mi(sual).com

(All the characters are neither partial nor virtual)

Doc_lib: In awm em?

TSa: Awm e. Enge ni ta? Lo leng rawh.

Doc_lib: Eng dang ni lo ve; kan inkawm khat leh tawh si a, a remchang em a ka lo chuangkai zawk a ni. .

TSa: E khai! Docte-a zu ni reng a. Lo leng thu rawh. I duh duh naah khan lo thu rawh. Kan nautein ek a cheh a anu ka pui lawk alawm le. Hmanah khan Kolasib lam Thaiboy kha kan nuihzat thin a; mahse hei ka insawi fel thei tawh der lo!

Doc_lib: Hahaha…a tha lawm. Thaibawi a awm theih tawh hlei nem. Eng zat nge i neih tawh kha?

TSa: Nau neih lam chu ka sam khawp mai. Pathum ka nei ve ta. Engtikah nge pui hup lamte kan tih ve ang?

Doc_lib: E ka hmanhmawh lo kual ta vel mai mai a ni hei… Rempy kha ka chang ta bawk si lova. Muang changa chet hi a tha ber mai. Min ngaihtuah suh hmeichhiate chu kan chhui chhuak leh mai dawn alawm tiraw….

TSa: Ni ngawt mai. I thu ka awiha kan nu hi ka nei ta a. Tifuh ka inti viau a sin. Ka thiannu tur pawh ti khawp khan i thlang fimkhur a, nangma ta tur bik phei chu i chheih kual rei fu ang a…

Doc_lib: Hahahaha… khai khai Sialbawihte, thiante chu in hlu em alawm. I thiannu ka hmuhsak che hi ka lawm ve khawp mai. Hmangaihna leh inngaihnate hi mi zinga tuahremtu nih hi ka tum ber a ni alawm. Thudang deuh- PKfanai chanchin i hre hnai mial em?

TSa: E hre teh meuh mai. Kan inbe zeuh zeuh thin a. Nakum furtui ruah han deuh hunah furlough turin a lo chhuak chho dawn a ni awm e. Weekend khat tal chu tawiawm ka tum ang.

Doc_lib: A ni maw. Lo haw rawh se. Kei parawl hian an chhungkuain chawhlui ka lo siamsak ang e. Pathian thu ka mamawh lai tak a ni a; mahse Ignatia a hlauh thinzia min fah nghek ang tih ka hlau hle mai a!

TSa: Hahahaha… I ngaihtuah mak em mai a. Ani chuan khunkhan takin a ri leh thlap mai ang. I hmarcha rawtfungte thleng khan Pathian hnenah a hlan sak vek zawk che ka ring. Thlarau lam harhtharna chang turin in beisei rawh.

Doc_lib: A ni zawk dawn tak a. Ani pui kha tunhma chuan amah ka mithhla apiangin Nieshy chem sei tak nena ding uah ang hian ka hmu tlat zel alawm le. Zoram nuam lamah hian lo hawng rawh se hnambo a nih pawh a hlauhawm. Tun atangin ka inbuatsaih nghal teh ang.

TSa: Tunlai hospital lamah inbuai em?

Doc_lib: Buai khawp mai. Ram hian hma a sawn zel emaw ka tih lai hian hrileng hi a tam tulh tulh mai. Sik leh sa danglam chak lutuk hi a chhan ni berin ka hria.

TSa: E khai, docte Sik leh sa danglam i sawi chhuak chu ka khat leh hmuk mai. Ka roomah hla chham chi phuah turin ka luh a ngai tlat! Ka awm hle hle thei miah lo mai. Thiantha kan ni a, min hrethiam aniang chu. Ka zu lut zawk anga minute 5 hnuah ka lo chhuak leh ang, ka rei lo vang. Kan nu nen hian lo titi rawh u.

Doc_lib: E Tuaite, tehreng mai. Vawiin chawhma na na na chu ka hman alawm. Lo va lut tawh. Arpi, tunlai inpa a fel em?

Arpi: E fel khawp mai. I dam reng reng a maw? Kan inneih hnu khan biak pawh kan in be mumal leh tawh miah lo a ni tiraw..

Doc_lib: Nia mawle. A lo buai theih em a ni hi. In pa chu ka hrechiang alawm. Ani paw’n min hrechiang. Kum 20 kan pel chho awrh tih vel atang khan kan inhre tha lutuk alawm.

Arpi: Nia, i zarah hei pasal tha tak ka nei a. Ka lawm tak tak a ni. A fel khawp mai. Mahse a hun awl neih ve chhunah kan zingah awm ta lo hian misualdawtkawm a ti emaw ni….tah chuan thahnem a va ngai thin a. Ka fate hian an tihbuai pawh a phal ngai lo. Amah hi ka hmangaih a ka haw duh chiah si lo va; mahse MISUALDAWTKAWM saw chu ka HAW thlawt a ni. A hming pawh hi ka ngaina lo khawp mai! Misual bawk, dawt sawi ching bawk leh kawm bawk anga lang chi hi chu nelawm loh tak a ni!

Doc_lib: E khai a lo ni maw… Chhungkua ka din ve hunah ka tih ve loh dan a ni lo ang tih a va hlauhawm ve Arpi…. Ka sim thei der si lo. Kei pawh hi ka la misual reng alawm. Tun lawk khan Pu Hva kum 70 lawmna post a lo chhuak leh nghal a. Comment ka chak tawh viau asin.

Arpi: Chuti ve tho maw? Mipa in ni a. Thiante nena inkawm hlimte chu tihdan phung alawm tiraw; mahse nupui fanaute ngaihthah thak khawp chuan ti lo la ka duh hle mai. A nih loh chuan hmamlai Mizo society-ah kan kir leh a ni mai. Inkawm hi chintawk a awm a sin.

Doc_lib: Ni ngawt tak mai. Arpi zet zawng thil i dawn thiam e. E hei inpa pawh a lo chhuak leh tawh e.

TSa: In lo inkawm hlim thei maw? Ka duh uluk lutuk deuh alawm le. I zarah hla chham chi tha lutuk ka neih phah leh ta.

Doc_lib: E khai ni mai bik lo ve; i taimakna zel a nih kha. Ti teh, Tuaite damchhunga ka buaipui ve tur hi min lo zawn pui ve tawh tak teh. Ka confi lo tulh tulh mai a….

TSa: Nang chu zawnpui i ngaih ka lo ring ngai lo zawk a. I duh phawt a hnu, kan zawng a niang chu. Kan vengah hian nula fel tak tak an tam mai. An nungchang ka hriat ang ang ka lo thawn ang che nga, chuan i dh ber i thlang ang. An thlalak chu duh i thlan hnuah ka pe chauh ang che. Nang paw’n midang i lo zawng tho anga tiraw…

Doc_lib: Tuaite, i style chu a dangdai leh hle mai a! Lo thawn na poh che; ka che detective viau ang. Tha ber ka lo thlang keuh mai ang. Nia kei paw’n ka lo dap zel ang. Nakum Pkfanai furlough hma ngeiin neih ka duh a ni. A zahawm em mai nupui nei loa mikhual chu ka duh lo tlat.

TSa: Lung ngai suh. Nangmah i zei sa a, tihdan a awm zel ang. Kan nu pawh hi min hmuhsak a nia….i hmu hrim hrim ang.

Doc_lib: A naupang zawk ni mah la, min va han hnem thiam thin tak em aw. Engpawh nise Tuaite ka chhuah a hun dawn tlat mai.

TSa: Chuti mai em ni dawn? Nia, i awm rei ve ta bawk a ni tiraw.. Kan titi tui lutuk a engmah eitur pawh ka chhawp lo che a nih hi mawle. Mahse meizial, kuva, ldt., i ti miah lo va han han chhawp mai tur pawh ka van riau mai tak a…

Doc_lib: Aaaaa…engmah ngai lo ve; inkawm kha a nuam ber. Ka kaah hian nula hmui tih loh chu engmah an leng lo Tuaite….

TSa: Hahahaha….. fiamthu i duh thin mang e! I fiamthu a la sang reng a ni maw.. A nih leh phawt. Nupui lam chu lo lungngai suh ang che aw…. Aduhi paw’n a lo nei lo, ka sawi rem theih che u ka ring tlat!

Doc_lib: Kan phu hlei ne’m anite chu ….. Nih leh phawt le Tuaite…..

TSa: Awle, Awle….mangtha tha…. Min lo tlawh fo ang che aw..

Doc_lib: Teh reng mai. Hman chang changin; i bula awm a nuam thin e! A nih leh phawt le!

Similar Posts:

• Hmangaihna Lipuiah Tuaitea leh Belinda L Sailo
• MSU kan lo ring sual!!
• Tui tla(?)
• HAHAHA
• Thawnthu ho mai mai..

Recent Posts:

• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games
• Sehrep thenfai dan awlsam
• American flag thui hmasaber tu chu tunge?
• mi(sual).com hi!

This entry was posted on Saturday, October 1st, 2011 at 6:35 am and is filed under Fiction, HAHAHA, Lifestyle. You can follow any responses to this entry through the RSS 2.0 feed. You can leave a response, or trackback from your own site.