Sakhuana hi!

October 11th, 2011 10:00 pm by H.Vangchhia

Ka ngaihtuah fo thin a, tunah hian ka rilruah a lut hneh em mai a kan sawi nial nual ang e!

Khawvelah hian sakhuana neilo tak tak tumah kan awmlo tih theih a ni a. Pathian awm ringlo inti te pawh sakhuana angin ngai chiahlo mah ila pawl ang maiin an awm ve tho mai. Engpawh chutiang lam chu ka sawi tum a nilo thung.

Khawvelah mihring kan awm tantirh atanga kan neih leh lak urhsun em em mai pakhat chu sakhuana hi a ni. Sakhuana hian mihring nun hi nasa takin a kaihruai tih chu hairual ani hek lo. Chutianga sakhuana chiahhneh kan nih avang chuan sawrkarah pawh inrawlhna nasa takin a nei thin a, tun thleng pawhin ala nei reng tho mai. Sakhuana leh sawrkar hi kal kawplo theilo ang hial ani ber awm e.

Engpawh nise sakhuana, Kristianna a ni emaw, Islam sakhuana ani emaw eng sakhuana pawh nise enge mihring leh khawvel tan hian a tih tak tak le?

Sakhaw neia ringtu nih chuan kan sakhaw vawn chu dik berah kan ngai thin. Sakhaw zirtirna reng reng hi han belhchian chuan mihring nunphung kaihruaitu tha tak leh kan khawvel damchhung piahlam thlenga zirtirtu tha tak an ni theuh mai. Mahse, mihring te hian kan political party atchilh ang mai hian sakhuana kan la lungrun ta thin lutuk hi chu a pawi ka ti thin!

Han ngaihtuahin, han chhut ve mah teh u. Mihringin khawvel a luahtirh atanga chanchin kan chhiar theihah te hian khawvel a inthahna/indona tam tak te hi sakhuana vang ani tlat mai. Sakhuana chuan mihring nun hlutzia te, Pathian in a thilsiam a hmangaih zia te, min hmangaih zia chi hrang hrangin min zirtir. Chutiang lam ngaihtuah chang tawhlo vin, mihring te chuan mahni sakhaw vawn chu dik bera ngaiin sakhaw dang betu te chu thiamloh kan chantir ta thin a. Chuvang chuan sakhaw hrang hrang betu te inkarah buaina a chhuak ta thin niin ka hria.

Keini, “Pathian nung bia,” ti deuh kher thin Kristian te pawh hi engemaw kan nih teh chiam le aw? Kohhran hrang hrang kan in er thim them a, kan insawi chhia a, kan intei ran hlawm niin ka hria. Kan sakhuana lah chuan ‘Hmangaihna te, ngaihdamna te, dawh theihna te, hmelma te ngaihdam etc.’ min zirtir zawk ani si a!

Ka ngaihtuah neuh neuh hian, “Sakhuana hi awm talo sela, mihring hian remna leh muanna hi kan nei zawk mai lovang maw,” tih thleng hian ka ngaihtuah chhuak rum rum thin! Han ti ngawt dawn ila, nundan tha leh beiseina min siamsak tu chu sakhuana ani leh lawi bawk si! Tunah lah Aigupta lamah chuan sakhuana avangin Kristian leh Islam sakhaw betute an in tualvuak mek anih hi.

Mihring zia hi avan tenawm tak em!

Hriat atan: I ngaihdan sawi la, mi ngaihdan ngaithla bawk la. Mi ngaihdan leh i ngaihdan a inan lovin sawisel kher suh. I mawl zia a alang.

33 Responses to “Sakhuana hi!”

1
Chhuaklinga Says:
October 11th, 2011 at 10:06 pm
Sawisel lo phawt ang.
Report this comment
2
Kawnga Says:
October 11th, 2011 at 10:08 pm
Ngaihtuahna a tithui hle mai..:Ngaihtuah:
Report this comment
3
Mkhawla Says:
October 11th, 2011 at 10:12 pm
Pathian nung bia https://lawrkhawm.com/index.php?page=50320#c326718
Report this comment
4
lr hlonchhing Says:
October 11th, 2011 at 10:14 pm
Hei hi ka sawi daih dawn. Mizotawng hi a har a, ziah ngat phei chuan ziah dik a har. Nang meuhvin i rawn ziah sual nawk mai chu le. “hairual ani hek lo, hial ani ber, islam sakhua ani emaw, sakhua ani leh lawi” tih ang te kha. “ani” ti lovin, “a ni” tih zawk tur a ni lawm ni? Ka mawl zia a lang e.
Report this comment
5
nastycool Says:
October 11th, 2011 at 10:17 pm
Ni e, Religion is opium of the mass…te an lo tih thin kha
Report this comment
6
H.Vangchhia Says:
October 11th, 2011 at 10:25 pm
lr hlonchhing # 4 full isitop/kawma, semi kawlawn hma chiahah, ‘a ni’ tih ka hmang thin. Full isitop/kawma dawn lovah chuan ka hmang lemlo anih si hairehai
Report this comment
7
James Bond Says:
October 11th, 2011 at 10:33 pm
Karl Marx: “Religion is opium of the people”. Mizo tlangval:” Give me 10 grams of religion”
Report this comment
8
lr hlonchhing Says:
October 11th, 2011 at 10:36 pm
#6.Ka hrethiam chiah lo na a, ‘ani’ tih chu, third person singular lam daih a niin ka hri a. Ka lo chhiar ve danah chuan, a hé ang reng viau ka tih vang mai a nia.
Report this comment
9
lr hlonchhing Says:
October 11th, 2011 at 10:38 pm
#8.’ka hri’ tih kha ‘ka hria a’ tih zawk tur a ni e. Typing mistake…
Report this comment
10
H.Vangchhia Says:
October 11th, 2011 at 10:42 pm
lr hlonchhing, ka sawi tum khi ngaihtuah zawk teh.
Report this comment
11
saint sammoo Says:
October 11th, 2011 at 10:48 pm
lenon a hla ril ‘imagine’ tlaivar dawn2 a kan sawiho thin lai min hriatchhuah tir daih mai. Sakhaw malchunga seilian, kristian thurina chawm seilen keini mizote thluak hian sakhuana tel lo khawvel a suangtuah thiam lo. Sakhuanain a bawih beh tlat kan thinlung hian a ngaihna a hre hlawl lo. Kan pian ve hmaa lenon a ten an lo vahvaih pui tawh kha tun atanga kum 20 velah kan varpawh ve mahna le.
Report this comment
12
rohlupuia chalrang Says:
October 11th, 2011 at 10:54 pm
Ka chhiar hma a ka rilru a awm chu irawn sawi `Kohhran hrang hrang kan in er thim them a, kan in sawichhia a, kan intei ran hlawm niin ka hria` itih khi.. A thalo viau na in, adik em em bawk si.. Kan biak PATHIAN a chianglo kan tamzia a ti lang ka ti thin..
Report this comment
13
khirha Says:
October 11th, 2011 at 11:01 pm
I sawi hi ‘liberal theology, pluralism etc.’ an tih hi a ni mai lawm ni.
‘Keimaha kal lo chu tumah Pa hnen an thleng lovang’ titu ringtu kan ni si a leh. Ram tina puangdarh turin min la ti ta cheu bawk. Sakhaw dang nena inbah hun hi chu thleng lo thei lo a ni.
Report this comment
14
Benny Says:
October 11th, 2011 at 11:07 pm
A ni ngawt mai
Report this comment
15
VaiVa Says:
October 11th, 2011 at 11:08 pm
Comment#13 hian a sawi dik. Pu HV a sawi erawh a dik tho. Chuti a nih si chuan sawi tur ka nei lo.
Report this comment
16
hmingtea Says:
October 11th, 2011 at 11:13 pm
hnamsakhua a post emaw ka ti dawn a a lo ni lo

lalthanhawla pathian nug kha ka lo hmu ve lawrkhawm a mi kha

A nunlai in a bia a ni ang NOI
Report this comment
17
jin Says:
October 11th, 2011 at 11:15 pm
A ni = it is. A ni tih hi a dik. Chuan #4 comment-a ‘lawm’ tih khi ‘lo’m’ tih tur. Mizo tawng pawh hi ziak/ziah zawm a ngai kher lo. In sawisela ka sawisel ve.
Report this comment
18
Saitawk Says:
October 11th, 2011 at 11:22 pm
@Post tupa, buh lem leh buh tak to za-na khawvel anih hi, nikin ni ah an la Simplify duak mai ang.. tih rilru pu thin mah ila thil veiloh theihloh a ni lawisi a ni.
Report this comment
19
alchemist Says:
October 11th, 2011 at 11:50 pm
Sakhaw hrang hrang tobul chhuina lehkha bu ka neih kha hman deuh khan ka chhiar thin a, a ngaihnawm ka ti thin khawp mai. Eng emaw kawng ah chuan sakhaw hrang hrang hian in an na kan lo nei a, kan thil tum pawh kawng thenkhat ah chuan a lo thuhmun nual mai. In ngeih dial dial a kan awm thiam hi a pawimawh a, chutih lai in kan danglam na (uniqueness) erawh kan in pawm thiam sak a tha hle in ka hria. Muslim ho rin dan leh an nunphung te hi hrethiam ila, chutih lai in Hindu ho hian Kristian sakhua hi hrethiam ve deuh se chu ka ti thin khawp mai.
Report this comment
20
khirha Says:
October 11th, 2011 at 11:59 pm
Karei maw, LAWRKHAWM chuhh!
Mumang atan pawh ka duh lo!
Report this comment
21
H.Vangchhia Says:
October 12th, 2011 at 12:45 am
Khawvel politics ah chuan mahni party awmna tana kan tan a na hle thin. Chumi avang chuan mi tha te pawh ngaituah theilo lekin party mi te kan vote mai thin.

Sakhuana hi nundan tha inzirtirna, thihnu thleng beiseina min neihtira min zirtirtu vek a ni hlawm. Chulam ngaihtuahlo chuan keimah ni sakhua/kohhran chu tawngpawng tan hlurin kan khawsa a. Keimahni sakhua/kohhran nilo te chu tualvuak thlengin kan nap mai thin anih si hi le!

Mi tha aiin party ah kan duhsakna kan dah a. Chutiang vekin kohhran/sakhaw zirtirna aiin kan biak Pathian/pathian hrechang lovin kohhran/sakhuanaah kan rilru kan dah zawk a! heiha huiha

Juda history ani emaw midang reng reng hi han chhiar chiang teh u. Islam te pawh anni tho, Kristian te pawh. Ram tih zau nana mi nunna an lak nasat zia hi
“Nunna chu Pathian ta a ni,” tih chu kan ngaihtuah tawh thin loh hmel khawp mai
Report this comment
22
Atom c Says:
October 12th, 2011 at 12:54 am
Sakhuana hi chu a la urhsun a piangte hian an hmang thiamlo zawkin ka hria.
Universe chhunga eng planet ah ber hian nge VANRAM hi a awm ang le?, tih lam ka ngaihtuah daih chu. Earth hi vanram kan tih tak chu a nih hmel bawk si loh a. Universe pawnlamah te hian a lo awm zawk daih ang em ? He lei hi kan fel chuan vanram a nia, kan sual chuan hremhmun a ni mai em ? Buai tual tual mai . (NOI)
Report this comment
23
vakul Says:
October 12th, 2011 at 1:12 am
Hmm, a lehlam zawnga thlirna pawh ti ila kan tisual lovang chu-dik thei ve tlat.

Paradox a nihna a awm ve a, Fundamentalist-te hian khawvel an chawkhnawk vek a, chutih lai chuan Lal Isua kha fundamentalist a ni bawk si. Sakhua zawng zawng deuhthaw hian thil tha tih leh midang tanpui a zirtir laiin sakhaw hrang hrang an inngeih thei si lo. Nem deuh, mutual understanding awm tura hmalakna eg.inter religious dialogue, face to face etc etc. lah liberalism/pluralism rawngkai an ni bawk si.

Ngaihtuah thiam hi a har ru riau a sin. Lal Isua pawh kha remna Lal ni si khan ‘do lentir’ turin a lo kal a, Felna Pathian khan mi felte a rawn hau bawk a-paradox viau mahse a ni bawk si…
Report this comment
24
century child Says:
October 12th, 2011 at 1:16 am
‘a ni’ tih hi a hranga ziah/ziak tur.
Report this comment
25
Terema Chhakchhuak Says:
October 12th, 2011 at 1:38 am
https://www.telegraphindia.com/...../index.jsp
Hetah pawh hian Pathian Nung betu Pu Hawla chu an nu nen Pathian huat em em milem pathian hmaah eng eng emaw ni chu an tih ve hi maw…
Report this comment
26
H.Vangchhia Says:
October 12th, 2011 at 1:57 am
century child #24 i sawi ngun tawh tlat tlat hle mai.

“A dik zawk anih chuan ka ziah leh hunah ka hre tawh ang,” ka ti rilru ran ran ania. In sawi nawn mawlh mawlh vang hian ka thlak tum ka thlak hlek lovang le
Report this comment
27
lrpa Says:
October 12th, 2011 at 1:59 am
Sakhuana ‘religion’ kan tih hi enge a awmzia tak? Ka hre hauh lo. Ka hrilhfiah dan chuan keini, mihringte aia thil ti thei leh mihringte chunga thunei tlat rinna kha ani ber mai. Sakhuanna hian kan mihring puite kan rintawk loh zia leh kan chung a rorel tak tak tur a kan rin loh tawk loh zia a ti chiang hle. Hnam mawl mawl in an la urhsun a, hnam changkang in sakhuana an la nep tial tial a, mi ropuite pathian biak taka biakna te pawh a hluar ta a..entirna pe duah lo ang..hei hi sakawlh in tanna bul tur chu niin ka hria..tlak deuh duah teh ang..
Report this comment
28
H.Vangchhia Says:
October 12th, 2011 at 2:02 am
#26 in sawi ngun* ka tihna

lrp tlak duah rawh hairehai
Report this comment
29
pa-para Says:
October 12th, 2011 at 2:21 am
4th para khian ngaihtuah a ti thui hle mai.

John Lenon a khan a hla ‘Imagine’ ah khan ‘I hope someday you will join us’ a tih tak kha maw le. Sakhua a beidawng tih takah hmuh chu a nei ani
Report this comment
30
keimah Says:
October 12th, 2011 at 8:23 am
KRISTA ISUA hre fuh tak tak si lova Kristianna sakhua la vungtute avangin kum zabi tam tak kal taa Crusade hun lai atang tawhin tun thleng hian Kristianna hi sakhaw dang ang leka ngaia sawiselna hi a lo awm ta a, a pawi khawp mai.

Pu HV sawi hi a dik khawp mai..sakhua leh sakhua zawnga innek chuan indona te, inhuatna te a thleng thin a nih hi. Chuvang tak chuan mi tam takin sakhua hrim hrim hi an duh lo va, sakhaw dang rualin Kristianna pawh an hnawl thin a nih hi. Mahse hei hi Sap tawnga .”throwing the baby with the bath water” tih ang deuh kha a niin ka hria. LAL ISUA rin leh sakhuana hi thil hrang daihah ka dah a, amaherawhchu, Kristian sakhua chiah hian Amah Lal Isua chu min kawhhmuh thung.

Engpawhnise, miin KRISTA ISUA a rina a nunpui phawt chuan he khawvelah hian harsatna leh dodaltu chu a la hmu tam tial tial dawn. Sakhaw neih loh ringawt hi inremna chu ni se tun hmaa kan pi leh pute hun lai te khan indo leh mi lu lak te pawh awm awm lo tak a nia ka ti ve mai mai.
Report this comment
31
H.Vangchhia Says:
October 12th, 2011 at 8:29 am
#30 nie tiraw. Sakhuana hi inremna leh chhia leh tha kan thliar hran awlsamna tak ani lawi si. Chuti e tilo chuan sakhuana zirtir aiin a hmingah emaw kan buai a. Political party atchilh ho ang maiin pawl dang/denomination dang/sakhaw dang kan inngur zel ta mai si a. A pawi a ni.

Sakhaw hrang2 (Sakhaw lian pangai ho) zirtirna kan chhiar hian mihring nun thalama min kaihruai tumna leh nakin hnu a beiseina min pe thei an ni tlangpui mai.

Zirtirna aiin party atchilh ang mai kan ni vek lawi si a! huiham
Report this comment
32
laimizo Says:
October 12th, 2011 at 12:24 pm
Sakhuana zawng zawng hian thatna lai an nei vek a, chutihrualin hman sual vek theih an ni!

Sakhuana dang chu ka defend thei lova, a hriat pawh ka hre chiang hek lo.. Mahse Kristianna hi chu a dik ka ti khawp mai, a dik ka tih rual rual hian sakhaw dang zawng zawng an dik lo vek ka ti nghal a ni. Chutihrualin sakhaw dang betute ka hmuhsita ka huat ringawt chuan kristianna ah ngei ka chiang lo a ni! Pathianin a anpuia a siam ve tho mihringte hi keia lo hmuhsit tur an ni ngawt lo, Pathian lama hruai hi ka responsibility a lo ni ta a ni. Tolerance without compromising the Truth hi ka au hla a ni e…

Sakhuana nei lo ila maw?? kan hmabak chu Stalin’s Russia, Mao’s China, HItler’s Germany, Kim’s North Korea, Junta’s Burma, etc…. a ni mai….
Report this comment
33
bulaya Says:
October 12th, 2011 at 2:47 pm
Post leh comment ho pawh a ngaihnawm khawp mai

‘Hmangaihna te, ngaihdamna te, dawh theihna te,
hmelma te ngaihdam etc.’te hian Kristian hmel chu a ti mawi berin ka hria

Tunlaiah Christianna THIHPUI ngam ai chuan (sakhaw dang be tu unaute hi an rinna thihpui ngam ngam an ni chek zawk ) Krista nunze mawi NUNPUI ngam hi a har tawh zawkin ka hria.
Report this comment