Khai le!! hei ka chemkalna lo deuh mai ah hruaitu ten tihtur min lo pêm buh bel ve ta chawt mai si a le(h)… Kei ve tehlul hian Zoram thalaite chek dek tur engmah ka ziak thiam ngûtin ka ring hauh lova, in duh duh han thawh khawm teh u.
Ngaihdan tha tak tak nei te, suangtuahna ropui tak tak pai reng thin te tan in veizawng te tarlanna hun a ni e… Tuithiang Veng YMA Lemchan tur kumin Central YMA General Conference , Kolasib a mi tur ziak turin min rawn ti chawt mai a, a thu kalphung tlangpui (plot) chu kan duang chhina, induh leh hei aia tha pawhin rawn thawh thei ang…
Thupui : THO LA DING TA CHE.
Chan hunchhung tur : 20 minute. (tawite funkim tak si a ngai dawn an nih hmel!!)
Lan – I na : ah hian kan pian kan seilenna Zoram khawvêl hi, hmasang kan pi leh pute’n chemtum nena an sah chhuah, Thlantui leh thisen tam tak a farna, nunna hlu tak tak sênga rûntûte laka an lo humhim fo thin, mi tlawmngai tak takte leh huaisen tak takte tualchaina hmun ani tih ti lang thei ila.
Zonumawi par chitinte vul lai hun, tlawmngaihna, aia upa zah thiamna, rinawmna leh inpumkhatna in a ro a rel lai a ni tih pho lang thei ila.
(Stage a an inlan dan tur Chet/Chan dan phung – acting, Tawngkam mawihnai tak – Dialogue te han duan sak chhin ve teh u, thalai fuankhawm an ni a fiamthu an beisei dâwn tih hre reng bawk ila, hlimawm lam ni thei se)
Lan – II na: Zoram khawvel lo hnawk chhoh tan dan atanga tun hun thleng… Eg. UT kâwl a lo eng a, sum leh pai, a vântlain vantlang nunah chimchin a sân a, a tui hâkin thalai chang ni lo nu leh pate pawh an tal buai a, serh leh sâng mausâmin zonun mawi ngei mai pawh a kal âwn ta luai luai mai!!! Corruption kan lo hmelhriat tan a, apui apang zu leh sa ah an tlan a, damna dawi ni si chu an thihpui chur chur mai bawk a.
Chuitia Zoram kungpui a sai dur dur tawh lai chuan; ‘a zual zawpui vailenhlo’ tih ang mai in khawchhak thli (Korean Flu) leh Vai hmite lo hrangin Vai Film ngaihsanna lama chiah zawpin kan awm a, ‘I am a Discodancer’ hmang chuan ram an la ta duai duai mai, ngaihsan namenin kan ngaisang ta lo anih kha. Pi leh Pu hnen atanga kan rochun ram ngeiah chuan Chimralnain thla a lo zar tan ve ta!!! Family planing chhe chia kan thluak sûk niin, hnamdang zawk an pung ta thur thur mai bawk a…
(Stage a an inlan dan tur Chet dan phung – acting, Tawngkam mawihnai tak – Dialogue te han duan sak chhin ve teh u, thalai fuankhawm an ni a fiamthu an beisei dawn tih hre reng bawk ila)
Lan III na : Kum 100 a liam ta!!! Kan khawpui lûn laiah, chhûn pachangah ngei kan nulate chuan hnam dang mutpuiin, vai pasal ah an nei ta, vai fa mai ni lo, vai sâwn paite hial an kat ta nek nuk mai!!! Thlêr tinah vai dawrkai an thu fer fur a, kan nulate leh nutling tam takte’n vai dawrnghakin chhungkaw hrawk an lo chawm ve mek bawk a, kan tlangvalte khawchhak thliin a chhem tuai zo ta vek emaw tih turin an no hlêi a, pasal tlak an awm ta meuh lova, vai laka pâu han tikhauh thei eih an awm ta lo!!!
Sumdawng te’n vai an intlawnsiak a, sawrkar hna tha zawng zawng vai banphaka chhawpchhuah a nih ve tak avangin vai Officer hnuaiah kan pisa ropui tak takte a lo kun zo ta!!! Zo boruak thiang kara leng vel thin kha, vai pathian hma a inthawina rimtui tinrengin kan kawtthler tin chu a fan zo va!!!
An zingkar inthawina tengeng(dâr) ri chuan tawngtai inkhawm dâr a luahlan zo ta, Kristianna kulhpui chu sawi thiah niin chhiarpui result chuan kan Kohhran hruaitu te mittui a titla ta zawih zawih mai le. Kan pulpit tlangsang atangte chuan vaiin “Mizo ho hi Pathianthu awih duh reng reng lo mai” tiin min lo vei let ta hial zawk a.
Tuk chimih in an awma, tumah reng dingchhuak thei an awm talo, Patlingin pawitiin khumlaizawlah ha chang a thial rap rap a, nutlingin Mizo mipa, fanu te pasal tlâk ngaihtuah reng rengin mut mu an tuah thei tawh lo, Zoram hmangaihtu ningkhawng hria, kuma Upate lah vuiliam an ni zo va, thalaite finchhuahtu tur reng an awm ta lo!!
Chutih laiin YMA mei a rawn de leh set set a, inpumkhatna chu tharthawh tumin hma an la tan a… Hnamdang ten kawng tinrengah tan lain, hnamdang fate leh hnamdang ringa nungte sangawizawnpuiah siamin, vai thlavang hauhtu tur dap ruaiin harhna mei de chu chunglam leh hnuai lam atangtea hmeh mih tumin thapui an lo thawh ve mek bawk a…. (Ti hian an in khuainuai lai tak … Mizote chan chhiat lai tak hian a tawp anga.. Aw, ka pianna leh ka seilenna ram tih “Thola ding ta che” V. Thangzama hla kha Idol a mi Rebecca Vanlalpekin in muang fân raih in a rawn sa anga, YMA puanzar chu tundinin a awm ang)
Similar Posts:
- Hnamdang ka neih chuan ka hnam ka phatsan
- Trinamool Party hmangin zoram thar i siam ang u
- Harh la harh la, Zoram i tlai a nge
- Kan ram tan!
- Hun a la herchhuak ang
September 13th, 2011 at 4:02 pm
I z1ak tha khawp alawm, keichuan ka phuah thiam ve lo
Report this comment
September 13th, 2011 at 4:11 pm
he post chu engtia comment tur nge?
Report this comment
September 13th, 2011 at 4:17 pm
Kawmen dan tur ka thiamlo. Mahse Rebec Vanlalpeki khi erawh ka hmeichhe zaithiam tih ber pawl ani. A phone number te pawh…..
Report this comment
September 13th, 2011 at 4:17 pm
Kei chu ka thiam ve tlat lo. I thiam hle hi. A tha…
Report this comment
September 13th, 2011 at 4:25 pm
a plot a thra viau a mahse stage act a 20 mins a leng tur atan cuan ziah a har ngot ang a.? Chhungkaw fel leh chhungkaw sual in chang leh zok mai dn mi le?
Report this comment
September 13th, 2011 at 4:32 pm
Tho la,ding ta che chan zawm tur chu kal ta che,i hma hun a eng e tih ni se,comment ngaihna vak ka hre lo,a that viau dawn khi.
Report this comment
September 13th, 2011 at 4:36 pm
Kan rama thalaite khi [lan III-na] ikal sual tir mah2.. khitiang em em khi chu kan nilo a, hmuhnawm hmel viau mahse ka na deuh.. sualna a kan luhthuk hmain “tho la ding ta che” ti ta la… Fak lawmlo kan awmloh hi.. Atha dan ltk ringawt.. Duhsakna ka hlan ache u..
Report this comment
September 13th, 2011 at 4:39 pm
aw a har ka ti mang e, tih hi ka kawmen thiam ve dan tawk a ni e.
Report this comment
September 13th, 2011 at 4:44 pm
#7, ….dawn lutuk…
Report this comment
September 13th, 2011 at 5:06 pm
Script ziah hi a har khawp mai. LPS BTS-a khan a hnehsawh mawle aw (daih mai a).
Report this comment
September 13th, 2011 at 5:16 pm
A thupui hi k’u vanneihtluanga khan a larpui nasa mai si a,….
Report this comment
September 13th, 2011 at 5:20 pm
Misual.com ah kan ziah chu rawn post tur ami
Report this comment
September 13th, 2011 at 5:45 pm
A Plot a tha kher mai. Mahse, i beisei ang khi chu Comment a han tih chi rual a ni lo vang. I E-Mail dah la, Kawlhawka’n a thiam ka ring.
Report this comment
September 13th, 2011 at 5:45 pm
misuala inlo publicise hmasak techuan en tu tamtakin anlo chhiar lawk anga a ti predictable vek anga sin.
Drama ah hi chuan stage chhuahsan hul hul ngai ang chi hi awmlo se, stage chhuahsan a ngaih pawhin a story nen in pha man sela. Thutak nguk nilovin light deuh ni sela a karlaka nuih natur leh tawngkam mawi deuh tehi tam sela. Audience te a mood a an chen theih naturin a flow tehi tha sela…
Tiin ka ngaihdan mawl te, in hriat sa vek kalo thawh ve mai mai eee.
Report this comment
September 13th, 2011 at 5:51 pm
A post awmzia chu, a thawnthu/drama phuahsak lampang a ni lo va, a plot or character dinchhuah lampang a ni zawk a, hemi atana rawtna neite tan a inhawng reng zawk. Hetiang hian a tha zawk ang em, a changtunu hi thi se a tha ang a.. tih ang zawnga contri tur a ang zawk mah. Post-a a rawn tarlana khi, comment dan tur kan hriat theih nana tih a ang zaw mah.
Report this comment
September 13th, 2011 at 6:53 pm
Comment tur vang tlat, Drama chan ka en ve fo tawh a ka lo ngaimawh ve thrin te: -backstage narration, hei drama a a interlude lai (scene 1 atanga next a a inthlak lai) a a thawnthu kaldan soifiah thrin hian drama quality a tihniam. E.g, ‘Lala chhungte chu an lokal a..’. Soifiahna omloin an chan dan leh trong ah a story fiah tok thei se.
-communication. Script hi zirho laia kn thiam hman vek avangin drama a min be tu te trong kan lo ngaihthlak dan hi a lem fo., an sawi tur kn hriat vek toh vangin. Chan uar tum ltk ho phei cuan kn soitur kn soi zoh hmain an lo react dan tur hmel an lo pu lawk sa vel thrin!
-positioning leh lighting leh sound system.
Report this comment
September 13th, 2011 at 7:07 pm
Ka ngaihdan mawl te ka’n sawi leh lawk.
A script hi a detail a an tawngkam nen lam kan ziak anih pawhin a sawi tum ang tho si a a changtuten anmahni ir awma leh style a an modify theiha tih hian by heart sa sawi tir zuap zuap aiin a ti lem lo duh deuhin ka ring.
A story line vel chu engpawhnise a changtuten acting skill an neih that leh thatloh ah a inghat thui hle in ka ringa, chuvangin zir ho lai atangin director in a drama artistic thlengin duhtui hle sela a tha ang.
Chuvangin duhtui hle rawh. (ti ve thruai
)
Report this comment
September 13th, 2011 at 7:09 pm
Drama chu, background music nen record sa thlap ni se la, chu chu chan rem mai se la, a fuh duh berin ka hria.
Report this comment
September 13th, 2011 at 7:11 pm
ka englo (t**) then lohna lam tak a ni
Report this comment
September 13th, 2011 at 7:34 pm
Boruak ti light tu ah kan milar neih ho hi vawi 2/3 vel kap zeuh zeuh bawk ula.
E taka Pu Vanneihtluanga’n hemi thupui hi a hman tawh tak kha ,amah ber hi kap teh u.
Report this comment
September 13th, 2011 at 8:06 pm
Ka huphurh zawng tak a ni, an chan chhuah hunah en lamah ka lo ramtang mai teh ang.
hmuhnawm deuh a chan turin i rawn phuah chhuah ngei ka ring e.
Report this comment
September 13th, 2011 at 9:28 pm
YMA Khawmpuiah hian ka kal leh ngeiin ka ring a, ka en chak tawh khawp mai. Han puih ngaihna che erawh ka hre hauh lo mai.
Report this comment
September 13th, 2011 at 9:32 pm
Nia, funny sawi ang khian – a tawnthu ziaktu ziah ang diak2a tawngtir I tum chuan ziak chhiar ang maiin thian inkawmnaah pawh an tawng chhuak leh chut2 mai ang. Chuvangin, a tawnthu tlangpui leh thu pawimawh laite chhinchhiah a, a bak erawh mahni irawm chhuak hmanga tawng thiam tak tur – a changtute in thlan thiam a ngai ang.
E, chawlhni chawhnu lam khan I rawn leng ta lo a, ka lo inring ru deuh a…
Report this comment
September 13th, 2011 at 9:41 pm
Eh, a tha dawn e. Kolasib-ah chuan kan inah lo thleng dawn nia.. Pandal pawh a hla lo
Report this comment
September 14th, 2011 at 3:08 am
Drama chu a reilo thei bawk sia insual hi tam se a hmuhnawm a ni mai…
Report this comment
September 14th, 2011 at 2:36 pm
A chngtute tawngkam hman a tana in duh duh tarlang tur in ka phut che u a ni e…
pawila ka thiamloh a ni e, in maln lo tlat. In rinloh lamah a Drama hi chu a bungbu kut ang… 
Report this comment
September 14th, 2011 at 2:53 pm
@Kawlhak ka Ph a chhia a ka lo be pawp thei ta lo che a ni … pawi ka ti khawp mai, khami tlai khan YMA hruaitu te an lo leng a…
Report this comment
September 14th, 2011 at 4:17 pm
Lersia: I phal chuan i plot minlo mail la, tawngkam theih ang thawh kalo tum ve chhin dawn mi, i duh leh i hmang anga i duhleh i hmanglo hlawm anga. heheh. Mahse tawngkam hi ka thiam vaklo a.
I plot dan a puithu viau duh hmel te kalo tive mai mai.
A main role play tur tehi thian innel leh in ngamtlak em em, mizia leh tuina in anglo hlawm tawp, mahni tuina lama geek fu hlawm si ni sela, thalai mize hrang hrang entirna ni pah fawmin, en a ti nuam phian ang a. Te kalo ti ve mai mai a.
Engpawhnise good luck
Report this comment
September 14th, 2011 at 4:29 pm
#28, @Funny, Plot hi ka bei puithu mai mai ani, tunlai thalai tehian fuamthu lam hawi deuh lo chu an tuipui tawh lem lo, tawngkam pawh a tunlai ber ber a ngai a, kan dah chhin ho hi ka ti tunlai khawpmai…
kan tunlai tawngkam lar hi a tamtheiang ber zeh ka tum bawk a, Politician te tawngkam fiamthu nana hman ka tum bawk… 
Nia, lo thawn che ka tum dawn nia…
Report this comment
September 14th, 2011 at 6:18 pm
KTP drama style common deuh, a tawp a piangthar… tih vel chu ani emlo ang chu maw
TV show lar friends tihte big bang theory… a episode khat ang chi hi en a nuam maithei.
Report this comment
September 14th, 2011 at 9:36 pm
Lersia, kei aiin i thiam nasa lutuk… sawi tur ka hre ve lo
Tin, i phone a chhiat vang anih chu… ka…. theih miah loh! 
Report this comment