Hun leh ni te an liam zel a, kum thum vel chu a liam leh ta, thlalak hlui deuh tawh mai hi ka hai chhuak a, a bulah chuan chuar tawh leh hlui tih hriat fahran mai hian ung deuh thual tawh a awm a, chuta in ziak chu heihi a lo ni a ‘Bawih ka damloh hi i hre miahlo tih chu ka hria mahse i hriat ka duhlo, a chhan chu i hriat kha” tih a in ziak a thlalak en pah chuan.
Kan hun hlui tawh tak tak te chu ka thlir kir vang vang a, kan in hmuh hmasak ber kha chuan kan la naupang dun em em a, Senior Dept nih lai in kan in ngaina in tleirawl tawng takin ‘kan ni a’ School te kan kal dun a, a pi bulah hian a awm mai thin a, an khawsak chu a sang em em mai bawk a, nuhrawn a hrawn vang hian a awm duh lo a, a nu leh pa te bulah chuan, Govt. High School ah a kal a kei lah Chaltlang High School kan ni bawk si a kan kal rual thina.
Kan pen hran dawn te hian ‘ngaihtuahawm in awm suh aw’ a ti thin a, a nu lian lo em em a, mahse a ngainatawmin a taima em em tih chu ka fakna lo ni ve se, a hmeltha em em bawk a, a luck thei em em mai bawk a tih theih ang. Kum thum vel lai kan inzui hnu chuan, kan lo in ngaina in kan lo inkawm zing ta em em mai a, kan la naupang ang reng bawk nen, mi pawhin he kan vanduaina tawh ang hi chu an lo tawk reng thin a, nau a pai tih kan hre ta a kan sawi chhuak ngam silo, kei lah Class XII chauh ka la ni bawk si, rilru a va hah duh tak em, a pi hriat kan hlau bawk si a.
A pi hian a chhuang em em mai a milian fa lo leng te hi a sawipui chiam mai bawk sia, rilru a hah duh ngei mai, mahse ani rilru thianghlim tak ka tan a hlan char char tih hriat theih in a awm bawk si a. Ka hmangaih em em a, a ni pawh in min hmangaih tih chu hai rual a ni lo, chutia a rai tak si chuan tihdan dang kan hre silo, nupui neih ka la ngam silo a, thenrual te leh kan veng nu leh pa ho te hian ngaihzawng ka neih tak tak hi an ring ngailo bawk nen ka zak rilru ve em em bawk a.
Mahse hmeichhia tih khawngaihthlak ka duhloh vang leh ka hmangaih em avang chuan kawng kan ngaihtuah ta a, a thiante nen in hmukhawmin tihdan tur chu kan ngaihtuah ta a. A hunlai chuan a vai film khawp mai, uniform kan hachhuak ta a, bag ah thawmhnaw dang kan keng ta a, kan in hmangaihna chuan pawisa kan tuak dun ta kha a nia, a zungbun leh thi velte chu kan hralh ta ngawt mai a, chuan chhungte pawh hrilhlo chuan Shilong lamah Caravan Bus ngei mai chuan kan tlan ta.
Khua a vawt khawp mai a, Night Bus chuan kan in ngheng rial mai tukverh zawnah ka thut tir nghe nghe a, khawthim tan tur chuan lung a ti leng hle mai, ni tla tur chu a mawi em em mai bawk a, thli fim rawn thaw lut in a sam a rawn chhem che a, kan hui kiang sak vel a, a khat tawk hian kan fawp leh thin a, ‘Ka pi ka hlau e…’ ti a an tawng chang chuan ka hnuk a ulh teuh thin a, ka in ti pachang leh thin a, zan tlan kan ni bawk a, a shawl kan sin dun a, ka lung a va leng tak em……………..!!!!
Zing khua a lo var dawn a eitur kan lei sa te chu a lo zo tawh a, Ali Kudam kan thlen chuan Vai ho thingpui kan in a khua a vawt tawh bawk a, kan thaw khu rum2 mai a, kan motor chuang chau deuh chu khawchhung luh hma chuan ka awmah beiin a chhing sek a. A chau ve em em mai tih chu a hmuh theih a, ka kuah vawng vawng mai a, khawchhung kan lut a Hotel velah chaw kan han ei puar te te a bag lian vaklo pahnih vel nen kan kal ve tawp kha a ni a Hotel vel en turin Police Bazr lam kan pan ve ta a.
Police Bazar a Hotel Embassy ah chuan kan lut ta rawih mai a, kan mu nghal deuh char char a ni mai kan chau lutuk chu, tlai lam ani a kan han in ti harha kei lah vairam la kal ngailo ka ni bawk a ka hawi hu hu mai a, a ni chuan min hrethiam tak in min hrilhfiah zela, a chungah khan ka lawm em em a thil pawh ka zir chhuak nasa a ni a bulah chuan. Ka hritlang satliah te pawh a ni chuan min awmpui chawt thin kha a nia, zan kan han mu a zing khua a lo var a, Parva thlawk te leh Choak te chuan lung an ti leng hle mai.
Happy Valley vel te chu kan fang vela a nuam khawp mai. Engpawh chu nise hna thawk silo chu kan sum neih a lo tlem ta hle mai a, karkhat vel kan cham tih chuan ei tur kan nei ta lo mai a, Night Bus Driver ho Aizawl lam mi chu kan hmelhriatte an lo awm hlauh mai a, kan chhungte an lo hrilh a, namen loin min lo ngaihtuah viau mai a, kan in lamte an kal a, kan awm bawk silo nen, Aizawl lama kan chhungte ve ve chuan Driver pakhat hnenah chuan kan haw man tur leh ei man tur zawng zawng pek min lo pek sak a chuan haw tur chuan kan in tin tuah ta a. A ruk tak chuan ka hlim veng veng mai innei mai tur kan ni tawh si chu, ngaihtha tak chuan kan chuang haw ve ta a, Aizawl kan lut tur chu ka zak rilru ve lutuka ka la naupang bawk nen kum 18 chiah ka la ni a, a ni pawh kum 16 vel a ni a, khua a lo var ta a, Aizawl chu kan lo lut ta a, Taxi in kan in lam chu kan pan ta a, inah kan lut chu min lo chibai hlawm a, ka zak ve lutuka.
Tichuan, remlohna dang a awm tak loh ah chuan kan han innei dawn ta a, Van duai thlak tak maiin kan inneihni hma chuan, an in lama awm laiin nau a lo chhiat hloh mai a, inneih chu kan thulh duh ta lo a, kan ti tlang ta a, a pi te chuan min la duhlo reng mai a lo ni in, an in lama kal chang a awm a, riah changte pawh kan nei ta zel a, kan inhmangaihna chuan a chhungte a kalsan ngam zel a. Keimah ka rilru hi a puitling lo em em mai a, kan in a a rawn mo hlim luh hmasak ber a, ka nu leh pa te an ko hmasa ber te khan ka rilru a va hneh tak em aw, an seilenna lamah chuan hausa viau mahse unau pahnih chauh an ni a hmeichhia ve ve an ni a, a u zawk hi a lo khawvel baawk nen, ka hmangaih zual em em a, a fahrah ve em em mai a, ka nu leh pa te pawn an ngaina em em mai a, Pathian zarah Thla 6 vel kan inneih chuan Naute pawh a pai ve leh tran a.
A chhungte leh a pi a hlauh em em chuan rilru tha a la pu thei meuh lo a, Naupangte a innei kan nih a vangin kan in ngai em em a, ka hmangaih che tih hi kan sawi banglo a, mahse inhauh chang a awm zeuh zeuh thin a, kha mi lo hriat tum ran hian a chhungte chu an awm a ni ber, phone atangte hian ‘lo haw rawh’ tha deuh midang i hmu tho ang’ tih ten an lo ti thin a, keini dinhmun chu inkhawm thlahthlam ngailo kan ni si a, rilru a va buai thei em, inkhawmte chu kan nu chuan a peih lutuk an chhungkhurah chuan.
Tichuan, thla ruk kan inneihna kan hmang mek lai chuan a pi te thlemna chu a dang zo lo nge, a tlan ta a, kan au a, mahse a pi ten duhmiahlo turin an vau tlat mai a, ka rilru a na em em, ka ngai a, a duhthu vang nilo a khatia a awm pawh kha a thiante ka atang pawn ka hre vek a, ka ngai a ni, phone a kan inbiak dawn lahin a pi ten an veng tlat mai bawk si a, a mittui a tla reng tih pawh ka hria a ni, rethei leh hausa inkar hi zim se ka va ti thin em.
Chutianga kan awmlai chuan, rilru natna ka tawng ta, a chaw ei theilo in entir kha, a pasal ber min hrilh miahlo in, ‘nau a chhiat’ an tih kha an lo tihtlak tir a lo nia, ka rilru nat zia kha aw, engkim tihfel hnu ah nau a chhiat min rawn tih khum chu a na a ni, mihring tawrh atan chuan a na em em a ni.
Ka thinrim chu an in lam ka kal a, tap zawih zawih a a awm ka hmuh chuan ka rilru hi a na asin, kan inneih thlalak a kawl ang zawng zawng an lo paih sak bawk nen, ka hmangaih ka nupui duhtak hi a va khawngaihthlak em! Ka pa hi Cancer in a na a a boral lai pawhin a pi nen an lo kal a, ka pa ka sun nen, a ni pawh a tap hawm hawm a, a pi chuan a hruai haw hmak a. Mahse in ti mipa ve deuh takin kan awm lui a ‘chhungte i hlauh vang’ ka tia ka vau deuh bawk a, ka be duh ta lo a, ka be ta lo reng a ni.
Chutia a chanchin reng reng ka hriat loh avang chuan ka theihnghilh thei silo a, Damdawiin ah a lo awm reng a, a thiante ka zawt a engmah an sawi thei bawk silo, ka buai rilru em em a, kan inruk champha zingah chuan Information mike ah Ka nupui ka hmangaih em em inneih certificate ah pawh a hmingpum ngei mai an han puang chu ka thu hnawk a, ka nu in min rawn kuah a kan tap dun a ni mai.
A pi ten ka chunga ka fa thleng an paih tawh karah heti hian ka awm leh si hi mak ka ti a ni, vanduaina hi ka tawrh tur renga ami ka ti thin, ka nu nen chuan an in lam panin kan kal ta a, an in kan thlen chuan min lo kian sap sap a, pangpar ka ken leh kan inneih thlalak ka ken chu ka dah a, a hmel kan en a, a la ngai reng si, a sam tlem kir ka fak thin pawh a ngai te in a la awm, a kut ah pawh inneih zungbun ka bun tir ngei mai kha a la bun a ni, ka thu hnawk a, ka hawi a tumah min hmu ngam an awmlo ni awm takin in hup chungin hmundang min hawisan, mipa mah ni ila ka tap nasa a ni, damchhunga ka hmu tawhlo tur ka ngai ngamlo a ni. Ka pa nen khan an inkawm nasa lutuk a, ka pa thlan bul chiahah an zalh ve ta a, khawvelah hreawm takin nun a hmanga a nun tawi lutuk kha ka nu pawh a tap reng thin, ka nu in “Ka fanu i nun a va tawi bik ve” ti a a chham kha ka theihnghilh theilo. Ka nun hi a chawhnu ruih hian ka hre tlat a inkhawmte ka peihlo zo a, ka in uluk loh phah a, ka pa thlan ka hmuh hian a bulchiah ah a lo awm ve a, ka tap thin a.
Mi hausa leh reithei inthliarna hi a thatloh zia chu a lang chhuak in ka hria a. A hnu lawkah a pi a boral nghal a, chumi thlakhat ah, a nu leh pa an boral nghal a, a pate a a chhunzawm a, a u lah engmah ni tawhlo, ka tawngtai nasa khawp mai Pathian hnenah an tan a chhungte tan, Pathian hian min hria a ni tih hi ka chiang a ni, mahse an tuar ve zela ka khawngaih zawk a ni
(Y)
October 5th, 2011 at 6:34 pm
chhiar ang 😀
October 5th, 2011 at 6:36 pm
@Ms.littlelaskar hei artikul sei deuh, min lo zui la, han phrawvuak rawh lem 😛
October 5th, 2011 at 6:42 pm
drake hi hman deuh sual deuh a nih dawn hi!!Hmeichhia hi an chimawm poh leh an lwmwm ka ti (Y)
October 5th, 2011 at 6:42 pm
A va han sei ve mawle, lungchhiat em em tum pawhin a theih hlawl loh :-S
October 5th, 2011 at 6:48 pm
Lal DRAKE chhe viau teh suh lolz
October 5th, 2011 at 6:51 pm
Drake ka phrawvuak dawn chei. A naupang tawngkam lek lek i ti em?
October 5th, 2011 at 7:00 pm
@thingtlang pa min ngaisual vel mai mai te ni lo maw? 😛
Mood a phiamthu laklawh tlat today chu 🙂
October 5th, 2011 at 7:08 pm
Ekhai aw… True story a ni angem le? A lo ni mial anih pawhin thawnthua thleng thin a ang hle mai. Rilru a va khawih ve!
October 5th, 2011 at 7:17 pm
A ngaihnawm hle mai, ka chhiarchhuak e
October 5th, 2011 at 7:20 pm
tum lo deuhin a tawp lam a trangin ka chhiar a, ka chhiar chho zel a, ka chhiar zo thak. Mittui parawl kuang thei a lawm
“ka in ti pachang leh thin a, zan tlan kan ni bawk a, a shawl kan sin dun a, ka lung a va leng tak em……………..!!!!”
Ka va han khawngaih che em aw!! a natdan tur hi ka hrethiam ve lo zawk a ni.
BTW, in veng a in ang a mi, a thih an puan a i hriat mai dan ah khian
October 5th, 2011 at 7:40 pm
Va ngaihnawm leh rem rem ve. True story a ang tlat. Fa ten an rilru zawng zawng a an hmangaih hi chu, a pawt then zawng ni lova, puitling tak a pawmthiam hi a tul ngawtin ka hria. Mi hausa tan phei chuan an hausakna kha engatan nge hman tur nge ni ang? Fate chhawmdawl nan leh chhungkaw bultan sak nan a ni dawn lawm ni?
October 5th, 2011 at 7:43 pm
Ka true story chu a ni meuh mai trawngkam ka thialo a, ka thluaithlum thiamlo a ni mahse, zanlai dar 1 lh dar hnih inkar vel chuan mittui a sur zual bik a ni ka tan chuan
October 5th, 2011 at 7:45 pm
PK Fanai i sawi dik ka ti khatiang rilru kha pu se ka va ti em…………… ka ngai vawng2………….. ani
October 5th, 2011 at 7:48 pm
He thu hi ka nuna thil thleng dik tak true story a ni e, ka khaua har leh ngaihtuah chhuah piang hian a lang thin a
October 5th, 2011 at 7:56 pm
Rilru a khawih kher mai. Pathianin awmpui che rawh se.
October 5th, 2011 at 8:12 pm
a van ngaihnawm em em ve le ka van khawngaih zawk che nangpoh!!! hrehawm khawp ang mawle
October 5th, 2011 at 8:14 pm
ka tah te ti chhuak e a ;-( ;-(
October 5th, 2011 at 8:31 pm
Hepa hi nangmah i ni em? Ilo ni anih chuan pawm thlawp che a tah pui hawm hawm che ka chak… rilru a khawih hle mai. Rethei leh hausa inkar zau ta luttuk hi chu a pawi ani….ala zau belh zel dawn chu ani sia le(h)!
October 5th, 2011 at 8:44 pm
ka va khawngaih che ve true story a nih chuan, i chanah ka han in dah chhina mittui a tla thei mai dawn lawm le, ka khawngaih khawp mai che
October 5th, 2011 at 8:46 pm
Thil runthlak tak a nih khi. Ka chhiar tui phian a, lung hlui a leng mai dawn alawm le.
October 5th, 2011 at 8:47 pm
@Rajnikant Chhangte, suangtuahna mai atanga lo ziak chhuak ni zawk la ka tihpui hle mai che. A taka tawn atan chuan a na a nih hi le! Thawnthu phuahchawp atan ka duhpui takzet che… a bak ka sawi thiam lo.
October 5th, 2011 at 8:55 pm
Ka hriatthiam pui chein ka inhria. Khawvel lama tlan chiama mahni leh mahni intichhe thak khawpa tlan lim pur pur hi thil awl za te a ni fo thin. Mahse nang chu Pathian zarah, chuti ang chuan i tal lo ang tih ka ring a, hlawhtlinna ropui zawk i neih phah ngei pawh ka ringin, ka duhsak a che.
October 5th, 2011 at 9:15 pm
chhiar nuam hle mai.. (Y)
,
,
October 5th, 2011 at 9:17 pm
i va lo khawngaihthlak ve mawle…. mahse, hun hian thinlung na a tidam ve thin ania aw… Pathianah damna famkim chu a awm….
October 5th, 2011 at 9:25 pm
@Rajnikant, khawvela vawikhat i lo pian ve mana hetiang teh hrepa nunkhua i hmang hi hrehawm ka tihpui hle mai che. I true story a nih chuan tunlai hun thleng pawha hetiang thil la thleng hi a mak ka ti. Chapona hian hnuai lam a hmu thei lova chung lam hlir a thlir thin avang leh he khawvela thil thleng tam zawkte hi chulai hmuna thleng thin a nih avangin hmuh hmaih tam tak a nei a, a chapona avangin hmuh a tum ngai na hek lo.
Hun liam tawh hnu avanga Rih-ar tui phur ang mai kan nih erawh chuan he khawvel intlansiakna-ah hian a hnukhawiah chaurau ek kan thai mai thin.
October 5th, 2011 at 9:31 pm
I va khawngaih thlak letling zawk ve…
October 5th, 2011 at 9:36 pm
I thil tawn hi mumang han ni zawk se, han thanharh san hlawl mai la aw…!
October 5th, 2011 at 9:53 pm
Peih lo chungin ka chhiar a, kan chhiar zawh vek chu le. I thil tawn chu a runthlak hle mai.
Hunin ala liampui ve chek ang chu.
October 5th, 2011 at 10:14 pm
tui lo deuhin ka chhiar chhuak. tunlai khawchhak film lettute hri chhia i kai ve a nih hi. Thu inluhthelh a tam. (A hmasa tur a hnunga dah.) Punctn. i uluk lo kher mai. (kan senior-hovin an chuk hrep mai ang che..lol) KTP inkhawma ka thusawi hmasak ber tuma ka thian pakhatin fiamthua a komen danin hnu ka’n khar a nge..”Readers Digest editor chuan i sawi aia chiang leh fiah zawkin tlar 10 velah a chhuah thei ang..” engpawh nise.. .’chawl lovin ziak zel rawh. ziak ziak mai rawh..ho leh te lua a awm lo..ziak zel rawh..’
October 5th, 2011 at 10:21 pm
Post hi a sei lutuk chuan ka chhiar huphurh thin 😀
October 5th, 2011 at 10:37 pm
A va ngaihnawm lungrun ve le…thil thleng tak2 atan chuan ana lua ani e.
October 5th, 2011 at 10:52 pm
@ Rajnikant Chhangte True story ni lo se ka va ti em… 6th- 9th para vel in a i lung a tih len dan tur chu ngaihtuah ringot pawh in hnuk a ulh thei mai don lom le…. 80% vel chu hrethiam ve phak in ka hria..
Khawngaih in i email min lo pe thei em o.. thil dang daih, hemi kaihhnawih ni tho si ah biak che ka van duh em!!
October 5th, 2011 at 11:01 pm
I la naupan teh lul nen i tawrh a tan chuan ana tih mai loh chu sawi tur a va vang em ka khawngaih lutuk che.P-thian in nupui fel tak a pe tur ah che i ngai ang,P-thian hnaih phah nan i nun i hman ka duhsak che.
October 5th, 2011 at 11:05 pm
Eh,.kha ansawipa kha nang hi ilo nimaw,..han ti mai ila chu{h}..
Hmangaih tak nen inthen awmtawhlohna ram ah chatuan in inla leng dun alawm..
October 5th, 2011 at 11:21 pm
A va na dawn vawng vawng em . rilru a khawih hle mai . ;-( ;-( .thil ho te ah pawh i hrechhuak fo awm si a . .Pathian in awmpui che rawh se .
October 5th, 2011 at 11:40 pm
Inkhawm thlahthlam ngailo chhungkua niin i insawi in ka hria a..tin, kum 18 leh 16 vel choh in nih lai,in in ngaihzawn laiin sex inhmang ngeibawk a…inthiamloh na ineih lanna chu “zak” tih choh khi ani mai a…i khawngaihthlak a,.a nattur zia ka hrethiam a,..ka dem bawk che..
October 5th, 2011 at 11:49 pm
I va ziak thiam ve….Lekhabu (Novel) lam timi i ni dawn chiang.
October 6th, 2011 at 12:19 am
Rajnikant ka khawngaih hle mai che, a lungchhiat thlak ngei mai.
October 6th, 2011 at 12:37 am
Heti khawp hian i ziak lungkuai a, kei pawh ka ni deuh hnup tawh a-‘dawt vek’ min tihsan leh si vaih chuan ka melh rum rut dawn che a nia aw (H) .
I ziak ngaihnawm hran lo, a story hi a ngaihnawm thlawt thung. Thu i thiam hran lo a ngaihnawmna hian a khuh vek thung. Hei ai hian tawngkam lungkuai zawk han hmang mai phei la chu-patling zan dar12 hnu lamah kan men deuh pur thei maithei a sin 🙁 .
October 6th, 2011 at 1:30 am
#39 (Y)
October 6th, 2011 at 1:32 am
A ngaihnawm hle tak mai a.. Ka naupan lai a ka thil tawn te pawh min hriat chuah tir e. Hei aia tawngkam thiam in ziak phei selang chuan a let tam in lung a kuai lehzual ngei ang. Hmangaih ber nen hun reilote tal i la khawsa thei a, malsawm na tam tak i dawng tho a nia.
October 6th, 2011 at 2:32 am
Ka chhiar zawh chiahin a tawp i khar dan khi a lutuk deuh em aw ka ti a. Amaherawhchu, comment lamah ‘true story’, i hringnuna thleng ngei a nitih ka hmu leh si a. Mak ka tiin ka rilru a den dan pawh a thuk zual khawp mai.
Harsatna hian tumah min kiansan lo. Hringnunah hian nitin zirlai thar a rawn awm a, chu chuan a zirtu a zirin hringnun hi min khalh ngil fo thin.
I mittui chu a tla ang a, a tla leh fo thin ang. Ka hrethiam che. Chu mittui chu hmangaihna atanga chhuak a ni tlat si. Hei erawh i hma lam hun atan lo hre ve reng rawh aw. Chhimbal mawi tak khi hmangaihna atanga lo awm a ni a, Pathian mittui atanga siam ni hialin ka ring. Pathianin ama anpui ngeia a siam mihringte chu tuilet hmanga a tihboral khan(Nova te chhungkua tih loh) remna chhinchhiah nan chhimbal a zam tir a. Chuti angin nang paw’n i nupui sun tak, i dam chhunga i hmuh leh tawh loh tur nena in nunhlui chu inhnehtir lovin, a inkarah i hrehawm tihna/mittui tam tak i sen tawhna khan remna chhimbal chu zam tum zawk ta che. (ka pehhel lutuk lovang chu maw)
October 6th, 2011 at 3:03 am
True story a nihna ngei khian kei chu ka rilru a khawih asin! Phuahchawp mai mai chu ni se la ka rilru a khawih kher lo mai thei a ni. Achhan chu lungchhe taka á¹ap hawm hawm hi chuan lung an tichhe ve thei a, á¹ap der hi chuan rilru an khawih mawh deuh. In inhmangaihna chu a kuhmum aá¹anga mawi taka parfung a chawi dawn lai takin thliah vuaiin a awm ta a nih hi le! Ka khawngaih khawp mai che. I thil tawng ang tawng tur erawh khi chuan i ruh a la no deuh chu a ni. Tuar dan erawh i thiam chho zel turah ngai ang.
Chhungkaw khawsak inang lo nih avanga nu leh pa ten inhmangaih tak an fate an pawt á¹hen ringawt á¹hin hi chu a runthlak á¹hin ngawt mai..
October 6th, 2011 at 3:28 am
Ka chhiar a,ka chhiar zel a,ka hnuk a ulh a ka mitui a tla. A va han runthlak ngai ve le aw….. ;-(
October 6th, 2011 at 8:27 am
A ngaihnawm lungchhiatthlak hle mai. A chipchiarin ziak la, lehkhabu tha tak i chhuah thei dawn a nih hi.
October 6th, 2011 at 10:22 am
Ziak tha hle mai a..min veldawn a lawm- ka khawngaih lutuk che(true story i ti bawk a). ka tawrh nise awlsam tak chuan ka tuar chhuak mai bik lo ang. a ngial a ngan a i ziah hian chhiar a ti nuam a,i ziah kim ang hu in a sei ka ti hran lo.vawi2 kan chhiar chhuak e.
Rajnikant misual.comer tha tak i ni dawn zeldawn nia.
October 6th, 2011 at 11:35 am
a va han ngaihnawmin avan lungchhiat thlak ve le..khawvela kan awm chhung hi chuan mi lian leh te hi kan awm reng dawn chu ani si a…famkimklo khawvel hian thawnthu (real story pawh) lungchhiat thlak tak2 min pe reng mai a nih hi maw…life experience threuh2 hi alo inkhirh hleih theih khawp ani e..
October 6th, 2011 at 1:28 pm
thil hlui te pawh min tih hriatchhuah tir lom le… i lainat om hle mai, hmalam panin kawppui tur tha tak i neih ngei nan duhsakna ka hla ache…
rethei leh hausa in kar chu a la zau tawlh dawn sia o
October 6th, 2011 at 3:27 pm
I m just crying….dont know wat to say to u…
October 6th, 2011 at 3:50 pm
Rajnikant a tap tlat a serious aniang. heh
I tawng vanduai bik hlemai, an materialistic ve bawk anih chu a pi te leh a nu leh pa te chu. Nau tih tlak tir em em khawp pheichu a sual thlak ka ti.
October 6th, 2011 at 4:41 pm
“Ka fanu i nun a va tawi bik ve” he thu hian ka rilru a khawih khawp mai….
October 6th, 2011 at 4:54 pm
Ngaihnawm, lungchhiatthlak a nih ber hi
October 6th, 2011 at 7:25 pm
A lo ni maw..Ka khawngaih hle mai che..Thihna nunrawng takin i hmangaih a hruai lui lai a i Nun mangang tur chu..ngaihtuah ngam pawh a ni lo..Pathian bel zel ang che..
Good Post
October 7th, 2011 at 3:28 am
Vala hi ka inrin hmain ka mittui a lo tla hman pek a.
October 7th, 2011 at 8:14 am
Ka hun tawn hi tuma chungah chuan thleng lo se ka ti tak zet a ni, Krismass a lo hnai leh tawh a………..
October 16th, 2011 at 1:01 pm
I va post tha ve
March 29th, 2012 at 7:17 am
In mi lainatna zawng zawng leh in thu min chahna te ka lawm lutuk…….
October 2nd, 2012 at 6:35 am
tun thla liam ta tawp lam khan, Sept 2012 anih chu khan, a pa te unau zinga dam awmchhun chuan zu vangin khawvel a chhuahsan leh ta, ngaihtuahna thui tak min neih thar tir hle a ni, khang hun lai khan………. sawi zawm lo mai teh ang