ISAAKA ISUA HLIMTHLA.
1. Isaaka leh Krista chu Thutiam fa an ni. (Gen.15:4 & Isaaia 7:14)
2. An pian tur thu chu sawi lawk a ni. (Gen.18:10 & Luka 1:30-33)
3. An hming chu an pian hmaa sak a ni ve ve. (Gen.17:16 & Luka 1:31)
4. Tisa dan ang lova piang an ni ve ve:- Sari chu a ching a,(Gen.11:30), Mari chu nula thianghlim ni chungin a rai. (Matt.1:18-20)
5. Fapa mal vuah an ni ve ve. (Gen.22:2 & Heb.11:17, John 3:16)
6. An unaute tihduhdah leh hmuhsit an ni ve ve. (Gen. 21:9-10, Gal.4:28-29, Matt.27:29)
7. Hlan (Sacrificed) annih khan, dan an bawhchhe lo ve ve(Sual an nei lo ve ve).-(Gen.22:2 7 & Matt.27:24).
8. Isaakan a thihna tur thing a pu angin Isua Kristan ama Kraws a pu bawk. (Gen.22:6 & John.19:17)
9. Isaaka maichamah thuawih taka a inhlan angin, Isua pawh thuawih takin Kraws-ah a inhlan. (Gen.22:9 & John 10:17)
10. An pahnihin Pa kalsanin an awm ve ve. (Gen.22:12 & Matt.27:46)
11. Thihna hmun ata thawhlehnain an tho ve ve. (Heb.11:17-19 & Matt.28:6)
JOSEPHA LEH ISUA
1. Josepha chu a pa hmangaih a ni, Isua pawh a ni. (Gen.37:3, & Mtt.3:17)
2. Josepha chu a unaute hnenah tirh a ni, Isua pawh a ni. (Gen 37:12-14 & Mtt.15:24)
3. Josepha chu a unau ten an lo lawm lo. Isua pawh a unau(Juda) ten an lo lawm lo. (Gen.37:18-20 & John 1:11)
4. Josepha chu a unauten an hralh. Isua pawh an hralh. (Gen.37:25-28 & Mtt.27:15)
5. Josepha chu dik lo taka hek leh thiam loh chantirin a awm a, Isua pawh chutiang bawkin a awm.(Gen.39:7-20 &Mtt.26:59- )
6. Josepha chu Lungin chhungah khung a ni a, Isua pawh Josepha Thlanah phum a ni. (Gen.39:20 &Mtt.27:57-60)
7. Jesepha chu Lungin ata a lo chhuak leh a, Pharoa nena Lalthutphaha thu tura chawisanin a awm. Isua pawh a tho leh a, A Pa Lalthutthlenga thu tura chawisanin a awm ta.(Gen.41:37-45 & Mtt.28)
8. Josepha chu Lal thutthleng atanga Aigupta riltam thi tur chhang petu a lo nita angin, Isua pawh A Pa lalthutthleng atang chuan khawvel boral mek tan Nunna Thlarau semtu a ni. (Gen.41:46-57 &Phil.2:11)
9. Josepha chu chawimawia a awm hnuin Jentail mo a nei a, chutiangin Isua pawhin Jentail mo-Kohhran chu a nei ang. (Gen.41:45 & Thup.19:6-10)
10. Josepha chuan nupui a neih hnuin a unaute chuan tam an tuar a, a hnenah buh an rawn dil angin, Isua pawhin a mo a hruai hnuah(Mithianghlim lawr hnuah) a unau Juda-te chu, “Jakoba buaina” ‘Hrehawm nasa tak’ lai chuan Ama hnen lamah an lokir ve ang. (Gen.42:1-2 & Ezek.22:19-22, Jer.30:4-7, Dan 12:1, Mtt.24:21-31, Zakaria 14:1-11)
11. Josephan a Unaute chu an lokal tumkhatnaah a lo hria a, mahse anni chuan a hre lo. Chutiangin, Isua chuan a lo kal vawikhat naah khan a unaute chu a hria a, mahse a unaute chuan an hre hauh lo. (Gen.42:8, & Matt.15:24; John 1:11, matt.27:11)
12. Josepha chu an lokal vawihnihnaah chuan a unaute hnenah a inhriattir ta a, chutiangin Isua pawh a lokal vawi hnihnaah chuan Juda-ten an hre tawh ang. (Gen.45:4 & Zak.12:10, John 19:37, Thup.7 & 14)
13. Josepha chu a unaute hnena a inhriattir hnu chuan a la dam a, “Khawvel chhandamtu a ni” tih puang tura an kal chhuak angin, Isua pawh a unau Juda-te hnena a inhriattir hnuah chuan, a la nung a, mihring chhandamtu a ni tih an puang ang. (Gen.45:25-28 & Isaia 66:19)
14. Josephan a unaute leh an chhungte chu Goshen ramah a dah nghet ta angin, Isua pawhin Juda-te chu Palestina ramah a dah nghet ve ang.(Gen.47 & Ezek.36:24- , Isaia 66:20-24))
Duh dan dan a Comment theih a ni e.
Sawisel bawrh bawrh a thiang a, A aia chiang leh Fiah zawk a rawn sawi thei kan awm phei chuan, Duhthusam ani ang. Part-2 pawh ala awm mai thei bawk…
Similar Posts:
- Engvang nge Isua KA PA ti a a tawngtai thin?!!
- A huap ve che em ?
- Synod Higher Secondary School Reunion
- Pentecost pualin
- Holy Week: Isua phatsantuten an phatsanna chhan – ‘F’ pathum!
September 25th, 2011 at 7:40 pm
Save nghal keuh atan a that hi
save nghal… 
Report this comment
September 25th, 2011 at 7:41 pm
Tunlai chu postupa thu leh hla in misual ho thlarau lam ah kan tlai takzet e
Report this comment
September 25th, 2011 at 7:48 pm
Bible chhiar khat laitak a achang thlanchhuah tha deuh mai inkhawmlo a ka`n chhiar keuh thung chu le… inkhawm ang tluk tho… hairehai
Report this comment
September 25th, 2011 at 8:17 pm
Tha veu veu ve..thil chik mi na na na hi chuan eng emaw hi an hriatbelh a, keinin a zar kan lo zo ve thei anih hi.
Report this comment
September 25th, 2011 at 8:21 pm
post ropui hle mai.PATHIAN thu uluk taka chhiar poimoh hle.k hlawkpui hle mai.
Report this comment
September 25th, 2011 at 8:38 pm
ava han tha miah2 ve ka save hmak e
Report this comment
September 25th, 2011 at 9:13 pm
Bible parallelism i rawn phawk nalh hle mai
Heng hian Bible hi mihring kutchhuak mai a nih loh zia a tichiangin ka hria. Good post!
Report this comment
September 25th, 2011 at 9:41 pm
Sunday lova Pathian thu lam han post hi, a inthlahrun awm duh deuh hlek a, Vawiin chu ka rawn post ta nghek mai a nih hi. Min lo hrethiam hram dawn nia. A phuailuai deuh tih chu ka hre reng mai. rohlupuia ang khian Bible keuvin han zirchiang keuh keuh chhin teh u. Hei aia bible chang inhmeh zawk pawh in hriat ka ring.
Report this comment
September 25th, 2011 at 10:14 pm
A va tha kher em!i
Report this comment
September 26th, 2011 at 12:07 am
OT deuh reuh..vawiin a keimah leh keimah ka in zawhna..
Engvangin nge Mizote hian kristian tha ber niawm tak a lan kan duh em em?
Enge a chhan bulpui ber ni ang?
Report this comment
September 26th, 2011 at 12:43 am
A tha, thlarau nun a chawm te in ti a, kei chu ka sual bik emaw ni le, a ho ka ti tlat pek. A posttupa hi a ho ka ti a ni lo va, a write up leh a finding pawh a nih ka ringlo a, khawilai Bible students, thutak pawh lemlo ho buaipui chi ni in ka hria. KTP/TKP/SAY/ adt Bible Quiz..Bible a chang sei ber, chang tawi ber, Tin tih vawi engzat nge awm, Lalpa tih vawi engzat nge awm, a karawl dahkhat rawh, a chiah chiah anih loh chuan mark pekloh tih angreng te hi a ho ka ti bawk. He tia similarity zawn vak vak hi enge a sawtna,Bible dikzia leh rintlak zia chu Prophesy,science,history,excavation leh humanity ah fiah em em in kan hmu reng bawk si a. Pawimawh berlo a lo buai vak hi mipakhat lawmzawng tak a ni thin.
PK a erawh mimal tak in ka sawiselna a ni eih lo a nia, ka tluklohpa a nih hi… (:nuihtlawn thraw:)
Report this comment
September 26th, 2011 at 1:56 am
Post tha tak a ni e
Report this comment
September 26th, 2011 at 7:55 am
10.@lrpa, kristian inti si, nun lam a krista hmel leh zia hmuh tur awm si lo, hi a tam zawk kan nih avang hian, kan in sawisel nasa em mai a. Heivang hian kristian tha tak ang a lan hram hram kan tum hlawm a nia nge!?.
Report this comment
September 26th, 2011 at 8:03 am
@11.zoho, kan Thlarau chaw hi regular tak a ei tha peih lo hi kan tam em mai a(a bikin Thalai zingah). Hetiang a Thalai hruaitu ten bible chhiar/zir ngei ngei ngai zawng a program an siam thin hi a tha ka lo ti hle a sin. He post in a tum ber pawh hi a ni e. Tin, bible changte hi keima zawnchhuah liau liau a ni e(concordance puihna in). A reng reng thuah, pa taima leh sincere tak turah ka lo ngai che a, draft ah thil i pending rei tawh lutuk hlawm a, ka hmuh dan che a dang tan a nia. Han tang leh deuh teh.
Report this comment
September 26th, 2011 at 9:58 am
Similarity, Biblical parallelism, cross reference te hi thil tangkai mai an ni lo, tunlai khawvelah a tulin a tul tawh zawk a ni. Zirtirna dik lo leh faulty interpretation expose na hmanrua tha tak anni tlat. Mahni duhdan dana Bible kailek thin ho tan chuan huatthlala tak a ni ngei ang. Kan tih peih ve loh miin an tih avanga lo sawisel ngawt zel hi a thing ka ti. Rawngbawln dan hi a tam em mai.
PKfanai Says:
“Tin, bible changte hi keima zawnchhuah liau liau a ni e(concordance puihna in)”
Risk huai deuh risk fuh hleithei si lo hi chu kan awm mawle
Report this comment
September 26th, 2011 at 10:43 am
OK, Apologised @ PK, i copy paste or translate emaw ka lo ti a, mi siamsa ka lo chhiar ve nual tawh vang a nia, english & Mizo in a tam mai.
Ka la tang fan, kan rindan mil tur a similarity zawn dawn chuan Juda te len Mizo te pawh kan inchhui lut zung zung zel a lawm. An lo inan avanga thil engemaw lo fiah tur a awm a nih chuan a ropui, chu ti a nih lem siloh chuan, George Washington leh Abraham Lincoln, Mahata Gandhi leh Isua similarity zawn ang deuh, a finding zawh ah… ehe… an lo va inang…. tih zawng a nih chuan chu aia pawimawh zawk a tam ka ti.
Report this comment
September 26th, 2011 at 11:53 am
Zoho, a idea hi chu ka ir-awm chhuak a ni lo. Kum 15 vel liam tawhah khan keipawh hetiang deuh hi ka chhiar tawh a(without biblical references). Misual a post ka duh si a, br. hi ka zawng ta vak mai a ni. Chuvang a nia hei aia genuine hi a awm theih ka rin ni. July-Aug. Vel khan 8 vel lai drafts ah i dah a, chhiar a chakawm hlawm si a, han chhunzawm thuai teh. I ngaihdan convinced kher pawh a ngai ka ti chuang lo. Hlawkpui an lo awm chuan a tawk ka ti mai. sanhedrin chìn deuh ho hi chu, Isua pawh khan a convinced tehchiam lo. “Mi chakte chuan dobtor an ngai lova, mi bawrhsawmte zawkin an ngai…
Report this comment
September 26th, 2011 at 12:48 pm
Thutak hi chu a lo kha deuh fak hi chu a ni. Dai thui ve viaua inngaite pawh hi, thutak ina min han den deuh rap hi chuan, kan thin hi a khei zar zel mai chu a nih hi. ‘Engemaw’ hi kan pai ran zel mai a. A thutak zawk huat ngawt theih a ni silova, a hmanraw tlawmte hi kan khei fek fek duh khawp nia
Ral atanga thil chik taka lo thir hi chuan mihring motive leh chhungril lam hi kan tawngkam leh thuziak atangte hian a lo fiah thei khawp nia. Mahni inenfiah reng hi kan mamawh ber mai e. A personal deuh zawng lek lek emaw, pawl leh a ‘sanhedrin’ chuti khati zawnga thil lak tur a ni lo ve. Paula pawh kha ‘sanhedrin’ chhuak a nih ve bawk kha.. chutiangin kohhran pa te ho pawh sanhedrin chhuak tho. Thudik lanna tur chuan Biblical takin Inhnial tur, mahse tlawmah emaw a personal zawnga lak hi rawngbawltu bawrhsawm zia a ni e.
Report this comment
September 26th, 2011 at 2:48 pm
E he,Donald, rei tak hnu ah i comment ka chhiar leh vawi khatna, misualho@gmail.com ah min lo contact teh a. PKa te ang, a tak a rawngbawlna luhchilhtu hetia kan lo chapchar ve neuh neuh phak hi misual.com hlutna ber chu a ni reng a lawm, hmaichhan ah chuan kan ngawi duk ang chu, tak tak in..
Report this comment
September 26th, 2011 at 3:01 pm
E Donald-a chu iva reh rei tak ve. I ngaihawm hle mai. Ka bawrhsawm em avang hian alawm Lalpa pawh hi bel reng lo thei lo ka ni tih ka inhriat thin. Ka nihna dik tak i sawi e.Tin, he Post hian Khawidang bu a tawn darh thei tih ka hre reng a (a bikin Juda Unaute thin a khei thei tih ka hria) ka tim ru khawp mai a, mahse hei tun thlengin tumah an rawn lang lo teh tlat a,a lawm awm nge a pawi pawh ka hrethiam chiah lo.
Report this comment
September 26th, 2011 at 3:27 pm
Hehe… rin aia hauh in huat loh chu le
Khawnge Art misuala hi ? (zoho-a phuah
)
Public forum a ni tih hi kan thahnemngai lutuk hian kan hrechang loh leh thin (ka ni zual bik lehnghal). Han participate ve loh hian a lo chiang a nih hi
@zoho ka lo mail che kha.. i rawn CK vaih
@PK nge i lo bawrhsawm mai mai, lo dam tawh rawh. Tak taka I post hi a ‘bon’ khawp mai. Hetianga Bible ref haichhuah hi thil namai a ni lo e. I bawrhsawm vak lo a ni ang.. damlo der hi ka ngei a nia
Report this comment
September 26th, 2011 at 3:44 pm
Donald, “Sawisel bawrh bawrh a thiang” tih ka tar kuau si a, ka huat leh si ten?!. Mahse, dik ni a ka hriat tawhah hi chuan, Luhlul deuh mai ka nia, tu te emaw ngaihdan alo nih loh avang mai maiin ka hnual chuang ngai lem lo. Tin, Mi puitling tak tak leh ngaihdan hran nei ve ran awmkhawm kanni a, in convinced kher hi a tul ka tiin ka tum lem lo bawk.Tute emaw lo hlawkpui an awm chuan ka duh tawk mai.
Report this comment
September 26th, 2011 at 3:53 pm
Report this comment
September 26th, 2011 at 3:54 pm
pK @22
I post pakhata an comment saw ka nui nasa lutuk !!
“Fapa hminga dil” ah sawn … #59 saw LOLZZZ
Report this comment
September 28th, 2011 at 10:21 am
a tha e… mahse josefa leh Lal Isua khaikhinna (comparision) ka vawikhat hriatna a ni tlat…
Report this comment