Thinlung Hliam

September 24th, 2011 8:30 am by zofanaia

Mihring-te kan dam chhung hian kan nun-ah hliam emaw kan tawk theuh thin a. Midang tena kan chunga diklo taka thil an tih hian kan thinlung ril takah hliam chhete a awm a, chu hliam chuan kan dam chhungin kan hriatna thazam ah thu a sawi. Zirtirtu tena hmangaihna thinlung leh duhsak taka min tih tir thil, kan duhthu ngeia kan tih duhloh avanga min vuak emaw min hauh hian, kan chungah hleihluat taka lalna an tilang tia ngaiin hliam kan nei. Chu chu, nikhua a lo reia chu zirtirtu kan hmuhlehin kan rilru ah hriatloh thinrim, phubalak duhna thinlung kan pu thin. Chumai nilovin, kawng hran hran (Nu leh Pa te zilhna, U tena min tihdan, hnathawhna kawnga pu emaw pi te thiltih dan, adt.) avagin hliam kan thinlung ah a awm a. He hliam hi kan enkawl loh chuan, a hliam a pun a, rah thalo tak a chhuah thin.

Thinlung hliam kan tawh hi sawithamloh chhete mai ani ti thin mahila, kan rilru chhungril takah a cham reng avangin thawidam ngai a ni. Kawng thenkhat ah chuan, tih luih nimiah lo mahse keimahni lam kan dah sang zawk avanga hliam nia kan nithin a. A dang ah erawh midangten’a kan chunga an tihluih avang hrim hrima hliam nei kan ni bawk. Heng hliam kan neih te avangin kan nun chen a nuam hlei thei lova, chumai nilovin, thiltha lo sual tam tak kan khawih leh tihna bul hnar a ni. Eng tin nge kan tawrh thinlung hliam hi kan thawi dam ang?

Kan nuna kan tawh hliamte kan chhutngun chuan, thawidam dan kawng awmin a lang. Engvanga hliam min thlaknge tih kan hriatthiam nan Hliam min thlaktu te thlirna atangin kan enthiam a tul a. A chang chuan min duhsak leh hmangaih luatvanga ti an ni tih kan hmu thei. Kawngdang ah erawh hre reng chunga hliam thlak lui an awm bawk. Chungte anih avangin, thinlung hliam thawi dam dan kawng chu Ngaihdam leh Theih Nghilh hi a ni. Dik lo taka kan chunga thil titu te kan ngaidam thei chuan, kan rilru pai a nuam anga, mi khawngaihnangah, mitha chan kan chang ang. Hliam min thlaktu te chu a chang chuan mual liamta te an ni thei a, chutiang kawngah chuan theihnghilh hi kawng tha ber a ni. Thilunga kan tawh hliam hi enkawl lova kan pai reng chuan a hliam min thlaktu leh a vuangva te tlenga phuba lak duhna kan neih thin avangin sual a ni. Mi thiltih sual ngaidama, theihnghilh thei kan nih chauhin mitha, rilru tluang tia koh kan hlawh anga, kan nun hman pawh a nuam thei chuah dawn a ni. Chuvangin, thinlunga hliam kan tawh te hi, ngaihdamna thinlung neia kan theihnghilh theih chauhin kan hringnun a nuam ang.

8 Responses to “Thinlung Hliam”

1
ReMpY_ScisSoR Says:
September 24th, 2011 at 8:38 am
poem lam anilo ve tlat. Kan duh apiang hi theihnghilh thei zel ila chu kan hun kal tawha mi hriat zui tlak loh kan neih theuh ka ring.. Kan nat poh leh rilru ah a cham nghet thin bwk si a..
Fuihna thu tha tak a ni
Report this comment
2
H.Vangchhia Says:
September 24th, 2011 at 9:10 am

Report this comment
3
rohlupuia chalrang Says:
September 24th, 2011 at 9:33 am
Thinlung hliam nei mek tan chuan chhiar ava nuam em… Kei aia hliam nasa tan phei chuan damna ava ni chiang rua..
Report this comment
4
lr hlonchhing Says:
September 24th, 2011 at 9:44 am
Poetry ni lo tlat mai a. Poetry aimahin i thiam zawk tlat. Ziak zel zawk teh.
“Thinlung hliam thawi dam dan kawng chu Ngaihdam leh Theihnghilh a ni”. Duh aichuan a har deuh mai thei. I hmangaih tak khan a ban che a, i thinglung a hliam a ni. Mahse, i theihnghilh theih ka ring lo. Mahse, i ziak tha thlawt e. KZP
Report this comment
5
PKfanai Says:
September 24th, 2011 at 9:51 am
A tha khawp mai. A practical bawk. “I thinurna niin tlak pui suh se” tih ziak anih kha a. Thin te chu a ur ve bawk thin ang chu! Mahse, pai run reng lo ila, ni a tlak fel meuh hi chuan, tlak fel tir ve tum tur. Engmah tih theih tak tak chuang lo anih a, thin a rim tun reng si chuan,’Ruh a mawih duh” an ti!.
Report this comment
6
CFL Says:
September 24th, 2011 at 9:53 am
Good Post.
An headmaster-in, ” Nang zawng i chhah map map emmai, lehkha hi i zir san chuan a mak viau ang mawle,” a tih a laknat luat avanga vawiin ni-a EE(PWD) lo ni ta ka hre reng mai. Ani chuan kan headmaster tawngkam khan min chher mi ang ve a lo ni a tih tak kha.
Report this comment
7
century child Says:
September 24th, 2011 at 11:17 am
‘Thinrim lai hian hla tlar 1 tlar 2 vel sa ila a zia duh e’ anti.
Practice ka tum a har ve thawkhat:)
Report this comment
8
malsta27 Says:
September 24th, 2011 at 7:52 pm
Mi thinlung hliam miah loh hi a tha, hriat loh va an lo hliam a nih chuan thu hran a nia tih theih a awm lem lo. mi in tih hliam an tum chuan ngaih khat a ngaih hmiah mai tu lo ti ve ngot teh ang. Ziak tha khop mai .
Report this comment