Chutih lai chuan tlai ni tla tur a sen ruai lova, khuangruah pawh a sur hek lo. Dawt ka sawi chiam lai hian thli erawh natakin a thaw heuh heuh mai thei.
Ni e, khang hunlaia kan vawikhat inhmuhnaa ka hmangaih lutuk che i ti thei kha a mak ka ti reng a ni. Khatih lai khan hmeichhe pâwt peih leh laktlak loh i ni tih hria ila tha tur. Heti teh hrep hian min lo Fiamthu Huang bawl mai mai hi chu, i nung ve hle in ka hria.
Kan pahniha kan inkawm thin laia, sawi tur i hre lo thei lutuk kha i dangawk vangah ka ngai thei lo. Korean Serial film bak sawi tur i hre lova, a Mizoram lo thin ngawtin ka hria. Kan inchengkawl fawh apianga ka khabe hmul pathum i sehthlak tel ziah lai leh, ka bek hmul i pawh thlak tiar tiar thin laite, ui chung chunga ka zakhmul i pawt thla tel ziah bawk kha min lo deu hle niin ka hre ta. I pa theithur eiin i ha a ti tim tih ka hre chiang khawp.
Rual pawl nân Car ka neih loh avanga ke ngata Sunday tlaia kan RV thëlh kha ka sawi chak lo viau naa, ka sawi hram ang. Pheikhawk sáng tak i chawn ti sek thiam tur ang ber bunin kan chhuak a. Phur taka kan kal laia i ke i bilh khanglang kha, tun thleng hian ka la thinrim reng. I ke kha bilh kher lo la chuan, i bilh lo a ni mai awm si a.
I pawnfen a chhing tual tual a, a elastic chauh i la feng tak ngial dâwn. I pian a nalh hranpa lutuk bawk silo, nangmah avang hian pawngsual a tam phah pawh a ni ta ve ang. Khatia i rawn inchei apiang khan i ngûma tattoos thle bawi khawpa tairaw tianga hlap che ka chak thin.
Dumka nihliap lianpui i hawl tuang tuang laia, ruahsura huh hnuanga kan kal thlup thlup kha tun thleng hian ka la hritlang a sin. I lehkha thiamna kha tun ang kan hun tawn mekah hian i la utawk tur vawn a, i la tilpuk thut chu a ni si a.
Hei hi chu nihliap a ni a, ruahhliap a ni lo i ti tlat a nih kha. Nihliap chu ni sa-ah chauh khum tur i ti tlat a. Khatih laia ruahsur min do pui tluk tluk kha chu i nihliap lian ken ngei mai khan vuak thluk tawp che a, sa zawrh naah sa thianghlim zawrh ve mai mai che kha ka nap a. Ka hmangaih em che avang khan ka insum hram hram a ni.
Ka message a tawi thei ang bera ka ziak i chhiar theih loh laia, i kutziak a chhe em mai min tih thin lai khan ka tah i ti chhuak ngawih ngawih. Thu thlum tak min thawn tur i hre thlawt lo kha ka lu iti nâ. I message sing chuangah khan, “Ne tih? Fb mai mai mi? Bukin i awm a, i tling ta lo tih leh Hero Honda, dhak dhak go” tih bak ka dawng lo.
I aw ngaihnobei lo tak hmang ngei mai a i Mizo hla tha tak tak sa duh hlek lova, Justin Bieber hla a hlathu awmzia pawh hre chuang lova i khêk pui ve chiam thin kha e-min hnem zo ngang lo a ni e. Ka ngaihdan a pelh deuh hlek chang chuan, Zopa sairawkherh ngei maiin rawn sai pawp che kha ka chak zek zek thin. Mahse, ka hmangaih êm che avang khan hriamhrei ka chelek lo mai mai a ni.
I zai ngaihnobei lo tak leh nihliap ruahsura i khum duh tlat lo kha chu ka ngaidam thei mai che a. Mahse, zun leh ek i thlahdah kher hi chu ka dem che a ni. I hmel leh nangmah chu tha lem lo mah se, ka hmangaih thei mai che a. I zun leh ek i thlahdah tel kher hi chu ka hmangaih tel thei ngang lo a ni.
I luck tih ka hai mawlh lo, mahse ui hrik i kai thei êm êm mai hi chu, i luck vângah ka ngai thei ngang lo a ni. Min dem mai bik suh aw, ka limit a pel tawh tlat…
I tan liau liau hla ho mai mai ka phuah sak che hi ka hlan a che. I aw ngaihnobei lo tak ngei hmang khan, i rizai hnuaiah i lo phunrem dawn nia.
Thosi tam malaria tam
Mut dawnah thosi len zar fo la
I lo……… nân.
A sen reng reng hlau ang che
Tihdam theih loh natna i kai thei
Parvon-in a tih dam theih loh
Bridge:
Tahlai bangin Kohhran vuan ang che
Inchei uar lo la
Tho la, thu ta che
Ka hlaphuah-ah khian a awl lai a awm a, mittui tla zawih zawiha ri miah lova sak tur tihna a ni e aw. Hetiang teh hrepa inhmangaih chu ka chhang kham tawh tlat. I hming hnaisai lo Hrangkekuali an tih luai luai che hi, nungchang mawi leh tha put ve hram tum teh. Chuti lo chu ka mitah chil hnawih meuhvin ka tap der vak mai ang tiin ât ka so mai mai a ni e.
Similar Posts:
- Ka hmangaih che, ka hmangaih fo ang che.
- Intawhlai Part II
- Nu Lehkhathawn. (Mothers’ Day Pual)
- Ka Hmangaih Matlan-i kha aw….
- Ka hmangaih che
September 7th, 2011 at 11:10 am
Hrangi tak hi chu aw.
Report this comment
September 7th, 2011 at 11:17 am
In chenkawl fawh.. Hahahaha
Report this comment
September 7th, 2011 at 11:22 am
Edit- ‘chengkawl’ tih zawk tur ‘chenkawl’ ni lovin, mai mai lo chuan.
Report this comment
September 7th, 2011 at 11:41 am
‘Mi zawng aia chungchuan pawn, chungchuan dan tha lam a awm, hleiluat hian i chungchuanna i chhuang sual palh dah lo’m maw’…!…vulmawi
Ngatinge ni Hrangkekuali chu aw..!!
Report this comment
September 7th, 2011 at 11:45 am
1st Para-a, thli na taka thaw heuh heuh lai part khi ava mak ve le…
Report this comment
September 7th, 2011 at 12:28 pm
Enge ‘Chengkawl fawh’ chu???
Report this comment
September 7th, 2011 at 12:41 pm
In chuks hi maw le…bleh
Report this comment
September 7th, 2011 at 12:45 pm
tunlai chu a diklo zawngin thil a kal vel vek maia, zialo tak tak ani. mahse ka la nui sang ve tho e.
Report this comment
September 7th, 2011 at 1:02 pm
Delhi ah bomb a puak elo?
Report this comment
September 7th, 2011 at 1:03 pm
hahaha: a puak ring khawpmai
Report this comment
September 7th, 2011 at 1:03 pm
I sas chu a va den awm rem rem ve post tupa!!
Report this comment
September 7th, 2011 at 1:06 pm
@funny, ka ti tak tak ania. Vawin dar 10 vel khan a puak an tia, high court bulah.
Report this comment
September 7th, 2011 at 1:39 pm
a puak e. High court bulah chuan. Tun dinhmunah mi 10 an thi a, 50 an hliam.
Report this comment
September 7th, 2011 at 1:45 pm
Thu hi chu i thiam thlawt e. A ngaihnawm-hlimawm khawp mai.
Report this comment
September 7th, 2011 at 1:46 pm
puak e mi 11 an thi a, 65 hliam an awm. 10:15 AM khan Delhi HC Gate 5na pawnah suitcase a puak.
Report this comment
September 7th, 2011 at 1:50 pm
Purana qila a kan awm lai ania. Khopui ri amw te kan lo ti vel. Den rem2
Report this comment
September 7th, 2011 at 1:59 pm
A va duat loh hmel che ve mawle,Hrangkekuali mai mai chuh..saaalaa
Report this comment
September 7th, 2011 at 1:59 pm
Delhi bomb puak:
https://edition.cnn.com/2011/WO.....?hpt=hp_t2
Report this comment
September 7th, 2011 at 2:07 pm
SaNgpuiipa: hahaha my bad. fiamthu zawng hian kalo ngaihbel leh hman thawt thawt thin. lolz
Report this comment
September 7th, 2011 at 2:10 pm
Ka ex Hrangkekuali i lo tawng ve a nih hi
Report this comment
September 7th, 2011 at 2:48 pm
Chhiar chhuak thlap ngaihnawm hle mai hihi
Report this comment
September 7th, 2011 at 2:52 pm
@funny, khatia lo ti hmasa ber kha inih ka ring sa hrim hrim a, hehe
Report this comment
September 7th, 2011 at 4:47 pm
Lz-a mi kha i ni maw, ngaihnawm, hlimawm khawp mai…
Report this comment
September 7th, 2011 at 5:31 pm
Ni love, ka entawn miah lo. A lo in ang deuh ni maw?
Report this comment
September 7th, 2011 at 5:37 pm
A ngaihnawm thawkhat e
“Chengkawl fawh” khi a romantic lo ve pah reng hairehai… infawp lovin in in hip (suck) anih hmel e ka tia 
“Ngaihnobei” hi mihring hmel puthmang sawina emaw ka tia, Aw (voice) lamah pawh alo hman theih tihna em ni?
hlonchhing!…
O: O as in OVER
Aw: O as in ON (NOI)
Report this comment
September 7th, 2011 at 5:43 pm
Eich vee. hmui i hmang chuan i fawp tho tho..u fawp with your lips and suck with your mouth .hairehai..chengkawl fawh case ah hi chuan kan fawpa chuan kan hip bawk….oyster pawh a ei sexy theih ang hian chengkawl pawh a ei sexy theih ve tho e in a tribalish style
Report this comment
September 7th, 2011 at 5:47 pm
zuala, infawh i zei awmlo mange aw hairehai. Keini chuan an mur er er theihna turin hip lovin kan fawp ani ngai a ahems
lo hip hruih hruih teh u hairehai 
Report this comment
September 7th, 2011 at 5:51 pm
neanderthal alpha male tan chutiang chut chut angailo..hairehai
Report this comment
September 7th, 2011 at 6:22 pm
khai awwwww,tunlai ka sual hman meuh lo a.Hei ka va han chan ropui teuh ther2 vele.Min nuih ‘hallelui’ tir e!
Report this comment
September 7th, 2011 at 11:29 pm
6 sheldon170@ hmanah kan tleirawl laiin ka bialnuin min chengkawl fawh a, ka lei hi a tla tep in ka hria.. Lol
Report this comment
September 8th, 2011 at 12:31 pm
Nihliap mawlh mai khi… ka nuih a za tawp thei lo. A khirh hmel hle mai…
Chuan SMS pawh khi…
Report this comment
September 8th, 2011 at 1:32 pm
Hrangkekuali ka nih lai a mi kha min rawn chhuah mualpho a ni maw???!!hehe…
Report this comment