Lunglen atchilh mi ka ni hi ka indem love. Hla phuahtu leh ziakfung chawitute suangtuahna leh hmanraw tangkai chu lunglenna hi a ni. Thu leh hla tha tak tak ruhrel dinchhuaktu pawh lunglenna tho a ni.
Zing ni chhuak engmawi êm ém ti engmawi zualtu leh lunghnur taka vanrang chhumte an kal mawp mawp lai pawha, hlu chungchuang pawh lunglenna tho a ni. Hmangaihte inkawp rem lai leh hmangaih avana inthen tawhte tana hlu chuang leh mihring min ti famkimtu pawh a lo ni e.
Chhun pachang ni sat vawl vawl lai leh zankhaw tairek chena min kalsan ngai hauh lotu a ni reng fova. An sawi Berhva leh Rengchal te ti tap a, ti kiu tu pawh lunglenna bawk a ni. Thal romei zamchiai ten tlang leh mual mawia, an bawh pawt chek timawi zualtu leh ti romei tu a la ni cheu va, mual hla kar dana kan di pawmlaite hlimthla min hmuhtirtu chu lunglenna chauh hi a ni.
Mi lunglengte lunglenna luahtu pawh lunglenna tho a ni. Rethei leh hausa ber thlenga thliar hauh lova chenchilh rengtu thiantha chu a lo ni a. Famngaite famngaihna pawh a ni a, famngaite hnemtu chenin a lo ni.
Lunglenna leh hmangaihna hi a inkawp tlat a. Hmangaihna hi mipa nise, lunglenna hi hmeichhia a ni ang. Lunglenna a lungleng ten hmangaihna an ngah a, hmangaihna ngah apiang an lungleng mai a lo ni. Hmangaihna tel lovin a lunglen theih lova, lunglenna tel lovin a hmangaih thei hek lo. Chuvangin, lal ram meuh pawh a lungleng ral thei a, hmangaihna avangin lallukhum hial a chán thei a ni.
Misual buru ber leh buru lem lote, fel leh sual, hmeltha leh chhia pawh thliar leh iai miah lova, amah lo kawmtu apiang lo dawl thin tu leh phatsan ngailo tu thilsiam ropui chu a va ni êm. Misual ber tan in thim chena zui luttu leh kalsan ngai reng reng lotu chu lunglenna a ni.
Patling leh nutling meuh pawh velh lova ti tap thei tu chu lunglenna a ni a. Nausen, naupang, thalai leh tar chena mittui thlemchhuaktu chu a lo ni. Thu leh hla thiamte lungleng lose, thu leh hla tam tak nawh reh an ni ang a, hringnuna a zar pakhat sahthlak ang a ni ang.
Sawichhiatna ho ber leh tualthahna rapthlak ber duanchhuahna hmun ber thinlung tenawm ber pawh ten hauh lova, rinawm taka riak tlat tur rohlu chu lunglenna chauh a ni. Tawrhpui ngai a tawrhpui hreh lova, hnem ngai a hnem hreh lova, tahpui ngai a tahpui hreh hek lo.
Mi hratkhawkheng Adolf Hitler ti hratkhawkhengtu chu, ram leh hnam tana a lunglenna a ni a. Thu leh hla lama mi ropui William Shakespeare, William Wordsworth, John Milton, John Keats leh Thomas Hardy adt. ti mihringtu pawh lunglenna mai a ni. “Father of the nation” Mahatma Gandhi ti huaisena, tipaukhauh tu pawh a ram tana a lung a len tlat vang chauh a ni.
Lunglenna a hmang thiam lo tan erawh Tûr a ni. Lunglenna avanga mi ropui an awm laiin, lunglenna avanga Pathian chauhvin a pek theih NUNNA mahnia la mai kan awm fova. Kan la awm zel bawk ang. Damdawi damna a nih laiin, a hmangthiam lo tan thihna a ni a. Chutiang bawkin, lunglenna hmangthiam lo te tan thihna bawk ah a chang thin.
Lunglenna midangte tana inpuanchhuahna ngaihnawma nih laiin, mi dangte tan erawh pindan meuh pawh chhuahsan tir thei lova min siamtu a ni. Ka nu chhul chhuahsan tu hi, khawvelin min lo hmuak a. Khawvel chhuahsan tu tura duan hian, khawvel chhuahsanin Pathian siam “Lunglenna Khawpui” in min lo nghak a lo ni e. Lungleng lo a awm theih ang em le?
Similar Posts:
- Aw Sikni pui
- Hmangaihna mak
- I ni ve em?
- I Lunglen Changtu
- Akbar-a pawh kha ziak leh chhiar zu thiam hauh lova..!!!!
September 28th, 2011 at 6:33 am
ka hawng e
Report this comment
September 28th, 2011 at 6:39 am
Thu thiam kut chhuak hi chu chhiar a nuam thin teh e.
Lunglen hma hian hmangaihna a awm tlat mai hian, hmangaihna pawimawh zia leh ropui zia a tarlang chiang hlein ka hria.
Good post
Report this comment
September 28th, 2011 at 6:45 am
Hmm fair lo thei comment an han close ngawt ah! Ka thawh hma hma nen
Report this comment
September 28th, 2011 at 7:03 am
Kawmen awf vangin ka kawmen lo mai..
Report this comment
September 28th, 2011 at 7:24 am
I ziak thiam e. I thu leh hla hle mai
Report this comment
September 28th, 2011 at 9:06 am
‘Lungleng’ tih hi English in engtinnge le? ‘Nostalgia’ ‘Longing’ tih te’n dah dawn ila a huam kim mang si lova. A tawngkam milpui hria in awm chuan rawn thawh teh u, khawngaihin.
Report this comment
September 28th, 2011 at 9:15 am
Ngaih neih miahloh pawhin lung zu han leng thei a…
Report this comment
September 28th, 2011 at 9:23 am
Report this comment
September 28th, 2011 at 9:29 am
Lunglen veng veng hi a nawm ve na tak a awm an ti a sin. A dik in ti em? Ka my dear-i hlat zawngin kan tlan viah viah mai si a…
Report this comment
September 28th, 2011 at 9:51 am
Lunglen veng veng hi a chang chuan nuam ka ti…
Report this comment
September 28th, 2011 at 9:56 am
Lunglen hi atchilh chi em ni dawn aw.
A ngaihnawm e. Lunglen leh hmangaihna ai mahin lunglen leh khawhar hi a inzulin ka hria. Lunglen chu beisei la awm chunga khawhar, khawhar chu beisei nei tawh lova lunglen..hehe.
Report this comment
September 28th, 2011 at 10:02 am
Longing – Matthew Arnold
come to me in my dreams, and by day i will be well again!
Report this comment
September 28th, 2011 at 10:27 am
A va han ziak thiam em!!
#11.vakul..very dik
Good post
Report this comment
September 28th, 2011 at 11:30 am
Chhiar a nuamin a kal zaih a lawm……
Rual ka khum vena lam tak ani, LUNGLEN hi chu.
Report this comment
September 28th, 2011 at 11:38 am
Nu pakhat lungleng lutuk pawh kha.. a lungleng
Report this comment
September 28th, 2011 at 11:43 am
Lunglen sawtakah chuan Chhawrtui Neihlala lungleng ansawi kha – artui chhungmu a sehkeh zolo an ti.
Report this comment
September 28th, 2011 at 11:50 am
September hi ka pian thla a nia,kum tina ka lunglen intan thla ni ziah bawk… Sept-Nov thleng hi cuan leng ve thei tak a ni.. Dec atang hi chuan a vawt ka ti tan tawh a,lung a leng hman vak tawh lo,mahse Christmas boruak te an nih chhoh hian naupan lai ka ngai thin..engpoh nise,he post hian ka lung a ti leng!
Report this comment
September 28th, 2011 at 1:02 pm
Lunglen hi Thil hrehawmberte zinga nuam ber chu a ni ve chiang alawm.
Ka thianpa lungleng thei lutuk pawh hi darthlalang hma-ah a in en sauh sauh a, fanghma a keih bawrh bawrh a, a tap leh bawrh bawrh thin.
Report this comment
September 28th, 2011 at 1:12 pm
Lungleng is lungleng …..eg lungleng
…(Y)
Report this comment
September 28th, 2011 at 1:52 pm
ni khat lek a hmuh loh pawh a “Adam, adam.. Khawnge i awm..” ti a zawng ruai ruai khawpa lungleng leh khawhar pa pathian kutchhuak kan ni miau a, hringfa te hi lungleng tur reng kan lo ni e.
Report this comment
September 28th, 2011 at 4:07 pm
Kan lo lungleng ve lawks – buai chung chungin.
Report this comment
September 28th, 2011 at 5:09 pm
Lungleng – Stonefly.
Report this comment
September 30th, 2011 at 3:56 am
A ṭha hle mai he thuziak hi. A post-tu hian chhuah leh chhàwn a phal ang em aw…? A rang lamin min rawn hrilh se ka ti khawp mai. Amah credit pêk vek a ni ang. Thil darhzau atán ni lëm lo, campus weekly bulletin tih ang lek atán. A phal chuan hetah emaw, fragmaster.38@gmail.com-ah min rawn hrilh thei se ka läwm ngawt ang!
Report this comment