Chiahpuam a zawp lai vela an pawisa man, TV-a an tihlan khan tam ka va han ti ṭhin tak em! Khatiang pawisa tam kha tun thleng hian atakah ka la hmu ngai miah lo.
Ṭhenkhat rethei bakberh leh nitin ei tur lungkhama kan awm lai hian mi ṭhenkhat chuan chiahpuam pawisa let tam tak kha an nei a, hman ngaihna pawh hre mang lo-in, an duh zawng leh chak zawng ti ringawtin nun an chen a ni tih te hi chhiar ve ṭhin mah ila awih loh theih rum rum a ni.
Khaw’nge, tih ve theih kan nei tam lo em mai, chu’ng mihausa tawntawte chuan khawi khuaah te nge lu an nghaha an inbenbel tih hi i chhiar ngawt mai teh ang. Ṭangkaina a nei tam kher lo ang, mahse hriat ve hrim hrim chuan pawina pawh a nei tam chuang em lo’ng chu maw…
Billionaire kawl tam ber khua 10-te chu he’ng hi an ni (Mizoram matric result ang deuh-in intluk an awm nual a, chungte chu rank khatah dah an ni):
8. Beijing, China: Beijing-ah hian billionaire 19 an cheng a, chung zingah chuan Robin Li, China rama internet search site lian ber Baidu neitu te, real estate lama intihausa leh khawvela hmeichhia mahni-a insiam lian hausa ber Wu Yujan te an tel.
8. Los Angeles, USA: He khaw mawi leh hmingthangah pawh hian billionaire 19 an cheng a, Beijing nen an intluk. An zingah chuan eBay president hmasa ber Jeffrey Skoll leh investor hausa tawntaw Eli Broad te an tel.
8. Taipei, Taiwan: Taipei-ah pawh billionaire 19 bawk an cheng a, technology lama hmeichhe thiltithei bera sawi Cher Wang te, notebook computer siamtu Barry Lam te an tel nawk mai.
6. Sao Paulo, Brazil: Sao Paulo hi southern hemisphere-a billionaire kawl hnem ber khua a ni a, 21 lai an tling. An zingah hian Burger King neitu thar Jorge Paulo Lemann te, ethanol hmanga billionaire tling khawpa insiam hausa hmasa ber Rubens Ometto Silveira Mello te an tel.
6. Mumbai, India: Sao Paulo nen 6-na dinhmun inṭawm, Mumbai-ah hi chuan an hming kan hriat fo Mukesh Ambani leh Anil Ambani te, Ratan Tata leh Ruia te unau te chhiar tel vekin billionaire 21 an cheng a ni.
5. Istanbul, Turkey: He khaw hlui leh un tak pawh hian billionaire 36 ngawt a kawl a. Chung zingah chuan Turkey-a hausa ber leh mobile phone company Turkcell chairman Mehmet Emin Karamehmet te, Makedonia rama piang, ENKA construction company dintu Sarik Tara te an tel.
4. Hong Kong, China: Bruce Lee-a te’n Enter the Dragon an chan laih laihna khuaah hian billionaire 40 laiin lu an nghat. China pa hausa ber, Hutchison Whampao chairman ni bawk Li Ka-shing te, casino lar tak Stanley Ho rochungtunu Angela Leong te hi a lar pawl an ni awm e.
3. London, UK: London hian billionaire 41 a thawh a, an zingah chuan Indian citizen la ni zui zel, ArcelorMittal neitupa, thir lama tui mi, Lakshmi Mittal-a leh Virgin company dintu Richard Branson-a te an tel.
2. New York, USA: Media lama che fuh chho leh tuna Mayor ni mek, Michael Bloomberg te, fashion designer lar em em mai Ralph Lauren leh real estate lam aṭanga a inchhek muk hnua reality TV lama celebrity ni zui ta Donald Trump-a te chenna khaw ropui hian billionaire 59 ngawt a thawh a, an sum neih belhkhawm hi US$ 220.8 billion lai nia chhut a ni.
He khua, kum tam tak chhung mi hausa kawl tam ber hi billionaire ngah lama rawn khumtu chu….
1. Moscow, Russia: Billionaire 79 teh meuh khawsakna, Moscow-ah hian Russia rama hausa ber, thir lama sumdawng lian, Vladimir Lisin te, Chelsea Football Club neitupa Roman Abramovich te, facebook investor Yuri Milner te an cheng. Heng billionaire 79 te hausakna belhkhawm hi US$ 375 billion chuang lai a tling.
Source: Forbes
Note: Heta billionaire tih hi US Dollar-a chhut a ni. US$ 1 billion = Rs. 45,000,000,000 (appox.)
Similar Posts:
- Lian tual tual – China
- Vanlalliana SRS in zu tam tak leh pistol nen man
- Zirchianna mak..!
- Councillor 19-te hausakna belhkhawm nuai 318.41
- DAVOS 2011
a tha khawp mai
September 10th, 2011 at 6:08 am
An va hausa awm hlawm ve, an hlim ang em aw?
Report this comment
September 10th, 2011 at 6:20 am
Sum ngah2 hmel tha..
Report this comment
September 10th, 2011 at 6:26 am
Moscow teh tlat chu… min surprise hle mai a. Heng Billionaire ho zingah hian sawma pakhat pe thin engzat tak awm ang maw?!
Report this comment
September 10th, 2011 at 6:29 am
An ngah hlawm fu mai a..
Report this comment
September 10th, 2011 at 6:43 am
An zavai deuhthaw hian an thawhrim vanga hausa an nih hmel riau mai a.An hausak hnuah chuan lo awm nuamsa ta deuh pawh nise an thiamawm.
Kan zoram thalaite mawlh mai hi ! Nawm hmain nuam kan tawl vei lawi a !!@
Report this comment
September 10th, 2011 at 6:51 am
Nawm hmaa nuam tawl
Thiana comment zet chuh…ngaihtuah a va tithui deuh ve.
Report this comment
September 10th, 2011 at 7:00 am
inrinni tuk bazarna tur lek chu an buai lo hlawm khop ang a…
Report this comment
September 10th, 2011 at 7:53 am
NLUP Second instalment chu an beisei lo ve khawp ang. Sawma pakhat pe ta ang se, va tha dawn tak ka ti mai mai a…
Report this comment
September 10th, 2011 at 8:00 am
Hausa hlawm teh mahse sum in a lei theihloh, chhandamna, hlimna, hmangaihna, hriselna te an mamawh leh awh ngawih ngawih tum a awm ve tho ang a…?
Report this comment
September 10th, 2011 at 8:25 am
Eng ang pawhin hausain sum fai pawh ngah mah se kei aiin CHAW an ei hnem thei bik lo tih ka chiang.
Report this comment
September 10th, 2011 at 8:28 am
Hausak avanga hlim loh ngot na tur a awm poh ka ti love …
Report this comment
September 10th, 2011 at 8:39 am
Dik taka mahni thawhchhuah ngei maia hausak hi chu a nawm dan a danglam ngawtin ka ring. Mak ve deuh mai chu mihring hi a hausak pauh leh a duh a sang/tam mai niin a lang.
Hausa nge nge chu tih theih leh tih tur an ngah nge nge alawm. A neilo pawhin kan phak bak2 a intihhlim kan tum ve nasat hi mawle. LDC ang te pawh an hlawh aia tam tama mahni nihna hre lek lova an inthuam mai hi akekekekeke
Report this comment
September 10th, 2011 at 8:47 am
kan ram hi top 20 a lan ve kan tum aniang a????? MLA te hlawh pawh an ti sa…..
Report this comment
September 10th, 2011 at 9:09 am
Khawvela kan dam chhan ber hi sum leh pai ngaha nawmsak hi ni ta se, tualthah hi tuman kan pawisa hlek lo ang. Mahse vanneihthlak takin kan Pathian Thuin mi tam tak thinlungah thu sawiin, midangte hmangaih turin min zirtir a, kan Lal Isua ngei kha riangvaite hnena Chanchin Tha hriltu a lo ni hlauh kha kan va vannei tak em! Khawvelah hian hausa chungin a retheih hle theih a, rethei chung pawin a hausak hle theihna chhan hi kan Pathian vang a lo ni e.
Report this comment
September 10th, 2011 at 9:40 am
A bengvarthlak hle mai
Report this comment
September 10th, 2011 at 9:49 am
min telh ve na nge?
Report this comment
September 10th, 2011 at 10:15 am
Mahni thawhchhuaha hausak ai chuan nu leh pa hausa neih a nuam fe zawk ang!
Mahni thawhchhuaha hausa tur chuan kum tam beih a ngai a, thatlai hun zawng zawng hman vek a ngai, thatlai hun a pelh tawh chuan nawmchen tak tak pawh hi a har an ti… Nu leh pa hausa neih chu e, lungkham tur a awm vak lo, thatlai hunin duhtawkin nu leh pa hausakna hmangin nun an chen thei bik!!!
Chumi zawhah hnathawh vak ngai lovin an nu leh pate hausakna leh hlawhtlinna ringin an la hausa chhunzawm zel lehnghal! 
Nu leh pa hausa ka lo nei ve lo hi chu pawi ngawt mai
Report this comment
September 10th, 2011 at 11:42 am
Sao Paulo, Brazil chu rin aiin an tam daih mai.
Sawrkar hna thawk an va vang ve…:-)
Report this comment
September 10th, 2011 at 12:19 pm
Aryan a te lenna
Report this comment
September 10th, 2011 at 1:00 pm
Bengvarthlak e. Hetianga hausak ve hi khawvel mi tam zawkin kan chak in ka ring. Mahse, hetiang dinhmuna ding ho hian tuna kan dinhmun ang, hahdam tak leh rilrua enghelh nei lemlova nun hi an thlahlel teh a nia, chuvangin anni aiin pawisa nei tlem mah ila; kan nun erawh a hausa zawk daih a nia.
Report this comment
September 10th, 2011 at 1:01 pm
Neih tam leh buaina a tam ve zel bawk a nia.Mi hausa nih hi chak viau teh suh u, an buaina a tam mai mai alawm. Nitin el leh bar tlachham lo a in awm kha in vannei zawk daih.
Report this comment
September 10th, 2011 at 1:03 pm
Aryan hming tak2 pawh hi in lo ziak tel ve khiau ang aa
Report this comment
September 10th, 2011 at 1:17 pm
Aryan te ram chu an hausa lutuk a top ten chunglamah chauh khian an dah khawm aniang.
Report this comment
September 10th, 2011 at 2:21 pm
Mi hausaw tawntaw ber pawhin planet dang atangin buh-hum fang khat pawh an chaw lut bik chuang lo!Ei leh in nei tui uchuak bik pawh an ni chuang lo. Bawkbawn kan ei ang tho hi an ei ve tho asin le! We’d rather have Jesus …
Report this comment
September 10th, 2011 at 2:33 pm
Bengvarthlak hle mai.
Mi hausa ho zingah khian Internet hmang tangkai thiam an awm nual mai. Misual.com hian engzatnge a hlawh chhuah ve tawh ang le???
Report this comment
September 10th, 2011 at 2:48 pm
Mahni thawhrimna leh finna hmanga hausate hi chu midang ṭanpui lamah pawh an fakawm lehzual deuhin a lang. Hausakna rochung te hi chuan midang ngaihtuah lem lo-in nun an chen ham ham duh deuh ni awm tak a ni.
Pathian hian hausak hi chuti ngawt chuan a haw lo. Taima tak leh rim taka thawka lo hausatate phei hi chu a lawm zawng tak an nih ka ring. Thil dik lo hmanga intihausate erawh hi chu a haw viau ang chu maw?!
Report this comment
September 10th, 2011 at 3:49 pm
Hlatekhua i post bengvarthlak khawp mai-ka hausa lo va; dik taka hausa, bei vakte hi an lawmpuiawm khawp mai.
Han ti zel rawh.
Report this comment
September 10th, 2011 at 3:58 pm
Hei hi lo chhiar chhunzawm teh u
https://www.dailymail.co.uk/new.....ckpot.html
Report this comment
September 10th, 2011 at 5:37 pm
An va nei nung ve..lolzz
Report this comment
September 10th, 2011 at 5:49 pm
An va nei hrawl hlawm tak ve oo
Report this comment
September 10th, 2011 at 10:05 pm
A mak e moscow khi. Kan capital /business capital te hi ram pum economics darthlalang an ni a, russian economy tlakchhiat zia pawh kan hria. An sipai te hlawh poh vodka in an pe tih thin kha ni in ram hausak dan tehna ah pawh an sang bawk si lo. Tin istanbul pawh khi a dik ang maw? Te han ti vel ila.
Report this comment
September 11th, 2011 at 9:56 pm
Tih dan tha deuh ka hria….mizoram kum 1 budget min khilai turin dil ang u,an ni tan chuan kan zoram kum 1 budget chu a tlem hmel e mai….
Report this comment