Nikhat chu pa hausa tak pakhat hian a fapa hi chhungkaw khawsak nuam tak hnuaia a awm chu a vanneihzia hriattîr tumin thingtlang hmun kilkhawr tak, a mi chengte pawh rethei tak takte awmna hmunah a hruai a.
Miretheiho zingah chuan ni eng emaw zat an khawsa an an ei leh in ang apiang an eiin an in ve a. A khaw lam pana an haw hnu chuan a pa chuan a fapa lakah chuan a thiltum chu a hlawhtling em tih hriat a tum ta a.
A fapa hnenah chuan, “Kan zin chu eng nge ang i tih le?” tiin a zawt ta a. A fapa chuan “A nuam ka ti khawp mai ka pa,” tiin a chhang a.
A pa chuan,”Khang mite retheihzia kha i hmu chek ang chu maw?” tiin a han vehthlem leh a.
A fapa chuan muang ban chap hian, “Hmu tehreng mai,” tiin a chhang a.
“A nih leh ka fapa, kan zinna lam atangin eng thil nge i zir chhuah min han hrilh teh le,” a ti ta a. A fapa chuan chung mite retheihzia leh chhungkaw nuamsa tak hnuaia a seilian chu a vanneihzia leh lawmthu a sawi turah a ngai a.
A fapa chuan, “Keini chuan ui pakhat kan vulh a, anni erawh chuan pali an nei thung. Keini chuan kan huan chanve leka zau dil kan nei a, anni tui chenna ve thung kha chuan mit thîm chin a daih a, zan thim hnuaia kan huan tihên nan dawr atanga kan lei lalṭîn kan chhi a, anni tualchaina erawh chu vana arsi eng hnuaiah a ni thung a.
Keini infiamna chu kawt zawl zim te a ni a, anni erawh chu ramri kham chin awm lovah an infiam thung a; chen nan ram zim te kan nei a, anni khawvel erawh chu an rah chin apiang a ni thung.
“Keini chuan kan duhzawng min tihsak turin chhiahhlawh kan nei a, anni erawh chu an inṭanpui tawn zawk si. Keini chuan kan eitur buhfai pawh kan lei a, anni erawh chuan an thawhrim rah ngei an ei si.
Keini chu kan him nan bangin kan inhung a, anni erawh chu anmahni invenghim turin thian an ni vek si,” tiin a chhang ta duah a.
A pa chu sawi tur reng hre lovin a ngawi reng a.
A fapa bawk chuan, “Pa, kan retheihzia min hmuhtir avangin ka lawm e,” a ti ta a.
(Thil reng reng chu a tehna a zir hi a ni chawk)
Similar Posts:
- Mite chuan…
- Hmangaihnain a hnawl sipai huaisen
- The Oneness of God
- Ka hmangaih em em che asin
- Heli, Bethlehem Arsi
(Y)
September 12th, 2011 at 9:00 am
Report this comment
September 12th, 2011 at 9:18 am
Kan naupan lai a, kan thenawm khawveng ho (in 6 vel), chhungkaw khat ang deuh chiah a inpawh leh inkawm ho thin nun min ti hrechhuak. Zan a kan pawnto leh kan dai vak thin te kha. A va ngaihawm em!
Report this comment
September 12th, 2011 at 9:19 am
Dawn i va ti sei tak ve. Keimahah chuan ka chiang, ka sawi chhuak thiam lo. A tha ka ti…
Report this comment
September 12th, 2011 at 9:24 am
Tha kher mai, sum ngah hi hausakna a lo ni ber love.
Report this comment
September 12th, 2011 at 9:29 am
Tha lutuk…… post tha lutuk…..
Dawn a ti sei hle tak mai ka ti…..
hauhsakna hi sum ngah lam a lo ni hauh lo mai tih a chiang e…
zir tur nei tan zhuan zirna tur a tam khawp mai…..
Report this comment
September 12th, 2011 at 9:30 am
A va tha ve.
Report this comment
September 12th, 2011 at 9:32 am
An pafa chu an rilru a in an loh hmel.
Report this comment
September 12th, 2011 at 9:32 am
Kan rama mi rethei leh pachhiate dinhmun hre tur hian hlothlova ram riakin kan polician te leh officer liante hian a inchhawkin karkhat hnathawh camping nei hlawm sela, an var uarh mai ang retheite dinhmunah..
Report this comment
September 12th, 2011 at 9:41 am
#8
Report this comment
September 12th, 2011 at 9:46 am
Shylo leh bucko ngaihdan ang hian kan MLA leh babu ho hian sum ngah hi hausakna ani ber lo, han ti ve ta mai sela aw!
Report this comment
September 12th, 2011 at 9:49 am
Ava ril raih raih ve…
Report this comment
September 12th, 2011 at 10:13 am
Officer leh politician tam takte hi chu kuthnathawk pawh nise a ngaihtuahawmloh pawl anni hlawm tho tho ang… Hrehawm tuara an beih hram hram avanga tun dinhmun thleng thei chauh hi an nih hmel zawk…. Mihring chu chapo-na leh mahni hmasialna hian min tidanglam nasa thei e mai….. ‘hjarehawm’ awmzia hi an hrelo, ni lovin, an hre duhlo, a ni zawk ang.
Report this comment
September 12th, 2011 at 10:25 am
Kan naupan laia thla eng mawi tak hnuaia kan pawnto laite kha minti hrechhuak. Chhungkimtea kan awmlai te. Lung ava ti leng teh daih ve. Pakak.
Report this comment
September 12th, 2011 at 10:31 am
#12 Atomic sawi ang hi thin ni thei tak tur a ni. Kan politician tam tak hi chhungkaw rethei leh harsa tak atanga chawr chhuak an ni nawk ang tih a rin theih a. Nimahsela, an lo hlawhtlin hian mirethei te dinhmun an hrethiam duh lo(An hrethiam reng) ni mai te pawh an awm ngei ang…..
Report this comment
September 12th, 2011 at 11:30 am
A teh dan hi kil khat atang chuan a fuh ngai lo. Sangha man mite pawh mi hausain an va hmu a, “In lawngleng, tui fawnin sukthlektir rengah hian thin thiin in muhil theia maw? Keini chu kan khum dup nuamah pawh kan mut a tui chuang hlei nem,” an ti ve tho.
Kei chu, thingtlang kilkhawr bera an tapchhak dawhthleng lukham chung pawhin ka hnar bawrh bawrh thei. “The whole house is snoring at the magnitude of 7.4 …” a ni top. Ka rethei, ka hausa ve map lo.
Report this comment
September 12th, 2011 at 11:31 am
“Pathian hian mi hausa (sum ngah) te hremnan Uikawmna (Thil kawmna) a pe…” Sum a tam poh leh mamawh a punga, duh a tam bawk.
“….la hmangaih tho turte nena khuangchawi a thlanawm zawk” tih thufing modified tu nula thenkhatte hian sum avangin pasal an nei fo mai.Mahse hlimna hi tangka-a lei theih a lo ni ber lo. Lungawina hi hausakna pakhat a lo ni e.
Report this comment
September 12th, 2011 at 11:47 am
Thenawm do ai chuan khaw sarih do kha pi leh pute khan an lo thlang zawk..thenawmte nen a tlai thar chawhmeh hanin pek a in suah liam2 hi a hlu ka ti..
Report this comment
September 12th, 2011 at 11:59 am
Mahni chantawka lungawi thiam hi a hahdamthlak ber mai.
Report this comment
September 12th, 2011 at 12:36 pm
Ava tha ve, post tha tak a ni
Report this comment
September 12th, 2011 at 12:39 pm
Naupan laia kan zir.. The country child (?) tih min hriatchhuahtir
Report this comment
September 12th, 2011 at 1:11 pm
Post dawn tisei tak a ni.
Report this comment
September 12th, 2011 at 1:17 pm
Report this comment
September 12th, 2011 at 1:19 pm
Pakak….nge nge…
Kan hausa tual tual a, kan himlo tual tual…
Kan milian tual tual a, a thlum a al kan eiho lo tual tual…
In kan sa tha tual tual a, thenawmte nen kan inhlat tual tual…
Good post
no hnih 
Report this comment
September 12th, 2011 at 1:53 pm
Dawn a tisei hle tak mai, tlangval thil thlir thiam tak a nih khi. Kan hausa emaw rethei emaw a pawimawh ber chu lungawina, contentment a ni. Hlimna hi retheite ta emaw hausate ta emaw a ni ngawt lo, mi lungawite ta a ni.
Report this comment
September 12th, 2011 at 1:53 pm
century child (No. 18) ka ‘like’ e. Chantawka lungawi hi mi hausa ber kan ni. Ka hlawh a tam lua lova, ka duh tawk lin len tlat. Australia ramah chuan kum khata Aus$25,000 lakluh a tawk an ti. Aawzia chu $25,000 an lakluh hma chuan an neih tam poh leh an hlim a, mahse $25,000 aia an lakluh tam tawh chuan an hlimna a belh chhah tawh lo. Mizoram ah hetiang hian survey nei ve ta se, thla khata Rs. 25,000 vel lalut chu an lungawi tur ani. A bak aia tam chu duhamna ani tawh ang.
Report this comment
September 12th, 2011 at 3:01 pm
Avan ngaihnawm vele, mi hausa fapa nilo mah ila thingtlang nuam ka tih chhan i rawn phawrh chiang hle mai.
Report this comment
September 12th, 2011 at 3:02 pm
Misual ho tal hi chuan chantawk a lungawi thiam i zir ang u..
Report this comment
September 12th, 2011 at 6:12 pm
Post tha lutuk
Report this comment
September 12th, 2011 at 7:00 pm
Thawnthu hlu leh dawn ti sei tak a va ni em.
Report this comment
September 13th, 2011 at 3:33 am
anih mel viau . Kan dinhmun azirin midang hi kan it vek anih hi
Report this comment
September 13th, 2011 at 7:13 am
‘Miller of the Dee’ min tihre chhuak raih mai a!
Report this comment
September 13th, 2011 at 12:18 pm
A thu ken (zirtir) a ṭha ngei mai. A fapa ṭawngkam erawh chu patling un zet ṭawngkam ni zawk awm tak a ni (“a fapa” tih ringawt a nia, a fapa chu patling un zet pawh a ni thei tho na-in).
Report this comment
September 13th, 2011 at 1:12 pm
He thawnthu hi chu a tha ve thlawt a ni. English aiin Mizotawng ngei hian rilruah thu a sawi zawk a nih hi.
Report this comment