31 August : Governor kal chhuak tur, MM Lakhera chuan nimin khan thlahna thuchah a sawi a; Mizoramin hmasawnna tura hamthatna a neihte hâi chhuak a, hma a sawn ngei a beisei thu a sawi.
MM Lakhera chuan, Mizoramin hmasawn turin hamthatna a neih thu sawiin, “A theihna leh hamthatnate hi in hâi chhuah a, chak taka hmasawnna atana in hman ngei ka ring tlat a ni.
Pathianin Mizoram hi a duhsak a, hmalam hun êng tak in neih theih nan ram zau tak, sik leh sa duhthusama tha a pe che u a ni. In chakna chu hmun dangah ni loin, in ramah ngei hian a awm,” a ti.
Mizo mipuite chu remna chhawm nung zel tura chahin, Larsap chuan, “In thinlunga remna thu in ziah kha chhawmnungin tihlu zel rawh u. Remna leh muanna zár zotu dik tak in nihzia hi India ram mai ni lo, khawvelin rawn hmuin entawn che u rawh se,” a ti a; tlawmngaihna chhawmnung zel turin Mizo mipuite a chah.
Mizo thalaite chu mi hnuaiah an awm lo tih hre tura a duh thu sawiin, Lakhera chuan, “Hlawhtlinna sang ber ber tawng pha turin theihna leh chakna in nei. Mahni inring tâwk ula, in theihna kha ring tawk bawk ang che u.
Hlawhtlin tumna rilru nghet pu ula, taimakna leh thawhrimna, tawrhchhelna leh inpumpekna dik nena in tih phawt chuan, in hlawhchham ngai lo ang tih ka tiam a che u,” a ti a; thiamna sang zawk nei turin Mizoram páwna chhuah hreh lo a, khawvel ngamtu nih tum turin Mizo thalaite a fuih a ni.
MM Lakhera chuan, Mizoram nuam a tih thu sawiin, “Uttarakhand tlang rama piang leh seilian ka nih avangin, Mizoram pawh hi ka tan chuan a danglam vak bik lo a, ka in pahnihnaah ka ngai hmin nghal hmiah a ni.
Mizoram chhung district hrang hrang pariatte ka tlawh kim vek tawh a, Mizo mipuite ngainatawmna leh rilru thatna te, mikhual chunga in ngilneihziate leh min duhsakziate hi ka dam chhungin ka theihnghilh tawh ngai lo ang,” a ti.
Mizo mipuite chungah lawmthu sawiin, MM Lakhera chuan, “Mizo mipuite tawiawmna leh thlàwpna tha tel lo chuan Mizorama ka hun kha ka hmang tluan thei dawn lo tih ka hre chiang a. In mi tawiawmna leh thawhpuina tha tak avangin in chungah lawmthu ka sawi a ni,” a ti a; Mizo mipuite chu hmalam hun hlimawm leh nuam tak nei theuh turin duhsakna a hlan a ni.
Similar Posts:
- Serchhipah Ex-Minister Pu Tlanghmingthanga hovin Remna Ni hman a ni
- Sawrkar-in MCON RR siam zo nghal!
- Oil leh gas lakchhuahna
- Tv. N. Ezekiela hmuhlehna chanchin chungchanga lawmthu sawina
- MPF-in thuchhuah siam
A lawmawm thin e…
September 3rd, 2011 at 11:31 am
Min fakna kha a lawmawma; a taka thlen chhunzawm tir zel a tha ang.
Report this comment
September 3rd, 2011 at 11:34 am
Hnahthial, Saitual leh Khawzawlte hi district thar anni tawh ni khan ka hre deuh sia, ‘district pariat’ tih a la ni fo mai sia, engemaw a awmzia le?
Report this comment
September 3rd, 2011 at 11:41 am
Ka ui mang e.
Report this comment
September 3rd, 2011 at 11:50 am
Inthlahna thu tluang tha tak a nih hi. Keini paw’n duhsakna kan hlan ve e.
Mizoram a a awm chhungin Governor a nihna ang a a hmalakna chhuanawm sawi tur ka va hre mai lo ve, MZU te hi a ni thei ang em aw! Zoram chhunga awmte khan in hre deuh lo maw, han sawi teh u khai.
Report this comment
September 3rd, 2011 at 11:58 am
Sawi tha khawp mai, Thiamna sang zawk leh hmasawnna chitin reng zawng turin Zoram i chhuahsan ngam ang u. Hlawhtlinna zawng zawng te hi tel khawmin Zoramah ngei i seng lut leh theuh ang u. Chutiang tingam leh ti thei chu “Ram leh Hnam Hmangaihtu Chawimawina” sang tak hlan bawk ila.
Report this comment
September 3rd, 2011 at 12:18 pm
Governor tha tak a ni. A thuchah hi a tha ka ti thei khawp mai. Thusawi mi tak a ni, hmel hlim tak nui sanga thu a sawi thrin kha a hmuh a nuam.
Report this comment
September 3rd, 2011 at 12:39 pm
Thlahna thusawi tha tak a ni,a thusawi hi hre rengin vawng nung zel ang u.A mah hi a nelawm ka lo ti ve hle thin,a kalzelnaah duhsakna ka hlan e.
Report this comment
September 3rd, 2011 at 12:40 pm
la cham rih se aw….engmh pawh ka la dil ve lo asin mawle,.
Report this comment
September 3rd, 2011 at 12:56 pm
Khai a…. thu a thiam ve fu hi le….. Nge mizo tuten emaw an lo p
huah sak zawk chu le………..
Report this comment
September 3rd, 2011 at 12:57 pm
eng thu mah lah chu ka chah ve ta mang si lo a
Report this comment
September 3rd, 2011 at 1:05 pm
A hmingah hi Lakhera tih a ni bawka kei ka LUNG a kuai riau. Mara unaute hi ka thinlungah hian a lo lang nghal vat zel.
Tumkhat chu AR Lammuala Republic Day lawm tumin thuchah a sawi a. A sawi tan tak tak hmain a introductory part lam kha mizotawng ngeiin a bei chho ta a ni… A nuihzatthlak duh asin aw. Amah khan a tawng kha a nuihzatthlak tih a hre tawh der si lo. A sira Police Officer dingte phei chu tlema tlemah an mualpho tep a nih kha. TV-ah phei chuan a lang chiang leh zuah.
A dam dup mai a. Ngaihawm dawn hle mai!
Report this comment
September 3rd, 2011 at 1:17 pm
Governor tha tak ani, tih khi a ditto e. Chhana (No.2) Distict a hming chauhvin an nei ani lawm ni? Aizawl District hian a la huam fe tho. District theuh theuh an in ang lo teh asin.
Report this comment
September 3rd, 2011 at 1:27 pm
M.M.Lakhera hi chu ka ui ve tlat. A governor tirh khan darbar hall ah min ko khawma, introduction te neiin thu tlem thiam lo chung chungin kan sawi ve a, kha tiang kha ka tawng tawh kher lo vang, a ni hi ka hrereng tawh dawn a ni
Report this comment
September 3rd, 2011 at 1:33 pm
Châm rih rawh kan vangkhuaah hian.
Report this comment
September 3rd, 2011 at 1:48 pm
Theih chang ve se nang chelh nan chuan, chungtiang siar leh chhawrthlapui dang kir nange vangchung sangah…… i cham tisei tura……… Tha ve tho mai em le….
Report this comment
September 3rd, 2011 at 1:51 pm
A hawthla tur kha chu a lung a leng ve ngawtin ka ring….te ka tia, a lo leng vaklo mai thei bawk a.
Report this comment
September 3rd, 2011 at 3:20 pm
‘In chakna chu hmun dangah ni lo in. In ramah ngei hian a awm.’ ava pawimawh em.
Pa tha tak chu a ni.
Report this comment
September 3rd, 2011 at 6:56 pm
Governor tha tak ani…a tihtur chin a hria..chu mai te chu…executive emaw in ti ve tlat hi chu a buaithlak
Report this comment
September 3rd, 2011 at 8:26 pm
Mizoram governor ah chuan ka la ui ber mai. A mah kha a mizo zia tlat. Dam reng roh.
Report this comment
September 4th, 2011 at 12:01 am
Hetah hian a lang tel ta chiah lova, a thusawi ka duh em em pakhat chu,”Theihna innei a, chu intheihna chu inram atang hian zawng chhuak rawh u,” a tih ngei kha a ni. Zonet-in an interview naa a thusawi te kha duhthusamin a tha.
Report this comment