«
»

Val to lo (20th Oct, Ka Birth Day pualin)

October 20th, 2011 5:59 am by lr hlonchhing

(Pathian zarah kum 22 ka lo tling ve ta reng mai. Thu tak ka pai thlawt lo, thu dik chanve leh thu lawilo mai mai hi- Birth Day Pualin aw)

Tum hara nam kia?

Tin, heti hi a ni a. Mipa leh minu inkarah fapa a lo piang a. Amah chu Khasi tiat leka pa tê, negro hmui tiat lawiha hmui páwr leh chhipvira biangsum nei; biangsuma chhipvir nei erawh a ni lo.

Ka hming hmasa ber chu Roduhkima a ni mauh mai. Ka pu khán hmindang phuah tur a hre lovah ngai suh, a Silai neih a chhuan êm avanga phuah chauh a ni zawk. A hunlai chuan, Silai a hlu roh êm a nih kha. Ka nu kha a mawl ang angin, a fing ta hlauh zawk a. “A len hunah a zahpui ang” a tih avanga, Lalrinliana tih hming puta chauh hi ka ni awm e.

 Rinna kawnga rinna nei tê êm êm leh ring tlem êm êm, “Lalrinliana” ka ni erawh ka phu thlawt love. Mite pawn Ignatia(33-115 AD), mach3, coulsoul09,lamea25, malsta27, sheldon170 te an rawn ni nawk tho alawm tiin, ka rawn “lr hlonchhing” ta daih. Mahse e, thiante zinga chhandam mamawh êm êm Chhandama te, buaina siam thiam êm êm Remsiama te leh ka bialnu thlenga min tawmpui duh rinawm lo tawpkhawk, Rinawma te kan ni nawk erawh- a mak a nâ.

I mitthlaah chuan-

Thau chum bet but, hman chang changa Hnam Run tlawh ve thin, mit meng paw raih mai, zanreia Bike a chak taka a tlan puak ek tek thin a lo lang a. Mi harhvang leh fiamthu duh ve tak niin i hria a.

Pian phunga chal lang ve sa, hmel sakhmel ve tak leh ek chhuaha kawmthlang luikawra insawizawi ve mai thin ah te mi hmehbel a.

I inthiam chiah si lo. Sharon Stone ianga sexy duhawm, Brad Pitt iang deuh, Beckham te ianga mite star rawn leh Ngurthangvela ianga lamthiamah te i mitthlaah a lo lang a.

Mahse, hei hi chhiar teh-

Ruaithehna hre thei êm êm, ruaitheh risk huai tak leh ti ti pui dawn a; zahmawh rawng kai bak sawi tur hre lo a ni roh a. Ti ti pui dawn a sawi tur haihchham hle si, a hnua dak leh zuah zuah chi a la ni ta dah. A inchhuan rukna chu, mi hmel a tluk lo leh a rilru thatna hi a ni mah.

Mi mawl ho ang reng tak, chaw tak khukpui tur thupui hlapui pai lo, ti ti apianga “Kan college kal lai chuan” ti thla ve chhen chi leh Ek apianga Zung thin a la ni zui. Mizoram khawpui ber leh State Flower pawh hre lo, intifing leh thu duh tak a la ni khanglang.

Mi ten chanchintha ziak tluk zeta ropui leh thu tha an ziah lai a, thu sep sel leh ho te te tuipui tlat mi a ni a. Thu ho te te ziaka tuipui tlat, mi ho mawl leh thu tak pai lo mihring rawntlak loh tawpkhawk a ni. Miten Kaladan Multi Modal Transport an atchilh laia, fanghmir kawng bo tuipui tlat mi ka ni e.

Sámah sám luat a awm nem maw-

“He is often cited as the greatest composer who ever lived” an tih hial Beethoven ianga composer ropui leh piano thiam chung chuangte leh Stockholm ngei maia ropui zeta “Nobel Prize in Physics” dawn ka chak bang thei lo.

E! News host zei chung chuang “Giuliana Rancic” ianga LPS Thalai host te pawh duhthusam. Father of modern Genetics an tih hial, Gregor Johannas Mendel ianga Genetics thiam chungchuang nih te leh Sir Charles Spencer “Charlie” Chaplin tluk zeta talent nei tha, comic actor, film director leh mimicry thiam uchuak tak nihte nen lam pawh. Ka duhthusam mai mai, tui zeta chhiartu NANG i la ni ta dah. Kan va chhang chhe sawt.

Chumai a ni lo. Nupui/ pasal nei reng chung si a nula/tlangval kawp kualte, music video chawibelh huama siamte, thenawm nek rana ram zauhte leh theih ang ang a ziah bo ve theihna dinhmuna dinte pawh ka chak zek zek. I harh em? I harh lo a nih chuan, i chhiar nawn leh dawn nia.

Suangtuah nei i ang. I ngawih tak vung vung mai. Nge Mizoram dil hmingthang Rih dil Burma ramah a awm daih nia i ti zawk? Harh rawh, harh teh.

Hmangaihna ka ngen a ni-

Nupui ka neih hun chuan, tumah ka sawm lovang. Misualho hi ka sawm dawn loh tawp tur in ni tih hre rawh u.
Nilo, nilo ngaihlo lamah ngai suh. Inneih card changkang leh hriatpuitu tam tak te hi, inneih ti nghettu a ni lo tih ka chian êm vang zawk a ni.

Ka chhungte leh a chhungte panga ve ve an awma, Pastor a awm chuan a tawk. Ei leh in lama min lawmpui in duh hrim hrim a nih chuan, thingpui in lo keng ang a. Min lo ken kep hial a ngai ang. A hmehah chuan buai suh. Alu Quintal khat tawp ka lo pum chhum ang a, kaw puar hnawk khawpin i ei dawn nia. Chutiang chu i zak dawn lawm ni i ti maw? Teuh lo!!

Mawla, harh rawh-

Birth Day lawm nâna thuziak ve si, ka NU hmelthat zia hlir ka’n hrilh che chu. Mahse maw, hei hi hre rawh. Nupui atan chuan, HMEICHHIA leh NULA lo chu neih ka tum lo tawp. Ka hmu zo lo a nih pawhin, “Lawm zel nang e.”

Ka nihna tak i hre duh te a nih ngai chuan, QEEP lamah Mawla tiin min lo zawng dawn nia. Qeep-ah ka awm lo a nih chuan, ka Fb tihna a ni ang. Chutah ka awm lo a nih chuan, Aizawl T. Square ah i lo kal dawn nia.

Chutah ka lo awm lo a nih fo chuan, Lunglei Chanmari lamah leh Kolasib Diakkawnah Kuhva ka lei tihna a ni ang. Ka lo la awm lo cheu a nih chuan, ka ei tuar lovin Septic Tank lamah ka insawizawi tihna a ni ang. Chu bak hna ka nei miah lo.
I peih ngang lo a nih chuan e, GMI @ THENZAWL ah kal tawp rawh. Ka rawn kal a nih phawt chuan, ft 5 hnuai lamah ka rawn meng pawng dum hlat hlat ang…

Similar Posts:

Recent Posts:

This entry was posted on Thursday, October 20th, 2011 at 5:59 am and is filed under Event, More than words. You can follow any responses to this entry through the RSS 2.0 feed. You can leave a response, or trackback from your own site.

48 Responses to “Val to lo (20th Oct, Ka Birth Day pualin)”

  1. 1
    sisen Says:
    October 20th, 2011 at 6:11 am

    Chhiar ila

    Ka tho hmasa ber ni maq :P

    Report this comment

  2. 2
    sisen Says:
    October 20th, 2011 at 6:11 am

    Chhiar ila

    Ka tho hmasa ber ni maw :P

    Report this comment

  3. 3
    Asteric Says:
    October 20th, 2011 at 6:24 am

    Happy Birthday (G)

    Iva upa tawh bik ve

    Report this comment

  4. 4
    littlerascal Says:
    October 20th, 2011 at 6:25 am

    Happy bday
    Kei aia naupang turah ka lo ngai char char che a ;) Ni e, GMI ah chuan kan inkawm dawnkha

    Report this comment

  5. 5
    lr hlonchhing Says:
    October 20th, 2011 at 6:36 am

    @little, teh reng mai

    Report this comment

  6. 6
    thiana Says:
    October 20th, 2011 at 6:46 am

    Pianchamphaphak chibai le. (G)

    Report this comment

  7. 7
    stan marsh Says:
    October 20th, 2011 at 7:09 am

    ka naupang ber maw ka tia..kei ai in i naupang tlat..lol

    HAPPY BIRTHDAY (^)

    Report this comment

  8. 8
    Benny Says:
    October 20th, 2011 at 7:17 am

    Happy birthday le

    Report this comment

  9. 9
    kiddo Says:
    October 20th, 2011 at 7:30 am

    Happy birthday.. (B) (G)

    Report this comment

  10. 10
    Soberboy Says:
    October 20th, 2011 at 7:34 am

    kei ai ila UPA hram a :P happy bday (G) (G)

    Report this comment

  11. 11
    keimah Says:
    October 20th, 2011 at 7:47 am

    I chanchin i sawi atang chuan keima chanchin emaw ka ti rum rum! Ka kawm ngeih mi tak tur i ni e. Happy Birthday! (^) (C) (B)

    Report this comment

  12. 12
    misuala Says:
    October 20th, 2011 at 7:59 am

    Kei aiin naupang tlat mai….

    Report this comment

  13. 13
    Pakak Says:
    October 20th, 2011 at 8:03 am

    kha ba dei lawm nan (G) a bak chu GMI-ah :-)

    Report this comment

  14. 14
    Cee eeL Says:
    October 20th, 2011 at 8:07 am

    Ho ti angreng siin ka’n chhiar chhuah dap chu le.lOl
    haPpY b’dAy

    Report this comment

  15. 15
    Huau2 Says:
    October 20th, 2011 at 8:52 am

    I piang fuh vaklo a nih hi. A engapawh nise,
    I piancham pha phak ka lawmpui a che. (G) (G) (8) (L) (I) (&) (W) :-O (W) (U) ;-) :-P

    Report this comment

  16. 16
    destiny Says:
    October 20th, 2011 at 9:00 am

    A ril reuh…Happy Birthday (G)

    Report this comment

  17. 17
    TuaiSialA Says:
    October 20th, 2011 at 9:07 am

    I thlalak i rawn dah tel nghal lo nia!

    Happy birthdeath.
    Happy bauhday.

    Piancham hman nuam le..

    Report this comment

  18. 18
    Dr Mahminga Sailo Says:
    October 20th, 2011 at 9:13 am

    Val to lo, Happy Birthday!! (G)

    Han sawisel vak dawn che ila, sawisel tur ka nei silo; han zilh ve ngawt dawn che ila, kei aiin i upa fe bawk si :-O Fak ar ek lo in, fak arsa in ka fak mai ang che. I birthday thuziak/thuchah hi a ngaihnawm, thu i thiam.

    Remchang ah, nula rimna a chhiar chhuah tur thu tha tak min la ziahsak ve la a tha ang :-P

    Report this comment

  19. 19
    kawlhawk Says:
    October 20th, 2011 at 9:26 am

    I kum zat khi ka awi hlawl lo. Thulawilo a ni! :p

    Piancham B’day le. :)
    (^) (G) (D)

    Report this comment

  20. 20
    H.Vangchhia Says:
    October 20th, 2011 at 9:28 am

    Kohhran thuhla tel lovin kawm i nawm zek dawn hi a hairehai :-P

    Piancham chibai mawlh mawlh le (B)

    Report this comment

  21. 21
    kawlhawk Says:
    October 20th, 2011 at 9:29 am

    Kum zat dik tak emaw tipawl an lo awm leh thruap tawh… Rul thlahte u, bum in va nuam tak em! (H)

    Report this comment

  22. 22
    lr hlonchhing Says:
    October 20th, 2011 at 9:32 am

    @kawlhawk, ka kum zat hi tak tak nia.

    Report this comment

  23. 23
    Dr Mahminga Sailo Says:
    October 20th, 2011 at 9:36 am

    Post-tupa…, thulawilo hlir i ziak a; i kum pawh khi kum-lawilo anih ka ring ta tlat mai :-O :-P :-D

    I bula awm a nuamin, a hahdam ngawt ang…(i thuziah ang a titi i thiam chuan)

    Report this comment

  24. 24
    lr hlonchhing Says:
    October 20th, 2011 at 9:38 am

    #23 Tak tak alawm. A kamkeuna khi chu a dik e.

    Report this comment

  25. 25
    kawlhawk Says:
    October 20th, 2011 at 9:44 am

    Ir,
    Chuti chu, piangsual i nih chu! I thu han chheh vel dan leh i tawngkam tam tak khi – nang ang kum rual lek phuhchhuah atan chuan a rapthlak zawmah! Mi inchhiar zau tak i ni ngei ang. (Y)

    GMI-a tel turin I rawn in-repawt bawk a, nun dan mawi ka lo zirtir hlak ang che. lawlsss (F)

    Report this comment

  26. 26
    Pc-a Says:
    October 20th, 2011 at 9:49 am

    kawlhawk aiin i naupang elaw. Kha hei hi lo in rawh (C) hapyy birthday

    Report this comment

  27. 27
    lr hlonchhing Says:
    October 20th, 2011 at 9:53 am

    @kawlhawk, ka lo kal thei a nih chuan min zilh dawn nia he2

    Report this comment

  28. 28
    PKfanai Says:
    October 20th, 2011 at 9:57 am

    Happy birthday le. Thu hi chu i thiam ngawt mai. Han inzir sauh sauh teh.”Unaupa” min ti thin a, “Ka Pate” min ti tawh rawh aw”.

    Report this comment

  29. 29
    Dr Mahminga Sailo Says:
    October 20th, 2011 at 10:00 am

    Val to lo, i chhuanawm e. Han ziak zel teh, hetiang thu chhiar hi a nuam :-D Titi pawh i thiam ka ring :-O

    Ka thianpa thung chu; titi thiam deuh a ni a, a bula awm tawh hi chuan kan nui kur kur thin. A ziah lam erawh a ti ngai thak lo :-O

    Report this comment

  30. 30
    lr hlonchhing Says:
    October 20th, 2011 at 10:00 am

    @pk. Ka pate ka lawm e

    Report this comment

  31. 31
    badboy Says:
    October 20th, 2011 at 10:17 am

    Happy piancham (B) bawmah hian umkhat ka rawn dah tel bawk e (G) :-D

    Report this comment

  32. 32
    Tialkhara Says:
    October 20th, 2011 at 10:42 am

    happy birthday (F)

    Report this comment

  33. 33
    dolly dollz Says:
    October 20th, 2011 at 10:53 am

    Piancham chibai le (^) (F) Ka fapa rual lo ni reng che a ;-)

    Report this comment

  34. 34
    no_nick Says:
    October 20th, 2011 at 11:08 am

    “Kan college kal lai chuan”

    kan college kal laia Tebala zia zanga tawngkam i thiam chu le..!! Happy Birthday!! i la naupang hle mai.. I post ka lo chhiar thin hian ka rindan mai mai kha chuan Kum 40 vel i nih ka lo ring thin a…!!

    Report this comment

  35. 35
    TuaiSialA Says:
    October 20th, 2011 at 11:13 am

    GMI-ah chuan keiman ka lo kaihruai ang che.

    Report this comment

  36. 36
    rohlupuia chalrang Says:
    October 20th, 2011 at 11:13 am

    Pianchamphaphak Chibai le… Kei aia naupang inla awmlo chuan ka hria…

    Report this comment

  37. 37
    lr hlonchhing Says:
    October 20th, 2011 at 11:18 am

    @Ts, ka lawm e. Ka ring che nia. Chuan ka thlalak chu fb ah i hmuh tho kha aw. I fiamthu ka tuipui, a bikin zahmawh fiamthu ka tih kha. Hrethiams…?

    Report this comment

  38. 38
    Jeff Hmar Says:
    October 20th, 2011 at 11:24 am

    I la naupan ngaihtuahin thu hi rabbet hneh hle mai. Thu i thiam thlawt, tang nasa rawh. Piancham biahthu ka hlan ang che, dam ni hmu reng tum la, dam reng fovang che. Zo tawng ngeiin aw niang “Piancham hlimawm tak le..” tiin tutna!!

    Report this comment

  39. 39
    no_nick Says:
    October 20th, 2011 at 11:47 am

    He khawvela a i lo pian ve avang hian lawmna chibai ka buk a che..!! (Mizo tawnga Happy Birthday tih na anih hi.. :P )

    Report this comment

  40. 40
    sihal Says:
    October 20th, 2011 at 12:32 pm

    ka unaupa lawmpuina chibai le
    I va han vannei bik em, han dawn ve teh i kumzat ang thleng ve hmanlo a mualliamtate kha..Malsawmna dawng zel turin duhsakna sangber ka hlan che.. (G)

    Report this comment

  41. 41
    funny Says:
    October 20th, 2011 at 12:44 pm

    Hmeichhia amaw i nih kalo ti thina mipa ilo ni maw. kalo * hman tep che alawm le. lol

    Report this comment

  42. 42
    Alejendro Says:
    October 20th, 2011 at 12:48 pm

    funny hi hlau rawh u. A gay a nia. :-D

    Report this comment

  43. 43
    Ignatia (33-115 AD) Says:
    October 20th, 2011 at 12:52 pm

    Dear lr: I thank God for the opportunity to have known you since childhood, the longer i know you, the more reasons I have to thank God for the specific beauty you have added to this BROKEN WORLD.

    It is the prayer that your mom had for you convinced me to believe in Prayers and His promises in the Holy Bible!

    May you continue to be a testimony for others!

    Happy Birth Day! (G)

    Report this comment

  44. 44
    badboy Says:
    October 20th, 2011 at 12:57 pm

    #42 :-D

    Report this comment

  45. 45
    Lamji Says:
    October 20th, 2011 at 1:50 pm

    In va upa hlawm vee….under 19 tan ava inthlahrun awm ta ve.. :S
    @Roduhkima,, Piancham chibai le. :P Uishaa ei na nikhua ani!

    Report this comment

  46. 46
    Chhuaklinga Says:
    October 20th, 2011 at 3:16 pm

    Good birthday.. Thu i thiam khawp mai i kum phu lovin. (Y)

    Kei aiin kum rukin i upa. :P

    Report this comment

  47. 47
    Nghatunval Says:
    October 20th, 2011 at 7:53 pm

    E khai, kan B’day alo inang a ni maw ? Kei pawh Mi(sual) ho hian min lo wish ve tho ula. :-D

    Mahse, naang ai chuan ka upa hlek chu a nih hi !

    October a piang hi an hmeltha duh an ti a, tak tak ni maw?

    lr hlonchhing B’day kan wish ve ang che.Nang chuan rem i lo hre bik hle mai,ka tluk lo che a ni e. (Y)

    Report this comment

  48. 48
    Saitawk Says:
    October 20th, 2011 at 9:44 pm

    Post tupa kum zat leh heta comment awmzat hi ka comment ve chiah hian a inzat chiah! (I)
    Happy bathday! :-P (G)

    Report this comment

Leave a Reply

You must be logged in to post a comment.