Pathiana mihringte dinhmun;

August 10th, 2011 9:15 am by son of God

A inthlahrunawm lek lek thin, mahse, vei zawng na na chu han au chhuahpui leh phawng mai teh ang.

Tun tuma ka han tihlan duh chu Pathian laka mihringte dinhmun that zia hi a ni. Mihringte a bikin ringtute nunah thil insual a tha leh tha lo a awm reng thin. Chu chu kan Bible chuan tisa leh Thlarau indona tiin a ziak. Thil tha tih duhna leh thil tha lo tih duhna a insual reng thin.

Kana Pathian hian ringtute hi kan tawrh theih tawk bak thlemna reng reng kan tawrh alo phal hauh lo mai, chu chu hre lovin kan ngam loh emaw kan ti a, kan tlu fo thin. Thlemna kan tawh rual hian tlanchhuahna kawng kan Pathian hian min lo siam sak reng thin alo ni. Tin, Amah ngei pawh thlemna tawk tawh, sual chu sual lo a nih avangin thlemna tawkte chu min tanpui thei a ni tih min hrilh bawk.

Tin, A thatna tem turin min duh a, min sawm fo thin, chu thatna tem tawh chunga Amah kalsan leh chu har tak a ni. Ka mi fel chu tlu mahse, a tho leh ang, tiin kan hmuh kha. Lalpa thatna hi lungngaihna, tawrhna hmunah pawh hmuh thelh a har ka ti ve thin. Sam ziaktu hian a thatna hi alo va tem nasa tawh em! tiin ka ngaihtuah thin. Leiah leh vanah pawh duh dang reng reng alo neih lohna chhan hi Lalpa thatzia alo tem nasat tawh vang a nih a rinawm.

Aaaa..a sei dawn; duh taka a siam mihringte hian bawhchhiatna avangin amah kal bo san tawh mah ila hmangaihna tawp lova min hmangaihin a mah nena kan len dun leh theih nan leh chatuana a hnena kan awm theih nan chhandamna ropui tak min siam sak maite hi ava ropui tak em! Setana leh a hoten Pathian an do a, van ata paihthlak an nih hnu khan an tan chhandamna a siam reng reng kan hre lo.

Mahse, kei ni mihringte chu bawhchhiatna avanga amah kan kal bo san hnu pawhin chhandamna min rawn siam sak leh maite hi ngaihtuah hian Pathian thinlungah hian mihringte hi kan ropui hle in a lang. Mi ropui leh mi hausa, mi lian ni lo mah ila Lalpa lakah kan ropui a ni tih hriain kan mawina Isua, kan ropuina Pathian hi nasa zawkin i bel tlat ang u.

Pathian lakah kan dinhmun that zia hi lo ngaihtuah chhunzawm ve teh…..

14 Responses to “Pathiana mihringte dinhmun;”

1
Telphawka Says:
August 10th, 2011 at 9:24 am
Pathian min hmangaihna hi a van ropui tak em.

Report this comment
2
bk Says:
August 10th, 2011 at 9:26 am
Ni e.

Report this comment
3
Alanism theory Says:
August 10th, 2011 at 10:12 am
Pathian rin ringawt hi a tawk lo,kan tih ve tur a awm a.Chu chu a duhzawng tih te,sual huat (mihring nilovin) te a ni.Tichuan A thatna chu a langfiah dawn a lo ni.

Report this comment
4
Empy Says:
August 10th, 2011 at 10:27 am
Kan tawrh zawh loh tur khawp harsatna kan chungah athleng ngailo.. GuD post.

Report this comment
5
PKfanai Says:
August 10th, 2011 at 10:35 am
Ni e, heti fakauva min hmangaihtu hian, hmangaìh lèt ve hi a phù em em a ni.

Report this comment
6
Fergie Says:
August 10th, 2011 at 10:39 am
‘chu thatna tem tawh chung Amah kalsan leh chu har tak a ni’ – a dik khawp mai. Inneih ni a kan ngaihthlak fo thin “Pathianin a zawm tawh chu mihringin then suh se” tih thu hi ka rilruah i rawn sawi ang zawng hian interpretation a awm thin. Mahse, a verse context hi marriage nia a lan si avangin ka rilrua a fiah dan hi midang han share tur atan chuan ka inthlahrung deuh thin a. Pathianin Thlarau Thianghlim-a A zawm tawh hi chu mihring tan tal chhuah leh theih a ni tawh ngai lo. Sual kawng zawh leh pawh ni ila, a hma angin a nuam tak tak thei tawh lova, Pathian lama tui hal rukna thinlung chhungah a riak ru reng thin. He relationship hi mihring lam atanga lo chhuak ni theiin a lang lo. Pathian khawngaihna hnathawh, mihringte tana then/ kal san theih rual loh chu niin ka hre thin.

Report this comment
7
son of God Says:
August 10th, 2011 at 10:48 am
@Fergie: A dik khawp mai, i sawi ang hian inneih chungchangah pawh alo dik zel mai, Pathian thu hi chu a lo va zau tak em!

Report this comment
8
LR_rengsi Says:
August 10th, 2011 at 11:27 am
A tha khawp mai….like mawlh2.

Report this comment
9
rohlupuia chalrang Says:
August 10th, 2011 at 11:33 am
#empy 4, keipawh..

Report this comment
10
Benny Says:
August 10th, 2011 at 11:39 am
Ngaiteh u, Pa hmangaihna chu a va nasa em ! Pathian faahte min vuah tak hi !

Report this comment
11
PKfanai Says:
August 10th, 2011 at 11:44 am
6. Fergie, i comment atang khian mi piangthar dik tak ini tih a chiang hle mai.(1 John 5:18). Engemaw chhung atan ruahsur leh chirh zing a han infiam chu nuam ve bawk mahse, awm reng nan chuan kan duh hauh lo. Inbual fai thuai thuai kan duh thin. @ Pathian leh mihring inkara hmangaihna leh inzawmna hi nupa inneîhna thianghlim nen tehkhin fo a ni. A inthlahrun awm lo. Next Sunday ah rawn post ka tum ang.

Report this comment
12
CFL Says:
August 10th, 2011 at 12:10 pm
AMEN

Report this comment
13
vakul Says:
August 10th, 2011 at 5:33 pm
Tha khawp mai. Spelling mistake erawh ka hmu.

Theology reng reng hi keimahnia a tlak nat dan leh Pathian kan hmangaih thuk dan ber hi ka pawmpui viau thin a, amaherawhchu tunhnu hian ka duhtui deuh ta. A chhan chu kan interprete sual hian mizo christian nun hi a danglam thei tlat.

Blibically chuan min chhandam mai a ni lova, fa nihna rochan duhawm tak min pe a ni. Atonement theory hi chu engpawh hmang ila a nihna tak phawk chhuak tur a awm zo lo a mak a ni tawp mai.

Report this comment
14
hmingtea Says:
August 10th, 2011 at 7:07 pm
Pathian duh zawng tih chu a thu pek zawm hi a ni e.

Eng nge a thu pek chu in hre veks sawi duah lo mai ang.

Report this comment