Visa dilin i interview tawh ngai em? Sap pa ngo viah vuahin lo be puam talh talh tur chea i inngaih laiin vainu tawng thei zit zet deuhin chaltlai ang reng tak leh vin deuhin a lo dawp kual zek maithei che a ni. Chutiang i tawng a nih chuan diplomat ni lo, an staff zinga mi pakhat, an local staff emaw i bia a ni tlangpui ang. Tun lai phei chuan invenhimna thil leh thil dangah a remchan zawk avangin ram tam tak chuan visa leh consular hna hi an outsource a, an agent te i bia a ni lek fang thei bawk. Eng pawh ni se, kan thupuiah lut ila, diplomatic rank hrang hrang indawt dan leh thil dang thenkhat i’n tarlang mai mai teh ang.
Diplomatic rank indawt dan (a sang lam atangin):
Embassy-ah:
- Ambassador
- Deputy Chief of Mission (DCM)
- Minister
- Counsellor
- First Secretary
- Second Secretary
- Third Secretary
- Attache
(Ram thenkhat chuan Minister-Counsellor leh Assistant Attache rank te pawh an nei tel bawk).
High Commission-ah:
- High Commissioner
- Deputy High Commissioner
- Minister
- Counsellor
- First Secretary
- Second Secretary
- Third Secretary
- Attache
Consulate General-ah:
- Consul General
- Deputy Consul General
- Consul
- Vice Consul
Embassy/High Commission hi ‘Mission’ tia sawi mai chang a awm a, chutiangin Consulate General pawh hi ‘Post’ tih mai chang a awm bawk. Tin, rank zawng zawng hi Embassy/High Commission leh Consulate General-ah hian a awm kim vek kher a ngai chuang lo a. Mission/Post lianah chuan rank thuhmun pawh engemaw zat a awm thei thung (Ambassador/High Commissioner/Consul General tih loh chu).
Embassy leh High Commission danglamna: Ram leh ram inpalai tawnna (diplomatic mission) hmunpui ber ve ve an ni a, an hnathawh tur leh mawhphurhna pawh a inang reng. British Commonwealth (British-in an awp thin, independent tawhho hi British Commonwealth tih an ni) ramho bik hian Commonwealth member ve bawka an diplomatic mission chu High Commission an ti a, High Commissioner-in a ho. Entir nan, India chuan Canada-ah High Commission a nei a, Canada pawhin India-ah High Commission a nei.
British Commonwealth member ni ve lo ram dang zawng chuan an diplomatic mission chu Embassy an ti thung a, Ambassador-in a ho thin. Commonwealth ram pawhin Commonwealth ram ni ve lo-a diplomatic mission an neih chu Embassy an ti tho a, chutiang bawkin Commonwealth ram ni lo-in Commonwealth rama an diplomatic mission pawh Embassy an ti bawk. Entir nan, India chuan USA-ah Embassy a nei a, USA pawhin India-ah Embassy a nei.
Embassy/High Commission leh Consulate General danglamna ve thung: A chunga sawi ang khian Embassy leh High Commission te hi ram leh ram kara diplomatic mission hmunpui ber a ni a, ram khawpui ber (national capital)-ah hmun an khuar thin. Consulate General erawh chu Embassy/High Commission baka ram chhung khawpui pawimawh danga in-palai tawnna hmun a ni. National capital ni lo, khawpui pawimawh dangah sumdawnna te, community thil leh thil pawimawh dang te enkawl tura dah an ni deuh ber thin. Ram pakhatah Embassy/High Commission pakhat chauh dah theih a nih laiin Consulate General erawh chu hmun khat aia tamah pawh neih theih a ni. Entir nan USA-ah India-in Embassy chu Washington DC-ah chauh a nei a, Consulate General erawh chu New York, San Francisco, Chicago leh Houston-ah te a nei. Atlanta-ah pawh Consulate General thar hawn tum mek a ni awm e.
Diplomatic society hi khawvela society sang bera chhal a ni thin. Diplomat te hian ram danga an va thawh hian mi naranin an neih ve loh himna leh hamthatna (diplomatic immunities and privileges) eng engemaw an nei thin. Consulate-a thawk te pawh hian chutiang chu engemaw chen an nei bawk. Heng hi Vienna Convention on Diplomatic Relations (1961) leh Vienna Convention on Consular Relations (1963) hnuaia an chanvo neih a ni. Chutiang society sang taka khawsa chu ni mah se diplomat te hian mawhphurhna leh harsatna lian leh harsa tam tak hmachhawn chang an nei ve fo a, an hnathawhna lama nunna chan ta te pawh awm ve bawk thin.
Hriat tel ve mai mai atan: Ambassador a awm loh changa charge lo latu hi Charge d’affaires ad interim an ti a, a tawi zawngin Cd’A an ti bawk thin a, Embassy-a Ambassador dawta officer senior berin charge a la thin. High Commissioner awm loh laia charge latu chu Acting High Commissioner tih a ni thung. Tin, Consul General hi a plural chu Consuls General a ni.
Similar Posts:
- Misual Member hlun tak mai chu..
- Commissioner/Secretary hnathawk tha ber ?
- Lairam Isua Krista Baptist Kohhran Asssembly Vawi-11 Na, Lawngtlai
- Mizo te kan la hniam hle
- IITJEE-a kumina tling Mizo kan hriat theih te:
September 18th, 2011 at 8:37 am
A bengvarthlak thin e…
Report this comment
September 18th, 2011 at 8:39 am
A bengvar thlak e.Mizo zingah Ambassador engzat nge kan la neih ve aw?
Report this comment
September 18th, 2011 at 8:52 am
“Consul General hi a plural chu Consuls General a ni” …..
danglam bik ve !! Bengvar thlak hle mai.
Report this comment
September 18th, 2011 at 8:55 am
Ka fing leh sawt e
Report this comment
September 18th, 2011 at 9:28 am
A lawmawm e.
Report this comment
September 18th, 2011 at 9:29 am
A va bengvarthlak ve le! Thil thar kan hriat belh leh ta. High Commission leh Embassy awmzia te hi ka lo hre ngai miah lo! Embassy hi High Commission aiin a sang emaw ka lo ti ve char char!! Good post!
Report this comment
September 18th, 2011 at 9:33 am
Post tha tak a ni e
Report this comment
September 18th, 2011 at 9:39 am
Ambassador tak mizo zingah thawk mek kan awm em le? Kan CIC thar hi a rawn pension zo chiah ani si a
Report this comment
September 18th, 2011 at 9:57 am
Hei chu document tiin ka classified rih phawt dawn.
Report this comment
September 18th, 2011 at 9:58 am
A bengvarthlak hle mai. Post hlu tak a ni.
Report this comment
September 18th, 2011 at 10:13 am
PKfanai@2, Unsung@8, ‘Mizo’ tih hi engtinnge in define ka hre lo a, ka source atanga ka hriat danin Mizoram mi chu tunah tak chuan High Commissioner pakhat (Pu Lalduhthlana Ralte) kan nei a, ani chauh hi a ni rih mai awm e.
Report this comment
September 18th, 2011 at 11:20 am
ka beng a var leh ta!
Report this comment
September 18th, 2011 at 11:49 am
Ram dangte hi chuan an Ambassador atan sawrkar hnathawk (IFS kan tih ang) kher lo, prominent citizente, Veteran Politician, lal chhungkua, adt., an ruat thin hi India ramah hian IFS-te hian Ambassadorship hi an chang ve leh lawi bawk thin si a…..Sipai bo ka bang ve chiang khawp mai ? Dan a awm chiah lo em ni ? Nge % in an insem ?
South Korea-a kan Mizo IFS nula khan pasal a nei tawh ang em aw…? Kan misual.commer Tv. ho lah hi helam hi an talent dawn lohna lam tak niin a lang
Report this comment
September 18th, 2011 at 12:30 pm
bengvarthlak e.
post tha tak a ni
Report this comment
September 18th, 2011 at 12:39 pm
Mizo zingah Consul General pawh kan neih hi. Post bengvarthlak leh theihnghilh miah loh chi a nih hi.
Report this comment
September 18th, 2011 at 12:45 pm
Ka thawh chak pakhat aniah
Report this comment
September 18th, 2011 at 12:56 pm
Sapin from the horse’s mouth an tih ang deuh- bengvar thlak hle mai. Diplomat zingah hian foreign service IFS ni kher lo hi an lo tam ve.
Lushai-er, Hman deuh kha chuan, IFS ni kher lo, Politician te ambassador an ni ve fo mai – KR Narayanan, Vijay Lakshmi Pandit, Sidhartha Shankar Ray leh adt. Tunlai hian an awm ta mang lo em ni, ambassador tur meuh hi chuan, mithiam leh fel zual deuh nih a ngai a nih awm hi maw. Nia, ram dang, a bik takin lal lo nei thin ho hian lal thlah te dah an ching khawp mai. Frenh ambassador to India poh kha, lal khawnbawl tupa, mahse, foreign service zawm a ni.
Report this comment
September 18th, 2011 at 1:22 pm
Foreign Service hna hi IFS hian an in ti neitu bik a. Tun hnaiah IAS te pawh dah an ni fo hi IFS hian an helh ve khop mai. IFS ho hi an hah ve zek a, MP in ti lal deuh deuh ho te, MoS te, Minister te hi a chang chuan Embassy ah an thleng thin a, an buai ve map2 thin khop ang. Pi Lani Pudaite in a ziah, MP in sawi thei tak tak te leh minister tih tam deuh deuh mikhual hahthlak zia a ziah kha in chhiar ve maw…
Report this comment
September 18th, 2011 at 1:57 pm
Post hlu tak a ni.
@hlatekhua, i post tur tak hi i post kauh zel a a lawmawm khawp mai, kan mi thiam leh thleng thuiho khan han ti zel teh u-Mahni hna han sawimawi emaw sawihlu emaw dah sang bik chuang miah lo va in han sawi hian a ropui bik hian ka hre thin…(hman ni lawka post erawh chu an helh hlawm deuh kha).
In ngaihsanawm hlawm hle a ni. ka save e.
Report this comment
September 18th, 2011 at 2:06 pm
IFS ho chu an phun chiar peih anih chu. Ram dang te pawn (entirnan UK, Australia, USA, France etc) an IFS tlukpui ve ang ni kher lo hi Ambassador post tlum leh hmui deuh ah chuan an dah thin. A tlangpuiin Politician retire tawh emaw, rorellai duhsak deuh tu mi hausa neinung deuh te. Tuna Australian ambassador to US pawh hi tuna rorel lai Labor Party hruaitu hlui, US Ambassador to UK pawh Obama election a pawisa thawh hnem ber tu pawl ani.
USA, UK leh France a Embassy/High Comission posta thawktura inruat hi induhsakna chungchuang a ngaih ani.
L Keivom kha a thi tawh ami kha? ambassador aia hniam deuh chu ani ve thin ani lawm ni?
Report this comment
September 18th, 2011 at 2:08 pm
Aryan, a la dam lo maw??
Report this comment
September 18th, 2011 at 2:20 pm
Pu L.keivom chu a la dam ang, Delhi ah a awmin ka hria, ka hriatsual loh chuan. Ka mihring hmuh chak pawl ania, Pune Mizo welfare nge Bangalore zawk kha aw, an day an hman tuma khuallianah an sawm tum a, ‘zu hi sual ani em tih an zawhna’ a chhan dan kha tun thlengin ka la nuih pui
Report this comment
September 18th, 2011 at 2:45 pm
Post bengvarthlak tak a nih hi I ti tha kher mai.
…Khrum
Report this comment
September 18th, 2011 at 3:06 pm
E Khumchikthei a lo tel ve leh dawn ta a ni maw… A hlimawm dawn e.
Post chuan kawng hnihnin minti VAR uar mai…. Kumin kum tir khan CGI Istanbul ka lo google vak vak alawm le..
Report this comment
September 18th, 2011 at 4:42 pm
@11 Kei chuan..mizo ka tih chu Mizo nihna a lungawi..zo hnahthlak zinga a hran a hrai a..chumi hnam inti bir bing lo hi ani ka tih chu
Report this comment
September 18th, 2011 at 5:22 pm
Bengvar thlak hle mai. Ka fiah uar uar e. Tunhnai deuh khan India a tanga kan thawn chhuah ho hi an che chukchu thei riau leh nghal a, ‘dilomatic immunities’ tihte pawh khan khel a hlawh phian kha maw le.
Report this comment
September 18th, 2011 at 7:41 pm
lushai_er@13, ka hriat ve dan chuan ram tam zawk fe hi chuan an career diplomat-ho hi ambassador atan an tir a, India pawhin chutiang chuan a ti thin. Political appointee pawh tlem-a-zawng chu an awm ve thin bawk. Ram thenkhat, entir nan, USA te angah chuan political appointment deuh vek a ni thung a, an career diplomat-te tan ambassador nih vena chance a awm meuh lo a ni awm e.
Lemonvale@17, KR Narayanan kha chu career diplomat a ni a, Nehru-a’n abik deuha IFS-a a thun a ni an ti. A retire hnuah politics-ah a lut zui a, Minister of State te pawh a nih kha.
Report this comment
September 19th, 2011 at 4:03 am
Pu,L.T Pudaite kha burma ramah India aiawh in embassy ah a awm a ni lawmni,a boral tawh em ni kha?
Post hlu tak a nih hi
Report this comment
September 19th, 2011 at 5:32 am
Post leh comments sawngnawi lo ka hlawkpui kim vek e.
Report this comment
September 19th, 2011 at 5:49 am
chawnghilh, i tho sual deuh em
Report this comment
September 19th, 2011 at 6:37 am
A ngaihnawm hle mai……. Pi Lani ziah kha ka lo chhiar tawh a. Mahse, hetiang hian a chipchiar lo….
Hlatekhua chu i post a bengvarthlak hle mai. Ka save e.
Report this comment
September 19th, 2011 at 8:59 am
Report this comment
September 19th, 2011 at 12:15 pm
IFS kher nilo tan foreign embassy a thawh theih hna emaw, thawhtheih dan emawte hi hriat a va chakawm ve, kan thalaite tan hian kawng kawh hmuh theih dan hria kan awm em?
Report this comment
September 19th, 2011 at 3:06 pm
lalpeace@33, Ministry of External Affairs-a thawk, Section Officer leh a hnuai lam te hi IFS-ho ang tho hian ram dangah posting-in an chhuak thin. Central Ministry danga thawkte ang bawka UPSC emaw Staff Selection Commission emaw kal tlanga lak an ni.
Report this comment
September 20th, 2011 at 2:20 pm
A bengvarthlak hle mai, a lawmawm e.
Report this comment
January 16th, 2013 at 12:49 am
cheers high commissioner
Report this comment
January 16th, 2013 at 1:17 am
A van hre zeh zuah ve he post ah chuan. Army chief nih dan min lo hrilh ve teh u Pakistan ho hi ka Sue/shrew/screw/etc… chak. haha
Report this comment
January 16th, 2013 at 2:30 pm
zualbonez@36, ka lawm e!
Report this comment
January 17th, 2013 at 11:56 am
Hetah ka’n lawmpui daih teh ang che. Kan chhuang che, Pu Hlatekhua!
Report this comment
January 17th, 2013 at 2:51 pm
TuaiSialA@39, ka lawm lutuk e.
Report this comment