(He thuziak tawite hi ka thiannu Laltlankimi(Mami) tan ka hlan e)
Mi tih thikin Just when I needed you most tih hla, Randy Vanwarmer leh Tony Wilson te ziah hi ka rilrem zawngin han pawtthler dawn teh ang. Lei ka chawi êm lovang chu maw.
You packed in the morning I stared up the window and I struggled for something to say. You left in a rain without closing the door, I din’t stand in your way. Now, I miss you more than I miss you before and now where I’ll find comfort. God knows, cause you left me just when I needed you most.
“Duhtak” a han ti a. A dang awk vang ni miah lovin, sawi tur dang hre lovin a biangah mittui a luang zawih zawih a. A thaw pap pap a, thlantuiin a rawn bual chhuak vek a. A pindan khawhar takah chuan tukverhah dakin a hawi vang vang ringawt thin.
Ih e, duhtak ka va ngai tak che êm!! Nitin leh darkar tin mai hian ka ngaih che a zual a. I tello chuan thlamuanna ka hmu zo lo tih Khuanu pawh hian min hriatpui asin tiin tap ru teuh chungin a thlir vawng vawng a.
Kan karah hmelma te an hrang avanga kan buaina erawh ka hai mawlh lo asin. Zing takah thovin, i insiam mawlh mawlh a. Ruah sur ban hun pawh nghak khawtlai zo lova min chhuahsan lai khan, lo dang bet tur che ka ni asin. Sawi tur tam tak ka nei a, mahse ka lo hamhaih zo ta si a.
Khatia min han liam san ni atang kha chuan, hreawm tiin ka kun tlawk tlawk a. Ka khawhar hnem turin chawltuining zu te ka dawn pawhin rei a daih chuang si lo. Thenrual te zingah tal ve bawk thin mah ila, ka tlatlum thei chuang ngai reng reng lo asin.
Now every morning I stared up the window ang think about where you might be. I’ve written a letter that I’d like to send if you just send one to me. Cause I need you more than I need you before and now, where I’ll find comfort. God knows Cause you left me Just when I needed you most.
Nangmah suangtuah leh lungleng reng rengin mut pawh ka mu thei ngai lo. Zan rei tak tak thleng ka meng a. Rei lote chu chhing ve zuai thin mah ila, zing takah thovin ka tih ngai bawk tukverhah ka dak leh ringawt thin. Tiau chhum a lo zam chiai a, chutah chuan i rawn lan hlawl ringin ka lo thlir reng thin a. Ka rinna leh beiseinaah an thamral leh mai thin.
Khawiah tak awmin, khawiah tak zan mu chhinga laikhum i belh ve thin ang le? Min hre vein min suangtuah ve reng thin ang em aw tiin ka suangtuahna a vak vel ruai thin. Ni e, karah hmelma an awm ngei a, i rilru a nat tluk zetin ka rilru pawh a na ve asin. Ka hnenah i lo kir leh turah ka ngai tlat fo thin che a, engpawh ti ila nang min hriatchhuah tirtu ah an chang leh thin.
Kha zawng rinawmna biahthu min tiam kha, thliah hnu chhawl ang an chang mai tur hi thamral lo mitthlaah an cham reng fo tawh ang. Lehkha rawn thawn che ka duh a, ka ziak diam tawh asin. I rilru pawh a hneh ve hle ka ring tlat a ni. Mahse, khawiah tuan ta che maw.
Ka lehkha hmu la chuan, min chhan ve ngei ka ring tlat asin.
Fiamthu hote pawh kan nuih pui bawk bawk thin lai kha i hria ang ti raw? Tunah chuan khang fiamthu te pawh kha ka nuih an tiza tawh lova, ka tahpui hlauh thung asin. Kan thlalak dunte kha ka thlir kir a, an chul zo ta. Mawina leh hlutna an nei tawh lova, album ti hnawktu mai an chang lek lek tawh a ni.
Kan inkhawm hi kan la bang mai dawn lo, a lova runthlak tak em ve aw. Khai aw…
You pack in the morning and I stared up the window I struggled for something to say. You left in a rain without closing the door I din’t stand in your way. Now, I love you more than I love you before and now where I’ll find comfort. God knows cause you left me Just when I needed you most.
Ni e, khatia lungchhe taka min kalsan tuk khan ruah leh vur sur pawh ngaihtuah thei lovin i chhuak a. Rilru na takin i awm tih ka hai ring suh. I mittui luang zawi zawih ka hmuh khan, hreawm tiin ka tawt up up a. Ka insawifiah tumna pawh sawi hman lovin ka hamhaih zo a ni. I mittui tla zo zai zinga pakhat tal pawh ka lo chhar thei ila tha tur.
Ka insawifiahna i ngaihthlak zet hnuah min kalsan duh hrim hrim a nih chuan, min kalsan turah ka ngai a. Sawi ka tum a, ka sawi thei ngang si lo. Eng emaw min mawlh tlat tu a awm avangin, i kal tur pawh kha dang tur che ka nih laiin; engmah ti lova ruah leh vur sur kara i kal liam lai ka thlir ringawt che pawh kha ka la inthiam ngai chuang reng reng lo.
Tlaini tla tur kan thlir dun laia i nui mawi tak kha ka mitthlaah a lo lang chuai chuai a. Tlai ni tla tur ka thlir apiangin, tah mai loh chu tih theih ka nei ta lo. Zing ni chhuak nghakhlel êm êm a ka nun ka hman thin lai kha ka suangtuah let a, tunah chuan favang ni chhuak mawi tak pawhin min hnem zo lo a ni ber.
Engmah ei chak leh duh pawh ka nei tawh lova. Artui chhung mu pawh a chang êm êm vek a, ka seh thei ngang lo a ni e. Tui pawh in ila, ka hrawk ah a tang tho tho ang.
Ka hnena lo kir leh tur a ka ngaih tlatna che hi, ka damchhan leh ka dam ve tek tekna chhan a niin ka hria. Beiseina bak chaw a rin tur ka nei tawh lova, ka mittui hi ka chawhmeh tui berah an chang mek a lo ni. Anthur hang ringawt pawh puar el a ka hawp thin laite kha mumangah an chang zo ta.
Ka hmangaih che a, hman ai khan ka hmangaih zual sawt che asin. Ka mamawh che a, ka malsawmna leh thlamuanna i ni tih hi Khuanu pawhin min hriatpui tih i lo hre dawn nia. Ngaihdam dil hrehna che ka nei reng reng lova, ka hmangaih ber chu i lo ni.
I hmel hmu lova sârah ka lo zam ral hlen ta a nih pawhin, Angelte lenna ramah thlamuang takin ka lo nghak reng ang che ang a. Chu ram i lo thlen hunah chuan, i kalsan tak kei hi mi la rawn hmu ang a. Khawvel hmangaihna derthawng leh hmelma ten min sawi then phak leh tawh ngai lovang.
Cause you left me Just when I needed you most.
September 15th, 2011 at 4:02 pm
Ngaihthlak anuam kati athu erawh kalo ngaihtuah ngailo…. Chhiar ang lem,,,
Report this comment
September 15th, 2011 at 4:18 pm
Hei chu nichin lawk pawh khan Smokie ho sak kha k ngaithla asin maw, amood a ka cheng lai ani kei pawh.
Report this comment
September 15th, 2011 at 4:26 pm
Randy VanWarmer in a a sak ang zet a nalh tiin, i han chhawp chhuah dan pawh chu a nalh kher mai
Report this comment
September 15th, 2011 at 4:41 pm
lr hlonchhing thu ziak hi chu chhiar a nuam ka ti thei khawp mai, tang fan fan
Report this comment
September 15th, 2011 at 4:42 pm
he hla zet hi chuh… ka ngaithla ve nasa thin a lawm, i rawn thluaitlhum nalh khawp mai
Report this comment
September 15th, 2011 at 4:53 pm
Ziak ngaihnawm hle mai a hla alo nalh bawk si….
Nalh kala ti reng mai:
https://youtu.be/6YfYNdXZ3RY
Bonus: Anne Murray ( pronounced Ann Marrie)
https://youtu.be/QrOdxw5CHX8
Report this comment
September 15th, 2011 at 4:59 pm
Tunlai chu ka lung pawh a leng hman love!
Report this comment
September 15th, 2011 at 5:02 pm
Ka suangtuah leh duh ang thal chuan han ching let thiam ila, zirlaibua telh tlak a ni ngei ang le. Ka thiamna leh tawngkam thiamin a tlin ngang si lo. A hla thu ka ngaihthak apiangin, velh ngai miah lovin ka tah pui thin kha a ni si a.
Report this comment
September 15th, 2011 at 5:06 pm
He hla hi nalh ka ti ve khawp mai
Report this comment
September 15th, 2011 at 5:12 pm
He hla hi chu a satu apiang hian an sa nalh viau zel. A thluk a dangdai a, a hla thu hi a tha em em bawk a, chuvang chu a niang. A thu hi hringnun philosophy diktak ania. Relationship hi tawp turin hun dik leh inpeih hun a awm theilo, mamawh lai tak leh la hmangaih vanglai tak te hian inthen a lo tul ta thin a!! Diktak chuan, khawvelah hian thawnthu leh hla te pawh, mi rilru hnehtu ber ber te chu inkhawpkham lohna thu leh hla te hi an ni ka ti, kei chu.
Report this comment
September 15th, 2011 at 5:13 pm
Thlawh nalh hle mai.
He hla hi tlangval lai ata tawh ka hla duh em em a ni. AIR Aizawl Station ah khan an play ruai ruai thrin a, keini tlangval lungleng ve thei tak khan mittui parawl kianga ngaihthlak chang a awm thrin. Randy sak hi a mawi ka ti ber, Smokie pawhin an sa mawi. Dolly Parton hi chuan a sak loh tur a sa niin ka hre deuh. Tun hnua Mp3 a kan han hmu leh hi chu ka lawm hle a ni
Report this comment
September 15th, 2011 at 5:24 pm
Smokie sak hian min khawih dan a dang. A hla thu khi a runthlak ee. Han mitthla ila emaw mahni han inchan ila, a chhuahsan tur insiam lai te, dan tum eng ang mahse sawt lo tur, rilru na taka a lo thlir liam tur te..Ka ngaihthlak lohna a lo rei tawh a, ka ngaithla mek a, lung a tileng thar.
Report this comment
September 15th, 2011 at 6:57 pm
Report this comment
September 15th, 2011 at 7:00 pm
#13 kan lunglen zawng a in ang tlat. A lawmawm e.
Report this comment
September 15th, 2011 at 7:10 pm
#14 The last resort&Ly’in Eyes@Eagles te phei hi chu ka dahsang khawp mai..ka ngaihthla liam mai2 thei thin lo..hehehe
Report this comment
September 15th, 2011 at 7:25 pm
@thingtlangpa, The Last Resort hi a hlathu hi sap missionary hmasa te sawiselna a ang ka ti
hmelma karah leng vanga inthren hi an sawi ve ziah a, ka la tawn loh vang nge a theih pawh k ringlo
Report this comment
September 15th, 2011 at 7:38 pm
Khai a! keipawh tunlai chu ka buai lai ani a, post siam hman pawh a ni lo. Zan thla lo eng nen, Lunglen in kaitho thei tak tak mai dawn alawm le.
Report this comment
September 15th, 2011 at 7:44 pm
@ReMpy a kawk deuh chuan kei pwh ka hre thin mahse a hla thu wmzia tak2 hi ka zu man phak lo achha a ni!Eng e mw zu hriatfiah phak ciah loh thil hi pai tel tlatin ka hre ziah ka ngaihthlk a piagin..hmelma kar a hmangaihna hi awm ve thei thil a nia sin,dawt avangin kan lo inthen a khami avang a rilru na leh ngawhngawl lo chhuak khan hmangaih deuh te pwh kan hmangaih lo pelh mai2 ve thei in ka hria..not my xp
Report this comment
September 15th, 2011 at 9:03 pm
Oldies ah chuan ka duh pawl a ni ve reng mai. Thuthiamin in han tuaihnum tak tak chuan a nihna bak bakin lung a kuai thei mai dawn a lo’m le!
Report this comment
September 15th, 2011 at 9:11 pm
Fak tlak lo pawh mi i fak zel thei hi a ropui e. Tak tak emaw ka ti ang a, khuang ka chawi mai tur a nia.
Report this comment
September 15th, 2011 at 9:28 pm
Isawifiah lutuka, lunglen hi chu fiahlo ruai mai sela afiah!!! emawni!!!!
Report this comment
September 15th, 2011 at 10:24 pm
Ka lung i van ti leng em,ngaihtuah loh tur min ngaihtuah tir
Report this comment
September 15th, 2011 at 10:36 pm
ka Elbird tan ka hlan e..coz she left me just when I needed her most…
Report this comment
September 15th, 2011 at 10:51 pm
Hlan mawlh mawlh rawh le. Lo chhiar ve ngei se tha tur a nia.
Report this comment
September 15th, 2011 at 10:54 pm
hla chu, rilru a rawn lang mai piah a suangtuahtur inchhawp belh thei a phuahtute hla hi ngaihnawm ka ti tih…
‘Tie a yellow ribbon round the old oak tree’ tih hla, Remmuana’n a rawn sawi zau kha, ka rilruah a la tla na khawp mai…
Report this comment
September 15th, 2011 at 11:30 pm
Thuziak tawite sei angreng tak anih hi mawle, i hlan ber Laltlankimi(Mami) hian chhiarchhuak peih tak maw. Keichu ka mit ka ui tlat
Report this comment
September 16th, 2011 at 1:54 am
A nalh…
Report this comment
September 16th, 2011 at 6:58 am
A ngaihnawm hle mai! He hlaah hi chuan min hre veng vengtu hi ka nei ve ngei mai!
Report this comment
September 16th, 2011 at 2:06 pm
lunglen ka hlau lutuk hi ka buaina a ni…ka chhiar tha ngam tlat lo..a ngaihnawm hle dawn tih chu ka hria..
Report this comment
September 16th, 2011 at 2:52 pm
Khawvel a nih hi, a ho lutuk tlat.
Report this comment
September 16th, 2011 at 10:08 pm
Ka ringtone ah kum hnih lai hei ka hmang ta a. Ti ve khanglang ila puipuia nu (kan nu ) nen hian he hla leh il tenessee u in my dreams tih nen hian hna a vang a kan awm bo deuh fo hian kan hla chuam a ni thin. Sawi tak zel ah, sometimes when we touch tih hi kan inngaihzawn hla ti mai ang a kan hman a ni ve.a.. Lung a ti leng..aizawl haw min ti chak. He… Tak tak a. Sapho hla hi an lo ril hlawm mang e. A ngaihnawm tawp mahse… Hla common tawp mah nise ‘when u say nothing at all’ tih poh hi a ril ka ti in mizotawnga han leh lin mai a har..hmel.
Report this comment