Chhura chanchin hi dawt phuahchawp a ni vek lo va, a tak taka thil thleng a ni hlawm.
* Chhura hi Tochuanga fa Hmara thlah a ni a. A pa chu Piuia niin a nu chu Thuanlaii a ni. A nupui hi Khawngvohi a ni a, fapa pakhat leh fanu pakhat, Lawia leh Lawileri a nei.
* ‘Chhura umpui mu hriat’ tih tawngkam lo chhuah dan kan hre theuh awm e. Kha kha kum zabi 15-na tawp lama Lentlang chhak lama Chhakchhuak Tlangkhua an tiha a awm laia thil thleng a ni a, um pawh kha Liangten khuaa Thluaisingi tuh a ni. Tlangkhua hi Chhakchhuakho awmna khua a ni a, he khuaa a awm lai hian a ni hmawng kungah eirawngbawl a tum ni!
* A fate pahnih hi Tlangkhuaa an awm laia piang a ni a, hmawng kunga zanriah chhum a tum lai khan an puitling tan tawh a. Tichuan, a fate kalsanin Lailun-ah a awm a, Lailun khâmah chuan khawite a khawi a, tun thlengin a la awm a, ‘Chhura khawite khawi’ an la ti reng a ni.
* Mawngping khua kha Betlu a ni. Lailun atang khan Zawngte tlangah a insawn a, chuta tangin Pautu tlangah a awm leh a. Dawn tlangah kai lehin heta tangin Tiau lui kânin Mizoram a kai a, Betlu-ah chuan a awm ta a ni.
* Betlu atangin North Vanlaiphai-ah a awm leh a. Hrangturzo hming pawh hi Chhura phuah a ni an ti. North Vanlaiphai atangin Lungpho-ah a awm leh a. Hetah hian a awm rei hle a ni awm e. Nahaia nena an chanchin tam ber hi Lungpho-a a awm laia mi a ni. Chutih laia an awmna hmun tak chu Lungpho thlanmual liam Lungtan kawtchhuah kiang a ni.
* Lungpho atanga thlang nawr lehin Tachhip Sakhan tlangah a awm leh a. Chuta tangin hmar lamah phei lehin Thingdawl-ah a awm leh a. Chalfilh tlangah chhovin Mawmrang tlangah a chho zel a. Heta a awm lai hian a ni a pi nena Chhirdem luia chakai an khawrh ni.
Chuta tang chuan a fapa Lawia, Champhai kiang Lawihmun-a awm chu a fin a. (Lawia hi Tlangkhuaa a kalsan kha a ni a, a kalsan hnu khan Lentlang an lo liam a, tuna Lawitlang khua an tihah khian Lawia ho chuan an awm a ni) Lawitlang atangin Rihkhawdarah, Rihkhawdar atangin Lawihmun-ah a awm leh ta a ni.
* A fanu Lawileri kha Zahmuaka nupui kha a ni a. Lawitlang-a a u Lawia hnena a awm laiin nupuiah an rawn nei a ni.
* Chhura chu Champhai-ah a tu leh fateho nen an awm ta a. Ngur tlangah te an inchhep darh a. Champhai-a an awm lai hian sakhua a lo be ve tan ta a. A thlahte chuan sakhaw hlaah pawh Champhai leh Ngur tlang hi an chham tawpna a ni.
* Ngur tlang atangin hmar lamah an phei leh a. Sialkal tlang dunga Zotlang-ah a awm a, Teikhang samah a thlawhhma thlirna a awm a, tun thlengin ‘Chhura buh thlirna’ an la vuah. Zotlang atangin Lunglen tlangah a phei leh a. Chhura awm hma chuan chu tlang chu Lunglen tlang tih a la ni lo va, Chhura a awm hnuah chhim lam ngaia a lunglen em avanga ‘Lunglen tlang’ tih a ni ta a ni.
* Lunglen tlang atangin Manipur-ah a kai a, hetah hian Meitei lal ropui tak a ni nghe nghe a. A hun hnuhnung pawh heta a awm lai hian a ni nghe nghe a. (A hun hnuhnung hi post hranah chipchiar zawkin kan la ziak dawn nia) Heta a awm lai hian Mizo zinga hmelchhe bera sawi, Saichawnkhupa te nen an chai ho nghe nghe!
* Chhura khan Lawia a hring a, Lawia’n Phunhringa. Phunhringa’n Varchawnglala a hring a, Varchawnglala’n Varhauphira a hring. Varhauphira’n Varthangveia a hring a, Varthangveia’n Keivawma leh Keihnaa a hring leh a. Keivawma’n Takadenga leh Suamtea a hring a, Keihnaa’n Zotea, Chhungtea leh Vartea a hring a. Tichuan, a hnuhnung hnam – Tangkadeng, Suamte, Zote, Chhungte leh Varte (+Keivawm) te hi Chhura thlah hnam hlawm hrang hrangte an ni ta a ni.
Thuhnâr: Mizo Chanchin by Hrangthiauva & Lal Chungnunga.
September 14th, 2011 at 1:08 am
Poink!
Report this comment
September 14th, 2011 at 12:22 pm
HET Sisen leh Pu hv
Report this comment
September 14th, 2011 at 4:17 pm
Mipa fa han “Hrin” tir tak zawt zawt chu
Report this comment
September 14th, 2011 at 4:23 pm
#21
Mawngping khua an lo tih thin kha E.Lungdar piah a Sailak (Sailulak) khua khi ani awm e. Tunah pawh mawngping lamah chuan sawitur an la awm nawk reng a ni.
@ H.Vangchhia, a nih duh hmel viau. Kum 1988 bawr vel lai khan a ka hriatchian ngei hmeichhe naupang mawngpin chu a awm e, khimi khuaah khian.
Report this comment