Tunlai chu kan line a chhiat avangin(Thla 2 deuh thaw a ni e) ka online khat hle mai a, thiante pawh in ngaihawm khawp mai…. Tuna ka post tur pawh hi ka ziahna a rei tawh hle a, ka post hma in line a chhe ta hlauh mai a ni. Hetiang lam hawi post hi a awm tawh nge la awm lo ka hre lova, Ka ngaihdan ka’n thlasik mau puah pui ve phawng mai a ni e….
Kei cancer vei ve miah lo hian cancer chungchang hi ka’n sawi ve teh ang.Mahse a natna lo awm chhan emaw a enkawl dan emaw a lanchhuah dan lam sawi ka tum lova, ka sawi tum ber chu kan mithiam ho ten Mizoram a cancer tamna chhan a, zuk leh hmuam kan uar lutuk vang nia an puh hi a dik zo vek lo deuh a ka hriat thu a ni.
India ram ah mizoram hi cancer vei tamna ber an ti a, a dik ngei ka ring. A chhan pawh zuk leh hmuam kan uar lutuk vang a ni e an ti hi chu ka awi chiah lo, zuk leh hmuam chuan cancer chu a thlen thei ngei ang tih chu ka ring a, mahse a thlen tu ber leh zuk leh hmuam heh deuh mi chu cancer vei tura in ngaih deuh tawp mai hi chu a dik vek ka ring lo a ni. Tin, second hand smoke an tih phei hi chu ka awi/ring lo lehzual.
Kan rama cancer vei te leh cancer vanga thi tam ber hi kum 1986 hma lam a piang te an tam ber in ka ring. A lo ber ah 99% chu an nih ngei ka ring em em a ni. A chhan chu ram buai lai a kan ei chhiat zia te ka ngaihtuah a, khatih hun laia kan ei chhe lutuk khan cancer min vei tir ah ka ngai deuh ber a ni.
Buhfai chhe lutuk kan ei te, boiled rice, tunlai atan chuan vawk pawhin a ei duh lovang tihtur khawp te, leh atta nget lung vak nuai nuai tawh te kan han thian fai a kan ei te leh buai avanga eitur nei lovin ram hnimhnah kan ei te khan he natna tihbaiawm tak hi min vei tir tam a nih ber ka ring.
Heng zawng zawng hi tunlai leh cancer natna kan hriat tirh atang reng in remna kan neih hnu a piang cancer vei hi an awm a nih pawh in an tlem hle ang tih ka ring a, (kei chuan tumah ka hre lo) Pi Indira Gandhi khan an buai zel chuan tuboh lian in kan chhu ang a ti em kha?? (Ka chiang ta lo) a ti ngei in ka hria, a tuboh lian rawn hman chu ei chhiat avanga natna cancer vei hi a ni thei mai em aw… ka ti.
Buai hma deuh Mau tam hmasak tam tlak a, vai buhfai mizo te ei atan india sorkar in a lo pek kha (Ka hre pha ve chiah lo na a, a hriaten an sawi dan in) Buhfai chhe lutuk leh uih tawh te an ni hlawm a. Putar pakhat phei chuan ‘kan chhum hmin ka han suan tur chu a uih lutuk a, ka luak lo chauh a ni’ a ti.
Chuvangin cancer vei tamna chhan hi ei chhiat lutuk vang a ni thei a ni. Hetiang zawng hian ilo ngaihtuah ve ngai em? Remna kan neih hma a piang cancer vei tawh te leh la vei zel tur hi thi zo vek emaw dam chhuak vek tawh ila chuan mizoram hi cancer vei tam ber na kan ni bik lo maithei a sin.
Buai laia ei chhe lutuk ei ve phak lo remna kan neih hnu a piang te hian tun ang renga cnacer vei an la tam a nih chuan zuk leh hmuam kan uar lutk vang pawh ti se a awihawm deuh ang chu. Enge i ngaihdan ve le…….
Bonus: Cigarette bawm a, Tobacco causes cancer tih an ziak kuau mai te hi pa fing deuh leh sum nei deuh chu ni ila court a khin tak hi a nia ka nap ni, heti chuan mei zu mi chu cancer vei ngei ngei tur angin a lang tlat a ni. Tobacco <b> may<b/> cause cancer te ti tal se a zia deuh tur… he he…
September 1st, 2011 at 10:01 pm
nia … a thalo alom
September 1st, 2011 at 10:03 pm
A thupui chu(h)… chhiar ang hmiang.
September 1st, 2011 at 10:09 pm
Meizuk chunchang hi:Tu ten emaw an sawi hot hluai avang hian tu ten emaw hian an amen dual dual mai a nih ka ring deuh. Hun kal ta ah khan hetiang em em in kan vei pawh ka hre lo. Vai ngal sin hnar zum ho hian rambuai lai khan min va ti rethei tak em. Sipar hlaua kan tlanchhiatna lamtluang kha a thui thin mang e.
September 1st, 2011 at 10:11 pm
Zuk leh hmuam chuan a ti lo ai chuan cancer neih theih na chance chu min pe tam zawk ngei ang le. Ei chhiat vang ringawt a chuap,chhul cancer te ai chuan zuk leh hmuam kha puh mai a awlsam zawk lo maw…
Kei hi ka nghei thei miah lo,avatar pawh hi…pet ling va va… 🙂 ..mahse ka uang lau. 😛
September 1st, 2011 at 10:18 pm
Cancer cell kan nei theuh a, khami ti punlun thei tur ang chi nen kan inkungkaih khan cancer kan vei awlsam ani mai lawm ni? 🙂
September 1st, 2011 at 10:20 pm
Ngaihdan i rawn tarlang maiah ka ngai. Eichhiat vanga cancer chu zirchian phawt ni se, vaihlo hman vanga cancer chu zirchian tawh a ni lawm ni, awih mai chi. Mi zial zuk khu in min ur hi ka hua! A khu zawng zawng hi a zutu hian hip vek thei se ka ti.
September 1st, 2011 at 10:20 pm
Tunlai ka rilru luahtu ani, zuk leh hmuam hi cancer thlentu bera kan ngaih ani a. Mahse zuk leh hmuam tilo vei ka hre nual mai, second hand smoke vang tidwn ila chhungkuaa zulo te an awm bawk si. Engvang ber hian nge heti tak maia cancer hi ahluar a, enge athlentu bul ber hriat a chakawm khawp mai.
September 1st, 2011 at 10:23 pm
cancer sign kha chakai a ni lawm ni kha. Chakai kan ei tam vang te hi a lo ni mai lo maw? research te hi ti ta se la.
September 1st, 2011 at 10:35 pm
Naga ho hian keini aiin an ei hel/tawp thei zawk a mahse mizo aiin cancer an nei tlem daih zawk hi a mak ka ti :-O
September 1st, 2011 at 10:43 pm
chhangteval #9 pesticide/insecticide a chawm nasat thlai an ei velo alawm. DDT hi an hmang ve nasa em ka hre talo. Tin, Tile bang, asbestos hlang hi kan inngam hleih viauin ka hre bawk. Mizo tamtak chuan bawnghnute chhuan liamloh nan bel mawngah te Tile them kan dah thin. Asbestos hi cancer siam tu chiang tak hriat a ni.
Tin, Electric meter box leh a kaihhnawih ang chi hi mutna atanga feet 12 tala hla tur anih hi kan hria em aw? Scientist pakhat, a fapa cancer vanga thi ta khan a cancer chhan a chhui khan proof chiang tak hemi thilah hian a hmu tih ka chhiar tawh.
Pesticide leh cancer:
http://www.toxicsinfo.org/Lawn/Pesticides%20&%20Cancer.htm
September 1st, 2011 at 10:43 pm
Hman deuh tawh khan mithiam pakhat, (a hming ka hre talo) chuan, “Mei zu mite chu natna dangin an thi hmante a nih ngawt loh chuan cancer vei tur anni,” a ti.
September 1st, 2011 at 10:45 pm
The main types of lung cancer are small-cell lung cancer (SCLC), also called oat cell cancer, and non-small-cell lung cancer (NSCLC). The most common cause of lung cancer is long-term exposure to tobacco smoke.[3] Nonsmokers account for 15% of lung cancer cases,[4] and these cases are often attributed to a combination of genetic factors,[5][6] radon gas,[7] asbestos,[8] and air pollution[9][10][11] including secondhand smoke.[12][13]——from wikipedia
cancer hi meizuk vang vek chu ni lo chiang e..mahse meizu mi ah cancer a tam zawk tih hi research a an hmuh dan a ni miau alawm. hei hi lung cancer bikah a ni.. phawt mai a…
September 1st, 2011 at 10:46 pm
Zuk leh hmuam ti ngai lo, sa pawh ei ngai lo ka thianpa pawh kum 20 mi lek a nih laiin cancer vangin a thi tho.. Chu tih laiin ka pi naupan lai atang a mei zu thin pawh kum 78 a dam thleng in a cancer lo. Natna dang avangin a thi. Kan climate hi cancer cells tan in thlahpun a nuam a niang..(ka awi bik chiah lo 😀 )
September 1st, 2011 at 10:50 pm
ChhanaPa #13 zu in ngai miahlo pawhin internal bleeding an nei tho alawm. Meizial zu te tan veina chance a sang zawk tih a ni e.
Cachar lam product thlai ho hi eilo thei ila emaw, ei tlem thei ila chuan engemaw chen kan zia ka ring hrim hrim. Tin, meizial zu khu luih2 hi 2nd hand smoker te tan a hlauhawm lutuk.
September 1st, 2011 at 10:53 pm
Saitual pa, zu pawh in lo, zuk leh hmuam leh kuhva thleng pawh a in sum an cancer mai chu..a fa te hnenah ‘zuk leh hmuam, zu a in sum te hi tih mai mai ani, in duh duh rawn ti rawh u’ ti hmiah. A la na ve khawp mai.. a na duh ngawt chuan ka ring, vanduai ve khawp mai.
September 1st, 2011 at 10:53 pm
Malaria leh cancer-ah hi research chu ngai hle in ka hria, Post tupa hian ngaihdan i rawn sawi niin ka ring a research hmanga hmuhchhuah chu nih ka ring bik lova. Kan doctor thiamte hian cancer an hria, damdawi leh hnathawh dan pawh an hriat bel teh reng nen hian, kan vei chhan ber hi chu an rin thu bak hi an kal thui vak ka ring lo ve tawp a. Zuk leh hmuam chu cause pakhat (pui ber pawh ni mah na!). A thenin tile bang vang an ti, a then in sa rep an puh, a thenin zuk leh hmuam an puh thul, inthlahchawn theih te an la ti ta deuh deuh. cancer kan vei chhan leh malaria treatment chungchang bikah hi chuan kan mithiam te hian inzir belh (research)an la ngai niin ka hria.
September 1st, 2011 at 10:54 pm
10#Pu Hv..a nih hmel khawp mai i sawi takah chuan, sa te, zuk leh hmuam an ngam dan bawrh2 ngaihtuah chuan kan vei tam bik hi a mak ka lo ti thin a.
September 1st, 2011 at 10:54 pm
Pesticide leh meizial zu leh an khu hip tu te hi Mizoram tan chuan ka rin ber te zing ami a ni.
September 1st, 2011 at 10:55 pm
scotland zotuithiang chu sawilang rih lo teh ang 🙂
September 1st, 2011 at 11:04 pm
mizoram a cancer vei leh cancer vang a thi tamtak te hi cachar lam thlai ei lo mahni thawhchhuah ei an nih hmel zawk ka ti kei chu. meizial han pak khuk tluk a nuam a awm si lo a
September 1st, 2011 at 11:11 pm
Aw, lalpa, mei zu theia min siam hi ka lawm e.
September 1st, 2011 at 11:32 pm
OT lwks, inti mizo ciah lo a kan ngaih ho hi anmahni kaihhnwih topic lo hi chu zu comment peih hlwm der lo a…chuan eichhiat vanga cancer chu thil awm ve thei anh hmel, ei a ciat a immune system a that loh miau cuan cancer cell tan ram lak a nuam gwt ag…
September 1st, 2011 at 11:34 pm
A post tu hi ka duh riau.. Mahse mi thiamtena an sawi awih duh lo tlat ini ang tih erawh ka hlau hle. Putar damlo pakhat pawh BSF Doctor thiam berin a enkawla; mahse a pan hmuamhmaah ngei doctorin a chiu loh chuan a dam a ring lo tlat peka buaithlak teh asin.
Cancer thlentu hi carcinogens an ti maiin ka hria. He carcinogens hi radioactive elements an tih zawng zawng hian a pe chhuak vek a. Tin, kan rap chung vela kan meikhuin a ur ung thupahte hian a awm a ni awm e. Chumi awmzia chu thil rep kan einaah hian a awm ve dawn tihna a nih chu.
Mizoramah hian cancer a tam avangin Department of Atomic Energy, Government of India chuan project- ‘Measurement of radon-thoron and progeny concentrations and equilibrium factors in Mizoram’ min pe a. He project hi Rs. 48.42 Lakhs man lai a ni. Tunah hian Dr. B Zoliana leh Research Scholar pahnihin an buaipui mek. Background Radiation Assesment Laboratory an din a, thil thar an hmuchhuak teuh tawh. Background Radiation tak hi cancer thlenthei boruaka leng vel an ni ber a. Mahse tuna ka hriatdan chuan radon leh thoron-te hi Mizoramah a tam lo tih an hmuhchhuak.
Paper Publish an tum avangin engmah an sawichiang duh rih lo nangin Radioactive elements- Radium, Thorium, ldt., hi Mizoramah chuan an awm ve lem lo ni awmin an sawi. Anni pawh hian Cancer kan vei tam chhan chu kan ei leh in- zuk leh hmuan vel hi an puh ta ber a ni awm e.
Journal- Science Vission, MIPOGRASS-in an tihchhuah thinah khan an mizotawng ngeiin an thil hmuhchhuah tlem chu an ziak tawhin ka hria. Ngaihven peih in awm chuan thil thar hriatna a ni a tha ve mai mai. Rinthua sawi mai mai thin- a then dik a then diklo ni si hi an ni hian an lo CONFIRM dawn ta ni berin a lang.
September 1st, 2011 at 11:38 pm
Meizial tlawn khat zuk hian kan nunna second khat in a tawi zel tih te hi a ni tak tak em le? Pu.HV hi thil hre hnem bawk a, he kan mithiam ho in min hrilh hriat dan hi a dik reng em aw….kei lah mahni a awm tawh chuan khu tual tual reng mai ka ni bawk sia!
September 1st, 2011 at 11:41 pm
kan pu pakhat chuan, kum 89 kani tawh a, kha leh chen kha thlarau thianghlim nen kanlo zu dun tawh a, harsatna minla siam love, a ti ve tlat he he
September 1st, 2011 at 11:42 pm
Tcn khiangte #24 Asteric anga Google peih i nih chuan i duh chu i hre zung2 thei ang hairehai 😉
Every cigarette you smoke shortens your lifespan by about 11 minutes. That’s according to British researchers who calculated the effect of a lifetime of smoking, then the number of cigarettes generally smoked in a lifetime. The average came out to 11 minutes. That may not seem like a lot of time, but think of it this way: If you smoke only five cigarettes today, you’ve shortened your life by almost an hour. A carton a day equals about a day and a half.
http://no-smoking.org/august02/08-05-02-1.html
September 2nd, 2011 at 12:38 am
Text book kn keu let leh hial phah chu.. Sir Percival Pott chuan tar (a mizo thumal k hre miahlo! Thil kâng atanga lo insiam dum tak deuh ngek nguk) siama hnathok thrn ten cancer an vei nasa bik chu mak a ti em2 a. Thla ruk chhung nitin tar hi a sazu khoi bengah a tat a, cancer a lo awm ta. meizial pohin tar-like product a siam vangin meizuk hian cancer a thlen thei tih chu rinthu mai anilo tih a chiang. He tar ah poh hian cancer thlen tu tak chu polycyclic hydrocarbons hi an ni.
September 2nd, 2011 at 12:40 am
#27, yes 🙂 ka chhiar ve tawh..
September 2nd, 2011 at 12:41 am
mifing awm khawm in, in ngaihdan in sawi luam luam a, tha hle mai, in duh tawk in sawi zawh tawh hnuah ka ngaihdan ka sawi ve chauh ang…..google leh wiki hman ho khan lo thawh belh zel bawk ula 🙂
September 2nd, 2011 at 12:44 am
Mifing awm khawm in an ngaihdan an sawi zawh vek hnuah fing berin ngaihdan a ron soi don nih chu, folks…huhu (N)
September 2nd, 2011 at 12:46 am
27# rempy, lo ngai chang rawh, misual mithiam ten han khel phawt se, i text bu kan keu tha leh dawn nia 🙂
September 2nd, 2011 at 12:48 am
Comment box te hi kan lo phiat fai dawn em? Red carpet te kan lo phah don mi? :[
ngaihdan leh kn soiduh thawh khom na mai ani, forum hi, research paper tuman an siam lo.
September 2nd, 2011 at 12:49 am
Chuan, cigarette zuk hian ‘Alzheimer’s’ leh ‘Ulcerative colitis’ hi a veng ve tlat mai!
Ka ‘naupan laia’ Ulcerative colitis case ka present tuma ka hmuh fuh 🙂
September 2nd, 2011 at 12:53 am
Zonet hoin nupa dam rei an kawm khan(an khua ka chiang ta lo), an nu zawk kha, ka pi eng nge i dam rei na chhan ni a i hriat?, an ti a. Ka hre lo, ka meizial zuk te hi a ni ang, a ti ve tlats. :-O
September 2nd, 2011 at 1:00 am
#34, mahni nuam tihzawng hi ti ila, kan lo damrei pui ber zawk. Kan thih hma pui palh ta nih pawn, vawikhat dam mana nuam kan tihzawng ti theia awm kha a hlu hrim hrim.
Chuan, a hun taka muta, a hun taka thawh hi a pawimawh bawk avangin ka mu dawn 🙂
September 2nd, 2011 at 1:02 am
hahaha U @RemPy chu ka sawi tum i man lo lutuk a, min ti zak vek, ka sawi tum zawk tak chu an ngaihdan leh hriat duhte han google in wiki bawk se….aaa sawi ve tawh lo mai ang ang, min chhuah chhe em mai
September 2nd, 2011 at 1:05 am
35@ muttui le, kei pawh mut hmain kan khu luih ang e, tih dan pangngai in. 😀 😀
September 2nd, 2011 at 1:06 am
#29 khian midang zawng aiin drake finzia a tilang a, #31 khian ReMpY_ScisSoR a ngaihsan zia a tilang bawk em? hairehai 😉
Keini , midang te erawh chuan kan rinthu mai mai bak chu Google atanga kan link hmuh ani kan sawi ve mai mai ni 😛
September 2nd, 2011 at 1:06 am
@drake, i take my words back if u feel offended… 🙁
lo hrethiam hrams, misual.com ah hian an om leh thrin a, mahni thil hriat contribute lem si lo a midang lo contri liam2 tu te ron mock chi ang hi…sorry again if i misjudge ur comments. 🙂
September 2nd, 2011 at 1:11 am
Dam dam… mut hma zial min theh thei in la meng em? Ka stock a zo der mai 😛
September 2nd, 2011 at 1:15 am
38# U rempy@ post ve ngai lo hian hriat engmah ka nei lo, lo OT ve mai mai zel lom….
38# Bera pawn a hre chiang a, nuih vak saw…
Engkim a tha e, mahse google leh wiki hman khan chuan in theih ang tawk chu lo bei zel ru, RemPy nen ka lo chhiar zel ang e
September 2nd, 2011 at 1:17 am
Meizial zu nasa te hnena ”nghei rawh, a pawi lutuk” tih leh ringot thrin hi a sawt lo khop mai.
Ka pu chuan thliarkarah tumah omlohna ah kum 5 vel tang ila, ka tan chhung te chu ka nghei thei ang, a ti thrin. A beidawnthlak khop mai.
Electronic cigarette hi meizial nghei theilo chuan try chhin teh u, ebay velah a om ang. A chah theih bok ka ring.
September 2nd, 2011 at 1:20 am
#10 electric meter chu ka hriat vawi 1 na a ni e, eng thil thalo nge awm thei le..!
Rinthu in puh kual ve teh ang..!
DDT kha hman deuh khan an hmang uar hle, sangha hrai nan an hmang a, sangha sa a tui vak lo, DDT rim a nam duh an ti. hmang an awm ve nual a ni awm e..!
PHE tui lak a, bleaching powder.(?) an pawlh thrin kha thra lo ti in an thlak a, an thlak hmazawng a kan in thrin te khan a belh chhah ve ka va ring em..!
Hlo tur hmanga lui sa; sangha, chakai hrai ei tam ltk te, thlai leichi chemical hrang2 chawm uar lai te kha..! Rinhlelh tur a va tam angreng em..?
Phai vai An hnah leh rah ho hi DDT in an chawm nasa anti, mizoram a thawn luh tur phei chu an uar viau ang..!!
September 2nd, 2011 at 1:22 am
drake, Google kan hman tangkai lovin keini tehlul hian engtin nge maw mi titina karah kan tlakzep ve theih reng ang le. Nangni Google zel ru ti zawk tu ten eng in sawi tha duh bawk silo, in rawn khei zeuh zeuh duh lek si a :-S
September 2nd, 2011 at 1:26 am
#44, i tui e mai a, serh surh a che..nangni ang rual ruihtheih thil ti miah lo, hrisel tul ho hi an bula om a nuam duhlo phian, an ti khip khep duh, an ti!
September 2nd, 2011 at 1:27 am
ReMpY_ScisSoR kum 26+ ka zuk hnu, ka nghei dawnlo ka tih fo hnuah (nikhatah bawm 2, 40 cigarretes) ka thawhpui pakhatin, “I nghei tawhlo vang,” min ti khanglang. Ka zuk lai mek ka paih a, ka raphrual a tun thlengin ka zu leh ta hrihlo. kum 4 ala tlinglo deuh. Ka nghei tum laiin ka thei ngailo, zuk ruk atangin ka zu leh nge nge thin. Khatiang hun ka tawng kha ka lawm khawp mai hairehai 😀
I hresual hret. Ruihtheih ti ngai miahlo ho hi alawm an kianga awm hreawm an tih chu. Keini ang ruihtheih thil ti nasa tawh thin lutuk sim leh tawh te hi chu e, kan ri huau zawk asin hairehai. Tin, ka tui serh surh pawh anilo, a rawn inla spy em anih kha 😛
September 2nd, 2011 at 1:37 am
Party naah voi 2/1 chu mint flavoured cigarette ang hi kn zu tawh.. A addict theih khop don tih chu ka ring thiam nghal, thluak a kai rang e mai, kan ni nghal chiai2 mai lom..lolz
bucko soi ”cigarette may cause cancer” tih zok tur tih lai khi ka duh tawp.. Kzp e
September 2nd, 2011 at 4:36 am
Mizorama cancer tam ber hi chu chuap, chaw kawng, ril, pumpui leh ka hi ani lo maw? Ei chhiat vang pawh ni chuang lovin thil ei dukdak loh vng anih ka ring chawkawng cancer tih vel hi chu. Nitina i kuhva eia Chinai i eitel te kha en teh, chemical amah pawh a so butbut thei kha in ei duak duak thin ania. Ti khan mei zu khu luih luih ula, kuhva ei sen huam bawk ula, cancer in thi zung zung ula (kuhva ei, sahdah/khaini hmuam ho leh meizu ho hi chu in trawp tlangpui bawksia) Mizoram pawh a changkang chak ve deuh ang chu. ;-(
September 2nd, 2011 at 6:15 am
45.rempy chu, i bul a awm a nawm ka rin teh reng nen, min nel loh hmel hle mai. I sawi ang khi ka ni si a. Inkawm leh lo mai ang.
September 2nd, 2011 at 7:12 am
la junior va angreng si a, pu te meizu khuh bawh bawrh an tam vak lo lehnghal a, pawi khop mai. mahse zial heh tak aia senior 1 a awm ve e,tha lutuks….
September 2nd, 2011 at 7:23 am
Phek thar kai ve hrim hrim ang
September 2nd, 2011 at 8:46 am
@bucko, khawvel pumpuia mithiamten lungrual taka an thutlukna chu zuk leh hmuam ti thinte hian Cancer chi hrang hrang an vei hma bik tih hi a ni a,chu chu an ngaihdan mai ni lovin ‘research data’ fel tak nena finfiah vek an ni bawk. Chu chu i awih lo a nih pawhin i awih lo a ni mai a, tunlaiah chuan mahni ngaihdana “ka awih lo” tih ve ngawt hian kawngro a su tehchiam lo. Finfiahna awm ngei (evidence-based) vekin mite chuan thil an sawi thin a ni zawk e.
Ei chhiat avangin cancer vei theih ni ta se chuan khawvel ram dang zawng zawng aiin Africa ram tam tak khu Cancer veiin an khat mur mur ang a, India ram ngeiah pawh mi rethei ho zingah a tam ber tur ni awm tak a ni a, chu chu a ni si lo. I ‘theory’ hi belhchian a dawl lemin kei chuan ka ring lo. Mahse, ngun taka zira i finfiah thlap a nih erawh chuan tuman an hnial thei hauh lo vang che.
1986 hma lama piang an tam nia i hriat chhan chu Cancer reng reng hi naupang aiin puitling leh upa lam hian an vei tlangpui a, chu vang mai chu a nih hmel e!
September 2nd, 2011 at 10:57 am
Vai thil kan ei nasa lutuk hi kei ka ring ber. Zuk leh hmuan hi ni tho mahse. Tin, zingkawruah laia hna kan thawk thin te pawh hi ka dem.
September 2nd, 2011 at 11:28 am
#52 keimah khi ka thlawp e
September 2nd, 2011 at 11:32 am
paei, keipawh
September 2nd, 2011 at 12:41 pm
Eichhiat vang chu a immediate cause chu ani lovanga,mahse eichhiat lutuk chuan kan immune system a chak lo anga,cancer cell insiam thei tur awm ang lo dangtur a ti chaklo phah thei.chuan mizo chu thei kan eitlem lutuk bawk hi ni pakhat,anti oxidants,vitamin c etc.. tamna thei eitam hian cancer awm thei tur a veng bawk.
September 2nd, 2011 at 12:46 pm
Hetiang hi ngaithla ila cancer lam rilruah alanglo:
https://youtu.be/QChPG1rSOU0
September 2nd, 2011 at 1:20 pm
A awm ang lo em mai a.
September 2nd, 2011 at 3:55 pm
Burma Thing hi mawhpuh mai ang u
September 2nd, 2011 at 5:23 pm
Good Post
Vai buhfai leh thlai kan eitam atang hian Mizoramah cancer vei kan tam zual anti, Kan vai Pitar nu vang kha a nithei angem?
September 2nd, 2011 at 5:31 pm
Zuk leh hmuam=Hrawk+chuap cancer, Chawhmeh rep+um+chingal=Pumpui Cancer.
September 2nd, 2011 at 5:36 pm
Zuk leh hmu tilo, ei leh in insum thei tak 7th Day Pastor pawhin kan ramah chuan cancer an vei tho
September 2nd, 2011 at 5:40 pm
Vanduai hrim hrim te chu he khawvelah hian kan lo awm ve chawk,
September 2nd, 2011 at 5:43 pm
Nia Bharat Guinea Pig ho hi kan vanduai asin
September 2nd, 2011 at 6:43 pm
@48Aryan.
.Cancer hi inthlahchhawn theih natna, genetic a kal chi kan ti dawn nge (Kan doctor ho in an hria ang chu)hi a ni a…Kan pi leh pu ten vaihlo an zuk nasat zia ngaihtuah chuan cancer tam awm reng chu a nih hi…
September 2nd, 2011 at 7:02 pm
cancer hi inthlahchhawn theih a awm a,a tam zawk hi chu kan khawsak danin a cho chhuah a ni.Cancer thlen theitu tam tak hriat a nih laiin,tak tak hi chu hriat a la ni lo.Ei chhiat vang ni lovin,kan thil ei a a chemical content zawk khan cancer min veitir zawk a ni.
September 2nd, 2011 at 9:32 pm
Ngaihtuahna a tithui hle mai..
Meizial i heh hmel reuh e..!!!
September 2nd, 2011 at 9:34 pm
E hem….. Min lo ngaidam teh u….. tunlai ka BB a chak lo lutuk a, 0.2 Mbps hi chuan engmah a ang thei tak tak lo a ni e.. Zanin hi a chak deuh a….
Ka post uluk taka chhiar a in lo comment avangin ka lawm e.
Nia, ka ngaihdan ka’n sawi ve mai a ni a, research tih lam te chu ‘hnai love’ tih a ni mai. Rindan leh ni ve thei mai ang a tih lam thu a ni e.Chuvangin sawi hona atangin thil chu a chiang mai ang …… Tichuan zuk leh hmuam hi cancer thlentu pui ber (main/immediate cause) a nih ring lo chu kan lo awm ve nual a nih hi….