a pekah a vau mai chauh a nih khi….
Report this comment
August 9th, 2011 at 9:40 am
Thelh ve dawn ila chu, Mizo zurui kha na vak lovin ka hnek ang a, ka pawt then ang a.
Vaipa khan amah tan ta riauvah mi ngaih lai takin, Vai Mutia kha theihpatawpa nain ka hnek leh ang a, ka nam kat hlawk hlawk ang. “BHAG … (tlan rawh) ka ti ang.
Report this comment
August 9th, 2011 at 10:53 am
Comments closed nan: Zurui pa khian zu a in vang hrim2 in MLTP Act a bawhchhia a,dan hma ah thiam a chang lo. Vaipa pawh khi a huaisen! Kan dikna ah chuan a tawp thleng a tan tur. Dawt sawi ching ho hi chu mi Dawihzep an ni.
Report this comment
August 9th, 2011 at 1:01 pm
Vaipa mawl deuhin Mizo kut alo thlak ani maw!! Kutthlak kher lo khian tlan sawn/ tlanbo san ve mai bawk sela..
A tawpa i tlanbo(?) tir khi ka support, a hma mi khi chu 50-50 vel ninin ka hria hehe
Ka tih ve dan tur. Mizo zurui nilo ho khi chu ka hnial lovang. Zurui pa erawh a thiltih zahthlak anih zia ka hrilh ang. Vaipa khi vawi 2/1 hnek pawp pahin a sahim nan ka tlanchhiat tir ang. A tlan hma in Pu Kawlhawk sawi ang deuh khian mahni ram ni lovah kutthlak chin toh lo tur tih ka hrilh ngei bawk ang..
Report this comment
August 9th, 2011 at 1:07 pm
117
ChhanaPa Says:
August 9th, 2011 at 9:27 am
Vai ram a vai sual kan tih ho hi chu a tlangpuiin lower class lampang an ni duh khop mai.
KA AWIH LO.
Report this comment
August 9th, 2011 at 1:18 pm
Zurui chuan a tizahthlaka vaipa chu a vannei hle mai…a nuih ver ver dawn chu
Report this comment
August 9th, 2011 at 1:21 pm
Thil tha hi a ler a thuai lovin a Bul atanga in zirtir hi chu kan la ngai maw le…Vai a maw, tupawh nise..diklo taka mi neih laksak tum lovin, kan hma theuhah tha zawk kawng zawh tur a Nun nghet intuh hi hnam leh Ram changkanna tur a ni.
Mr.Zika chu i huai ka ti..a free a hnar hnek i hnaih a nih chu..Mipa tihawm takah ka ngai e..We..the People of India…..
Report this comment
August 9th, 2011 at 1:41 pm
122 Fonz, kei pawh!
He paws hi kawmen ngaihnawm tlang ber awf da year ah ka puang e!
Report this comment
August 9th, 2011 at 2:17 pm
I va ti tha ve!
Hmun tamtakah chuan Dikna hian ruhrel nei miah hek lo! Hnamdang thlavang hauh avang hian vengkhat YMA ka tawng tawh, ka taksaah hian ser a awm phah bawk, Missionary PACHALin min chhan lo sela piallei thuahriat hnuaiah khuan ka thamral ve tawh mai awm e!
Kan inhmuhchhuah emaw inhmuhluh emaw a tul thin khawp mai!
Report this comment
August 9th, 2011 at 2:42 pm
Vai ramah min ti hrehawm em tih avanga helaia a dum nazawng kut thlak kan tum thin hi chu ava tha lo tak em! H.Vangchhia hian vai hetah vel sela Kawlhawka zin thlak veleh min lo ti duhdah em mai tiin lo vel se fair kan ti dawn em ni? Kan ngaihdan hi chu thlak a hun tawh a ni.
Report this comment
August 11th, 2011 at 3:46 pm
vairama kum7 om pa khi ka tan fee… kristian ram kan nia tih vangin vaiho hi lo duat hluau2 ta ila,.. min chimral hlauhom tlat..
Report this comment
August 11th, 2011 at 6:58 pm
in tih dik tum, in tih vai tan tum, in tih fel tum, in tih thulai lak tum hi kan lo tam mange…in ti vai kawm-ngeih tum tlat te pawh ka hmu hnem mai Aizawl ah hian.Mizo kan ni tlat a lawm le… mahni dikna leh chanvo pawh vawnghim zolo, eiruk hluarna state, sorkar hna lak chungchang ah pawh a minister leh officer hmelhriat neilo tan hna hmuh a har zia hrevek, se mahni dikna leh chanvo leh chhungte leh fa te unau te leh mahni hnampui te dikna leh chanvo pawh humhalh a hailang zolo te hian vai pa dikna humhim in tum tlat a, ka lawmpui a che u.THIS IS MIZORAM…WELLCOME TO MIZORAM….
Report this comment