Tie a yellow ribbon around the old Oak tree

August 14th, 2011 6:24 am by PKfanai

TIE A YELLOW RIBBON AROUND THE OLD OAK TREE

A theih ang tawk chuan a han intuai fai ve na a, Kum 3 lai ni eng hmu tha lova tang bo anih bakah, in uluk ngai lo, ramsa ang a lo tal mai mai thin anih avang chuan, a insit ru hle mai a. Khang kum 3 chhung chatuan ang maia rei a tan chhung khan, zankhat mah amah ngaihtuah lovin a muhil ngai lo. Chu Jail run thim chhuahsan a chak chhan pawh amah vang chauh chu a ni.

Mahse, mahse, Hmeichhe hmangaihna tlo loh zia an sawi alo hre tawh thin, ‘Convict’ kha ani a, A Nupui duh tak chuan rinawm takin alo la nghak meuh ang em? A Pasal veng thawng miah lovin Zalen taka nungin a duh duh a kawp thei a, kawp kualin Pasal dang lo nei daih tawh mah se la, tu han dem theih ani lo. ‘A ta’ ala ni chiah em? Tih chu hriatchian hmasak phawt tulin a hre ta a, Chuvangin, Lehkha va thawn hmasak thain a hre ta a ni. A Lehkhaah chuan, A Jail tan hun chhung tur chu a lo tling tla dawn hnai ta a, hmuh thuai thuai a, a tanga bei leh hun a nghah hlelh zia te, a hmangaih ber hnen bak pan a tum loh zia thu te a ziak a. Nimahsela, he thil pakhat hi lo ti turin a chah a ni.

Amah chu nghak tlat a, rinawm taka alo la awm anih chuan, an kawt a, Oak thing tar tawh takah khan Ribbon eng (yellow) lo suih phe vat vat turin. A han chhuah dawn tak tak takah chuan Lehkha dang a ziak leh a.Heti hian a han ziak ta a.

I’m coming home, I’ve done my time.
Now I’ve got to know what is and is it mine.
If you received my Letter telling you I’d soon be free,
Then, you’ll know just what to do if you still want me.
If you still want me
Oh! Tie a yellow ribbon ‘round the ole Oak tree.

Mahse maw, a ngaih a ngam thei ngang lo. A nupui hmeltha leh tlawntlai nalh tak khan heltu a hmai dawn hauh lova, kum 3 chhung em em te engtinnge rinawm taka alo nghah a bei sei theih teh lul ang. Tichuan, tihian a han chhun zawm ta a. “Kumpui sul pawh vawi 3 lai alo herliam hman ta reng mai a, min la ngaiin min la hawi ve ang che maw le? Tang dang ilo bel tawh emaw, puan ang min lo hnawl tawh anih a, Ribbon eng ka hmu lo anih chuan, Bus-ah ka chuang tlang ang a, min theihnghilh hmiah dawn nia. Nang zawng ka dem lovang che, keimah hi dem awm leh dem tur chu ka ni ang” a la ti tawk tawk a ni.

It’s been three long years.
Do you still want me?
If I don’t see a ribbon around the old Oak tree
I’ll stay on the bus
Forget about us,
Put the blame on me
If I don’t see a yellow ribbon ‘round the ole Oak tree.

Jail atang chuan a chhuak ta ngei e. Zalen ani ta. Ni e, zalen ani. Mahse maw Jail run thim zawkah a la tang tlat mai le. Chu Jail run thim atanga chhuah zalen theihna chabi kawl tu chu mi pakhat chiah a awm, Chu chabi chu eng dang ni lovin,Ribbon eng a lo tar leh tar loh te mai chauh chu a ni. A lo awm loh palh tak hlauhva, a hrilh hai lutuk tur leh mualpho chhe lutuk dawna a inhriat avangin, dah pawh a dak chhuak ngam tawh lova, Bus Driver hnenah chuan a chanchin engkim hrilhin, Oak thing tar tawh takah chuan ribbon eng a in tar leh tar loh, en sak mai turin a chah ta ngawt mai a ni. Amah chhuah zalen tura a mamawh chu eng dang mah ni lovin Ribbon eng pakhat te mai chu a ni.

Bus driver, please look for me,
‘Cause I couldn’t bear to see what I might see,
I’m really still in PRISON, and my Love, She holds the KEY
A simple yellow ribbon’s what I need to set me free.

Chutah zet chuan, Bus chhung chu thehmeh ang mai a ni ta. Phun sep ri pawh hriattur a awm ta lo. An thaw dep dep vek mai a ni. Ribbon eng a lo awm loh palh hlauhva, an chuanpuipa dinhmun khawngaih thlak leh beidawn thlak dan tur zia chu an hriatthiam pui ve riai ruai a, a lak nat zia lah chu an hmu tlang theuh si a.Bus lah chu a tlan zur zur zel a, an thleng dawn, an thleng dawn tak tak ta e. Mahse maw, Engthil nge lo thleng ta! Engatinge Bus chhunga mi awm zawng zawng chu aw rawl tawp a an au tak dur dur mai le?. Engdang ani love Ka Unau, Ribbon eng pakhat te, hmuh in beisei khan, Ribbon eng zarual tak meuh thingzar tin mawia, an Pu lo haw lawm a an lo phe suau suau chu an hmu ta anih chu maw le.

Now the whole damn bus is cheering,
And I can’t believe I see
A hundred yellow ribbons ‘round the ole Oak tree.

Hlim lutukin a zuangthla a, “Ka lo haw ta e…” (I’m coming home..) ti a zuang leh au chungin, a Nupui duh tak, Kum 3 chhung zet hmuh chak em em a, a lo mitthla thin ngei mai chuan; hlim nui sang chungin a rawn pan ta anih chu. An va han hlim dawn tak em.

He Hmeichhia hi ava rinawmin fak ava phu tak em. Rinawm taka a pasal tana alo inserh thianghlim tlatna chuan an nupa tan hlimna sawi hleih theih loh a thlen phah ta a ni. Lo rinawm lo nita se la, an chan tur chu ava Lungchhiat thlak dawn tak em.

Keini pawh he khawvel Sual thlemna leh hrehawmna karah, Kan Lal Isua ngaiin kan rum thin. A hring a hran a, a hmel mawi leh duhawm hmu thei turin Pa huntiam ala thleng rih si lo. Nimahsela, rinawm taka amah lo nghak tang tang turin min chah a, min rawn lam tur leh, Amah nena chatuana hlim tawp hlau lova kan len dun theih nan, Keimahni min lam tura lo kal leh ngei hi min tiam mawlh mawlh a. Chu alo kal leh ngei tur thu chuan, Lo inthlamuan tawn thin turin min chah mawlh mawlh a ni.

Pa huntiam zawng alo la thleng ngei ang. Vantirhkoh Chungnungber aw leh Pathian Tawtawrawt rite nena, Van atanga alo kal leh hunah chuan, Ribbon eng pakhat tal kan lo tar ve va thei angem? Nge Evi leh Adam ate ang khan a thawm kan hriat hunah hlauvin kan khur zawk dawn? Hlimna vawrtawp nen kan inhmu ang nge “ Tlanga min delh rawh, Lungpui min delh rawh” tiin Lungngai vawrtawpin kan tap zawk dawn? ngun takin I in ngaihtuah theuh teh ang u. Hlim taka Kan Lalpa Isua Lokal leh hi lo hmuak thei turin, Ribbon eng pakhat mai nilo a zaruala lo khai phe suau suau thei turin I in buatsaih tha sauh sauh teh ang u hmiang.

37 Responses to “Tie a yellow ribbon around the old Oak tree”

1
Rema Says:
August 14th, 2011 at 6:29 am
A ngaihnawm phian mai

Report this comment
2
H.Vangchhia Says:
August 14th, 2011 at 6:39 am
Ngaihnawm ngawt mai

Ka nau te sikul naupang te sak hi kan contri ange aw, a en tlak ve phian ania:

https://www.youtube.com/watch?v.....re=related

Report this comment
3
PKfanai Says:
August 14th, 2011 at 6:53 am
E khai! A lo chhuak reng anih hi! Pu Hv, a lawm awm lutuk i video dah khi. Ka lo beisei ru deuh reng a. hairehai.

Report this comment
4
Chhuanawma Royte Says:
August 14th, 2011 at 6:55 am
Post tha ropui e

Report this comment
5
H.Vangchhia Says:
August 14th, 2011 at 6:56 am
PKfanai, i ziak ngaihnawm khawp mai. I tlip dan khi style a mawi riau lehnghal a hairehai

Video kha a dang pawh atam kha. Ka nau hi a tui ve thei a, a phur thei surh surh ania, naupang buaipui lam anih tawh hi chuan.

Report this comment
6
LR_rengsi Says:
August 14th, 2011 at 7:10 am
Pu PK i ziak ngaihnawm hle mai a…he thawnthu hi chuan rilru a hneh thin ngawt mai.

Report this comment
7
LR_rengsi Says:
August 14th, 2011 at 7:39 am
@2 Pu HV hmuhnawm reuh ve…an zia thiam tham2 khawp mai..:):)

Report this comment
8
Soberboy Says:
August 14th, 2011 at 8:16 am
a va ngahnawm tehreng em

Report this comment
9
littlerascal Says:
August 14th, 2011 at 8:19 am

Report this comment
10
phawkars Says:
August 14th, 2011 at 8:39 am
A moodah ka cheng er2 mai..ngaihnawm khawp mai..

Report this comment
11
ChhanaPa Says:
August 14th, 2011 at 9:01 am
Pu HVa video lo dah khian he post hi a ti hlu tlat.

Report this comment
12
XaiA Says:
August 14th, 2011 at 9:16 am
Thawnthu lar tak ni mahse a ngaihnawm reng mai,a tlipna khi a tha em em lehnghal a.

Report this comment
13
bauhbauh Says:
August 14th, 2011 at 10:06 am
Ka lung a va ti leng mai mai ve le he post chuan aw…
Gospel Centenary School ho sak chu a original ai mahin mawi ka ti zawk tlat mai a. Ka vawikhat hmuhna a nia, mizo ten sap hla lar kan cover ve ah chuan mawi ka la ti ber mai
Gospel Centenary School

Report this comment
14
Tcn khiangte Says:
August 14th, 2011 at 10:18 am
He hla hi… Lung a ti leng lutuk, ka lo theihnghilh hmin der tawh a, hriatrengna hriatreng tlakloh tak tak te pawh han herlum thar leh a chakawm thar hle mai. Post hlu tak ani.

Report this comment
15
ReMpY_ScisSoR Says:
August 14th, 2011 at 10:58 am
Chhiar man a om hle mai..

Report this comment
16
Lemonvale Says:
August 14th, 2011 at 11:15 am
https://www.youtube.com/watch?v.....ata_player

Report this comment
17
SaNgpuiipa Says:
August 14th, 2011 at 11:29 am
Pk Fanai post anih vang hrim hrim in ka chhiar chak a, ka comment chak bawk. Ziak ngaihnawm khawp mai.

Report this comment
18
lushai_er Says:
August 14th, 2011 at 11:39 am
@PKFanai : He a bus chuanna hi School Bus an ti deuh kher em ?
Kei pawh Oldies ngaihthlak hi ka la hrat khawp mai. Message pawh a chiang tha khawp mai.

Green green grass of home, Lonesome fugitive, Whiskey Lullaby, etc., kha han ti chho zel law law teh.

Report this comment
19
Ozima Says:
August 14th, 2011 at 11:40 am
Ava ngaihnawm em! Pathianin khawvel a hmangaih em em a, chu A hmangaihna fiah taka tekhin thu nen a mi rawn chhawpchhuah sak thin tu @pkfanai .

Report this comment
20
saint sammoo Says:
August 14th, 2011 at 12:20 pm
lung a ti leng reng mai zawng a nih hi! Kun sawm tam a liam ta. Pu lalremmuana’n zoeng chanchinbu a a ziah kha ka chhiar hmasak ber a ni in ka hria.. @pk: I tlip mawiin i her kual nalh hle mai.. i mission-ah hian i chiang ve tawk a ni.OT. vawiin tlaiah missionary te tan kan tawngtai dawna i ‘nick’ pawh ka’n thehluh ve kha.. Pu dingtea tih ai chuan ka chiang zawk.haha.

Report this comment
21
ma-i Says:
August 14th, 2011 at 12:42 pm
ka rilru a om rauh2 ron post nalh mai

Report this comment
22
Godspeed Khawlhring Says:
August 14th, 2011 at 1:19 pm

Report this comment
23
PKfanai Says:
August 14th, 2011 at 1:26 pm
17.@ Sangpuíipa thanks, tunlai i väng riau mai. 18 @ Lushai_er, nia Sikul bus picnic tur a kal angin an sawi bawk thin. An ri chel chul kha; an chuanpuipa chanchìn an hriat khan an reh ta dak mai a, ribbon an han hmu chiah mai chu an sa rak ta chel chul mai a ni awm e. # Min fuih chuan ka pawrh tha duh viau mai thei. Mahse, secular hlang hlak chuan ka post rìh lovang. A theih chen chen chu, Sunday morning spl. rawn contribute zel kan tum phawt ang e. 20. @ Sammoo, ka lawm tak meuh e. Min tawngtai puina aia mamawh leh hlu a awm lo. He story hi Pasighat a ka sermon sawi ve hmasak ber (1994 ah) tehkhin thuah ka hmang a, tawng lettuin a thiam bawk a, Adi nu ho a vel tap nasa a, Pathian thu sawi thiam ta luaah min ngaih phah. Ka tan chuan, theihnghilh chi a ni lo. A video lam a min lo coplement zel thei tur Pu Hv-a kan nei a, zam lo phawt ang. Ka lawm e.

Report this comment
24
xotea Says:
August 14th, 2011 at 1:26 pm
Lung lung te pawh a ti chhe rum rum zawk a lawm le. A ngaihnawmin a conclution pawh a tha e.

Report this comment
25
PKfanai Says:
August 14th, 2011 at 1:31 pm
# Complement.

Report this comment
26
doc_lib Says:
August 14th, 2011 at 1:35 pm
Ngaihnawm hle mai a.chhiar a nuam e. heyden rial tak ani.

Report this comment
27
SaNgpuiipa Says:
August 14th, 2011 at 2:00 pm
Hei den rial, over haleluiah

Report this comment
28
triplestar Says:
August 14th, 2011 at 2:07 pm
Hei den rial over lie Haleluiah

Report this comment
29
doc_lib Says:
August 14th, 2011 at 2:13 pm
Pu Pkfanai sermon chu a tla tha hle ani maw.Nizan kan heyden rial night a hlawhtling lutuk a,report ka la rawn pe ang.

Report this comment
30
son of God Says:
August 14th, 2011 at 2:41 pm
He thu hian ka lung a tileng tlat nia maw le, amahah ka inchante pawh a niang. He thu kaa hriattirhte pawh min ti hre chhuak uar uar mai..Lung a leng ve ringawt.

Report this comment
31
Unsung Says:
August 14th, 2011 at 2:58 pm
‘There goes my only possession, there goes my everything’ tih nen chuan a in lam hla hle mai

Report this comment
32
Benny Says:
August 14th, 2011 at 5:13 pm
Kum tam tak ral hnu pawhin a ngaihnawm dan a ngai reng fo. I ziak tha hle mai.

Report this comment
33
kawlhawk Says:
August 14th, 2011 at 5:34 pm
Regu bera chu paws tha hle mai
A tawpa I tlipna mawlh khi ka mawlh2 e.

Report this comment
34
Jargo Says:
August 14th, 2011 at 9:07 pm
A ngaihnawm reng mai a nih hi.. lung a tileng hle mai.. Zoeng magazine a Pu Lalremmuana ziah kha ka chhiar ning thei lo thin a, rilruah a rawn lang thar leh zut zut mai… Post tha tak a ni…

Report this comment
35
CFL Says:
August 14th, 2011 at 11:21 pm
Rilru a khawih raih mai a.

Report this comment
36
vakul Says:
August 14th, 2011 at 11:24 pm
Ngaihnawm khawp mai. Hla hmanga story telling hi ka ngaina riau.

Report this comment
37
darkhuanga Says:
August 15th, 2011 at 12:43 am
a van ngaihnawm ve aw

Report this comment