Khua chuana ka len laiin
Sakhmeltha lenmawi ka tawng che
An ka biachhawn thlum nen
Thinlai min hnemtu lenmawite
Hmangaih biathu ka hlan che hi
Min hnawl lul su aw Lenmawi
Sakhmel hawi kir loin
Nemten min pawm ve la
Sakhmeltha lenmawi ka tawng che
An ka biachhawn thlum nen
Thinlai min hnemtu lenmawite
Hmangaih biathu ka hlan che hi
Min hnawl lul su aw Lenmawi
Sakhmel hawi kir loin
Nemten min pawm ve la
Hmangaih runhmun len ka nuam che
Tangdang tang bel lova lengdun an
Ka thlang che Lenmawi
Kumtluangan ka tiam che
Lenmawi te vangkhua mawi tu
Han tual zau ah hawihten I leng
Val thinlai tihlim tu Lenmawi
Zungzal a’n ka thai duh te
Duhten kan lendun a’n
Tiamthu suihdun I lang
Khuavel mawi dun in
Famchan tleng awm dun ang
Ka hmangaih lenmawi
Rinawm ten awm ang aw!
Do ral hrang kar ah
Suihlai thlah lo ten
Lengdun ang.
Lenmawi te….
Kumtluang a’n
Runhmun lum dun in
Rial ang ral thleng chen dun ang
Hmangaih Lenmawi te……
Hetah a dang pawh: https://mosesfanai.blogspot.com/
admin-te an...
September 18th, 2011 at 6:01 am
Report this comment
September 18th, 2011 at 6:04 am
Nalh hle mai..
Report this comment
September 18th, 2011 at 6:28 am
Report this comment
September 18th, 2011 at 7:30 am
Tlar 16 naah “Zungzal a’n ka thai duh te” i ti zo chauhva, tlar 17 naah, “Kumtluanga kan lendun a’n, tiamthu suihdun ang….” i ti leh daih si a. I thai(nupui) a ni tawh a, tiamthu insuih miah lo tihna em ni? Nu leh pa biak rema innei in ang. Ka hrethiam lo zawk em ni?
Report this comment
September 18th, 2011 at 8:43 am
Poem tha deuh deuh hi in rawn chhawp chhuak a, A tui pui tu lam kan tam lo thin deuh niin a lang. In thawhrim dawn teh reng nen. I thiam ka ti khawp mai. keep going…
Report this comment
September 18th, 2011 at 12:03 pm
“Rial ang ral thleng chen dun ang”
A va’n harsa duhawm ve aw…..Fam chan thlengin a ni zawk ang em? Chu pawh chu tar lamah chuan chen a har tawh mai thei…lolz
#4: lr hlawnchhing hi critic tha deuhvah a chhuak der mai..
Report this comment
September 18th, 2011 at 5:36 pm
Ka tluk hauh lo mai che. I thiam ka ti. Thil pakhat chauh erawh ngaimawh ka nei ve khanglang a;
‘Tangdang tang bel lova … ‘ tih ai hian ‘Tangdang bel lova lengdun an’ tih ni ta mai se, a mam zawk lo’ng maw? A rhyme a tha zawk e, i tih chuan thu hran nise.
Report this comment
September 18th, 2011 at 11:23 pm
Hla phuahtute hi in hlu thlawt. sawifiah ngai tam tak hi tlar khat lekah in rawn dah fel thliam zel. Thiam lo mahila han faksel mai mai ka chak a, min lo hrethiam ta che.
‘An ka biachhawn’ hi ‘biakchhawn’ tih tur a nih hmel;chutiang bawkin ‘biathu’ pawh ‘biahthu’.
‘Run hmun len ka nuam che’ han tih tawl hi a kim lo deuh chuan ka hria ‘lenpui’ a tel loh chuan incomplete a nih ka ring.
‘kumtluangan ka tiam che’ tih pawh hi han lam mai chuan ni ve thei tak mahse dikhlel a awm; Kumtluang atan tih mai kha a hlathu lo chuang miah lo ang chu.
‘Vangkhua mawitu’ aiin ‘vangkhaw mawitu’ tih hi a tluang tha zawk.
Hei erawh mawi ka ti “Ka hmangaih lenmawi
Rinawm ten awm ang aw!
Do ral hrang kar ah
Suihlai thlah lo ten
Lengdun ang.”
Report this comment
September 19th, 2011 at 5:40 am
Free verse mawi tak a ni e, minute 5 chhung leka phuah a ni lo. Intawnchawpa phuah mai pawh a ni lo vang … time element engemaw zat hnua phuah tlaka i ngaih a ni ngei ang. A aia mawi phuah leh tur chuan i duhthusam khi hlawhtling lo se, a aia mawi leh lungkuai zawk i phuah leh ka duhsak che. Thu leh hla lam atanga duhtawha ka thlirin, run rempui mai la chu —hla phuah i chawlhsan ang tih ka hlauhthawnpui che!
Tan i lak lehzual theih nan, in-BREAK UP ngei teh u.
Report this comment
September 19th, 2011 at 5:56 am
chawnghilh i tho hma chuan khawhar a hnem hle mai
Report this comment
July 26th, 2012 at 2:23 pm
A tha angreng khawpmai, a thu erawh zutmam a langai deuhdawn a nihhi, entirnan Hmangaih runhmun len, kanuam che tih aiah hian, Runhmun lendun kanuame Hmangaih nangnen, hanti zawkla a hlathu adikin a felfai zawkngeiang Tin, a dang leh ahchuan, Zungzal a’n kathai duhte itih ai ahhian, Kathai a’n kaduhche zungzalthlengin, (Chatuanin) han tizawkla, a LAI tawng (Pawitawng) hmandanpawh, a dikzawkang.
Report this comment