Ka naupan ve lai lai chuan tlangval hovin western films hi an atchilh laileng khawp mai a. “Gunfight at the OK Corral” leh “Tombstone” (featuring Wyatt Earp, John Henry “Doc” Holliday, Franc & Tom MacLaury, Bill Clanton (Bill Clinton ani miah lo ania), Morgan & Virgil Earp) Arizona state a Tombstone khua ah October 26, 1881 khan minute 30 zet an inkap vak mai a, Chu chu thil awm tak tak ani a. He incident hi a lar vet vet khawp mai a, tlangval vawi 15 en pawh an awm an ti. Romeo & Juliet pawh en nawn awn awn an tam mai.
(more…)
Archive for September, 2011
Gunfight at the OK Corral (to Ipads, X-Box 360 leh Korean fashion))
Tuesday, September 27th, 2011
https://www.youtube.com/watch?v=h_OO93x4cAc
Mizo Thuhlaril Hmasawn Dan Part V
Tuesday, September 27th, 2011HUN KAL MEK : THANGTHARTE HUNLAI(1970-2011/2020)
Kum 1972-ah Mizoram chu Union Territory-ah hlan kai a lo ni a, ram inrelbawl dan pawhin hma a sâwn phah hle a. Mipui thuhlaril pawhin zalen leh zâu zawkin hma a sâwn ve nghal a. Thuhlaril lama harh tharna boruak muanawm leh tha tak alo piang ta zut zut a ni.
Hun kal mek-thangtharte hun kan thlir turah hian mimal tlemte chauh, an kutchhuak chhui tlak leh belhchiandawl zual tak tak chauhte lo thlir ila.
Chutah pawh chuan hla phuahtu, lemchan ziaktu leh thutluang ziaktu titein then hrang tawhlo mai ila. A chhan chu kan mimal chhuizau turte hian a tlangpuiin heng zingah hian kutchhuak thu leh hla an lo neih deuh vek vang a ni.
A) MIZO THUHLARIL HUN KAL MEKA A MI PAWIMAWH TE:
KHAWLKUNGI(1927- ): Khawlkungi hi Mizo hmeichhe zingah chuan Lemchan thawnthu ziak kawnga inhmang nasa ber leh inhmang lar ber a ni awm e. Kum 1927, September ni 14 khan Aizawl-a Mission Vengthlangah a lo piang a. A pa chu H.Chhuma niin a nu chu Kaii a ni. Lemchan thawnthu leh thawnthu phuah a thiam hle a, thawnthu tam tak a letling bawk.
Happy Birthday Google
Tuesday, September 27th, 2011Vawin hi Internet search engine lar Google kum 13 tlin champha a ni a. Google a thawk ho pawh kan hlim tlang hle. 
.Google hi khawvel website awm tawh a tlawhtu ngah ber a ni a. Facebook in dawt in Youtube hi pathumna a ni.
Hetiang khawpa site lar, engkim deuhthaw awmna, thil hre em em leh tha em em Google tih hming hi tu phuah nge maw ni le?
The search engine marks entering its teens by turning its home page into a birthday party scene. Surrounded by multi-coloured balloons and streamers, its logo is adorned with party hats and sits behind a table heaped with wrapped presents and a large white birthday cake with 13 candles.
Although Google’s founders, Stanford University graduate students Larry Page and Sergey Brin, built their first search engine in 1996, it was not until 1998 that they formalised their work and created Google.
Hriatloh Pathian
Tuesday, September 27th, 2011Khawvela kan mamawh chi hrang hrangte neih tumin theihtawp chhuahin kan bei a. Intlansiakna khawvel, a tlan chak apiang an dinchanna hmun a ni. Khawvel thil taka intlansiakna kan beih lai leh kan khawvel mamawhte neih tuma kan hun leh nun tam zawk kan hman lai mek hian kan thinlungah zawhna a lo lut fova. Chu zawhna lo lut thin, mitin thinlunga mathei lova rawn inlar thina chu – Nun awmzia leh damchhan hi a ni a. He zawhna chhan tum hian mihring hian sakhuana a bel thin. Zawhna chhan har tak tak ‘Hringnun awmzia hi engnge ni le?’ ‘Eng hi nge kan damchhan?’ ‘Thihna hi tawphlenna a ni em?’ ‘Engvangin nge mifelte hian harsatna leh tawrhna te an hmachhawn fo si?’ tihte hi kan inzawt bang hleithei lo thin a nih hi.
Mi tam tak chuan kan rinhlelhna te hi kan thup hram hram a. Rinna nghet nunpuitu niawm fahranin kan nitin nun kan hmang a. Kan rinna hriatchian tuma zawhna min zawttute hnenah lah kan rinna awmzia kan hrilhfiah leh thei ngai si lo. Thomas Jefferson, America ram danpui duangtute zinga pawimawh pawl ber mai chuan, “ Pathian awm leh awm loh thleng pawh hian zawhna hi kan zawt ngam tur a ni. A lo awm a nih phawt chuan pawi a ti lo reng reng ang. Hlauhna avanga hrechiang mang lova ring ve ringawttu ai chuan, rinna nghet neih tuma rinhlelhna nena amah zawngtu chu atan pawh a hlu zawk daih ang” a lo ti a.
(more…)
Nghalpui-no lak zan kha aw……….!
Tuesday, September 27th, 2011Khawzawl lam atangin phone call kan dawng a, in khuai-no hual kha pawisa rawn thawn ru an ti a. Bu khat hi Rs. 2000/- vel anih lai kha a ni a. kan thian za-ho khan bu 5 kan hual a, pawisa min rawn thing ta si a, Summo kal turah kan thawn chhova, keini pawh khuai-no la tur chuan kan in tiari tan ve ta a.
October full moon zan hian a tak duh bik an ti a, chumi tin zawn chuan kan inpuahchah ta a. Aizawl chu chawhnu her hretah chhuakin zanriah ban hmanin Khawzawl chu kan thleng a. PWD IB (inspection Bungalow) chu a ruah remchan lai tak a lo ni a, kan innghat ve thla ringawt a.
Khuai seh(zuk) hi a na viau tih chu tlang hriat a ni a, kan U pakhat phei chu Nghalpuiin an zuk(seh) hlum thak tawh a. Kan fimkhur ve viau a, khawzawl pasaltha chu kan hruai tel a, a tak leh tak loh chu chung lam chiahin a hria a. Kan khuaibu hual hi a tam tham deuh avangin kan thian-ho pawh kan insem darh a. Kei tak phei chu ka fimkhur avangin a bu awmna pawh ral atangin ka en chauh a ni.
(more…)
Mizo thuhlaril hmasawn dan – Part 4
Tuesday, September 27th, 2011LEMCHAN LAMA KUTCHHUAK NEI MI PAWIMAWHTE:
CH.PASENA(1893-1961): Ch.Pasena hi kum 1893-ah lo piangin kum 1925-1933 inkar khan Mizoramah lemchan a tichangkang hman hle a. Kum 1961, December ni 2-ah khawvel hi a chhuahsan ta a ni. Kristiannain Mizoram thim tak chu a rawn chhun thianghlim zel a. Zosap lo chhuak ten an zir bawk a, Zofate zingah lemchan pawhin hriat a hlawhin a darhzau chak hle a ni. Ch.Pasena hian lemchan a rawn tuipui chho hle a, kar lovah lemchan theihna tur boruak tha tak a rawn siam chho thei ta a ni. Ama kutkawih lemchante chu- HERODA CHAWIMAWINA(1925), SAILOKA(1926), FAPA TLANBO(1927), TINRENG DAIH KHAWL(1928), RANSA KHAWMPUI(1929), RORELNA(1933) leh KHUAL BUKA MI A(1933) te a ni.
LALKAILUIA(1901-1954): Reiek lal fapa lalkailuia hi lemchan lama tui tak niin, Ch.Pasena hnua lemchan rawn chhunzawmtu a ni a. Ch.Pasena thuihruai a lo nih tawh avangin a zeizia pawh a man hle a, lemchan hmasawnna kawng sialtu pawimawh tak pakhat a ni. A lemchan buatsaihte chu- TUALVUNGI LEH ZAWLPALA(1935), LIANDOVATE UNAU(1935), PUITHIAM LEH SALU LAM(1937) te a ni.
(more…)
‘Mizoram’ Kristian hma leh Kristian hnu
Tuesday, September 27th, 2011Amah Pu Rokungate’n a mawi leh ngaihnobei thei ang berin, ‘Kan Zo tlangram nuam, Chhawrpial run i iang e. Hal lote’n lungruala darang kan lenna,’ tiin lo phuah khaw mawi hlauh lo phei se, kan ram hi zawng Cachar phai vai ngam loh vanga zo fa thalai rualte tualchaina tur zawl zau nuam leh lei rem zawk, hei zat hi kan chan tawh hnu phei hi chuan, han fak mawi leh chuan ngaihna hi awm mawlh hian ka hre thin lo. Tehkhintu thiam takin, “Kan ram ve hi zawng, changkha hi a dung zawngin a lai taka zai phelin dawhkanah hian dah ila, chutiang ang vel chu ani e” a ti hi, a dik khawpin ka hre thin. A leilung hi a rualrem loin; a chhenchhe em em mai a, mi ram awh thu awm suh…awt lo thei lo lah kan ni bawk si lo. Chungkhuanu hian hleih bik a nei ani lo maw tih mai palh awl tak zawng ani. Chuti chung chuan kan ram, ka pian leh seilenna, ka hmangaih ngawih ngawih chu ani si. Pu Rokunga mit leh rilru ang kha pu ni ila zawng, lung zawng a awi mahna le! Kan ram leilung leh a chhunga chengte hlutna hmu thiamtu ani ngei ang, a fakawm e.
Achhunga chung zofate, ka zo hnahthlak leh thisen zawmpui, pi pu thlah chen atanga ‘tlawmngaihna’ vawiin thlenga kan hnam nuna bet lah kan ti pamhmai zo ta hian ka hre thin. “Khaih, khaih lo ngaithla rawh u, naktuk zingkarah, tuikhur hiat tura nula tlangval hnatlan tur ani e,” tia, kan veng/khaw Tlangau au thin pawhin, tunlai hunah chuan, “Khaih, khaih lo ngaithla rawh u, naktuk zingkarah, tuikhur hiat tura nula tlangval ‘tlawmngai’ hnatlan tur ani e,” tiin an au ta. Heti hian ka ngaihtuah zui a, tlawmngaihna hi a ngen a inngen chhuah chi nge, a sawm a insawm chhuah chi? Ani thei lo, Mizo nunah hian ‘tlawmngaihna’ hi tuma ngen leh sawm emaw phut chhuah tur emaw chiin a awm lo. Mizo nunah hian a bei nghet tlat a, phut leh ngen chhuah emaw sawm leh cho chhuah tur chi angin a awm lo asin, tiin ka ngaihtuah zui a. (Entirna: Kan hnam pasaltha Taitesena khan, an ram vahnaah an zinga upa pakhatin, “He lung chu, Lungtat atan ava itawm em ve aw” a ti zauh ni tur a ni. Pasaltha Taitesena chuan tumahin nang ah hawsak ta che an ti lo chungin, ngawi rengin a iptepuiah khungin a ah hawsak a, an upate inah chuan a pe ta mai a.)
Sawmfang
Tuesday, September 27th, 2011Zofa te nuna bet tlat lo neih hi bansan tak tak a harsa a ni e.Buhseng hun dawn vel hi hun hlimawm a ni a,lo pawh a mawiin thlir a nuam hle a ni.Buh hi chi hrang hrang kan nei a,hei hi tai kan tih kha a ni e.
Hnathawh rah seng mai tur chu.
National Boxing Championship Punjab-a khelh mekah Mizo Boxer 3 tla tawh. Lalenkawli ala tling zel.
Tuesday, September 27th, 2011Sep 26 2011: National Boxing Championship, Patiala (Punjab) a neih mekah Mizoram Boxer Jenny chu vawiin khan a tla a. Nimin lam khan Mizoram Boxer tho Champhai khua Zothanpari leh Maubawk lam Zothanpari te pawh an tla bawk. Heti hian Mizoram atanga boxer kal pathum an tla tawh ani.
Hetihlai hian Lawngtlai tleirawl, Junior World Champion ni mek, Lalenkawli (kum 16) chu a la tling chho zela, Lalenkawli hian a tumpui Punjab nula feet 6 dawna sang chu 2nd Round ah knock-out in a chak ta ani.
Lalenkawli hi he boxing khel tura an kal hma kar hian typhoid avangin Christian Hospital, Lawngtlai ah a awm renga, hei vang hian Patiala hmunah hian an medical naah a tla ţep ani.
Lalenkawli hi naktuk hian an inhnek leh dawna, a tum tur hi ala chiang theilo.
Lalenkawli hi LADC District Council Sports & Youth Services Officer Pu Thathluna Chinzah leh Lalduhzuala, LADC SYS Dept. Boxing Coach ten an tawiawm a, Lalduhzuala phei hi chu tuna an khelh mek National Boxing Championship ah hian Referee a ni nghe nghe ani.
Daily Schedule leh results hetah.
Serchhip leh Keitum inkarah Maxi Cab a Accident Hliam na tak tak an awm
Monday, September 26th, 2011Vawiin chawhnu dar 1:10pm khan Serchhip leh Keitum inkar Paihtetui (Chuanhnuai) zawnah kawngkawia Maxi Cab(Sumo) inpel tur pahnih zinga pakhat chu kawng thlangah tlanliamin metres 220 chuang zet a lum a, vanneihthlak takin thi an awm lova, hliam tuar erawh an awm thung a,an zinga 2- Suikimmawii leh Rohmingsangi Sangau te chu he thu ziahlai thleng hian biak theih an la ni lova, an dinhmun a ngaihtuahawm deuh a ni.
He Sumo chesual hi Sangau khaw Maxi Cab (TMS) MZ-03-2505 niin, Pu Rothanga Sangau ta a ni a. Sangau leh Aizawl inkarah tlan thin niin, Aizawl lam pana an tlan lai a ni a, vawiin chawhnu dar 1:30 vel khan Serchhip leh Keitum inkarah hian Noth Vanlaiphai khaw Sumo MZ-06 0999 nen kawng kawia an inpel zo chu Sangau Sumo zawk hi kawngthlangah a tlanliam zui nghal ta ringawt mai a ni.
(more…)
