Mizo in awm tawhna khuaah phawt chuan, in 10 chauh pawh nise kuhva zawrhna dawr hi a awm ngei ngei thin hial ang. Chuti khawpa kuhva heh hnam chu kan ni a. Mi thenkhat chuan hnam vir leh tullova pawisa sen pawh hrehlo hnam niin min ngaih phah hial anih hi.
Mahse, heti zawng hian i ngaihtuah teh ang u. Hnam tin hian ei hrat zawng, puar leh fanna ni bik si lo hi an ngah ve tho, taksa hriselna atana tha lo tak tak pawh hnam tam takin an ei an intihhmuh a, kan sel kan sel hran lo. Thil tha ber chu a ni hauhlo nachungin mahni hnam hmusit phahna atana hman chi-ah ka ngai chiah lemlo.
Hetih rual erawh hi chuan a marketing lam erawh hi chu a mumal fahran lo khawp mai. Tun dinhmunah pawh hian Rs.10-in 5/6 a ni daih mai. Rs.5 phei chuan lei tur a awm tawh lo. Heti khawpa thil man to ei reng tur hi chuan nikhata Rs.200 chauh hlawh tan chance a awm ta mang lo.
Hetih rual hian engnge a to chhan? Tu thiamloh nge?
A chhanna awlsam berah chuan KUHVA ZUAR ASSOCIATION ka tilo thei lo. Bussiness line -ah chu midang tan chance pek theih loh khawpa tawt anih laiin Association a awm chuan dan a siam thin. Kuhva zuar Association pawhin hnam dang sumdawngte an thik avangin mipuite tan kuhva man tlawma lei theihna kawng min thiah sak a, Rs. 10-in 5/6 chauh lei theih turin dan a siam a, dawrkai thenkhatin man tlawm zawka zawrh duh mah se Association an hlau tlat!
Association thenkhat din chhan chu mipuite phurrit chhawk zangkhai nan a nih rualin KUHVA ZUAR ASSOCIATION erawh hi chuan mipuite tan harsatna a thlen thung a ni kan tilo thei lovang. Chuvangin, he Association-a awmte hi Mizo, Kristian vek an nih avangin heti hian ka ngen duh.
“Tunlaiah thil man a tihhniam a harsat tawh em avangin khawngaihnin kawng ala awm lai ngei hian kuhva man hi tihhniam leh hram dan ngaihtuah rawh u. Mipuite tana tha tur anih dawn phawt chuan vai sumdawng ho pawh thik rihlo mai rawh u,” tiin. Ka ngen hlawhtling em ang chu maw!!!
Similar Posts:
- Zahmawh i sawi lo hram ang u
- Kuhva ei hnam changkang tak an awm lo!
- Paper ka present ve a
- Kuhva Hring
- Ka chhung rimchhe tih reh nan “Kuhva” a tha tih fo mai hi
September 4th, 2011 at 3:00 pm
comment i la
Report this comment
September 4th, 2011 at 3:04 pm
va mak teh nawlh ve le…
Report this comment
September 4th, 2011 at 3:08 pm
Kuhva ei chunga chhiar tur ah kan khek teh ang
Report this comment
September 4th, 2011 at 3:11 pm
No comment!
Report this comment
September 4th, 2011 at 3:24 pm
“Engah lamtluang zauva i zal reng mai le. i thlunglu a hai em ni? Kuhvakhawr khawrna, i riang lua e ka ti” Roliana Ralte phuah/sak ka’n hriatchhuah zawk chu a.
Report this comment
September 4th, 2011 at 3:24 pm
Post tupa chu vai sumdawng thurualpui i nei a ni maw? Nge, pawisa tlem te hlawhin i hmingin vai dawr i hawn tir.? Dan dik taka vai sumdawng chu an hmer tel lovin ka hre sia..
Report this comment
September 4th, 2011 at 3:26 pm
Kuhva ei thatlohna te :
1. Sum a hek.
2. Ka chhung a bal.
3. Hriselna tan a tha lo bawk.
Nia tiraw Mahum, a man hi chu a to lu sat a ni. Tih tlawm dan i hre mial lo maw? Hma han la teh.
Report this comment
September 4th, 2011 at 3:32 pm
@PHF : Kuhva khawrna kha i hre chhuak em ? rawn tarlang teh. Lung a tileng khawp mai. Pu Roliana chu Lli-ah ka awmlai khan kan inzui nasa ve a sin!
Report this comment
September 4th, 2011 at 3:41 pm
Nia han ti tlawm teh u . .
Report this comment
September 4th, 2011 at 3:44 pm
Kuhva fakna tur ka hre lo e. Sumdawn kawngah erawh chuan Zofate hi kan inbihchian ngam a tul takzet e. Kan thlai thar leh keimahni kutchhuak inngaihhlutsak tlak reng reng loa kan tito uchhuak thin te, a tha kara a chhia phum ruk tlat kan ching thin te hi sim hmak chi. Hei hi kan sim hmanhmawh loh chuan hnamdang tan kan zuamawm lutuk reng dawn. A… sumdawn kawngah hi chuan hmabak kan la ngah lutuk. Dikna leh rinawmna te, inngaihtlawmna leh thuhnuairawlhna te adt.
Report this comment
September 4th, 2011 at 4:01 pm
A lo ni maw? kuhva ka lei ngai lova, a lo va to ta em em ve…
Report this comment
September 4th, 2011 at 4:01 pm
Ka ei ngai lutuk lem lova ka hrelo khawp mai… Re. 1 a pahnih/pathum a nihlai kha a ngaihawm duh awm mang e, a ei nasa tan chuan….
Report this comment
September 4th, 2011 at 4:04 pm
Meizuk kan khap ang bawk hian kuhva ei te pawh hi khap ila. Tin, official an ni emaw, ni lo emaw kuhva thial nuau nuau chunga TV interview hmachhawn te hian mipui min zah lo ka ti ve tlat. TV Cameramen leh Editor te hian heng ho thlalak hi chu censore mai chi niin ka hria. An thlalak aiah pan-hnah hring mawi tawk te hi rawn tilang ta zawk ula. A na lutuk em aw!!
Report this comment
September 4th, 2011 at 4:25 pm
Report this comment
September 4th, 2011 at 4:28 pm
Kan khua (Bilkhawthlir) hi, Mizoramah chuan kuhva chin tamna ber a ni a….Chhungkaw khat paw’n tin 15 hmun lek lek(!) an nei fur hlawm a. Mahsela,kuhva khawr erawh a to ve tho mai….Ei 4 cheng 5 ala ni ve reng tho. Achhan chu, Kuhva hmin tak tak hmain vai hovin a hmunin an khâr(lei) vek zela(khawdangah pawh a nih ve vek tho ka ring), Vairamah an phur liamthla ta zel a, Mizoramah lei tur a van phah a….Phai atang bawkin man to zawkin kan zuk lei chho ve leh,…Hetiang a nih avang hian kuhva ato phah ta a ni.(NB: Kuhva kung 34 rah hi cheng singkhat in kan khar tir thina, Association hnena hralh ai chuan vai hnena hralh a man zawk a nih ka ring, tun dinhmunah chuan)
Report this comment
September 4th, 2011 at 4:36 pm
Kuhva zawrh, ei leh kawl hi Zu kan khap ang tho hian khap ila a tha khawp ang.
Report this comment
September 4th, 2011 at 4:41 pm
Post-tupa, i ngenna chu Association hruaitute hnenah thlen la ti nia. misual.com-a post hi a sawt viau lo palh ang tih ka hlauhsak deuh che.
Kum 2 mi vel ka nihin ka nu leh pain bazarah min hruai a, kuva lei ngenin ka ding tlat mai a, min leisak hma chuan ka kal sawn duh ta hlek lo a…min leisak ta nge nge! Tun thleng hian tui ka la ti ta zel a, duh angin ka ei phak ta lo thin mai pawh a ni.
Report this comment
September 4th, 2011 at 4:49 pm
ref comment no.17 Chhiartute ngaihdan hriat i tum a nih erawh chuan thu dang.
Report this comment
September 4th, 2011 at 4:53 pm
Duh ve awm piat piat ve maw le. Misual ah meuh i rawn mualpho pui chu. Kei pawn ka duh ve tho na in.
Kuva heh ka hriat pakhat ka’n share ve lawk che u. Kan sikul(a hming sawi lo mai ang)a ka luh thin laia kan zirtirtu chu Pulpit a thusawi lai pawhin a hmuam tut zel. A tak a lem ngai lova, a tui chauh a lem thung. A thinrim chuan kuva pek a him thin khawp.
Report this comment
September 4th, 2011 at 4:54 pm
Kamchhe tleuh nan atha ve em bok alawm le
Report this comment
September 4th, 2011 at 4:57 pm
Ka ziah sual palh a ni e, kuva tia ka ziah khi-Kuhva tih tur a ni e.
Report this comment
September 4th, 2011 at 5:04 pm
Ka ei chak lutuuuk.
Report this comment
September 4th, 2011 at 5:07 pm
Ka heh lutuk lem lova, ei lo tawp erawh ka inti ngam chiah bik lo. Mimal tak phei chuan a man a to ta hi ka tuar lutuk hran bik lemlo. Chutih rual erawh chuan Mizo zinga mi tam takin an ei avang hian ngaihthah theihah ka ngai hauh lo thung.
Ka duhthusamah chuan petrol/diesel man te hi kan thunun theih nise tih tawh nak alaiin kan thunun theih reng thil (kuhva) takngial pawh kan thunun thei ta hauh lo (duh lo) hi chu a mak ka ti a. Hmala ber tura ka ngaih Kuhva Zuar Association -te’n Mizoram economics dinhmun hniamzia hriaa hmala tura ka ngaih laia a man tihhniam theih nana hma an la miah lo mai hi mak ka ti em a ni.
Report this comment
September 4th, 2011 at 5:11 pm
Report this comment
September 4th, 2011 at 5:52 pm
Good post.
Report this comment
September 4th, 2011 at 6:05 pm
Ni e, duh ai chuan kan inseng hnem ta e. Post tha tak a ni.
Report this comment
September 4th, 2011 at 6:07 pm
Post-tupa thil vei hi a awm tho mai. Dawr a an zawrh hi lei lo ila, mahni’n a hranin kuhva rah, panhnah leh chinai hi lei ve mai ila, sum a save theih zawk lo’ng maw. Cachar lamah hi chuan mahni inah hetiang hian an ti deuh vekin ka hria.
Report this comment
September 4th, 2011 at 7:10 pm
Mizoram sum engzat tak hi nge silchar lamah hian lut thla ang o, kuhva vang hian? Mse, a zuartuten ei hmuh nan an hmang tho a, thra tho
Report this comment
September 4th, 2011 at 7:44 pm
Het kuhva ei lo sawi chhe su..Ka kuhva kung a pui tling trep tawh hlawm..Ka kuhva huan khu a pui tlin hunah chuan lakhpati ani mai hahah fiamthur
Report this comment
September 4th, 2011 at 7:59 pm
Kuhva man to chhana Kuhva Zuar Association i rawn puh mai hi chu i rilru a hriat hle mai..inflation a nasa a a to a ni mai lom…example tha deuh mai chu… Lakhuihthei hi a ni. Kum nga liam ta vel kha chuan Lakhipur lakhuihthei kha pum lian tha tak tak kha pum 2 cheng 10 te a nia, peih chen chen a thar hunlai chuan eitur a la awm zui. tunah chuan pum tha deuh chu pum 1 cheng 20/25 a ni daih tawh. Tuman a to chhan an sawi an sawi lo..a to a ni mai…chutiang chiah chuan kuhva man a lo to a, a to chhan a tute emaw puh i tum hi chu i rilru a dik ka ti thei lo..
Kuhva sundawnna a pawisa virvel hi chu a tam tham ve bawk em a ni….vaiho reng hian an hlawkpui thei em mai…..mizo ngei hian hlawkpui vek thei se duhthusam a ni e…..
Report this comment
September 4th, 2011 at 8:10 pm
Khawi maw min lo theh ve ula mawle. Thiante theh hi a tui ka ti ber mai.
Report this comment
September 4th, 2011 at 8:38 pm
Kan thil reng reng a to chhan bulpui ber chu a hnianghnar loh vang tih hriat tur. Demand a sang ema a to anih hi. Vai sumdawng thlah zalen hi kei chu ka duh loh bur rual in Mizo ho hi chu thil enge maw hlek ah hlep teuh kan tum thin hi a zia lo ka ti.
Report this comment
September 4th, 2011 at 10:20 pm
Kuhva hi khasi leh mizo hian kan ei hnem ber awm e, all india ah. Mahse phairam ah poh a to khawp mai. Guwahati ah tun hma taamul 1 re.1 kha an ti rs.2 vek tawh. Ka sawi duh chu kei pawh hi kuhva heh tak rs.30 man nitin a ei thin ka nia, mahse dentist in nghei turin min ti a, hei kum khat chu ka nghei ve ta, chakna pakhat mah ka nei tawh lo. Nghei or eitlem i tum ang u. Kan belh lawk. Kuhva ei hnem tan coconut tui in thin a tha. Taksa a chemical awm a neutralise. Ka lawm em em e.
Report this comment
September 4th, 2011 at 11:47 pm
Kei chu kuva hlir ka ei thin, kuhva ei lo-in!
Report this comment
September 5th, 2011 at 12:07 am
kuhva hi chu a tui ve em alom mole,hei meitei ramah phei chuan mizo in kan inleng te thingpui kan pek thin ang hian an ni pawh in in lengte kawm nan kuhva an chhawp teuh zel.an in neih ni ah pawh kuhva hian hmun pawimawh tak a luah a sin,kha2 ni my
Report this comment
September 5th, 2011 at 12:30 am
In comment ka en hian Kuhva ei hi thil tha ber a ni lo tih chu kan pawm tlang.
Chutih rual chuan a man a to chhanah hian puh tur mumal kan hrelo a ang ta hle maia…Association pawh kan dem lemlo ta zawk em ni?
Report this comment
September 5th, 2011 at 8:10 am
Rs.5 leh 10 man an pack thin kha, tunah chuan Rs.10 leh 20 manin an pack ta! Kuhva zuartute hnena tihniam tura nawr aiin keiin a eitute hian ei tlem zir ila. Kuhva man a to a, kan phun kan phun a, ei tlem kan tum si lo?? Supply aia demand a san chhung chuan kan heti reng dawn…
Report this comment
September 5th, 2011 at 8:45 am
ka chhung leh chawkwng cancer bak a thlen lo. pack khat Rs 100 ti se cancer vei pawh in tlem deuh ang chu
Report this comment
September 5th, 2011 at 11:37 am
#38@Aryan, dikna chen a awm ang.
Pack khat Rs 10000 te han mai se chuan tuna ei tam tak hian an ei loh phah ngeiin ka ring tlat, ei loh kha hriselna atan a lo tha zawk daih bawk si..
Report this comment