RORELNA NAMBAR PAHNIHNA.
1. Rorel sakate – Ringtute
2. A hun – Kohhran lak chhoh hnuah.
3. A hmun – Krista rorelna thutphah hmaah (boruakah)
4. Rorelna thupui(Agenda) – An hnathawhte
5. Thu tlukna – Lawmman dawn emaw chan emaw a ni.
Hemi rorelna hi Nakinah tur a ni.
“Mi tinin taksa thiltihte, a chhia a thain, kan tih ang zel a kan hmuh theuh theihna turin… kan a wm vek tur a ni si a,” II Kor.5:10)
Hemi bungah ngawt hian “kan” tih hi vawi 26 a chuang a, a vain Ringtu aiawh vek a ni. He lekha thawn hi Korinth khuaa “kohhran” leh “mi thianghlimte hnena thawn a ni a, chuvangin heta rorelna hian Ringtute chauh a huam a ni. Rorelna chu Lalpa lokal hunah a ni ang a, (I Kor.4:5), a hmun chu “boruakah” a ni (I Thess.4:17) Krista rorelna Thutphah hmaah a ni. Chhandam leh dam loh tur fiahna a ni lo va, mithianghlimte (chhandamte) chauh rorelna a ni. Sual rorelna a ni lo va, “Hnathawh” rorelna a ni zawk. He rorelna thu hi I kor.3:11-15 ah sawi a ni. (chhiar ang che).
KHUMTIRNA NI.
Greek intihsiak hote chuan an intihsiakna an tih zawh chuan lawman hmutu turte chu Roreltu thutna sang taka siam hmaah chuan an lo kal khawm a, chungte chuan Olive hnaha siam “Lallukhum chhe thei” chu an hmu a, thenkhat erawh chuan lawman an hmu ve zo lo va, Hnehtu Lallukhum chu an chan a ni. Mahse engmah hremna chu an chungah a tla lo ve, hnawhchhuah pawh an ni hek lo.
Thuthlung Thar chuan Lallukhum panga a sawi a, chung chu hengte hi an ni:-
1. “Nunna” Lallukhum.
Hei hi Martar Lallukhum a ni a, vawi hnih sawiin a awm, (Jakoba 1:12 leh Thupuan 2:10 hi lo chhiar ang che).
Hetah hian thih “hma loh chu”, a ti lo va, thih “thlengin” a ti zawk a ni. Zam lovin Martar thiha thi khawpa rinawma awm reng tur a ni. Zam chu boralna chu ni lovin, Lallukhum channa a ni. Hei hian hrehawm nasa tak huna Martarte thu a sawi a ni.
2. “Ropuina” Lallukhum.
Hei hi Beram vengtu Lalberin a lo kal huna a pek tur “Upa” emaw, “Pastor” emaw Lallukhum chu a ni. Amaheraawhchu “Hlepna bawlhhlawh” duh vang emaw, “Pathian mite chunga intihlalna” nena rawngbawlna avang chuan hmuh a ni lo vang. (I Peter 5:2-4)
3. “Lawmna” Lallukhum.
Hei hi Krista hnena Thlarau bo hruaitute Lallukhum chu a ni. Isua hnena kan hruaite chu A lo kal hunah chuan, Kan “Lawmna Lallukhum” an ni ang. (I Thess.2:19-20; Phil.4:1).
4. “Felna” Lallukhum.
Hei hi “A lo kalna ngaitu” Lallukhum a ni a, chu mi ni- A lo kalna ah chuan pek an ni ang. (II Tim.4:8).
5. “Chhe thei lo” Lallukhum.
Hei hi “Hnehtu” Lallukhum a ni, chungte chuan “an taksa an thunun a” (I Kor.9:25-27), Khawvel hlimhlawp leh nawmna lakahte leh ruih theihna lakahte an taksa an vawng thianghlim a ni.
A lo kal huna zaka awm kan duh loh chuan (I John 2:28) kan taksa hi I vawng thianghlim ang u, tichuan Lallukhum chu kan nei ve ang.
Thu lakna:Thlarau leh nunna Edited by Rev.R.Ruala. July1953.
Similar Posts:
- Rorelna hrang hrang 5 (panga) te.
- Hun hnuhnung;
- I vanglai hian i siamtu hre reng rawh
- Krista Lehkha
- Mitthi vanramah an kal nghal thei em?
(Y)
October 7th, 2011 at 12:03 pm
Comment closed chu, “Opened close comment” a ni tawh maw hairehai
Report this comment
October 7th, 2011 at 12:06 pm
sawi zui tur tehchiam a va awm lo ve
a tha e
Report this comment
October 7th, 2011 at 12:06 pm
Ka post hnuhnung ber kha a comment theih loh a, heipawh hi ‘comment off’ a ni leh char char a, ngaih a tha lo hman a lawm le. Ka computer/net lampang technical failure em ni aw? Tih ka lo ngaihtuah rauh rauh a.
Report this comment
October 7th, 2011 at 12:06 pm
Report this comment
October 7th, 2011 at 12:09 pm
post tha tak ani
Report this comment
October 7th, 2011 at 12:21 pm
Ka dawn ve phak tur awm reng reng a tel ve lo ka ti. KHAWNGAIH mark min pek phal hlauh erawh chuan rorel sakate zingah hian ka tel ve mahna le.
Report this comment
October 7th, 2011 at 12:42 pm
Ngaihnawmin a bengvarthlak hle mai. Tirhkoh Paul-a anga “Felna lallukhum chu ka tan dahin a awm…” han tih theih ve a va chakawm em!
Report this comment
October 7th, 2011 at 12:56 pm
@ 6. Kan Lal Isua ngeiin, “Tupawh ka hming avang a tuisik no 1 pe chuan a Lawmman a chan hauh lovang” a tih kha a. Pathian hming avanga Lalpa chhiahhlawh te, mi rethei tanpui ngai te hnen a kan thil tih engkin hi chhinchhiah vek a ni a, a hu tawk Lawmman eng eng emaw chu hmuh tur kan nei theuh ang chu. Amaherawhchu, he leiah krista hming avang a hrehawm tinreng, retheih, tihduhdah tinreng tuar a, Thlaraubo krista ke bul a rawn hruaitute lawmman zawng a ropui deuh lo thei lo vang chu.
Report this comment
October 7th, 2011 at 1:04 pm
Lukhum dawn ve tur awm a va vang duh ve……
Report this comment
October 7th, 2011 at 1:44 pm
Tun nilai (otober 5th 2011) zan khan keini Mizoram Presbyterian Kohhran chuan ‘RINGTUTE CHANVO’ tih thupuia neiin kan zir ho a, tahchuan- lallukhum chhe thei lo (1Kor. 9:25-27), felna lallukhum (2Tim.4:8), lawmna lallukhum (1Thess.2:19,20), ropuina lallukhum 1Pet.5:1-4), leh nunna lallukhum (Thup.3:20) tih te hi sawi lan an ni a. Sawi ho tur point hnuhnung zawkah chuan- Lallukhum hi tunlai mite rilruah a tlak dan eng nge nia kan hriat? tih a awm bawk.
Hetia kan tarlan deuh kher chhan chu Kumpinu sorkarin min awp lai huna kan pi leh puten lallukhum an ngaih ropui ang khan, tunlai chhuantharte hian (lallukhum hi kan hmu tam tawk ta vak lo bawk nen,) kan ngaihlu ta vak lo riau ni te hian a ngaihtuah theih ta rum rum mai. Engpawh nise chatuan nunna tal hi chu ngaihthah lo phawt mai ila a tha ang e. Kan thiltih ang zela lawmman min petu tur chu kan la hmachhawn theuh dawn si a.
Report this comment
October 7th, 2011 at 2:50 pm
Sawi belh tur ka nei tlem kher mai, pawm a nuamin a hahdamthlak e.
Comment off kha i tih luih emaw ka lo ti mai a sin.
Report this comment
October 7th, 2011 at 5:33 pm
A sang em a, ka phak lo a ni !
Tu tihdan emaw vanramah hian lal-lukhum (crown)hi mi zawng zawngin an khum chuan a hlu vak lo ang em, khum tum vek kan ni hlawm awm si a? NOI
Report this comment
October 7th, 2011 at 10:18 pm
Post tha khawp mai-kan tuipui vek phak lo deuh chuan ka hria.
Report this comment
October 7th, 2011 at 10:35 pm
Vakul, nia Pathian thu zir leh a tui mi ve hrim hrim tan lo chuan. a boring-in a complicate lutuk deuh niin ka hria. Part-3, 4 leh 5 te pawh ka chhu vek tawh na a, part 3 leh 4 phei chu, ‘Juda te chunga rorelna’ tih vel, kum sang rorel vel bawr kha a ni deuh nuaih tawh a. Post tawh loh mai a tha dawnin ka hria. Sunday pual sermon erawh chu chhun zawm zel ka tum ang.
Report this comment