NU ENTAWN TLAK – ABIGAILI
Kristian chhungkaw Campaign kan neih hian chhungkaw thenkhatah chuan Nu ber leh Pa ber inmawhpuh lek lekna boruak hi kan tawng leh zauh zauh thin. A nihna diktakah chuan Kristian chhungkaw din kawnga Nu leh Pa mawhphurhna hi a inchen reng ti ila tuman ‘a diklo’ kan ti thei miah lovang.
Chutiang ni reng chung si chuan tun tumah hian Bible a Nu ropui tak mahse, lar em em lo Abigaili chanchin atang hian chhungkaw siamthatna kawnga Nu ber mawhphurhna han sawi ka tum a ni.
Abigaili hi I Sam 25-ah kan hmu a, Hebrai tawnga a hming awmzia chu ‘ka pa chu a hlim a ni’ tihna a ni. Bible ah mi pahnih kan hmu a, tuna kan sawi lai Nabala nupui lo zawk hi Davida farnu Zeruii laizawn a ni.( I Chro 2:16)
I Samuela 25- ah khan Abigaili chanchin tlangpui kan hmu a. Abigaili pasal Nabala hian Karmel tlangah beram a vulh a. Davida hian amah leh a sipai ten a chunga that an lo chhuah tawh avangin, a chungah pawh that chhuah ve turin a ngen a, mahse Nabala hian alo ngaithla duh lova.
Chu chuan Davida ti thinrim in phuba la turin an thawk chhuak ta a. Nu fing leh remhriatna piah lama chhungkaw tana inpumpek Abigailin chu chanchin alo hriat chuan Davida leh a hote chu thilpek tam tak nen alo hmuak a, Davida bulah bawkkhupa chibai bukin “Keiman, keimah ngeiin khawlohna chu ka hlawh mai ang e, tin, i chhiahhlawhnu hian I beng hriatah thu sawi sela ,………… I chhiahhlawhnu sualna hi khawngaihtakin ngaidam ang che” I Sam.25:24- 31.a ti mawlh mawlh mai a, chuvang chuan Davida pawh chuan Nabala chunga phuba lak a tumna chu a sut leh ta a ni.
A pasal Nabalan Davida mi tirhte a lo chhan lai hian Abigaili hian a hriatpui lova, mahse a pasal Nabalan Davida huatthu a sawi tih a hriat veleh hian a pasal a sualna chu a chungah a bel hmak mai a, hei hi a ropui em em na chu a ni.An chhungkaw tuar ai tuar a,a mawh a phur ngam hi Abigaili entawn tlakna ber a ni.
Chhungkaw siamthatna leh Kristian chhungkaw din kawnga Nu ber mawhphurhna hi sawisen mai chi a ni lovang. India ramah Mission Pawl hetizat in rawng an bawl a, Kristian kan pung kan tih mek lai pawh a Census figure a 80% Hindu kan nih reng nachhan hi zir chiangtute hmuh chhuahah chuan “India rama Hindu- Mother te hi Hinduism ah hian an la nghet em a ni” an ti.
Sum leh pai a kan intlansiak nasat lutuk avangin Nupa a hnathawk kan tam viau mai a,a leh lamah chuan kan fate kan enkawl tha hman meuh lo ta em ni tih turin nauawm turin awmpui te kan la leh tho a. Aizawla ka thianpa pakhat chuan”Ka faten ‘ka nu’ an tih apianga ‘Eih’ ti zel tura ka duh avangin kan Nu hi sawrkar hna ka thawhtir lo mai a ni” a ti a, an entawn tlak hle in ka hria a, a fate a hmangaih ka ti.
Khawpuiah chuan Nula ho in.” Keini ai chuan Nu ho hian incheina an nei a an nalh zawk daih” an tih te hi a dik kan ti em ?
Kan ram sualna,kan chhungkaw sualna hi Abigaili ang hian kan Nute theuh hian a mawhphur ngam in hma han la tak tak se awmzia chu a nei ngeiin ka ring.
Similar Posts:
- Kristian chhungkua leh kan tehdan diktawk lo te
- Eiruk – Nangmah vang em ni le?
- Davida Kha ‘Pathian Thinlung Ang Pu’ Kan Ti Thei Dawn Emni
- Kristian Tlangau Hla-2
- Lazydog’s “KRISTIAN RAM ANI SI A”
October 23rd, 2011 at 7:06 am
Post tha tak a ni
Report this comment
October 23rd, 2011 at 7:58 am
Tha khawp mai. Belvawtuin hlum chu a duh dan ang anga a chhuah angin Chhungkaw nihphung siam(shape) tu ber chu ‘Nu’ kan ti thei ang.
Report this comment
October 23rd, 2011 at 8:06 am
Fuihna thu tha leh ngaihnawm tak a ni e
Report this comment
October 23rd, 2011 at 8:26 am
A dik khawp mai. Kristian chhungkaw din kawngah hian nu leh pa hi kan tanrual a pawimawh hle. Hmeichhiain hma hruai an tum lutuk chuan chhungkuaah buaina zakhua a thlen thei tih kan Bibleah hmuh tur a awm nual. Chutih rualin he post-a kan hmuh ang hian hmeichhe fel leh remhriate hlut zia pawh kan Bibleah hian hmuh tur a awm tho bawk. Chuvangin hmeichhe lu chu mipa a ni a, mipa lu pawh Krista a ni tih hi kan practise a tul khawp mai. He thu kan sawi hian intih lal emaw intih thuneih emaw lam a kawk lo a, hmahruaitu nihna lam a kawk zawk nghe nghe a ni.
Post tha tak leh sawi zui deuh tlak a ni a, mahse hun kan neih loh ni tak a ni lawi si. Engpawh nise
Report this comment
October 23rd, 2011 at 8:40 am
A va dikin a va tha ve le.
Sawi belh ve duah ka duh viau a, mahse naupang hoin chawei an rawt tlat mai.
Report this comment
October 23rd, 2011 at 8:42 am
Gud post…
Report this comment
October 23rd, 2011 at 9:28 am
BREAKING NEWS: kan OT lawk mai teh ang mahse hetiang thu post nen a inkungkaih chu ani ve tho ang chu!
Hmannia post comment pakhata ka sawi tawh, German ho satellite khawvel lama lo tla mek ka sawi chanchin kha a ni e. Tunah mai khan CBS news in a puan danin, “Mithiam ten khawvel atmosphere alo luh a kangral vek tura an ngaih kha kangrallo tur ceramic lianpui 280,000 MPH a chak chuan tun leh dar 1am (ET) ah khawvel a khawi hmun emaw a rawn deng ngei dawin an hria,” tih an puang. A tlakna tur an hrelo. “Tun atanga dar 1am..” an tih hi hemi ka post atanga darkar khat leh minute 6 vel inkar anih chu!
Kristian chhungkua te kan hlauthawng lovang chu maw. Khawvel hi hmun tamzawk tui anih vangin hmanni a NASA ho ta ang khan tuifinriatah tla leh turah beisei phawt ang aw?!
Report this comment
October 23rd, 2011 at 9:46 am
7 ni e, tuiah tla turin ngai ang
Report this comment
October 23rd, 2011 at 10:05 am
#7. Tleirawl tha za rual ka awm alawm, ka lo dawng ang e
Report this comment
October 23rd, 2011 at 11:12 am
Khawi lai takah emaw chuan a tla darh chuaih tawh ngei ang maw HV.
…Khrum
Report this comment
October 23rd, 2011 at 12:34 pm
Nu ber mawh pawh ni bik lovin nu leh pa tankawp a pawimawh ber a ni e.
Report this comment
October 23rd, 2011 at 3:12 pm
Gud Post
Report this comment
October 23rd, 2011 at 4:12 pm
Nabala nunah hian mipa character dik tak thisen a lum deuh pupa thuhnu dawn lo leka chet leh tawng chhuah phut chinna rawn lang chu Abigaili nuna hmeichhe nihnain a rawn hliahkhuh hian inkawp rem tura mi leh sa inang lo Pathianin a rem khawm thiamzia a lo langa, A ropuizia a rawn tarlang chiang khawp mai!
Tunlai, ti mai ila, Kristian nu-ah chuan Ruth Graham hi ka ngaisang khawp mai. Inchhungkhur enkawla Pathian thutaka a fate a lo kaihhruai thinna kha a pasal, Billy Graham hmun hrang hranga a rawngbawlna ang chiaha ngaiin Pathian rawng a bawl a ni tih a pawm thlap a ni.
Report this comment
October 24th, 2011 at 9:09 pm
Thingtlang hmun pilril deuh hlek, Photon hman theihlaohnaah Pathianni ka hman avangin ka Post a chhuah leh chhuah loh pawh ka lo hrelo va, hei a lo chhuak a ka lawm khawp mai, lawmthu ka sawi e.
Kristian chhungkaw din chung chang Abigaili chanchin atanga ka sawi hian chhungkaw Pa ber mawhphurhna ka dahbo daih a ni lova, Nu mawhphurhna san zia ka han tarlang mai a ni e.
Comment tute zz chungah pawh lawmthu ka sawi bawk e.
Report this comment