mi(sual).com

1st. Thursday: Mizoram sorkar Transport Deptt. chuan ‘The Mizoram Vehicle Taxation Ammentment Act 2011’ chu a hmang á¹­an ta. He dan tharah hian 2wo wheller leh motor dangte tana chhiah pek nawn ngai tawh lova á¹­umkhata pek tlak nghal theihna tur ‘Life Time Tax’ kum 15 chhung daih tur pawh a tel nghe nghe. He dan hman á¹­an ni vawiin hian Aizawl District Transport Office hnuaiah chhiah chi hrang hrang aá¹­ang-in Rs 2,87,251/- hmuh a ni.

2nd. Friday: Mizoram Governor thar, Vakkom B. Purushothaman chu Raj Bhavan-a Durbar Hall-ah Gauhati High Court Chief Justice, MB Lokur-in rinawmna thu tiam tirin Mizoram Governor atan a lalut. Larsap thar hi April ni 12, 1928 khan Vakkom khua Ke¬rala ah a piang a. Kum 1946 khan student Congress-ah lutin, 1953 khan Vakkom Panchayat hruaitu atana thlan a ni a.

President DCC Thiruvananthapuram, General Secretary leh Vice President KPCC nihna te lo chelh tawhin, kum 25 chuang zet AICC member a ni tawh bawk. Larsap Vakkom B. Purusho¬thaman hian a nupui, Dr Lily Purushothaman nen fapa pahnih leh fanu pakhat an nei a ni. Larsap thar hian July 25th. a term hmang zoa chawl ta MM Lakhera a thlak dawn a ni.

3rd. Saturday: Tuikual South khawtlang chuan Galaxy Cinema Hall á¹­hin bula Lalá¹­anpuii, Chaltlang Lily Veng damdawi dawra damdawite chu an thiar chhuahsak a, a dawr an kharsak nghal. Lalá¹­anpuii hian ruih nana hman á¹­hin damdawi a zuar á¹­hin nia an hriat avangin vengchhung aá¹­anga chhuak turin an tia; mahse, Lalá¹­anpuii hian chhuak tura an tihna Court-ah a khin avangin, Local Council, YMA, MHIP leh MUP-te chuan hetiang hian hma an la ta a ni.

4th. Sunday: Ramliana, Lunglei Traffic Police chuan Vanhne nu, a duty na bula ruahsur avanga lo tawm chu a pawngsual. Henu hi á¹­anpuitu zawngin a au viau naa; ruahsur bengchheng avang leh Ramliana hian a reh beh tlat avangin a tlawm ta a ni. Mi venghim tura kan beisei police-te meuhin hetiang thil an ti duh mai hi a pawi takzet a ni

5th. Monday: Indian educationist ropui leh India President pahnihna – Dr Sarvapalli Radhakrishnan piancham a nihna puala hman á¹­hin ‘Teachers Day’ a nia; he ni hi ram pumah ropui taka hman a ni. Pachhunga University College chuan he ni pual hian thisen pêk rûnpui an huaihawt a, Aizawl Civil Hospital leh Presbyterian Hospital, Durtlang tan an pe. PUC hian thisen unit 425 pein, á¹­umkhata pawl anga thisen pe tam ber record thar an siam a ni.

PUC hian kum 2008 khan an college golden jubilee pualin thisen unit 333 pein, record an lo siam tawh a, he an record hi pawl dangin lo khum tawh mahse tunah hian chu record chu an khum leh ta a ni. Tun á¹­uma thisen petute hi, Aizawl Civil Hospital tan mipa 208 leh hmeichhia 50 an ni a, Presbyterian Hospital, Durtlang tan mipa 127 leh hmeichhia 40 an ni.

6th. Tuesday: Khawzawl Zaingen Venga Zothani In (Assam type) chu a chim a, thi leh hliam an awm lo. Zothani In hnuaiah hian a nau Khawvelthanga te chhung an cheng a, an fapa kum 2 mi chu inchim lai hian a mahin a awm a, inchim hnu hian a mahin a vak chhuak a ni. Mi tlawmngai ten In chhia senghawi leh thawmthat ngaite thawkin chhiat tawkte an tanpui nghal.

7th. Wednesday: Tribal Art Centre sak thar, Tanhrila mi chu Social Welfare Minister, PC Lalthanliana’n a hawng. He in sak nan hian cheng vbc. 6/- sên a ni. Tribal Art Centre hi open air theatre (chung nei lo), a dung metre 73 leh a vâng metre 46 a ni a, Mizo infiamna chi hrang hrang – insuknawr, insáihruipawh, sukkhawh, lung inchawisiak, lung indensiak, kalchhet leh a dangte neih theihna tura duan a ni a; infiamna tualzawl hi boulder leh sand filling hmanga siam a ni. Infiamna tualzawl hi mipui 2,400 thut theihna gallery pali leh VIP thutnain a hual a; lirthei 24 dah theihna parking area siam a ni bawk.

8th. Thursday: Mizoram Calendar-a tarlan á¹­hin, August – Thiá¹­in Thla leh September – Mim Kût Thla chungchanga inhnialna a awm á¹­hin avangin I&PR department chuan an Conference Hall-ah symposium an buatsaih a; mi hrang hrangin an hriat dan an sawi.

Symposium-ah hian, Mizo thla hming phuah thar theihna emaw, hman lai mek thlâk danglam kawnga thuneihna an neih lohziate sawi lan a ni a; mahse, ‘mipui náwlpui leh miril zawkte’n an pawm theih tur thla hming puttir mai chu Mizoram Calendar buatsaihtu, I&PR department tihtur a ni’, tiin ngaihdan an siam a ni.

9th. Friday: Pu Lalhmasa S/o Buanzika(L) Darlawn Venghlun (Agri. Complex) te in chu zinga an la mut vek laiin an inbul lungrem chimin an in a hnawl a; an chhungkua hian dam taka lak chhuah an ni, damdawi inah erawh admit an ni. An in hnuai hi chhungkhat khat in an luah ve bawk a; anni hi erawh chuan leimin tur thawm an hriat hman avangin an tlanchhuak hman hlauh a ni.

10th. Saturday: Aizawl Art Gallery leh Art Novelty á¹­angkawpina an buatsaih ‘A Group Exhibition of Paintings – 2011’ chu Aijal Club-ah Art & Culture Minister Pu PC Zoramsangliana chuan a hawng. September 10-17 chhung awh tur ‘A Group Exhibition of Painting-2011’ hi lemziakthiam mi 4 – Pu Lalá¹­anpuia, Art Gallery neitu te, Pi Lalhmingmawii (Amoii), Art Novelty neitu te; Saitluanga Sailo leh Zaithanmawia Varte, Creative art Instructor veve te á¹­anghovina an buatsaih a ni a. Lemziak chi hrang mawi tak tak 95 zet phochhuah a ni a; Aijal Club chhawng 2-naah zing dar 10 aá¹­anga zan dar 9 thleng a duh apiang tan a thlawnin a en theih a ni. Lemziakte hi oil, acrylic leh water colour hmanga ziakte a ni a; a lei duh tan a lei theih bawk a ni.

11th. Sunday: Presbyterian kohhran hnuaia pastor bial hrang hrangah Naupang Sunday School Inkhawmpui neih a ni. Naupang inkhawmpui hi chawhma aá¹­anga zan thlengin hun an hmang hlawm a, Inrinni zan aá¹­anga hmang an awm bawk. Naupang inkhawmpuiah hian tualchhung kohhran hrang hranga Naupang Sunday School zirlaite Pathian thu leh fakna hla hmangin an inel a ni.

12th. Monday: Ka chhung hriselna atana tan lâkna ní, ‘World Oral Health Day’ a ni a, kumina thupui chu – ‘Natna inkai chhâwn theih loh’ tih a ni. He ni pual hian Indian Dental Association, Mizoram State Branch leh Durtlang Leitan branch YMA tangkawp chuan Hermon Childrens’ Home leh Synod Rescue Home-ah a thlawna ha entirna an buatsaih a, mi 160 vel an inentir a, a thlawnin damdawi an pe nghal a ni.

13th. Tuesday: Tun hnaia MHIP General Headquarters-a buaina awm chungchangah Mizo hmeichhiate hmasawnna leh á¹­hatna duhtu intite chuan Aizawlah kawng zawh an zawha; MHIP tih hmingchhiat leh tih bawrhban an duhloh thu an au chhuahpui a ni. Kangzawh naah hian mi 200 vel an tela; an pawl sum chingpen chungchangah Treasurer leh Finance Secrectary chu inhnamhnawih veah puhin an ban an phut thu an chhuah.

An chungchang ngaihtuah tur hian MHIP Special Assembly koh nise an ti bawk a ni. He kawngzawhna hi an Chairman Pi R.Lalneihtluangi leh Convener Pi Zohmingthangite’n an kaihruai a ni. Hemi hnu hian Treasury Square-a headquarter office kalh an tuma; hei hi police-ten dangin buaina awm lovin an tin zui ta a ni. An la buai dawn chauh niin a lang.

14th. Wednesday: Vawiina boral, Ramdinthari (16) d/o. Malsawmkima, Bairabi chuan Presbyterian Hospital, Durtlangah mitdelte tan a mit a pe a, amah hi Presbyterian Hospital, Durtlangin midangte tana mit pe an laksak hmasak ber a ni.

15th. Thursday: Mizoram University chuan B.Sc (Nursing) result a tichhuak a, final year zirlai bikah RIPANS atanga candidate 26 leh Mizoram College of Nursing (MCON) aá¹­anga candidate 28-te an pass vek a, MCON zirlai, Abigail Biakzami Ralte chu pakhatna a ni.Top 10-ah RIPANS zirlai pasarih leh MCON zirlai pali an lang. B.Sc(N) first year-ah chuan, candidate 73 awmin, chung zinga 62 (85%) chu an pass a; second year-ah candidate 76 awmin, mi 68 (89.4%) an pass a; third year-ah candidate 62 zingah mi 560 (90.3%) an pass bawk.

16th. Friday: College of Teachers Education-a zirtirtute leh zirlaite chuan Thutak Nunpuitu Team leh Hermon Children Home an tlawh a; buhfai, purun, alu, ei tur dang, thawmhnaw leh pawisa Rs. 24,900/- an pe.

17th. Saturday: Falkawna Mizo Khua-ah Mím Kût hman a ni. He hunah hian Mim Kût lo chhuah á¹­an dan, Tlingi leh Ngama inngaihzawn chanchin aá¹­anga an thih hnua an insawngbawl dan te, Mim Kûta hman chhan te, thlaichhiah dante leh thil dang tam tak entir a ni.

18th. Sunday: Central Anti Drugs Squad (CADS) chuan Lalbiaktluanga (38) s/o Hmawngchhuan, Tripura, tuna ITI Venga PWD quarters-a thleng chu a thlennaah an man a, a kut aá¹­angin Parvon mum 1,828 leh Proxyvon mum 560 an man. Heng ruihhlo hi Kanhmun bul Tripura-a Damcherra bazar aá¹­anga a lak niin a sawi.

19th. Monday: Thorang Wildlife Sanctuary bula khaw pahnih, Darngawng West-a chhungkaw 95 leh Kawnpui West-a chhungkaw 43-te chuan Sanctuary huam chhungah an khaw ram rîn luh ve an duh a; hemi chungchang hi Lunglei DC hoin sawiho a ni a; Dampui leh Kawnpui West sawn chhuah dan tur pawh sawiho nghal a ni.

Meeting-ah hian, Aizawl DCF (Wildlife), C Lalengliana’n lehkha hmanga Lunglei DC a ngenna sawiho a ni a; a ngennaah chuan, Darngawng West leh Kawnpui West khaw mipuite’n Wildlife Sanctuary huam chhung¬ah an khaw ram rìn luh ve an duh tih tarlan a ni. C Lalengliana chuan, Darngawng West leh Kawnpui West khaw mite awmna tur khaw thar dinna hmun tur ngaihtuah turin Lunglei DC chu a ngen bawk.

20th. Tuesday: Lalmuansanga (6) s/o Lalrina, Salem Veng chu Salem Veng aá¹­anga Venghnuai panna kawng chho-ah motor-a beh a tumna lamah chesualin a tla a, a hmunah a thi nghal. Lalmuansanga hi Southgate School, Venghnuaia kal lai a ni.

21st. Wednesday: Tunlaia ruahsur nasa avangin Tuikual South-a Nuchhungi in, chhungkaw panga luah lai chu a chim a, thi leh hliam an awm lo. Nuchhungi in luahtute zinga chhungkaw pahnih chuan bungrua chuh hman an nei lo a, chhungkaw pathum erawh chuan bungraw eng emaw zat an thiar chhuak hman.

22nd. Thursday: Anthurium Festival 2011 chu Reiek Tourist Resort ah á¹­an a ni. He kut ni thum chhung awh tur hi khuallian Finance Minister Pu H. Liansailova’n a hawng a, Dampa bialtu MLA, ZIDCO Chairman ni bawk Pu VL. Robiaka chu khual zahawm a ni.

23rd. Friday: UD &PA leh ITP Senergy Advisory Services Pvt. Ltd. á¹­angkawp buatsaihin Education leh Health Sector a nizung chakna hman dan tur zirna Tourist Lodge-ah neih a ni a. UD &PA Minister Pu Zodintluanga’n Workshop hi a hawng. Workshop hi nilenga neih niin Zoram Energy Development Agency (ZEDA) Director Pu David C. Zahmuaka, ITP Senergy hnuaia Renewable Energy Solutions Head Pu Dwipen Boruah leh mithiam á¹­henkhat ten zirtirna an pe a. Aizawl Municipal Council, School Education leh Higher & Technical Education, mimal leh sorkar Hospital bakah mimal leh sorkar sikul aiawh mi engemawzatin Workshop hi an chhim bawk.

24th. Saturday: Hmingsangkimi [8] d/o H Thanliana, Keifang Police Veng chu Keifang thlânmual bula sangha dilah a tla hlum. Hmingsangkimi hi a á¹­hiante nen dilah hian an chêng a ni.

25th. Sunday: Mihringa sumdawnna tuartute tan khawvel pum huapa tawngtai rualna hun hman a ni a, Aizawlah chuan Salvation Army Ebenezer Corps, Venghnuai biak inah neih a ni a, Home Minister R Lalzirliana leh Asst SP, CID (Crime), Zosang¬liana ten an telpui.

26th. Monday: Council for World Mission (CWM) Face to Face (F2F) programme chu Aizawl Theological College, Durtlangah á¹­an a ni a, he programme hian October 17 thleng a awh ang. CWM programme hi session hnihah á¹­hen a ni a, session khatnaah chuan Hawnna leh Inlawmna hun hman a ni a, Pu Lal Thanhawla, Mizoram Chief Minister chu khuallian niin a nupui Pi Lalriliani leh an fate’n an á¹­awiawm.

CWM Face to Face programme hi CWM-in khawvel ram hrang hranga Pathian thu zirlaite puala hnam hrang hrangte nunphung hriatzauna atan leh inhriat pawh tawnna á¹­ha te, inpumkhatna atan te a seminar chi khat a buatsaih, kum tina neih á¹­hin, inter-cultural programme tam tak a neih zinga pakhat a ni a.

Hetiang lam chi programme hi Mizoramah neih a la ni ngai lo va, tun hi a vawi khatna a ni Face to Face (F2F) programme hmang tura lo kalte hi khawvel ram hrang hrang 10 aá¹­angin mi 11 tur an ni a, a hawnna programme-ah hian Kiribati (Kiribas) aá¹­anga lo kal tur chu a lo la thleng ve hman lo va, a dang zawng Australia, India, Myanmar, Fiji, Madagascar, Zambia, Kiribati, Congo leh Sri Lanka atanga lo kalte chu an thleng kim hman a ni.

27th. Tuesday: AH & Vety Department chuan Hachhek Constituency, Zawlnuam ah NLUP 2nd. Instalment, ar vulh thlangtu chhungkaw 12 leh vawk vulh thlangtu chhungkaw 74 hnenah an sem. Vawk vulh thlangtute hnenah chhungkaw khatah Rs. 14250/- pek niin, Ar vulh thlangtu chhungkaw khatah Rs. 15,000/- pe in a vaiin khaw 20 huamin Rs. 1,234,500/- sem a ni.

28th. Wednesday: Lunglei District Thorang bial, Serte leh Sertlangpui khaw inkara Khawkraw Lui kamah Nghalrual 20 vel lai ruang chhar a ni. Sanghal te hi ruh filh vek tawh leh á¹­henkhat uih á¹­an tawhte annih laiin á¹­henkhat erawhchu thi chiah si lo te pawh an bawk. Hetihlai hian, la harh ang reng takte pawh awmin a note te pawh an tel. Sanghal-te hi Nghalrual zing ami an ni a, a ruala vawikhata thi ni lovin, an thih dawna an kalna á¹­hin hmunah thi turin an kal niin an lang. Heng Sanghal rualte thihna aá¹­anga kilometre 4 bawr vel Tuisen khuaah vawk pul hri a len avangin hemi hi an kai ve niin a lang.

29th. Thursday: Pi Tlanthangi (78) m/o Pu Thanbanglova, Sihphir chu Ashma natna in a boral.

30th. Friday: Sairang Kurung lei thlang, Kurung luiah mihring bawp dinglam chhar a ni. Kurungluia mihring bawp an chhar hi hmeichhe bawp niin a lang a, a kumkuruh dinglam telin a mal leh chawn velah hliamdang a awm hran lo. A kezungpui a ruh langin a sawp tih a hriat theih.

Sairang VCP, Pu Vanchunglura chuan ” Hetianga mihring taksa bunghrang tlahlang chhar hi kan la neih awm ka hrelo. A landan atang hi chuan tan bun a nih a rinawm hle mai a. Bawp lian tha tak a ni” a ti. Mihring tamna ah sualna leh thihna a pung. Tunhma a artui in ruksak an sawi lut lut atanga teh chuan sualna a pungin a rapthlak sawt hle mai

This entry was posted on Saturday, October 8th, 2011 at 9:00 am and is filed under Event, Mizoram, News. Both comments and pings are currently closed.