Mizo Kristian, Pathian ringtu ţhaa inruatte chuan, tute’n emaw suahsual rawng an han bawl hlek tawh reng reng chuan, “setana thu zawmtu,” an ti thla chawt zel tawh mai a. setana’n sual ti turin a thlem niin an ngai hmiah mai a ni. He Setana an tih hi ramhuai Lalpa niin an ruat tlat bawk a ni.
Mahnia nun hran neia awm ve hrim hrim leh mihringte thil sual ti tura thlem ţhintu ramhuai zawng zawng thunun vektu, amah pawh ramhuai niin an ruat ţhin a ni. Vana vantirhkoh tam tak zinga awm ţhin leh, Pathian chunga a hel tâk avanga vantirhkoh dang tam tak pawh thunun tela ama hoa van aţanga leia hnawh thlaka awm ta niin Kristiante chuan an ruat tlat a ni.
‘Setana’ han tih hian Kristian zungzam dik tak mai aţanga Mizote chuan a hming hikanlo hriat ve a ni chauh mai a. Kristian an awm hma daih tawh khan Torah buah te, Samaritan Pentateuch buah te, Apogripha bu lamah te a lang daih tawh a. Tuna Bible thuthlung Hlui buah pawh a chuang a ni.
A hming hrim hrim pawh hi a hrang hrang ziak te a awm a. ‘Setana’ tih a nih lain a ţhenah chuan ‘Diabola’(devil) an ti a. A ţhenah ‘Lucifera’ an ti bawk a ni. Tin, Rul tih emaw, ‘Rûlpui tar’ tih emaw, ‘Varparha’ tih emaw a ni bawk a ni. A hming lanna hi tam hle mah sela a lo lansarhna bikte chauh han tarlang tai la,kanthu sawi tur a fiah zawk theih nan.
Genesis buah, bung 3-naah chuan Evi thlemtu ‘rûl’ angin a lo lang phawt mai a, ramsa zinga fing vervek ber niin a ziak lang a. Hetah hian rûlin mihringte a hnehna tihlanna a ni phawt mai. Number 21:9-ah chuan Mosian dâr rûl asiama, banah a khai a; rûl chuk na miin a chuk tawh he dâr rûl khai en apiang an damnaturin.
Hetah hian rûl chu hnehin a awm a ni tih a tilang vet hung a. joba buah chuan Setana a nihna hming ngeiin Jobate chhung inkhawmnaah ‘Varparh zing lam fapa’ angin a sawi thung a. Zakaria buah chuan Setana chu Pathian a hauhtir bawk a. chung chu lo duh tawk rih mai ta ila.
A hmasa berah chuan Evi thlemtu rûl chu Evi rilru kha a ni. Adama rilru aţanga châkna lo chhuak chuan amah Adama ngei chu a thunun zui a, rûlin mihring a thlem thei ngawt lo reng reng. Mihringte thlemthlu thei khawpa fing vervek chu rûl a awm lo a ni. ‘ramsa’ a ti si a. mihringte hi ramsa mai maikannih thu Lal Saula chuan a sawi a ni. Mihring rilru hi a verther ţhin a, mahni lehmahni an inbum fo a, ‘Bum hmang, chhe lailet der a ni’ tih a ni.
Mosian thlalera dâr rûl a khaikanpawh kha mahni leh mahni inbum ţhin mihring Isua entirna a nih daih kha (Num.21:9, Joh.3:14). Isua thlalerah ni 40 leh zan 40 chaw ngheia a awm laia Diabola thlema a awm thu an ziak pawh kha ama rilru nen an inkawmna mai mai a nih kha.
Khatiang chiah kha a ni, Joba leh a chhungte an chhûng inkhawmna Setana lo tel ve anga an ziak te kha. Mihring rilru dik lokanhriat leh thil ţha lo, lo thlengkanhriat te hi Setana tih anginakanpuh a ni zawk a, a hranin Setana hi a awm hauh lo mai. Mihring chu ama thinlung bumin a awm ţhin a, mi dang pawh a tihder a, ama mihringpui ngei pawh a bun ţhin zâwk a ni si a. Bum hmang awmkhawm an ni, Jeremia chuan a ti a ni.
Setana hi a hrana awmin van Pathian laka a hel avangin Van aţangin leiah an paih thla a ni lo. Mihring hian Pathian remruat a dodal ţhin a, chuvang chuan Pathianin chatuan nun a buatsaihsak hi an hre thei lo a, an hmu thei lo ţhin zâwk a ni tih Genesis bua Nunna Thing rah chu eia an nun reng loh nana Eden aţanga hnawh chhuah an nihna hian a entir chiang a ni. Isua kha leiah, ran thlengah muin tlâwm takin mihring zingah a lo piangin a rawn khawsa ve dawn tih hriattir lawkna atan Vanparha, zing lam fapa chu leiah sah thlâkin a lo awm thu an ziak a ni zawk bawk.
Isua kha Setana angina a chantir a nih chu. Mihring sualna hi Setana chu a ni a, sual chu hnehin a awm tih a sawi lanna a ni. Petera pawh khan, “Setan, ka hnungah kal rawl..” a tih kha. Vanah indona awm anga sawiin, Mikaela leh a hote chuan Setana leh a hote chu hnehin leiah an paih thla niin a sawi bawk a ni.
Khang te pawh kha Isua ni 40 leh zan 40 chaw a nghei hnu a, Setana nen inbeia inthlem vel anga an sawi te nen khan angkhat tlang vek a ni, an sawi mak kual mai mai a ni. Khatiangin van indona pawh a awm lo, awm anga sawi mai mai a ni. Tin, vantirhkoh chak takin Setana chu man anga a sawi te pawh kha leilawtah a khar khum anga a sawi te kha, Rome sawrkar thuneihna remchanga hmanga Isua an man a, an tihhlum hnua an phum tak thu an sawina mai a ni. Khawvel zawng zawng bumtuah an ngai a nih kha. “Tidertu” an tit lat si a.
A tawp berah chuan, Setana hi a hran a lo awm lo hrim hrim a ni tih a chiang a. Tunakanhan tarlan mai ang pawh hian a fiah a. Ţhenkhat tân erawh chuan a la fiah zo lo deuh pawh a ni mai thei e. Setana hi Kristian zungzam leh Bible-a ziak aţanga lo lang mai a ni a, a tak tak a awm a nih chuan mihring hi a ni tih a lo chiang thei ta a ni. Rûl hian a bum hauh lo ang che.
Similar Posts:
- Setana hi a biak tlak tak tak em?
- Pathian hian mihringte hi a hmangaih tak tak em? PART-I
- Battle Ground (Mihring)
- Kristian sakhua leh Mizo hnam sakhua danglamna
- LALRAMA MIHRINGTE PATHIAN KAN NIHNA
October 19th, 2011 at 12:02 am
zoho, Samsung Galaxy II te chu a to lulai em mai. Akash tablet lo chhuah hun ka chang
@Ignatia, zoho hi mizotawng a thiam ve tep tawh
Report this comment
October 19th, 2011 at 12:12 am
hahaha… ^ hei hi chu Century siam tum vang hrim hrim a rawn OT a nih hi
https://www.cosmicfingerprints......-universe/
Report this comment
October 19th, 2011 at 12:18 am
donald a chu i nick ziah dan style pawh a va pangngai ta ve
Report this comment
October 19th, 2011 at 12:21 am
@Sandman pawh a Single MI a harh ve ta chiah ni mawms!
Report this comment
October 19th, 2011 at 12:21 am
Sandman, tar lamah hi chuan…
Hma-i kha pasal a nei tawh em ?
Report this comment
October 19th, 2011 at 12:22 am
105 ..oucccch
Report this comment
October 19th, 2011 at 12:24 am
In va OT nasa suah suah ve aw…., duh leh Hnam sakhua hi a bibo tlat sia mu daih ang.
Report this comment
October 19th, 2011 at 12:26 am
Evan pakhat chuan Sehtana tiin a lam tlat bawk, sehtana awm ring leh ringlo ho AUTI ang u.
Report this comment
October 19th, 2011 at 12:30 am
hets… OT tawh lovang u
Report this comment
October 19th, 2011 at 12:33 am
Kan naupan laiin crusade kan zui ve a, naupang dang kha counseling ka pe ve alawm mawle. “Satena” kan ti chiah mai chu…a thutak theih tawhloh reng reng. I go
Report this comment
October 19th, 2011 at 12:36 am
@Hman sakhua… tih an type atang khian a dik tawhlo, @setana a inrawlh a niang, a awm chuan.
Report this comment
October 19th, 2011 at 12:44 am
@HV, #110, a la zia a nih chu, Cherhlun a Pastor Lengluta hova rawngbawlna kan neih tumin counseling class ka neihna ah ‘LALPA’ tih sawi ka tum lai takin naupang pakhat khan tomato to tantir kha a pawt chhen mai a, ‘Tomato’ ka’n tih piap chu! Kan nui zo vek tep, kei tihloh.
Report this comment
October 19th, 2011 at 12:48 am
hnam sakhua,i ziak tha latuk. .ka hlawkpui e. .lo ziak zel rawh nau-a. .
Report this comment
October 19th, 2011 at 12:55 am
@sandman, zialo deuh in fb ah ka rawn pm che aw… hehehe….
Report this comment
October 19th, 2011 at 12:57 am
ok zoho, checking…
Report this comment
October 19th, 2011 at 1:17 am
Saitawk #112 ka nui vun vun mai hairehai
Report this comment
October 19th, 2011 at 1:37 am
in mu ta vek ani maw? Thil chiangsa reng hi in sawi luih luih zel..a nep lutuk, in hmial ber lah chu ramhuai pukah a tawm daih si a..
Report this comment
October 19th, 2011 at 1:43 am
ty..sandman… kha a lawm nan..
hehe… 
https://i56.tinypic.com/nciejc.jpg
Report this comment
October 19th, 2011 at 3:40 am
Seatana hi a awm tak tak em?
Awm e! Tunah pawh Hnam Sakhua-a hmangin Pathian leh a Thu Thianghlim a sawichhiat mek hi!
Hnam Sakhua hi chu a bo chhah lutuk a, Bible hre nial nual siin a kawi thei ang berin a her kual vel a, thu taka chhan tlakah pawh ka ruat tawh lo.
Hnam Sakhua, i thlarau chhandamna kawng i intlawh ping chho zel dawn em ni? Heng i thu lawilo sawi zawng zawng hian Pathian hmaah thiam loh a la chantir dawn che a sin!
Hebrai 10:29 hi lo hre nawn teh: “Pathian Fapa rap bet a, amah tihthianghlimna thisen thuthlung thil bawlhhlawha ruata khawngaihna Thlarau hmusittu chu eng tiang fakauva hrem tur nge nia in ruat?”
Hnam Sakhua, SATANA a awm chianzia chu NANGMAHAH hian a lang reng a lawm!! (seriously!!)
Report this comment
October 19th, 2011 at 7:10 am
Misualah ka lut khat ta deuh aniang… hetiang Setana hi a awm tak tak em tih thread te a lo awm ta a….!!
@ Hnam Sakhua, Setana chu awm teh reng mai…. LalIsuan thlemna a tawh a, setana nen an inchhan dana i ngaihdan te hi a va han mak thei em em ve..
Comment hi ka chhiar hlawm a, donalda hian a chhang dik khop mai che….
tin, keimah chhanna ang hian mi tam tak ngaihdan a sawi chiang viau bawkin ka hria…
Hnam Sakhua chu i post rawn vil la, Setana chung chnag chu lo sawi ho ila maw le..
Report this comment
October 19th, 2011 at 10:13 am
Hnam Sakhua in kawk sawk saka ni maw… Hnam sakhua hi ka ring tihna ni miah lo se.. Mahse a thil rawn sawitum ka hriatthiam dan chuan.. Religios text ho hi a literal Meaninga chhiar vek kan nih ka ring a..
Entirnan #91@donald a rawn sawi ang khian a “Rul” awmzia diktak chu “dawi/zel/thlem” tihna lampang zawk ani thei ang.. a tih khi a dik zawk awm mange.. Religion lampang reng2 hia a zir in zir lo mah ila, flaws(dik lo) a tam zia lampang zawk a ni ka rawn sawi duh..
Entirna dang leh chu, Bible a thu inziak chu a i ang vek a, mahse kan interpretation chu a dang leh theuh a.. Vawwin ni ah hian “Rul(setana)” tih chungchang bikah khian, mihring nawlpui a an hriat dan chu “Rul” a ni tawp mai.. Hetiang thil ka lo ngaihtuah ve tawh thin zawng2ah chuan donald a sawi Comment#91 khi a awihawm ka tihzawng ani tlat mai….!! Thlem/dawi.. etc…
Hei hi ania, ka sawi leh thin ang, Religios books te hi kum sang chuang mihringten an interpretation in an kal pui hmiah hmiah mai a.. keini kum 2000 hnu lamah chuan a dik zawnchhuah hi thil theih ani tawh lo.. “I ring a, I hlim chuan ring rawh..”.. Mahse, Hnam sakhua a nih avanga sawisel pawh khi a dik bik chuang lo.. Hnam Sakhua a pawm a, a hlim chuan, kan zah thiam a ngai..!
Hnam sakhua an tih pawh khi kum 2000 ral hnu meuh chuan khawvela religion lian tham a lo ni mai thei asin.. who knows??
Report this comment
October 19th, 2011 at 10:40 am
Kei chu hnam sakhua hi ka ngai sang… dik nia a hriat hi a sawi chhuak thiam em mai
Report this comment
October 19th, 2011 at 11:31 am
a ngaihnawm hle mai. I sawi ang hian setana chu kan rilru mai mai a nih duh hmel hle mai a
Report this comment
October 19th, 2011 at 11:33 am
@no_nick:
Ni e, rûl han tih hian vawina kan ngaihdan anga tleng zêl zêl, lei chhuah zek zek ang hi a ni kher lo maithei. Setana hi spiritual entity anih avang hian mihring anga physical form neia ngaih tur pawh niin a lang lo. Amaherawhchu physical form a neih loh avang hian a AWM LO tia sawi bo chi pawh chu a ni chuang lo. Physical form-a in manifest emaw mihring rilrua hallucination create thei khawpa entity maksak chu a ni ve hrim hrim. Christian experience refer miah lo pawhin hemi evidence chu Joseph Smith (Mormonism founder) leh Claude Vorilhon (UFO religion, Raelism founder) tena alien/angelic/demonic encounter an neih atang hian a chiang. Hei ai maha chiang chu Muhammad-a encounter kha a ni. Ani phei kha chu Muslim chhungkuaah mai nilo, Christian leh Jews te pawhin mi rinawm (sincere) nia an pawm vek a ni. A entity hmuh kha enga pawh ni se (angel or demon), a hmu ngei a ni tih hi pawmdan nghet tak a ni.
Chuvangin Evi thlemthlu tu kha amah Evi rilru ngawr ngawr ang zawnga ngaihna lai tak hi a nia HS-a ideology ka’n criticize chu. Evi rilru rawn enchant or influence tu tak kha a ni Setana kan han tih hi — outside influence a awm tihna a nih chu.
HS-a hian a sakhua rawn sawi mawiin emaw a thil pawmdan rawn tarlang mai nisela chuan sawi tur ka nei lo — a thu a ni. Mahse Christian thurin leh Bible a rawn twist nasa lutuka, a ni lo zawnga midang a influence ka hlauh vangin ka han ri ve ta chul a ni e
Report this comment
October 19th, 2011 at 12:26 pm
@donald : Christian Religion a lo intan tirh atang khan hetiang ang zawng hian inzirtir ta char char se.. Literal meaning a interpret hian engemaw chen chu a Religios text tamtak hi a tih dal phah thei mai lo maw..??
Religion system complex lutuk mai ah hian mi hian a literal meaning a thil an lak zel chuan tun atanga kum 500 a thlen meuh chuan “Rul” tih tak pawh khi.. “Kha rul khan telepathy (*Read NOTE*) hmaning Evi kha a thlem a” an lo ti daih thei..
Kum 500 hnu ah phei chuan evolution theorists hovin.. “Kha rul ang kha, kum 3000 hmalam kha chuan he khawvel ah hian an awm, tunah chuan an extinct tawh (like Dinosaur) te an lo ti leh zel anga..”
Ka sawitum ber zawk chu, hetiang a kum 2000 hmalam thil kan sawi reng reng hian finfiahna kan nei lo tih hi ani..! Mihring leh ramsa te kan taksa a lo evolve a, kan ngaihtuahna te pawh a evolve a, chutiang xel chuan kan thil hmuh leh hriat te, interpretation te pawh a evolve ve reng ani.. Chung kan thil hmuh leh hriatte chu Generation dangah kan hlan chhawng ve zel a.. hemi inhlanchhawnna process ah hian addition/subtraction tam tak a awm ngei ang tih hi chu ring tlang ang u..”
Hinduism ani emaw, Islam a ni emaw, Christian ani emaw, tuna kan sakhua sawi leh rin leh a nihna diktak hi a in ang kher lo maithei.. Vanram kai theih dan kan sawite pawh hi a in ang lo mai thei..! Religion hi politicise anih hrep tawh hnuah a darh zau thei chauh tih pawh kan pawm a ngai ang..
Religion hi politicise nilo se Mizoramah hian Christian-na a lo thleng kher lovang, Mizoram hi Buddhist state a nilovang tih a sawitheih miah loh.. British ho khan India an awp beh lai khan Theology Politics an hmang tel tih pawh hi hriatthiam a pawimawh khawp ang..!!
(*NOTE*: Rul hi a tawng theihloh avangin Mihring(Evi) kha engtin chiah nge a thlem?”)
Report this comment
October 19th, 2011 at 12:41 pm
Hnam sakhua a thil rawn post leh comment zawng zawng ka chhiar chhuak a ngaihnawm viau ve.
no_nick-an a ziaktu sawi tum a rawn phawrh chhuak tha ber tlat (a post tu lah a bo daih si a
). A tawp ka chhiar thlen hmain a ziak tupa hian “Myth” a rawn chawtak khukpui hluai dawn emaw ka lo ti hman, 
Report this comment
October 19th, 2011 at 1:50 pm
no_nick,
I sawi hi ka pawm thlap. Christianity pawh hi AD 300 hnulama Constantine-a’n state religion-a a puan avanga khawthlang rama inzar pharh ta kha a ni reng a. Religious institution dang ang thovin Christianity pawh hi a corrupt. Chutih rual erawh chuan Christian zawng2 hi an corrupt ta vek tihna erawh chu a ni si lo.
I sawi ang khian kum 2000 hmalama thil thleng emperical proof awm bawk silovah hi chuan extreme taka doctrine enforce tum hi a finthlak loh. A lehlamah erawh chuan emperical proof awm kher lo mahse thil nihdan phung erawh chu a tlangpuia hriat theih hi a awma; hemi avang hian scientific evidence a awm chuang lo tih vanga logical reasoning leh circumstantial evidence zawng2 hnawla, personal whim-a eng dogma emaw lo vawrh chhuah phei chu a atthlakin ka hria. Tun thleng pawhin ‘flat earth society’ an la awm hi! Mahni ngaih ve dan tundin tum tlat hi kan awm ve hrim2 a, zuitu lah hi kan awm ve zel mai bawk a.
Khawthlang hovin Christianity an politicize hi kawng 2-in a thlir theih ang: A ṭha lam leh a chhe lamin. A ṭhatna chu Isua Krista gospel mite’n an hriat phah. A adverse effect erawh Isua Krista zirtirna aiin Christian sakhua zirtirna-in hmun a chang tama, Pathianin Isua Krista ringtute (Kristiante) awmdan tur a sawi ang ni si lova mahni ngaihdan leh ṭha tih ang anga nung nominal Kristian billion chuang a hring mêk a ni.
I sawi khi a tlangpuiin ka pawma, mahse ‘Religion hi politicise nilo se Mizoramah hian Christian-na a lo thleng kher lovang’ i tih erawh hi chu a diklo maithei. A chhan chu Mizorama missionary lokal te kha British colonization leh Muslim agenda ang hrima Christianity spread duhna spirit avanga lokal anni tlat lo. Mimal thinlunga Pathian ram chanchin ṭha puandarh duhna thinlung leh ram thim veina spirit diktak avangin khatih hunlaia khawvela kohhran nung ber Welsh kohhran missionary-te inpekna vang a ni. Politicized Christianity nen chuan Mizorama Kristianna hi bawm khata khung chi chu niin kei ka hre lo deuh. A awmzia chu Christianity politicize hma — 1st century AD — anga missionary spirit tho khan Mizoramah chanchin tha a rawn thlen a, chuvang chuan Religion hi politicize nilo mahse Mizoramah hian Christian-na hi a lo thleng thovin ka ring tlat.
Lal Isua’n AD 30 vela a sawi AD 60 vela a zirtir ten an transcribe ‘ram tinah chanchin ṭha hi hril a ni ang’ tia a lo sawilawk kha a dikzia a lo lang mek a nih hi. Khatih hunlaia Juda leh Roman culture context-a khatianga a sawi kha tuman a thlen an ring lovang. Khawvela zawlnei ropui ber pakhat Muhammad-a meuh pawhin a lo ngaihsan em em Isua Krista hi zui tlak a nih zia hi a ringtute hi a hrechiang tute chu an ni zel mai.
Report this comment
October 19th, 2011 at 4:43 pm
#121 Nie Isua pawh kha a damlai khan an endawngin a diriam em kha tunah chuan a juitute heti zat an nih hi. Hnam Sakhua pawh hi nakinah kanla Zui vek lo ang tih a sawi theih hleinem
Report this comment
October 19th, 2011 at 11:25 pm
Setana hi awm tak tak em tih Hnam sakhua in a sawifiah dan chu ka rin loh ang deuh a ni…..
Hnam sakhua, jesusonline.com emaw y-jesus.com emaw lo lut ve teh a?
Report this comment