Mustang lam tlem i han fang leh rih teh ang: thlalak nen tangkawp leh mai ang aw…mit tlai rawh se…
Kum 8 lai kan tlawhpawp tawhloh hnu in, Kum 2011, August ni 23 a thlawhchhoh kan tum chu, khua a nawmloh avangin leh ni lenga ruah a sur tak cherh cherh avangin, flight cancel chu airlines te tih theih tawk a ni ta. A tuk khua athat chuan thlawh chhoh, khua ala thatloh fo chuan cancel law law mai chu kan thu tlukna a ni ta.
Ni 24 zing chuan khua a veng ta deuh a, Zing dar 6 a breakfast kan ei lai chuan Agni airlines atang chuan min rawn ko ta a, “Thlawhna a thlawk thei dawn a, airport lam rawn pan thuai rawh u” an rawn ti ta a. Hmanhmawh deuh chuan airport kan pan thla ta a. Kan thlen hnu reilo te ah chuan…kan thlawk chhuak zui ta a. Nimin ang in ruah a sur tawhlo tih mai a ni, khua chu ala veng chiah lo hle….
Chhum zing chuai karah Pokhara City chu kan thlawhchhuah san ta.
Kan thlawk chho zel a, ruam thuk tak tak leh mawi tak tak chungah kan thlawh chho delh delh a, chung lam han thlir ila, Pathian thilsiam te zinga hmingthang tak tak Annapurna tlang hmingthang te pawh anlo to lur mai a, a hmuhnawm hle.
Himalaya tlang zinga hmingthang pawl – Annapurna
Kan thlawk chho zel a, thlai chinna atan a hmun zawl thalai an duh vang te pawh a niang, khaw thenkhat kham pang a lo bawr khawm laih te chu a hmuhnawm danglam hle.
Minute 20 kan thlawhchhoh vu vu hnu chuan, Jomsom Airport ah chuan kan thlawhna chu a tum ta ruai ruai a. Thlawhna atanga kan han chhuak chu, thlasik nilo mahse, Pokhara te ai chuan a boruak a lo vawt raih mai a.
Jomsom Airport
Kawt thler pawh alo la fai vuk a, thirhrui ban (electric alo lut ve tawh a) alo awm ve nuk tawh a.
A khaw chhungah hian Mustang lui lian ber Gandaki lui hi a lai ah a luang tlang a. Lei pawh pahnih lai hmunhnihah an dawh kai a. Tui pawh a nu nghulh nghulh khawp.
Jomsom khuaa chhungte ber a kan han neih ve thin te pawh anlo dam a. An pa-ber Nima Tashi hi, kum 2003, khan natna in alo tlakbuak avanga kan tawngtaina, Pathianin a chhang a, a lo dam tha vuah vuah hle. Lalpa chu fakin awm rawh se.
Engamah hma-in, “Awmzel tur” ti leh ngawt phawt teh ang aw…..
Similar Posts:
- MUSTANG – by Lura
- Mustang Trail – Part II
- Which airport….???
- Terrorist Plot Foiled
- Sabereka khuangkaih lian chi
September 7th, 2011 at 6:10 am
A hmuhnawmin mit a tlai hle mai
Report this comment
September 7th, 2011 at 6:18 am
Pic 3 na chu, delta force a mi a va ang teuh ve..
nawm hmel duai2 hle mai.
Report this comment
September 7th, 2011 at 6:18 am
Thlalak chu hmuh a nuam hlawm hle mai..
Report this comment
September 7th, 2011 at 6:45 am
Pic. a mawi hle mai..han cont.. thuai ang che auh.
Report this comment
September 7th, 2011 at 7:44 am
A chhunzawmna a chhuah leh hunah law law ngaihdan chu sawi chauh ang.
Report this comment
September 7th, 2011 at 8:21 am
Pic ho hmuhnawm e. Lo chhunzawm thuai rawh.
Report this comment
September 7th, 2011 at 9:27 am
Nawm hmel ve aw! Duh lo chung chunga thlawh khum chu i ni em lo ang chu maw? Vannei bik ve aw, mawi ropui bawk si.
Report this comment
September 7th, 2011 at 10:24 am
Pic 2 khi a va mawi em em ve. Tin, pic 5 kawtthler vel khi nawm hmel khawp mai. Thlalak mawi tak han hmuh hi chuan ka dam sawng sawng zelin ka hria
Report this comment
September 7th, 2011 at 10:31 am
Mustang car chanchin chhiar chiam tumin ka chhiar a,
ka tum loh lam daih a lo nia, a hmuhnawmin a ngaihnawm hle mai. 
Mahse a tawi deuh ka kham lo.
Report this comment
September 7th, 2011 at 10:32 am
A hmuhnawm hle mai. Pkfanai, Sekibuhchhuak, Nangmah(post tu), keimah, shylo, ldt., thukhawchang ka hriat hian Pu J Hudson Talor-a thusawi lar tak hi ka hrechuak thin, hetiang hian a sawi “Unless you intend your wife to be a true missionary, not merely a wife, home-maker, and friend, do not join us.”
Report this comment
September 7th, 2011 at 11:52 am
Mit a tlai ṭhin teh e..
Report this comment
September 7th, 2011 at 12:54 pm
A va han nawm hmel tak em!! Kan lo kal ve…..
Report this comment
September 7th, 2011 at 1:41 pm
Pafel leh changkang tih takah, Post pawh a felfaiin hmuh a nuam thin hle mai.
Report this comment
September 7th, 2011 at 4:11 pm
Report this comment
September 7th, 2011 at 5:06 pm
Hmuhnawm in bengvarthlak hle mai
Report this comment
September 8th, 2011 at 3:03 pm
A hmuhnawm hle mai, zin ve ang mai kan ni e.
Report this comment