Zing Ni chhuak êng mawi tak ka hmuh hian, ka nun tiengtu i ni tih ka hre thar thin a,
Sava hram ri chiah chiah ka hriatte hian ka nunah thu i sawi nasatzia ka hre chhuak thin.
Vanlaizawlah chhûn Ni a lo sat vawl vawl hian nangmahah ka tuiral zo ta tih ka inhre fova,
Ruah a lo sur buan buante hian nangmahah ka luangliam zawih zawih tih ka inhre thin.
Thli a lo thâwt heuh heuh hian i awmna lam apiangah ka rilru hruaiboa a awm thinzia ka ngaihtuah a,
Khua a lo dur khuih khuih erawh hi chuan i hmel nguiin min tihhrehawm thinzia te ka hre chhuak thin.
Mualthiang khúma Chhimbâl a lo zám chák hian i hmel dam diai mai hmuh a hahdamthlakzia hriattirin ka awm a,
Pangpar mawi tak par vûl chúk mai ka hmuh te hian i hmelthatna leh duhawmna mitthlaah a lo lang nghal var thin.
Mipui zi mur mur mai ka hmuh changte hian nang ang renga duhawm an awm ve loh avangin nasa takin ka hlim thin.
Ka awmna apiangah engkim mai hi nangmah min ngaihtuahtirtu an chang zo ta vek sia a le…
Lunglennain min rawn zêm chiai chiai a, khawharnain ka thinlung chhung rawn rûnin suangtuahna khawvelah min kai lut a…
Min hnem tur i awm dah law maw tiin ka hawi vel ruai a, ka hmu mai si lo che.
Khawilamah nge i awm tâk tiin nasa takin ka zawng che a,
Zan khawthim vawt ruih mai hnuaiahte ka zawng che a, hmúithla tak ngial pawh ka tawng si lo.
Van zau tak lam khi ka hawi a, Thla leh Arsi tam takte zingah khian, an êng de sep sep bak hmuh ka nei si lo.
Thli lo tleh vúk vúkte chuan an hruai bo ta che em ni tiin ka lo zawt a, min chhang lovin an liam zel si.
Ruah mal tinte hnenah i awmna zawtin ka lo hmanhlel a, mi rêng bengkhawn lovin leiah an pût ral zel bawk si.
Êng lo chhuahna lam apiangah i hmel êng hmuh ka tum a, boruak mai ka hmu si.
Ka chau zo ta, beidawnga thuin ka mit ka chhing a…keimahah, keima chhungah ngei chuan ka zawng ta che a…
Ka hmu ta che asin…
Ka mitkhap kar tinah ka hmu che a,
Ka benga lut ri chi tinrengte zingah hian i lo tel ve a,
Ka tawngka chhuak zawng zawngah te chuan hmaih i lo ni ngai lo.
Ka nun zungzamah chuan ka hmu che a. A ni, ka thinlung chhungah ngei chuan,
I vela awm zawng zawngten zahtakin chibai an lo bûk che a,
Thuneihna Lal tiang kenga Lalthutphaha lo thu-in,
Ka thinlung Lalnu ngei chuan ro i lo rel a, ka thinlung chhungah chuan.
Similar Posts:
- Ka ngai che- Lasi note II
- Lungleng vang
- Thli hi in hlau ve em?
- Hmangaihtu ngawi chawi
- ‘Ber’ Thla tlaikhat chu…
a tha khawp mai
October 20th, 2010 at 10:28 pm
@zeus ‘ka thinlung lalnu’ nen chicken65 ai chuan chhawrthla eng hnuaiah KFC ei dun pui ka thlang zawk. .heh
Report this comment
October 20th, 2010 at 10:29 pm
ka comment zo chiah a India an chak nghal chu a.
Report this comment
October 20th, 2010 at 10:31 pm
shaala! Lalbuai, buaibut..ron lut fuh k intih nen ooo…51 duh vagin ka 50 ve tralh tralh a..i mitah hmarcha k tat nok2 don muni le
Report this comment
October 20th, 2010 at 10:32 pm
Funny kha a kan sawp leh chu a ni mai si a a va nuam tak em. Kan second string team mah mah mawms. Aussies ho chu an ram lama an “Thinlung Lalnu” ten engtin tak lo tuar ang maw?
Report this comment
October 20th, 2010 at 10:34 pm
Ka “Thinlung Lalnu” bul ngei a thu a ka en tum a, India in Australia kan sawp hi a va nuam lehpek em em em em e aw. A lawmnan kut i lo beng ang um. clapbeng clapbeng. Congrats to the men in blue.
Report this comment
October 20th, 2010 at 10:36 pm
HIHI… Phek thar kai fever!!!
@Lalbuai,
ka thinlung Lalnu nen Sambar kan han chawm buai buai a nge aw! :lol:
Report this comment
October 20th, 2010 at 10:40 pm
In comments chhiar a nuam e…(post-ah khian typing mistake a lo awm palh zeuh)
A lungchhiatthlak ber ni ta chu ka phuah chhan ve liau liau ka thinlung Lalnu ve ber khan min ban ta daih sia, ka rawn theh chhuak vel ta mai mai nih hi
Report this comment
October 20th, 2010 at 10:41 pm
2STATES: nia mawle, Mahse MS.Dhoni a che zero ve khawpmai. hehehe
Report this comment
October 20th, 2010 at 10:43 pm
Pawi hleinem, a ni te chu “Thinlung lalnu” nei thar hlim deuh mai kha a nia, a lo nuhah te pawh a ni mahna. No probs. Sledging racists ho han sawp hi chu a nuam dangdai bik em a lawm.
Report this comment
October 20th, 2010 at 10:44 pm
#57, A_rgo, poi ve o, a ai thra i tong leh em em ang. Hmangaihna lama rinomlo deuh hi an tluang bik hian ka ring ngailo..
Report this comment
October 20th, 2010 at 10:45 pm
“Thinlung Lalnu” nei ve lo ni awm takin tu te emaw phek thar kai tum an lo chhaih buai a ni pek mawm.
Report this comment
October 20th, 2010 at 10:46 pm
@ evergreen i thinlung lalnu nen chuan sambar leh rasam chu lo ei puk puk teh u..
Rempy chu a va thinrim kher ve le o. .
Report this comment
October 20th, 2010 at 10:48 pm
Hei ngei hi a nih hi ar sawmruk panga chu, tui hmel hle mai. “Thinlung Lalnu” te nen a ei ah chuan iaiawm loh tak a nih hi mawms.
https://www1.sulekha.com/mstore.....5%20-5.jpg
Report this comment
October 20th, 2010 at 10:49 pm
@funny
Dhoni chuan A Thinlung Lalnu a hruai ve em? a rawn lang ve em? Ka en chak ve hle mai.
Report this comment
October 20th, 2010 at 10:51 pm
@rempy…nia mawle, thinlung lalnu thar tur min la zawnpui la tha ang, i zei hmel deuh bawk a
Report this comment
October 20th, 2010 at 11:00 pm
@2STATES
Fuh lutuk tlat, khitiang khi lawm zanin dinner, hihihihi
65 an tihna chhan hi sawi dan hrang hrang a tam khawp mai.
@lalbuai, Rempy a thinrim tak2 lo, hmeltha an thinrim ngai lo. :lol:
Report this comment
October 20th, 2010 at 11:06 pm
Dhoni-a ‘Thinlung Lalnu’ kha hmeltha vak chu anilo, Bipasha te introduce kha ania, nupui pasal ah poh brain an hmang nasa vai ho chu!
Report this comment
October 20th, 2010 at 11:23 pm
#62. Rempy te chu thinrim awmlo emai. biahzai nemten in thian ho kha biahthu rum hlan nang che u. a rawn ti mai mai anih khi.
Report this comment
October 20th, 2010 at 11:31 pm
LPS ho chu keini thingtlang lam hian live in ka lo en ve thei ang em??? Ku Shai….
Report this comment
October 21st, 2010 at 12:59 am
70…a va reh ve inkhel in en hlawm mi a.
Report this comment
October 21st, 2010 at 5:06 am
Thinlung Lalnu neih hi chu a Pa lo eeeeeee…. Thirtum lalnu i nei zawk ang u….. :lol: :lol:
Han comment dan tur vak pawh ka hre mai lo ani e… :mrgreen:
Report this comment
October 21st, 2010 at 11:45 am
hei zet chu Hla Thlankhawm bu a tel mai ka nap a ni kei zawng…
Ziak ngaihnawm thuai2 khawp…..
Keichu Thirtum lalnu ai chuan Thinglung lalnu ka duh daih zawk…aaaaaaaisiiiiileeeeeee…
Report this comment