Hemi te unau thawnthu hi chu kan hre vek tawh. Hetah hian kan Mizo nihna diktak alang chhuak em ni aw tiin ka ngaihtuah thin. Fahrah leh hmeithai nih leh hmeithai fa nih hrehawmna chanchin hi kan Mizo thawnthu ah hian hmuh tur a awm nual a. Kan pipu te khan fahrah leh hmeithai te hi an en sang lutuk lo tih chu phat ngam chi anilo hrim hrim a. Thawnthu tamtak ah phei chuan an hmusit hle ani.
Thian chhan thih ngam, mihrang sahrang hmaa zam ngailo khan hemi te uanau hi an va hmusit em em ve. Tanpuitu an va neilo ve. Engatinge meialh ringawt en a an awmtir? Rulpui an man pawn ngatinge a sa tha an pek ve phal miah loh? Hetiang thawnthu zahthlak, fahrah te hmuhsitna thawnthu, tanpui mamawh ngawih ngawih puitu neilo an vanneih vanga ding chhuak liau liau chanchin, a hnam ang pawha fahrah endawng ching nih kan hlawh theihna hial nisi hi engatinge vawiin thleng hian kan la inhlan chhawn?
Mizo thawnthu ah reng reng nuhrawn an sual hle ringawt zel a, kan hnam zia mil zawng theuh in hnam tin hian thawnthu kan nei theuh zel. Dawt muhlum a nih ka ring hlawm lo.thudik zulzui zelin kan thawnthu te pawh hi a awm ang. Entirnan Mauruangi te pawh, nuhrawn sual tak anei tih kan hria.
Eirukna leh duhamna te hi kan mize chhungril ah nghet takin alo awm reng zawk anilo maw? Sawipuitu tha neih loh chuan sorkar hna pawh dil ngam a ni tawh hleinem. Thian chhan thih chu kan ngam, mahse kan chanai min eiruk saktute chu kan do tak tak ngamlo. kan chhui zui rei peih bawk heklo. Keimah ngei pawh hi ka ni. Tu emaw in hma a lak turah kan dah vek. Engpawh ti dawn ila pawl ang anih loh chuan mahni mimala che chhuak ngam kan awm miahlo bawk thil tha tih kawngah hian.
Eng ang hnam nge mawn le kan nih le… kan in phun lungawi leh ringawt zela, a huhoa thil tih nuam kan ti em em a, Mahni nih loh ang pheta lan tum, mahse hlawhchham si thin kan ni em…? Mihausa leh mirethei kar zau tawh dan te hi aw… Liandova leh Tuaisiala te hunlaiah khan kan letleh mek a, sawipuitu nei velo leh hmelhriat tha nei velo chuan a pumpui uih pawh kan changpha ta meuh lo anih hi.
Similar Posts:
- Pute u, kan rilru a na thin a sin!
- MIZO TE HI HNAM DAWIHZEP TAK KAN NI.
- Rs1/- khaw nge?
- I ngaihtuah ve ngai em ti hian?
- ENGTIKAH NGE NIANG? TUTE NGE BUL TAN ANG?
October 20th, 2011 at 12:16 pm
Liando te unau unau
Report this comment
October 20th, 2011 at 12:19 pm
Post tha tak ni
Report this comment
October 20th, 2011 at 12:26 pm
va tha tehreng emm
Report this comment
October 20th, 2011 at 12:32 pm
Engtin maw i tih?
Report this comment
October 20th, 2011 at 12:36 pm
Liandova te unau hi Animation in Hmar ho in an siam a, a nuihzatthlak duh lutuk. Tuaisiala pawh Touisil a ni
Report this comment
October 20th, 2011 at 12:48 pm
Liandovate unau thawnthu hi ngaihtuahna a tithui thin khawp mai.Lersia kha lal tha leh fing tak,mi chhia te dinhmun hre turin a inngaitlawm a,khang hun laia khawtlang siamtha tura penchhuak hmasa pawl a nih ka ring.Mizo nunmawi tam tak chu Pu Kawlha(selesih sangsarih) hunlaia lo chhuak niin an sawi.Liandova te hunlai kha transitional period a ni mai thei.Tunah chuan society hi a danglam hle tawh a,materialism leh individualism hi tunlai hmasawnna hri tha lo tak a ni.Hei hian zonunmawi a eichhe mek a ni.
Report this comment
October 20th, 2011 at 12:49 pm
Kan ram zalenna sualin chengrang a au va, kan muanpui chuang si lo. Chengrang au rawl a reh a, tunah pawh kan la muanpui chuang hek lo. Kan inah ngei min luhchilh a, rawk kan tawk a, kut kan tuar ta. Pass percentage aia political fitness hlutna leh rorelna ram rethei kan ni.
Vana Pa, Taitesena leh Chawngbawla te kha lo tho leh ta se; “In va lo changkang tawh ve” ti lovin, “In va tenawm tak” min tih ngei ka ring. Hawh u, Zoram kal siam zai rel ang u.
Gud post…
Report this comment
October 20th, 2011 at 12:49 pm
Analism.
Report this comment
October 20th, 2011 at 12:56 pm
Hnam phakar tak anna kan nei. Lalremliana Pachuau, YMA hruaitu hlun thin tak (nimawma lang) chuan heti hian nimin khan Vanglaini ah a ziak:
“YMA hian ‘Corruption Do’ Kumpuana kan neih ngam lohna chhan hi enge ni ang? Engvanga mi rethei chanhaite sualna chauh hmu thei a, mi lian leh thiltithei zawkte sualna hmuh thelh a, an lakah kan tlawm duai duai thin le?”
Report this comment
October 20th, 2011 at 1:05 pm
Alejendro,anal+ism i tih chuan tum a nei,chu chu ek tum a ni daih,hawrrawp twist hian a tum a dang vek thei.Fimkhur fimkhur: )
Report this comment
October 20th, 2011 at 1:09 pm
Ngaihtuah a ti thui hle mai… Diktaka sawi chuan, Mizote hi Fahrah mai ni lo, dinhmun hniam zawk a ding, mirethei leh chanhai te hmusit ching tak kan ni reng asin..
Report this comment
October 20th, 2011 at 1:24 pm
Thawnthu-ah te chuan hetiang hi a tingaihnawmtu a ni ve a.
Kan lo tha vaklo thin a nih pawhin tunah chuan kan that tawh khawp hi a.
Report this comment
October 20th, 2011 at 1:33 pm
‘Eng ang hnam nge mawn le kan nih le… kan in phun lungawi leh ringawt zela’
A dik ka ti khawp mai. Dik lo kan hmu a, kan hria a, kan phun lungawi leh mai a. Hnam mak tak chu kan lo ni e.
Report this comment
October 20th, 2011 at 1:35 pm
Report this comment
October 20th, 2011 at 1:42 pm
nakinah muangchangin la comment ang
Report this comment
October 20th, 2011 at 1:48 pm
Report this comment
October 20th, 2011 at 2:09 pm
Ngaihtuah a ti thui hle mai…
Report this comment
October 20th, 2011 at 2:28 pm
pose tu pa thlir dan xong a thlir chuan a dik na chen a awm thei ang..mahse hmanlai leh tunlai tekhin chi a nilo in ka hria. kan pi leh pu te ral hlau a tlanchhe reng mai an ni a,chuta karah an la indo ve chhen bawk nen an nun kha a ralti a, an rethei em em a..chutiang mi rilru tur chu i hriat thiam mai ka ring.mi tanpui ai chuan mahni in tanpui mai kha a hunlaia thil pangngai a ni..kan hnam a upa tial tial anga kan fing ve telh2 xel don..mahni hnam mizia kan in hriat tan na tak hi a bul chu ani…
Report this comment
October 20th, 2011 at 4:41 pm
he paws chu a hot viau dawn emaw ka tia,kalo chang char char asin mawl
Report this comment
October 20th, 2011 at 5:34 pm
Liandova te unau hi a ngaihnawm turlehlungkuai,khawngaihthlak thei ang zawng a ziah a niin a lang a!Mizo darthlalang han tih diak2 tur chi ah ka ngai lem lo!Mihring,a zo ,a vai,sap ah pawh hian Mi chhia leh mi tha inthiarna enge maw tal hi chu a awm ve hrim2!ngaih huat lutuk theih chi a nih lohna lai pawh a awm ve in ka hria.ve mai mai! Mahse,Liandova te unau kha chu a ‘over’ deuh,true story based chu a ni lem lo ang ka ring.
Report this comment
October 20th, 2011 at 5:53 pm
A thawnthu hian fahrahte leh chhumchhia zawkte lainatna leh tanpui duhna nasa tak rilruah a tuh a, chuvang chu a ni ang tun thleng a kan la inhlan chhawn.
True story behchhan ai mahin khawngaihna nei tur a min zirtir tum avang a phuah a nih ka ring.
Report this comment
October 20th, 2011 at 7:41 pm
Rethei deuh leh laktlak lo deuh chu mizo society ah an tan hmun a omlo, vai society nen a inang zo daih toh…
Report this comment
October 20th, 2011 at 8:42 pm
Amen amen. Post tha taka ni
Report this comment
October 20th, 2011 at 8:48 pm
Amen amen. Post tha tak a ni
Report this comment
October 20th, 2011 at 8:53 pm
Report this comment
October 20th, 2011 at 10:00 pm
He thawnthu a thil inzep ropui deuh chu anni unau mim fang khat inphel kha a ni awm e.
@ma-a sawi anga sawi khi ka tum.
Report this comment
October 20th, 2011 at 10:07 pm
Liandoate unau chanchin hi hmanlai kan pi pute nun thlirlet nan chuan hmantling niin a lang lo, fahrah unau inhmangaih leh khawngaih thlak em emte chanchin ‘Mizo Thawnthu’ pakhat ve mai a ni e.
Mahse he thawnthu atanga kan hnam nunzia i thlirna erawh hi chu 100% in ka thlawp e.
Report this comment
October 21st, 2011 at 2:58 pm
Khawi ram leh hnam zingah pawh nuhrawn hi an nunrawng duh ani ang, (Cindrella, Snowwhite, etc), mother-in-law nen ;-Mahse an vaiin an ni kher lo. Mi rethei leh hnuaihnung hmusit leh tihduhdah ching pawh an awm zel. Khawngaiha enkawltu te pawh an awm zel bawk.
Folk tale te hian kan mizia engemaw chenah a pho lang maithei; mahse phuahchawp an ni a, inteh nan bera hman chi chu an ni kher lovan. Kan thawnthu tenawm rapthlak Khelchawngi, Chawngchilhi leh Unau Fanghma To Zawng tih te ang phei hi chu Mizo nun nen a inrem miah ka ring lo.
Chu bakah Mizo te hi hnam sual ber kan ni lova, hnam tha ber kan ni hek lo. Khawvel hnam tamtak zinga pakhat ve mai, thatna leh sualna nei kan ni. Realistic taka inen thiama, insiam thatna kawng zawh chu a tul.
Pu Rokunga hlaah te pawh, ‘Mizo kan nih kan lawm e…’ an ti phur viau va, ‘Hnam lungmawl tual kan lenna/ Vangkhua hmun hi sang mahse/ Lung kan mawl e, rairah riang…’ a ti chuai leh raih a, a dik vek bawk si.
A tulna ah chuan in sawisel bawrh2 ila, thahnemngai takin hma sawn zel bawk ila, tih ka rawt e.
Report this comment