Pu Thangthianga, Khatla II, Aizawl-in MUP Tlangau Feb 1997-a a rawn ziak leh a rawn zawhna kha ka lo chhiar ve a, a bengvar thlak ngawtin ka hria.
Kel hmul chhum senna ‘saphit’ a tih kha a hming phei chu ka lo hre lova, ka pa nen kan ramvahnaah ram hrui pawn ro, zawi nek nawk, kut zungte tiat vel, zung hrual nei lek lek hi kan hmu a, ka pa chuan a chhat a, “He hrui hi hmanlai chuan kel hmul chhum sen nan an hmang a, pasalthaten chhawnah an tawn thin,” a ti a, a ni erawh chuan hnang chhum nan a hmang thin thung a ni.
Tin, ‘Meithui’ kha han sawi chiang deuh ila, Meithui kung leh Taitaw kung hi a inang viau a, a hnah phei chu inang tak a ni. A hnai chu thil hnawih tlet nan an hmang a, Vawmbal leh Chhimhruk te ang bawkin huat theih a ni a. Pu Rochhuma, S Khawbung chuan Chemte fawng leh a pai (kawm) ah te a hnawih a, “Tunlai vai siam vernish te ai chuan ka hmang duh zawk, a hnai hi ka haw ve si lova,” a ti.
A sawi dan chuan, “hnawih panin a sen a, a chhahin a dum,” a ti a, ka la hmang chhin lem lova, Pu Thanthianga’n meitalh bawm hnawih dum nan a rah hmemsawr an hmang a tih kha, a rah hnai chu a dum tha zawk pawh a ni ang e. Kan ram thil atang hian thil chi eng engemaw zir chhuah tur a tam ve ngei ang.
Pasaltha Hranghleia 1854-1945 Chawngtlai khua chuan Rawngsen kung a kawtah a phun a. Indopui II, Japan Rallen lai te khan a la awm a. Naupangho hi kan lawn a, a rah kan lova, kan kheh a, a rah chhungah chuan rawngsen dip hlarh hi a awm a, chilin kan tihuh a, kan inhnawih sen chel chul thin a, kha rawng kha a riral dan pawh ka hre lo.
A pianhmang ka mitthlaa a lan dan chuan, Kal thing emaw, Hnahkhar pa te ang deuh hnah bial buang lam, a hnah pianhmang lehkhadena tawka ang deuh ni awmin ka hria a, tunhnuah hian khatiang rawng kung kha ka hmu ngai ta reng reng lo. Tin, a rah pawh kha Khal thing rah nen a inang awm hlein ka hria.
Pu Thanthianga rawn sawi “Khei” a tih, Silai zen bawm ‘Fungki’ hmawr zum lam an hnawih sen nan an hman te hi a ni thei ang em ? Kel hmul chhum sen nan pawh an hmang bawk.
[He article hi MUP Tangau Oct 2000 atanga lak chhawn a ni a, a ziaktu hi ‘Lina C.Hnuna ‘Cat’ Rtd.’ Venglai Champhai a ni.]
Rawng sen lam chauh sawina hi kan hmatheh deuh va, rawng dum siam nan chuan ‘Ting” kan hmang tih hi chu kan hre deuh vek awm e. Ku_Shaia te, Ku_Xaia te khan Ting Kung pics in nei mial em aw? min han share theih chuan kan lawm khawp ang.
Rawng pawl lam “Nainawk rawng” kha chu ‘Nainawk’ rah atang khan an siam thin an ti a. Kan naupan lai chuan kan huanah kan ching ve thin. A zam chi a ni a, a hnah pawh sendang no lam pang anih kha. Tunhnu hian ka hmu ngai ta meuh lo.
Han thawh belh ve teh u….!
Synthetic dyes an uar hnu hian kan natural dyes te hi kan hlamchhiah zui ta mai niin a lang. Mahse Mizote hian rawng kan lo siam ve thin nge ni, a hming atang reng hian a an pai (vai) tawng kan ti dawn zawk ? Kan ngaihdan dan lo ni se, hriat ve atan hrim hrimah pawh tiin ka rawn vawm bei ve leh ngawt mai.
Similar Posts:
- Rul chuk damdawi
- Have you ever seen Theire (Theiria) tree?
- Sazu sa siam dan(recipes) :-P
- Mulching
- Awhsik, Awhthik, Awhfik (OT awih)
October 8th, 2011 at 6:12 am
Thawh belh chu sawiloh, I sawiho pawh khi ka vawikhat hriatna
Report this comment
October 8th, 2011 at 6:28 am
A bengvar thlak mange a
Lungleng khuaa Pu Khamliana Sailo in kiangah khuan pal (fence) anga hman hnimbuk (bush) a awm nual thin a (la awm tak maw). Khami hnah kha Mizo te rawng siamna thin pakhat niin an sawi thin tak asin. Enge a hming erawh ka hre hauhlo mai.
Report this comment
October 8th, 2011 at 7:11 am
Chhiar chhuak vek, bengvar thlak khawp mai
Report this comment
October 8th, 2011 at 7:16 am
A bengvarthlak hle mai .
Report this comment
October 8th, 2011 at 7:53 am
Teak hnah pawh hi an deng sawm a, a tui a sen vek a, rawng atan an hmang thin an ti…
Post tha a ni e..
Report this comment
October 8th, 2011 at 8:05 am
Thingtheihmu te hi a hmin tha hi chu a sen tha mai sia……engtin emaw rawng atan an hmang thin lo maw?!
Report this comment
October 8th, 2011 at 8:12 am
hre thra khawp mai. Han soi chhunxawm xel teh un
Report this comment
October 8th, 2011 at 8:14 am
A bengvarthlak hle mai. Tuaitit (rah) hi a pawl mawi khawp mai. Rawngah a hman theih angem le?
Report this comment
October 8th, 2011 at 8:26 am
Siam dan lampang ani bawk a, tlem OT min phalsak mai aniang chu. Heihi han chhiar teh u khai. Ek (poop/feces) in a tihkal bike
A bike from TOTO, that country’s biggest toilet maker, is anything but wasteful (though it is full of…waste) and runs entirely off of human feces. Made in Japan
https://wtop.com/?nid=884&sid=2580180
Report this comment
October 8th, 2011 at 9:27 am
Arts and Culture lamin ngaihven chi ava nih hmel ve. Keichuan ka hre hauh lo mai a.
Report this comment
October 8th, 2011 at 10:44 am
a bengvar thlak khawp mai
Report this comment
October 8th, 2011 at 11:32 am
#5, @Bucko : Teak hnah no hi an zial mum a, panelled door an hnawih thu ka hre ve tawh. vernish aiin a mawi zawk an ti. I sawi ang hian, teak nawhna phuai hi tuiah an chiah a, vernish angin an hmang thin tih hmaichhanah a ti tute sawi ka hre bawk.
Ignatia ten rawng hi a vai hming em mai Mizo Original a ni lo an tih pawn ka pawm tho mai. Run ralah khan siapsuap leh hnawhkhal chiah kan silhfen anih awm kha maw.
Report this comment
October 8th, 2011 at 11:36 am
In comment ang khian theihmu (berry) lam hi rawng atan chuan a that ka ring khawp mai. Thei-chhungsen te kha a sen rei em mai.
He post hi titi khawmnaah topic pakhatah kan nei a, in ngaihdan ka hriat ve chak avangin ka rawn post a ni e. :tlan bo nghal:
Report this comment
October 8th, 2011 at 11:55 am
A ngaihnawmin a bengvarthlak hle mai. Sawibelh tur erawh ka nei lo khawp mai.
Report this comment
October 8th, 2011 at 2:34 pm
Belmang pawh hi hmai hnawih ran nan a tha khawp mai,haha
Report this comment
October 8th, 2011 at 4:23 pm
Hnahkiah pil leh arngeng hnah thial pawlh pawh hi sen tha ve duh tak a ni.
Weekend hman nuam vek u :Haw nghal vang vang:
Report this comment
October 8th, 2011 at 10:19 pm
He post chu sawi belh tur teh chiam kan hre lo a ni maw?
Hetiang lam sawina leh hriatna tur ka nei tlem khawp mai, ka hriat ve ang chhun lah a post-tu hian a sawi tel vek tawh bawk si.
Hei erawh ka hria, post hlu tak a ni.
Report this comment