Kha mi tuk hnih kha chu ka ngaihtuahnaah hian a lan fo ka ring tawh. ATM a ka awm lai leh bus ka chuanna a thil thlengte kha.
ATM ah pawisa lak tum in zingkar ah ka kal a. Tumah nghah tur leh ka lak zawh nghak a hmang ve tur tumah pawh an awm lo. Hun thawl taka ATM hman theih hun a nih hi tiin tifuh ka inti rilru viau a. Mahse chuti ngawt chu a ni bik miah lo. Ka tihtur ti a khawl ka hmeh kauh kauh lai chuan mipa khat hian ‘He lai hi em ni inentir tur hming ziahna?’ ti in mi zawt a. A awm ang lo lutuk a ka hriat vang chuan hawi let lem lo chuan a nih loh thu ka hrilh a. Mahse ka’n ngaihtuah chiang a, a awm ang lo lutuk vang a ka nuihza chu hlauhthawnna ah a chang a, rang takin chu pa chu ka en a. A hma aia aw vin deuh zawk chuan hmun dang a zawng tur in ka hrilh a. Ani lah chu a che sawn tha duh lo khawp. Min 5 rei tak chu niin ka hria. Ka mobile ka phawrh a midang ka be tur a hmuh chuan mi kalsan ta chauh a. Hemi tuk atang hian ka rilru ah Mizo mipa zingah hian ATM a mi pawisa la tur chang a hun hmang thin an awm tihna a ni ang em le tiin zawhna mak tak ka in zawt ta fo nih hi.
Hemi tuk atang kar hnihna vel a ni ta in ka hria, bus kan chuanna ah hnam dang tlangval pathum, kan tawng pawh thiamlo in rang fahranin thutna mi ken khan tun thlengin ka ngaihtuahna a la luah a nih hi. Ka thut chhung khan nuam ka ti thlawt lo, tlawmah ka la tlat, anmahni chauh kha mipa chuang an ni lo tih ka hre kur sia. Aizawl atanga Mizoram University thleng bus a din hi kei chuan ka hreh lo a, mahse thut chu thlanawm ve tak a ni. Chuvang chuan hmeichhia ni mah ila thutna ka chan loh chuan ken ka beisei lo, Mizo tawng thiamlo tlangval in mi kian tur ngat phei chu ka ngaihtuahna ah pawh ala lut ngai lo. Beisei lo rau rau ah Mizo tlangval ken ka beisei daih zawk. Tun hnai phei hi chuan mipa leh hmeichhe kara inthliarhranna hi kan duh loh lutuk vang a niang hmeichhia, kawng tluana ding haw an thahnem telh telh in ka hria.
Tlawmngaihna te, hawihawmna te leh nungchang tha hi hnam dang ten an neih ve phal loh vang em ni khati tak a hnam dang tlangval thutna ken a thut kha hrehawm ka tih laia ualuau taka Mizo tlangvalin mi an rawk ve theih ka rin loh?? Mipa theuh theuh si, an chunga beiseina ka neih hi a lo van inang lo em tih ka hre chhuak uar uar. Tlangval te u, he ti tak a inchung a beiseina ka neih hi in la phu reng em le? Nula lu hi a hai tan a nia…
Similar Posts:
- Tu nge tha zawk?
- Pui thei in awm em?
- Vai pasal ka nei a
- Mizo Mipa
- How Do You Plan To Propose? ( “IF” )
October 15th, 2011 at 5:06 pm
hai suh se 🙂
October 15th, 2011 at 5:06 pm
First tih in hrat bawk a., 2nd nalh teh ang.
October 15th, 2011 at 5:11 pm
mizo mipa vs hnamdang mipa , mizo hmeichhia vs mizo mipa hawi zawngin post siam i va ang ve..i personla experience leh ngaihtuahna mai mai anih chu…out of context in la duh suh chuan i hai lo mai ang…. :-[
October 15th, 2011 at 5:16 pm
🙂
October 15th, 2011 at 5:22 pm
Mihring ziaah hian mi pangai tih awm leh awm loh a awm. Chumi thliar hrang thiam chu mifing leh hawihhawm (polite) tih an ni. Mizo leh zolo, vaingalsin leh tribal chawnping lampang pawh ani chuang lo bawk. 🙂
October 15th, 2011 at 5:28 pm
ATM a minute 5 em em pawisa lak nan hun i hmang chu ava mak ve. 😛
October 15th, 2011 at 5:29 pm
MU bus hi an sawi teh fo a..mipa mize lanna tha tak pakhat chu ani chawk anga. Ms…bialpa i neih hunah a fel leh fel lo en nan MU bus ah ngat i chuanpui dawn nia.. 🙂
Vai ken duh khawpin ilo chhelo zek pawh ani thei aa.. 😉
October 15th, 2011 at 5:30 pm
# 6….cheng 10000, vawi 20 (i.e. cheng 500) a la chhuak ani ang chu…
October 15th, 2011 at 5:34 pm
:-O
October 15th, 2011 at 5:35 pm
I lu a va hai hma ve.. 😀
I lu kha mi lu emaw i tia law..haha Thangkura style.
Tak tak a, vawikhat chu sap putar hi bus ah thutna ka kiana, ‘i manner a tha hle mai, tunlai naupangte hi chu..a ti ve bal bal mai’.
NEHU ka awm lai khan ka thil observe ve pakhat chu mizo tlangval ho khan mizo nula an kian sap sap zel a, vai pitar, ho kha an an seat an kian ngai chuang miah lo! kei chu vai pitar leh putar ho kha ka kian zawk tlang pui.. :-[
October 15th, 2011 at 5:36 pm
zualbon #8 A hlau a kal angak ani ve thei tho alawm 😛
October 15th, 2011 at 5:40 pm
thutna ken i beisei lo khi ka like top. Thutna ken beisei deuha mi melh kual vel ching hi ka ngei. ka ken loh phah fo.
October 15th, 2011 at 5:42 pm
Bus ah chuan tukverh bula thut tum ngei ngei tur, kan bula thu ten nula an han kian zeuh a, keinin kanlo thut pui theks mai ni. Kam fuh chang chuan nula hmeltha deuh te kan awk ve nawlh thei. 😀
October 15th, 2011 at 5:43 pm
Nula/hmeichhia thutna ken a tullo. An raipuar anih loh chuan. In beisei suh, ka kian dawn chuang lo che! Ramtuileilo, Chhangchhia leh Upa te chauh hi thutna ken tur. (&)
October 15th, 2011 at 5:44 pm
ka kian ngailo,,, becos ka thu ngailo…he he …bar vawnna ah hian in pawt chho zeuh zeuh ila bicep pawh a lian tha duh lutuk (Y)
October 15th, 2011 at 5:54 pm
Vawikhat chu bus tawt deuh ah hian ka bulah thutna hi a awl a, nu leh nula ding an awm nual avangin ka thu duhlo a, mahse vainu pakhat rawn lut thar hian thutloh hlau em em hian hmanhmawh deuhin midang a rawn nek phei nasa mai hi ka hmu a, ka ngeiin kalo thut khalh daiha. Raipuar alo la ni zui, han ken leh mai ka tum laiin. “Raipuar techu thutna ken tur alawm.” tiin min rawn vin khanglang a ka kian duh leh talo. lolz
Ken beisei ringawt ho hi ka ei vaklo, mipa pawh ni ila harsatna leh damlohna ruk kanlo nei ve thei a. nula chak tha lai aia awm nawm loh chang a tam ve thei bawk.
October 15th, 2011 at 5:57 pm
Ms, i dawnah i chiang viauin ka hria..I thil sawiah hian ngaihtuahna tithui deuh deuh a awm tlat mai.
October 15th, 2011 at 6:00 pm
Funny-a PMS phei hi chu tuar thei tak ani…bus seat ken tih vel hi chu hope vak loh tur..
on the other hand mi hrisel tak eg. HVa, te hi chuan bus seat chu sawiloh toilet seat thleng an kian thin.. 🙂
October 15th, 2011 at 6:15 pm
MZU busah vai an polite lo ka ti zawk fe. Mizo mipa in an kian ka hmu zing zawk fe bok. Ka experience ve mai mai!
October 15th, 2011 at 6:19 pm
a tha chin bak an kian duhlo ani ang chu… mizo mipa sual zia hi chu aw :-O
October 15th, 2011 at 6:21 pm
Hnamdang thutna ken nachang hria aiin hre lo i tawng hnem zawk lo’ng maw? Chu bak chu i tawn pawh ka ring love a…Lal Mes!
October 15th, 2011 at 6:30 pm
Keichu min pawm dawn phawt chuan thutna ka kian peih reng che…Kum 23 bawr vel..chhelo rual lek tur i ni lehnghal sia.. 😉
October 15th, 2011 at 6:31 pm
i mizo mipa hypothesis siam nan i story pahnih zawm khawm khi a incoherent emai…caught in a mental dilemma and perpetual confusion psychology emaw social work student i nih duh hmel 😛 :fiamthu:
October 15th, 2011 at 6:52 pm
Bona, kei chu ka hre rîn rânah!
October 15th, 2011 at 7:02 pm
ts…a fb right hand side ah tereuh te in i awm leh tawh ami a 😉
October 15th, 2011 at 7:10 pm
A post tunu hi ka hmelhriat kha a ni ang em aw!!!! no comment 😛
October 15th, 2011 at 7:17 pm
Ngaihtuah a ti thui hle mai…Vairam a lehkha kan zir lai chuan busah vai hmeichhia thutna kan kian ve thin…
October 15th, 2011 at 7:27 pm
ATM a mizo tlangval(thingtlang mi?) i chhan dan leh ilo respond vel dan atang hian ‘Miten ka chungah thiltha ti se, mi chungah ti ve lem lo ila’ i ti ni berin ka hria.
October 15th, 2011 at 7:35 pm
Insecure hma zek zawk lutuk mai. Ilo chhan dan atangin a ngei che anga runluih nan che a ding reng zawk aniang. mi ATM kal tuma awmloh laia lo chang ni se minute 5 chhung techu advantage a lak a tum hman daih ang. 😛
October 15th, 2011 at 7:53 pm
kan lu hai chhan te hi a van in ang lo e aw..Kei ni kan duty chau lutuk scotland zotui thiangin lu kan ti hai a, nang ni bus vela thutna ken loh chungchangah in lu in ti hai a..han ti vel ila, he topic hi a hot zek lo maw 😛
October 15th, 2011 at 8:11 pm
MZU Bus chu kan line-ah i awmlo a niang, din ngai hi chu an awm ngai vak lo a sin maw le aw!!!
MZU-Aizawl nih chuan seat hauh tu tur englo tha deuh nei la 🙂 , an hauh sak theihloh chu chuan keiman ka lo hauh sak thin dawn che emaw ni aw!! 😀 😀
October 15th, 2011 at 8:35 pm
sailova hla ha “MS i dawn chiang lo” tih a awm tak kha mawle 😛
October 15th, 2011 at 8:38 pm
Bus ah hian ka chuang khat viau. Zin vei vahnaah pawh hian hmeichhia, naupang,pitar,putar tih vel,ka seat aia hrehawm a an thut chuan ka seat ka kian ve fo thin. Phairam a bus or auto rickshaw ka chuan pawh in chu ti bawk. (Y)
October 15th, 2011 at 8:40 pm
“He lai hi em ni inentir tur hming ziahna?” ti a zawhna ichhandan khi a mawilo mange.. Chutah Bus-ah lah chuan thutna tha ila chang zui.. LEI HI CHU MISUAL TE HAMTHATNA anihzia i pholang… 😛
October 15th, 2011 at 8:47 pm
#25 Bona, awm chiang e! Hahaha
October 15th, 2011 at 8:57 pm
ATM ka nei ve hun chu…mitam lai cauh in ka la chhuak ang…:-D
October 15th, 2011 at 9:06 pm
He post chu ka like hle mai (Y)
October 15th, 2011 at 9:25 pm
I plot hi a fuh zan lo in ka hria. I rawn edit tha leh dawn em ni ang?
Delhi metro ah hian nitin darkar 1:30 ka chuang thin a, ka thu ngai meuh lo, hmeichhia an awm chuan. MZU a kal thin i nih chuan zirlai i ni ngei ang a, tuna i thil rawn sawi hi kum 2 i kal chhunga thil thleng awmchhun a ni em?
I post a tawi tho bawk a a dang te pawh rawn sawi zel rawh. Hnamdang tlangval aia kan lo nikhualo viau anih chuan Mizo tlangval te hi in enfiah chu kan ngai khawp ani tihna a ni thei ang chu.
October 15th, 2011 at 9:30 pm
I Lu kha han enchiang la ala pangngai rengin ka ring. Lo hai tawh miah lo la ka duh e. (Fiamthu awm rawh se )
October 15th, 2011 at 9:33 pm
Hnamdang tlangval ngaihzawng i nei chiang mai. Hnamdang ngaihzawng/pasala neiho hian thawkaphit-ah mizo mipate rawn dem hluai an ching. Nang pawh hi mahni inthiam chawp nan thu fahrah tê hmangin zo tlangval i rawn hmu khaw lo a, hnamdang tlangvak i rawn fak vel mai a nih ka va ring e. Tin, mizo nula dik tak i ni lo maithei bawk. akekeke
October 15th, 2011 at 9:54 pm
Ka la duh tawk lo. He pa i sawi hi ka pa a lo ni reng a!!!. Thingtlang atangin in entir turin Aizawl a lo kal a, ATM kha a lo la hre ngai lo hrim hrim a lo nia. Kan lo hrilh lo a kan thiam loh zawk mah a ni awm e.
“In entirna tur hming ziahna hmun emaw tiin ATM an tih ah khan ka lut a, Aizawl nula changkang deuh mai hi ka zawt a, en pawh min en loin min vin ta nek mai a” a ti nuah nuah mai ka pa chuan. Hrilh hai takin ka ding reng mai a la ti zui.
October 15th, 2011 at 9:59 pm
Mizo tlawmngaihna kan tih hi a changchuan kan hnampui chung ah chauh kan lan chhuah tir thin ni in ka hria. Kei chu ka tlawmngaih theihna tam takah hian inti fel over min ti ang tih hlauh hian ka tlawmngai lo fo.
October 15th, 2011 at 10:22 pm
Kan mizo hmeichhia-te vai hmeichhia leh hnamdang hmeichhia hrim hrim nen khaikhin a in sehhel (tough?) em em nachhan chu Mizo mipa te hian kan duat hliua hliau kherlo che u a, kan tihrawk hrehlo che u a, kan hmangaih tho bawk si che u a, chung vang chu niin ka hria, Vai hmeichhia awlsam te a trap pir per zel te dinhmun ang hi awt duh miah su.
I rilru ka hrethiam e. Good Post, a dang pawh rawn thawh zel thin rawh @Ms.
October 15th, 2011 at 10:30 pm
Ngatinge i lu alo hai mai mai aw, lo hai tawh suh se, duat duat…
October 15th, 2011 at 11:51 pm
Hmeichhia an nih vang ngawta thutna ken a tul ber lovin ka hria. Kei phei chu kian turin min beisei suh, ka din chuan ka luak dawn zel. Hmana nu pakhat ka ken a thu duh miahlo kha chu zahthlak duh ve tak a ni, ka tho laklawh tawh si.
October 16th, 2011 at 2:21 am
I ngaihdan letling chiah khi ka awmna ah hian a thleng ve tlat mai. India mipui te ngaiha bright tak tura ngaih te nen nitin Bus kan chuang ho fova (insawi thei 😉 ). Kan tawt thei laileng khawp lehnghal, Bus a lut hmasa sa thut hmasak a ni tawp maia. Nula leh awmnem zawk (pitar putar) pawh lo lut se thutna kian hi an vang thei khawp mai.
Tin, nula thutna ka ken pawhin manner ah lawmthu min hrilh ve ka beisei rilru thin a. Lawmthusawi chu khawi ah, ka chhuk dawn hnaih avanga kian mai mai ah min ngai aniang an thu then a engmah an sawi zui ngailo. Thutna inken hrethiam hi mi tlem te chauh a ni kan awm.
Tin, Mumbai Bus zawng zawng ah hian Driver seat hnung len phei a chanve aia tam hi hmeichhe tana reserve tawp a ni. Chumi awmzia chu manner a awmloh avangin restrict tawp a ni tihna nih chu.
Vaikhawpuia cheng te ai chuan manner hria pawh kan la tam zawk lo’ng maw. Tuna vai kian tute che nen khian an ramah chuang ho ula an kian kherlo maithei che ni, an ti ngai vak lo. An ti ani pawhin tlawmngaihna vang aimahin dan khap thil anih vang lek te a ni zawk fo. Chu erawh chu a hlu miahlo.
Keini Mizo techuan khawi hmunah pawh kan la apply a nih hi 🙂
October 16th, 2011 at 6:41 am
Bus chuan hi a khat a, chuan changa hriat tur —ram dangah chuan luhna kawngka bulhnai hi Elderly leh handicapped tana zuah a ni bik. Chuta pa valai, nu valai thut thurh chu thil tih chi vak a ni lo.
Zoram-ah hi chuan kan kristianna kalphung tichhe rawih khawpa hnung tawlh chhen a ngai thung. Kiantu hmuh leh kan nihlawh a ni mai. MZU ber Bus chuan dan manner a ningnel lo chu —kan va inzirchhuak mawl dawn ve le.
@Msi : Khami tuk kha i draw chhuak tlem em a, ka chhuhsak duh ta lo che a nih kha! Vai pathumte pawh kha ka business partner vek, thirchhe zawng leh bottle ruak vai khawmtute an nih kha. I rilru a dam sawt em?
October 16th, 2011 at 6:49 am
Jaintia Hills-a i zin changin hei hi hre rawh, Bus ticket hi Counter atangin an la ve mang mang lo. An thut duhna hmunah polythene bag an tawn (lash) tawp mai! Chu chu hriat kar tur. Departure hunah an chhuak a, kawnglakah a man an khawn chawp mai thin. A chhung chang lote chu Bus chungah, bus hnung leilawn-ah, bumper-ah a bei thei thei an bei tawh mai a. Bus chhung tukverh bula thu tan, ban dah chhuah loh leh hawi chhuah loh a tha ber, bus chung lama mi travel-sickness nei a rawn luak palh thei tlat! Bus tukverh darthlalang pawn lam rang niai nuai khu eng dang a ni lo va, chung lam atanga ar-chaw rawn pe ta maite sulhnu a ni. Silfaina hun an nei khat ve thei ropui si!
October 16th, 2011 at 6:51 am
Ka rawn tarlan keuh hlawm hi —luhaina mai bakah chil a rial duh teh a nia! 😛 (Luak)
October 16th, 2011 at 6:54 am
Nula pakhat bus chuang pawh a lu a hai nasa khawp a. A luak ta chiam mai a. Dawlrep bai a luak chhuak rui mai a. A zak lutuk bawk si, tihngaihna hre lo deuhvin, “Awi, ka duh lo lutuk, ka ei loh loh ka luak chhuak vel!” a ti ngawt zu nia!
October 16th, 2011 at 8:12 am
#50, hahaha…
I point rawn tar chhuah 2 te chuan ngaihtuah a va ti thui ve le…
October 16th, 2011 at 9:02 am
Ka sawi ve hun..ka duh ang hun ah in comment ka chhang theilo che u a pawi ka ti khawp mai..
In sawi tha duh liam liam a, ka lu haina ber Mizo mipa te ka tan lutuk che u ni a ka in hriatna hi a sual lo nih hi, in lo la phu hle mai
a lawmawm e.
Keimah in ni lo a, ka tawn hi in tawn a ni lo bawk a, ka ngaihtuah leh inngaihtuah chu a inanglo viau hi chu ka pawp thlap e. In rilru inlo sen phah ve hrim hrim a, ka lawm.
A bik takin
#41 i pa a ni takzet a nih chuan min biak tirh khan ‘Mami’ emaw, ‘Nula’(emaw ka pi pawh) mi ti zauh se chuan kan duhlo dan ve ve a thil kan tawn hi kan tawn loh ve ve ka beisei. ‘Aizawl nula changkang’ leh ‘Vin ta nek’ a ti kher hi chu ka helh deuh e a…Amaherawh chu, bel chiang hmasa zet lo a, a landan mai vanga ka hlauh ngawt vang kha chu ka thiamloh a ni a, ngaihdam ka dil e.
October 16th, 2011 at 9:59 am
Zo tlangval te inenlet kan mamawh a ni e.
October 16th, 2011 at 10:57 am
Paris to Atlanta ka thlawh dawn in, terminal tang bus in min thiar chhuak a, kan thlawhna kha leihlawn, lawn kai tur lo thui reuh a, ka bul a, pitar te, handbbaggage rit deuh keng kha, ma’am u need help ka tia,thank u so chweet of u tia, ka khai chhohsak a, air hostess luhna a lo duty ka pe, pitar ta saw ni e ti in, min fak luam luam a, hnarkua a zau duh khuffs mai (insawi thei ve loks,chawnghilh ishityle—a rei toh)
Mahse ramdang ka kal tawhna ah hian, polite chu ka hmu hnem, mizoram tluk a, tlawmngaihna erawh ka hmu lo, vairam ah phei hi chuan awm lo maw tih theih
October 16th, 2011 at 11:05 am
he bus-ah hian ka la chuang lo
October 16th, 2011 at 1:39 pm
MZU bus ah a chuang thin an hian zirlai an tam ber a,seat an in hauh sak nasa thei hle, an thiante lo kal tur 10 vel te seat tur hauh nan bag, lehkhabu adt ah dah thin a, hei hi chu a tha lo khawp mai
Gender equality hi kan sawi fo a, hmeichhia te hian mipa te nen inang a treat an duh leh si lo
October 16th, 2011 at 1:41 pm
Mizo mipa te hian sawisel hi kan va han pawm mawh tak e aw..
“Self-centred” tih hi kan nihna ani.
Kan nulate kan tiduhdah ka ti ve mai mai.
October 16th, 2011 at 1:47 pm
#57
thingpui ka lo lum nghe nghe teh ang che 
kha rose pawh 
October 16th, 2011 at 1:48 pm
@56, ka hmeichhe zirlai hriat pakhat chuan pencil leh newspaper te’n a hauh vel mawle,hehe
October 16th, 2011 at 1:48 pm
57, Nazareth Isua tih loh kha chu he lei a piang mihring zing ah hian self-centred lo i hmuh ka ring lo
October 16th, 2011 at 4:40 pm
# 56 :
I thingpui lum pawh a tui khawp mai. Rose pawh a rimtui.
# 60 : Famkim lo rau rauhah pawh hian “A loa luak chhuak” an tih ang deuh hi kan ni tlangpui, keini Mizo mipa te hi chu.
Gender Issue ah kher kher hi chuan Mizo mipa te hi chu kan thiamlo ka ti hul hual. Kan nula te tana chhuanawm leh ngaihzawnawm zen zawn hi kan tam lo ania, tak takin. In mualphona nilo se, Mizo mipate hi kan inenlet a tul ve tawhin ka hria. Kan Mizo nulate bak baka tlawm thiam leh mipa zah thiam hi a hnam ang zawng phei chuan an tamlo khawp ang.
A post tu nu MSi pawh a tawn ang hi ka dawn thiam ve deuh ruak ruakin ka hria. Rawn thawirang fo rawh se.
October 16th, 2011 at 9:08 pm
# 52, MS, nang aiin ka sawi awihawm thiam a va ni mai awm ve