Kar kal ta Zirtawpni tuka Sairang Kurung luia hmeichhe puitling bawp ding lam chhar chu mitthi pangngai anga sawngbawlin naktukah(Oct 4) vui a ni dawn a, Sairang Dinthar Veng thlanmualah phum a ni ang.
A vui tur hian Sairang bialtu, Presbyterian Kohhran Pastor, Thantluanga beisei a ni a, a vuina programme hi Sairang Dinthar YMA-in an veng YMA Hall-ah lian tham deuha buatsaih a tum a, hetah hian he thihna kaihhnawiha pawimawhna nei sorkar Officer te bakah Central YMA hruaitute leh MHIP hruaitute an tel beisei a ni.
A vuina programme kimchang chu zanin hian Sairang Dinthar veng YMA hruaitute chuan an duang dawn a ni. Mihring taksa Zirtawpni tuka chhar hi Police-te leh Doctor-te chuan enfiahin tih tur an neih ang ang an ti fel tawh a, he hmeichhe bawp hi a chhiat tawh avang leh a en tur ten an enfiah tawh avangin Police-te chuan Aizawl District Magistrate hnenah phum an dil a, hemi chungchangah hian Aizawl DC, District Magistrate ni bawk, Pu Shurbir Singh chuan vawiin khan phalna a pe a ni.
via Zonet
Hetih lai hian Sairang Dinthar Veng YMA chuan, he inthahna kaihhnawiha thil hriat belh tur awm thei a la zawng zui reng a, an Branch YMA President, Pu Thakima hnen atanga thu dawn danin, vawiin pawh khan Kurungah leh Tlawng luiah te mihring taksa them dang hmuh tur a awm em tih mi thenkhatin an la zawng zui zel a ni.
He hmeichhia, rawng taka thah ni-a lang hi tunge ni tih hriatfiah a la ni lo va, a chhungte chinchang hriat lohva awm hmun hrang hranga mi te chuan an chanchin ngaihvenin an in zawtfiah mek a ni.
Puan tawh angin, he inthahna mak leh rawng danglam tak, Mizorama la thleng ngai lo hi Central YMA chuan Mizoram Kristian rama thil thleng atan a rapthlak hle a ni tih sawiin hetianga mihring insawisakna rawng lutuk thleng hi zahthlak a tih bakah a dem takzet a ni tih thu chhuah siamin a tarlang a, tun hnuah hetiang thil hi Mizoramah thleng ngai tawh lo se a duh bawk a ni.
Hetih lai hian, Sairang MHIP Vice President, Pi K. Lalnunthari pawhin heti em em a rawng leh rapthlaka thihna thleng hi an la hriat ngai loh thu leh a titu man chhuak tura chak taka tan la turin sorkar an phut tih a sawi a, mipuite pawh sorkar tawiawm tura ngenin a titu chu an chhung te pawh ni se zep pui lova tarlang turin mipuite a ngen a, hetianga inthahna rawng leh rapthlak hi a ruka a ral phal lovin Pathianin a hailang ni ah an ngai niin a sawi bawk.
Similar Posts:
- Bawngkawn lungrem chim
- SRS ten man pumpelh rih dawn
- Signboard in kawl thleng
- Chaltlang Leh Sairang Ramri Buai
- Kurung Luiah hmeichhe bawp chhar a ni
October 4th, 2011 at 5:33 pm
a that tu hi satalh/butcher a nih duh hmel, a rawng em mai, hmun hran hranah a taksa peng hi, a paih darh vel anih ka ring….RIP!
Report this comment
October 4th, 2011 at 5:35 pm
mizo nula bawp anih leh nih loh pawh hriat theih anilo ang a!
Report this comment
October 4th, 2011 at 5:45 pm
Lungphunah enge an ziak ang le?
Report this comment
October 4th, 2011 at 6:02 pm
Ka lo rindan ve mai mai chuan tualthat tu hian a thah tawh hnu ah, a ruang hi tih riral dan a ngaihtuah anga, a chan darh anih ka ring ve mai mai.
Report this comment
October 4th, 2011 at 6:10 pm
#4 filliz a dam lai chuan chan sawm awm loh tak chu nia
Report this comment
October 4th, 2011 at 6:22 pm
A mak a ni. A dangdai a ni. Bawp lehlam vui hi Mizoram-ah chuan thil thleng khât tak a nih ka ring.
Report this comment
October 4th, 2011 at 6:24 pm
Tu bawp nge anih an hriat hmain an vuiliam anga?!!
Forensic lam an beidawng a, vuiliam an remti tihna em ni ngai?
Report this comment
October 4th, 2011 at 6:31 pm
Ka rinthuah chuan he nu(?) hi motor lian chil anih ka ring deuh tlat! A chilsawm deuh anga, leihlawn atang khan an thlak ani mai thei. Khawiah nge an chil ang tih phei chu ka hre lo, Kawnpui leh RV inkar anih ka ring deuh.
Report this comment
October 4th, 2011 at 6:39 pm
Ava lainatawm ve o… RIP
Sairang khaw mipuite an hah hle mai…an fakawm tak zet.
Report this comment
October 4th, 2011 at 6:40 pm
#8 lrpa, a khelruh(pelvic bone)/malpui ruh ah, chem/hreipui a sahna hnu awm an ti tlat in ka hria, motor chil chu nih hmel loh….
Report this comment
October 4th, 2011 at 6:43 pm
SADISM aia rapthlakah ka ngai. Zoram kaihruaitute hi aw! Rev Chanchinmawia, Vasa …etc., he bawp dinglam phuba hi a la na ngawt ang.
Report this comment
October 4th, 2011 at 6:44 pm
Jack the Ripper
Report this comment
October 4th, 2011 at 6:57 pm
@ drake. An chilhlum hnuah a pherh nuaih kha an sat darh leh deuh ani mai thei ani..
Report this comment
October 4th, 2011 at 7:00 pm
‘A thattu hian khawchhung khawilai in ah emaw that in, a ruang hi ramhnuai a paih a duh bawk si, hnawk tham bawk si hi Bag vel a hnawh len mai theih turin a chan sawm ani mai ang a’ tih ngaihdan te min neih tir!
Ka lainat ngawt mai, R,I.P
Report this comment
October 4th, 2011 at 7:01 pm
lrpa nia, lo chhui chiang leh zual tur in doc_lib ka lo tir dawn nia
Report this comment
October 4th, 2011 at 7:17 pm
A thlalak kha ka hmu tawh a, ka lainatin a rapthlak ka ti khawp mai kan rama thil thleng ah chuan
Report this comment
October 4th, 2011 at 7:36 pm
A rapthlak khawp mai, Thah anih chu kalo ring ve ngawt toh amak tih bak chu sawi tur avang. Sairang khawtlang te fak an phu ngawih ngawih mai.
Report this comment
October 4th, 2011 at 7:58 pm
A chanchin a lar teh lul nen, a thlalak hi ka la hmu ve miah lo.. Hmuh ve mai mai ka duh asin mawle..
Report this comment
October 4th, 2011 at 8:45 pm
Report this comment
October 4th, 2011 at 8:53 pm
Sairang khua hi anfel thin hle mai.. Chhiatna/Vanduaina thlen tamna khua a ni a, an inpekna hi aropui ka ti thlawt ani..
Report this comment
October 4th, 2011 at 9:17 pm
Thah a ni ngei em tih chian hma a sep rawtui chiam hi trul ka ti lemlo. CYMA lah khan an lo dem hmanhmawh leh pek a. Tualthi a nih chuan a demawm a, a nilo mai thei bawk.
Report this comment
October 4th, 2011 at 9:47 pm
Chanchintharah NGO hruaitute khan chansawm angin an rawn sawi piap piap mai a. Finfiahna a awm si lo. Mahse hmeichhe bawp ngei a ni tih chu kan chiang a. Bawp pakhat ringawt vui chu te ka tia. Bawp neitu hriat bawk si loh…
Report this comment
October 4th, 2011 at 9:53 pm
#21, A khel ruh ah chempui or hreipui a sahna hnuhma an hmuh ber chuan Amah leh amah bawp in tan chu a rinawm silo a lawm le
Report this comment
October 4th, 2011 at 9:56 pm
Peeping Tom kha min hriat chhuah tir
Report this comment
October 4th, 2011 at 10:44 pm
Rinthu ve satliah (1) Mizo ni lo, hnamdang, eg: Manipur lam, Burma lam tu emaw thiltih (2) Doctor tu emaw chetvelna, i awih loh leh lo nui mai la, rinthu vek a ni e! (3) Mihring pangngai tak, mahse, a thiltihsual thup tuma phusa vel (hriatchhuah a har mai mai ngawt ang) (4) Nia, motor lian chilhlum.
Tu bawp nge ni ang? Khulam Lengpui Road velah khuan hmeichhe bo an sawi hnaivai lova. Aizawl leh a chhehvelah hmeichhe bo dang sawi a awm lo bawk a. Tunlaia bo lar ber chu Aizawl West College zirlai nula bo kha a ni. A bo lai khan a rai tih an sawichiang tawh a. Tin, a pa ngeiin ‘bawp’ hi a zuk en tawh a, a fanu ‘bawp’ anih leh nih loh engmah a sawichiang ngam bik lo tih chanchinbu lamin an tarlang.
Hetiang hian thawnthu (thawnthu liau liau, Phuahchawp Burma Dr. phuahchawp liau liau, chawngkhum dan tlang huat loh) han phuahpawlh ta vel ila — College nula a rai, a bo hmak, thapui thawhin mipuiin an zawng luih luih, a hniak pakhat pawh an hmu zui lo! A college luhna bul maiah chuan Doctor tam tak thawhna hmun office lian tak a awm. A bo hnu kar engemawzah ral hnuah a bawp a rawn lang ta nawlh, zaichhum hmawk a ang hle… te han ti kual vel ta ila, a ngaihnawm ve duh fu lovang maw? BEST SELLER, eh!
Report this comment
October 4th, 2011 at 11:19 pm
Motor chil hnua sah-sah hrim hrim-thah hnua tu tih hriat loh tura phel darh vek-a rawng fai vek a ni ber.
Pathian pawn thup reng rem a ti bikin ka lo khawp mai.
Report this comment
October 5th, 2011 at 7:47 am
Mizoram police ho hi hetiang leh khabu hi zirtir in ngai anih hi.https://i51.tinypic.com/beg1fm.jpg
Report this comment
November 2nd, 2011 at 5:40 am
skybay…
[…]Sairang YMA in hmeichhe bawp ding lam an chhar kha vawiin hian an vui liam ang | mi(sual).com[…]…
Report this comment