Thli thaw heuh heuh chuan min rawn chhem a. Van dumpawl thiang kuk mai karah chhumvar
thianghlim ser mai Thlangra tia vel thlir a ka thut reng lai chuan, Ni chu Kawlah a lo her liam tep tawh mai a. Ka awmna vel chu ‘Ber’ thla Ni tla tur chuan a lo en riai a. Ka chhungril chu sawifiah thiam rualloh hian a ruak huai hian ka hria a. Awmngaihna hrelo chaun ka hawi vel ruai a.
Chutih lai chuan Losul haw ko Thereng chu a lo hram vawl vawl a.Kan hawi chhuak a, kawlkil ah chuan Thal Romei zing chuan tlang a lo bawh paw chiai a, Nungcha -a te ber thlenga aw rawl tawp a hramri chiah chiah te, sava ten an riahna tur thing bel a an thlawk kual delh delh te, Thingzara Nauban khawhar tak a a par vul chiai te, ka piah lawk a Zo Luite fim kik kek a luang dem dem te, hnim kara a theih tawp chhuah a ram pangpar lo par ve chek te chu ka thlir reng a.
Khawvel hrehawmna leh Natna ten a khawihnat phak rualloh khawp a nuam tihna leh thlamuang em em a inhriatna in ka khat a.
Ka rilru chu a vak kual nasa viau mai le..Zoram buai hma a kan hnam Nunte ka ngaihtuah a, Favang a lo hnai a.Lawmrual in hlim taka hlo thlo a sir an sawn te, Losul hawng in an Bial Nu/Bial Pa te chhawl an inthuai lai nun te, hah pawh hrelo lek a Nula leh tlangval Feh haw hlim tak a an nui ri hawm hawm thin te, rualawhna chhumpuiin a chim veloh Nun thianghlim tak te mi ngaihtuah tir mek lai chuan-Favang Ni tla tur chuan mangtha na niawm a mawiin keimah leh ka vel Thing leh hnimte, Nungcha te chu a Kawl ah min her liamsan tum in a chanve ngawt mai chu kawlkilah a lo liam hman a..Nitla tur a zawngah hian a mawi chungchuang ber hian ka ring a ni. Kohdin rih ka chak zia min hriatpui hauhlo chuan Kawlah min her liam san ta ruai ruai mai le…
Ka chhungril chu khawharna in min bual hlup hlup ni ber hian ka hria a. Mimal tumah ngaih bik sawi tur hre si lo chuan ka Lung chu a leng ngawih ngawih mai bawk si. Awmngaihna hrelo a ka hawi raui raui lai chuan..’hei ngei hi a nih hi ” Khawtlang Lunglen” an tih chu.’ tiin ka inngaihtuah harh ta a.
Padma Shree Pi Lalsangzuali (L) hla phuah, H.Lalthakima’n thiam tak mai a a sak chu ka rilru ah a lo lang a, ka sa ka sa ta mai a. A phuahtu thinlung ka ngaihtuahin ka hriatthiampui rualin, amah ka ngaihsanna a zual a, ka duh zual lai, changkhat leh a thunawn chauh hi kan ziak ang a..chhiartute’n thinlung leh tihtak zet a in chhiar ve atan…
NUNHLUI LIAM HNU.
Zantlai khawthiangah, mahte’n zai ka sa,
Suihlung a leng mang e, lunglam ka vai ruai e.
Nunhlui liamhnu ka dawn, ngaihbik awmlo a leng si aw…
Ka hrilthiam lul lo, Khawtlang Lunglen em ni..
Vansang Mu ang khian, thlawkin leng thiam ila,
Hawivel ka nuam amang e, mualtin tlang hrutin aw.
Nunhlui liam hnute kha, kan va tawng dah law-maw.
Lenrual fam hnute kha….
September 1st, 2011 at 12:04 am
Chhiar ber ber 1la…
September 1st, 2011 at 12:08 am
Ti hian ber thla chu kan chuangkai ta chiah tihna a ni maw, zan lai a lo pel ta der si a.
Thlasik rim a nam tan der ka ti, krismas a hnai ta hle mai.
September 1st, 2011 at 12:13 am
Ber thla hi chuan min ti engemaw tlat thin a ni ngei ang. Innei an tam, inkhawmpui a tam, inkhawm a tam(beirual…), buh lu chuh a ngai dawn tan….
September 1st, 2011 at 12:15 am
Bâr thla hi chuan lunglen lam hi a tawngpawng koh tlat pek thin aaaaaa 🙂
September 1st, 2011 at 12:19 am
mate ainawn, ka lung i va tileng em ve aw!!!
Kan rawllai ve kha chuan inchhawlthuai kha kan la ti ve thin a sin. Fanghma, Dawnfawh, Hmazil adt.kha a pangah an hming lamtawi kan han ker a, vut kan han phul a-kan nuai leh a a lang tha duh thin kher mai. Tichuan an zau pengthuamah khawhar takin AMAH lo nghak tur khan kan mut ngat thin kha a nia le.
‘Tleitiri losul haw ka hmuak a,
Fanghma tuaitirte min lo hawn a,
ka lawm chu nauang ka nui hiau ve,
Ribon sen tawite ka pe ve ang’ …kan ti a tualchhuak tingtang awrh khan ruahtham loh hla kha kan kiupui vang vang thin…
i post ngaihnawm thlawt e.
September 1st, 2011 at 12:23 am
I sep rawtui thiamin a ngaihnawm khawp mai.typing mistake a awm zauh zauh bakah hawrawppui a hun lova hmanna a tam hret, mizo tawng i suasam lek lek. Ka detective mit chawngkawr hian ber thla a,thal romei’ han zing tir pawh chu ka hmu thiam lo lek lek mai. Chuan nauban par hun hi a hre chiang ho khan han sawi leh teh u.
Post-tunu,i duhna lam chu vuak hot i thiam hmel e, a ngaihnawm e 😛
September 1st, 2011 at 12:32 am
doc_lib mai mai che chuan, ber thla nih tawh hi, misual ‘Ber’ pawn comment tawh saw…. Bawihte ainawn chu ziak lunglen thlak hle mai
September 1st, 2011 at 12:36 am
Krismas hla ngaihthlak tan leh toh mai chi nih hi a ……. 🙂
September 1st, 2011 at 12:37 am
Chhiar zawh hnu ah ngawi leh si te’ng ti ila.. Losul haw ko Thereng.. tih aiin Losul Thereng tih awm tak!!
“raui raui ” khi ruai ruai tihna ni awm zawk tak a ni.. tih rilru pu chunga mut zai rel pahin nau zun thlit hmasak ka nuam e!! 🙂 😛 (Y)
September 1st, 2011 at 12:42 am
Spelling mistake/mizo tawng diklo etc. lam ka ngaihtuah lo. Lung a leng – tawl mai a!! 🙁
September 1st, 2011 at 12:46 am
E taka, khi hla satu H Lalthakima khi a nupui a damlo a, karhlui khan Durtlang Hospital ah an zai a, dam tha in Hospital atangin an chhuak tawh tih thu ka hria (OT?)
September 1st, 2011 at 12:52 am
Saitawk 😉 mut zai rel pahin nau zun thlit hmasak ka nuam e!!
Kei chu thli zo tawh dim diam.
ka chhiar mamsak vek a, a rilna ka hmu thung.
September 1st, 2011 at 1:15 am
Thil inhmeh:
Bâr thla leh khawtlang lunglen (Y)
September 1st, 2011 at 1:16 am
Ka chhiar tandawn chauh a, an tawp daih chu le!! Krismas hla play leh tawh mai ang u. Mangtha vek u.
September 1st, 2011 at 1:19 am
ADVANCE TRIAH2
September 1st, 2011 at 1:23 am
Advance em ni? ‘Ber’ thla chu a ni tawh alawm.
September 1st, 2011 at 1:23 am
Romei hi a mawi ka tih thin tehlul nen, boruak bawlhlawh vanga insiam niawm tak, tunlai anga tam deuh, thlawhna pawh an thlawhloh phah fona khawp a tam ta mai hi chu a ho zo vek.
September 1st, 2011 at 1:25 am
Dog_lip chu Mizo tawng chungchang i sawiselna comment-ah tal chuan Mizo tawng hmang dik la..
September 1st, 2011 at 2:52 am
Chhiar a nuamin lung a ti leng deuh huih a lawm… Mate Ainawn… rin ai takin thu i lo thiam a nih hi le……. (Y) (Y) :-O (K)
September 1st, 2011 at 2:57 am
Khawchhia (rainy season) nei miahlo a khawlum uap ltk hnuaia ber thla kn kai tur hi a van rapthlak em! Mizoram lam chu a zia k ring.
September 1st, 2011 at 6:09 am
ka rilru i rawn puangchhuak ani ringawt alawm le, iva ziakthiam em. Chil lem harsa khawpin ka hmuk ati ulh tep alawm le. Ka post nen pawh a in ang tep alawm.
September 1st, 2011 at 6:22 am
Khuarel thil nena inzawmna atang lo chuan lunglenna hi a thawk zen zen lo. ‘D’ ngaia lungleng thinho pawh hi thil siam/khuarel ngainatute an ni ber thin. Music pawh hi hrawk hrawl leh instrumentah te ni lovin nature-ah leh thinlung chhungah an awm a, a lo rik rual hian a lo mawi thin a, lung a tileng ta veng veng thin a ni.
September 1st, 2011 at 6:49 am
Mate ainawn chu duh tak tak chuan i lo luang liam ve thei hle mai a. Lung i tileng e.
Mizo thalai tam ber hi chu ‘ber’ thla kan kai hian kan ti deuh hru thin in ka hria 😛
Ka chunga mite sawi ang khian punctuation tihsual palh a awm zeuh zeuh.
Padma Shree Pi Lalsangzuali (L) ti lo khian Pi Lalsangzuali Sailo ti mai la a chiang tawk em emin ka hria. Padma Shree hi title a ni lova, award a nih a vangin hmingah hian ziah tel kher hi a tulna a awmin ka hre lo (K)
September 1st, 2011 at 7:33 am
Awi-ha, kan hmuh ve chauh chu le…@6 (Y) :-P….ka thawh veleh ka en a, ka Lung a leng em a, kan thai ve tawp a.Comment ah ka lawm a, hlawkna ka hmu leh bawk e…
September 1st, 2011 at 8:05 am
(Y) . lunglenthlak hle mai .
September 1st, 2011 at 8:21 am
hma lam thlira kan kal mek lai hian…i dawn ve ngai em.? Kan nun khua rei an chang tur saw…
September 1st, 2011 at 8:34 am
(Y)
September 1st, 2011 at 8:39 am
Ngaihnawm hle mai (Y)
September 1st, 2011 at 10:04 am
A tawpa hla tlar khian lung a ti leng tep 😛 Ziak tha bawn tawp tawp e.
September 1st, 2011 at 10:11 am
Kan ram hi tlang ram nuam
Boruak thlifim thiang lenna…
September tlaitla en kawl
Thlir ila Zoram a mawi hluan e…
September 1st, 2011 at 10:47 am
A ziaktu-in a ziak lungkuai thiam bawk a ni’ang e; kei, lungleng zen2 lo pawh ka lung a’n len dawn tlat chu! Ngaihnawm lutuk! (Y)
September 1st, 2011 at 11:02 am
Lemziak thiamla, i kutchhuak ka hmuchak… (Y) 😀 🙂
September 1st, 2011 at 11:06 am
Pi Ainawni chu, i va lo inthup rei thei ve. ‘Vangpui Lunglen’ nei pha chin, i ni ve a ni maw?? I thuziak leh hla i dah khi a inrem reuh kher mai. Hlaphuah thiam dik takte hi chuan, an lo thiam a ni e.
September 1st, 2011 at 11:10 am
A ziaktu hming (Mate ainawn) atang ngawt pawh a lo luanliam ruk tawh nak alaiin, a thuziak ka’n chhiar zo phei chu, ka luangliam zawih zawih a ni ber e 😛
Suihlunglen i ti thar in.., i ziak ngaihnawm kher mai.. (Y) (D)
September 1st, 2011 at 11:37 am
ka hmulthi ading er er mai (Y)
September 1st, 2011 at 1:31 pm
(Y) a van ngaihnawm em mate ainawn
A tawp a i hla dah nen khian a in chawbe khawp mai, i ziakthiam e
September 1st, 2011 at 1:54 pm
Ka va’n khawngaih che…! Mahse lungleng theia min siam pawh hi a ropui a lawm, hla nalh tak tak a chhuak thei nang. Pu P.S.Chawngthu Hla :-
Siahthing hnahnem par tilin lo uai e,
Sam ang ka then hnu ngaih lai ti zualin;
Theih chang ve se aw, Zamual liam hnu kha,
A sulhnu zui reng ka nuam ngei e.
Tlang tin bawm romei a zam kai chiai e,
Tlaitla lenkawl a sen ruai e;
Kei ka tan chuanin lunglen a na e,
Sam ang ka then hnu ngaihni bang lo. (W) (U)
September 1st, 2011 at 2:24 pm
#32 sawi ang deuh khian, lemziak thiam ni ila, i suangtuahna mitthla hi ziah sak che ka chak hle mai. Thu ziak i lo thiam mang e!
September 1st, 2011 at 5:00 pm
In Comments avangin ka lawm e…kan chhiar nawn leh a, correct tur chu ka man thiam e..ziak thang tak nihloh hi chuan a har ve a lawm…
September 1st, 2011 at 5:11 pm
mate ainawn, han puak chhuak phawng phawng zel teh, a ngaihnawm a lawm, ‘ber ‘ thla a thlen hi chuan kan no nghulh ka ti dawn nge, a mi deh dan hi a dang tlat
September 1st, 2011 at 5:24 pm
Nia, ber thla leh mizo nun hi chuan inzawmna riau hi a nei tlat reng a ni. Gud post (Y)
September 1st, 2011 at 5:27 pm
I ziak lunglen thlak hle mai….
”A pawi ber mai chu,…..kan nun khua rei chang tur hi……”
September 1st, 2011 at 10:41 pm
Yesss…@40..Tak Tak Maw…a nia sin, Tlai Ni tla tur mawi danglam dan te, Kan hnam Nun ze ril tak dawn kir phei chuan..ka rawn thlasik Mau puah phawng phawng dawn a nia.. 😛
September 1st, 2011 at 5:17 pm
@ Lersia..ka lokal ang a..i Office dawhkan hmaa thu-in i lem ka lo ziak aw…LoL
September 1st, 2011 at 5:22 pm
In Comment ka chhiar kim vek hian..Ka Duh hlawm tawp…a nuam ka van ti tak em..in hrelo zawk ang…In vai chungah ka lawm tak tak a nia..a then a hlimawm..a then inzirna…Misual.com…Vul Zel Rawh se..
September 1st, 2011 at 5:26 pm
@mate ainawn, keini pawh kan lawm. Tak takin han ti tak tak teh, hnambing chibing inhnial na ai chuan i post ang hi chhiar a nuam zawk. A mah pu L.Keivom tih dan takin, saum leh chingal nen han bawl phuan suah mai la, keini thu leh hla lama riltam ho hi chuan kan lo lem duak duak mai ang
September 2nd, 2011 at 7:29 am
# 40..
Dik chiah, inhnial vak vak a, midang ngaihdan pawmsak tum chuang silo ho hi, an comment chhiar pawh a hahthlak ka ti
Mate ainawn, i thu leh hla ainawn par iangin lo vul zel se, keini’n a zu kan lo dawn zel ang
September 2nd, 2011 at 11:26 am
Ka hnuk a ulh … han zulh chiam ka thiam lo. Ka SENSE tawp.
September 2nd, 2011 at 11:27 am
mate Ainawn hian min mitthla pahin a ziak chiang mai!
September 2nd, 2011 at 11:45 am
https://img263.imageshack.us/im.....0003zl.jpg
hei hi a ni maw i thlir liam chu?
September 2nd, 2011 at 5:25 pm
chawnghilh #50 ivan veh chhuak fuh vele, a mawi hle mai
September 2nd, 2011 at 7:48 pm
@ Chawnghilh..i Lunglen zia tur hi ka hria a lawm..mahse, Leipui neih kha chu i hlawhchham ve chiang..in fehdun pic. te kha ka hmu a lawm.
Kei chu..’Thingtlang Lo’ kan tih ang hi 1999 khan chiang takin ka hria a..Ram Tin 8 hmun kan Lei a, Kuhva huan tur..tichuan kan vah tir a..Lo turin kan nei ve a..midang pawh kan offer a, chuan, Lo atan ka duh min thlan tir a, a hnai ber..Lo Lu ber ka thlang a, min lo nuihzat viau a..mahse ka Buh a thar tha ber a.
Chuan, Lo hian ka Lung a tilengin, Ka lo zir tawh leh Zirtir tawh chu a takin ka tawng ta a..A lo Lunglen thlakin, ‘Sawmfang’ tih tawngkam leh chhawlthuai te kahriain kan hmu chu…ka var uarh mai..
Chuan..Zirtirna ah hian Teaching Aids pawimawh zia pawh ka hre leh zual..
Ka Lung ti Leng em em tu a ni ta tlat a…
September 3rd, 2011 at 12:42 am
good post