Mi haihawt nih manah ka chebuaiin ka intihah ngun ta malh malh khawp mai. Tukinah pawh khan hâ ka nawt a, toothpaste kha kekawr inpte-ah ka ak a. Ka intifai a, ka chhuak ta a.
Thui fé ka kal hnuin ka bag ka han en a, ka t-shirt dang pawimawh miah lo tur, a hma zana ka ken chu ka lo phawrh theihnghilh a, ka lo ak tlang niin. Chu chu a la zia, kawrlum ak tura ka tih kha ka ah theihnghilh daih a. Ka duh zawk awm lova ka duh loh zawk awm ta chu tiin ka haw leh ngat a. Ka kawrlum chu ka la ta a.
Ka kal leh a. Ka kal thui fe tawh tihah ka kekawr ipte-ah mi kam relh relh a awm a. Ka han en chuan ka toothpaste ah kha lo niin! Ka bag ka en leh a, nidanga toothbrush ak reng thin khan ka’n ak lo leh tlat pek a! Toothbrush awm lova toothpaste ken ngawt mai chu tiin ka haw leh nal nal a. Toothbrush chu ka la a, toothpaste chu ka dah leh ta a.
Ka chhuak leh ta a. Ka kal thui leh fe tawh tihah kim lo riauva inhriatna ka nei a! Ka indap a, ka phone ka lo ken theihnghilh leh ta pek a! Ka bag ka’n en leh a, ka charger chu a lo awm thlap bawk si a! A phone-a ber keng lova charger ken ngawt chu tiin ka thin a rim ta em em a, tlan hlirin ka tlan haw leh ta a. Charger pawh chu keng ta lovin phone ka la a, ka kal ta nal nal a.
Bus-ah ka lut fel tihah chuan engtik lai pawha ka ah reng thin ka pendrive ka ak lo tih ka hria a, ka hritlan avanga ka ah reng thin, ka rawmawl chu thiante inah ka theihngilh tih ka hrechhuak bawk a, kawnghren ka hrêng lo tih ka hre chhuak leh a, ka chhuah chhana ber tur, ka thianpa note-bu chu ka ken theihnghilh tih ka hre bawk a. Zingah phone charge tum khan ka charge leh ta miah lo tih ka hre bawk a. Zingah chaw ka ei lo a ni tih chenin ka hre chhuak ta leh zel a!
Bus fare an rawn khawn a, ka pe tur chuan ka wallet ka keng lo tih ka hre leh ta chiah a! Pawisa nawi dang ka ah tho avangin ka pe a. Kal kal tumnaah pawh kal ta lo chuan office lam ka pan a, he thu hi ka rawn ziak ta a ni.
Haihawt hahthlak zia kan hre vek âwm e. A hahthlak zia sawi ka tum lo va, min tihhah zia ka rawn sawi mai a ni a. Chumi ruala zawhna ka neih chu ‘Haihawt hi eng vanga lo awm nge?’ tih hi a ni. he thu ka rawn post chhan pawh a ni a, haihawt hi eng vanga lo awm nge ni-a, engtia tihin nge a ziaawm deuh theih ang, tih hi misual.com hmang thin zingah mi thiam tak tak in tam tih hre chunga ka zawhna a ni e. Chutih rual chuan kan haihawt zia lanna, kan haihawt chanchinte pawh a leng vek turah ngai ila, i in-share tawn liam liam ang u hmiang.
Similar Posts:
- I toothbrush ah enge awm?!
- Thingtlang a tan? Rs. 350 man
- HAIHAWT HI ENGTIN NGE KAN TIH REH ANG
- Security Master Code for Nokia
- Daylight Robbery…
October 25th, 2011 at 10:04 pm
HAHAHA
October 25th, 2011 at 10:04 pm
Han share phawt ulaa!
October 25th, 2011 at 10:05 pm
2nd teh ang
October 25th, 2011 at 10:11 pm
TS a chu kan pa nen awmdun ula, in ropui lo dun ngawt ang!! Haihawt damdawi hi hmuchhuak teh se! 😀
October 25th, 2011 at 10:12 pm
@TS first khi sawisel ve rawh, fullstop aiin a hnawksak daih zawk 😛 :FTH: . Haihawt hi engemaw chen chu a sim theih a sin, ka haihawt tih ka inhriaa (ka key chain ka khawih a piang hian ka hrechhuak thin) nitin ka chhuah dawn hian uluk takin ka ngaihtuah a, theihnghilh thin langsar zual deuh hi chu ka hrechhuak leh theih phah fo……
October 25th, 2011 at 10:14 pm
U Ts, ka mamawh tak a ni. Ka haihawt lutuk hi a mak a nâ. Aizawlah hian min tuai vir nawk se, min chhuah tawp se hawn leh na ka hriat loh chang a tam ang. Haihawt ve te.
I tan chauh,
Lr
October 25th, 2011 at 10:15 pm
kan khaw thenawm pa pawh kha haihawt ve thei khawp mai. Sa chang turin a ram chhuak ve thin a, a silai emaw, a mu emaw, a pakhat zawk2 hi a theinghil ngei2 thin. Vawikhat phei chu a sa chan na ah sazuk hi a rawn kal a kap turin a silai an lak dawn chiah khan a theinghilh ti hrechhuak vel(true story)
October 25th, 2011 at 10:16 pm
Sam tla kawlh leh Haihawt damdawi hi a vang phian ni tur a ni. sap ho rengin an buaipui em mai. :-O
October 25th, 2011 at 10:18 pm
Ngam tlakah lo Ot lawks:
@Ruata: He ta zaithiam zet hi tute nau nge maw’n le? A hming min hrilh thei em aw…
http://www.youtube.com/watch?v=-TkGq6ks6KE&feature=related
October 25th, 2011 at 10:23 pm
@Ruata: Nia, ka haihawt ka hria a, ka chhuah dawn hian theihnghilh nei tlat hian ka inhre ziah a. Ka ngaihtuah vang vang lahin ka hrechhuak thei thin si lo va. Ka chhuah hnuah ka hrechhuak chauh zel a. A hahthlak thin teh a nia!
October 25th, 2011 at 10:23 pm
Ka’n chhiar theihnghilh pek chu le, haihawt awm rem rem! 🙂 :chhiar nghal:
October 25th, 2011 at 10:25 pm
Kan khaw nu Nu Ma awii pawh chawhmeh a phur ve a..an thenawm te inah ahralh zo chu thui akal hmain an thenawmte inah bawk chuan “Chawhmeh mamawh in nei ve em?”
A fapa ngei pawh a pasal Lal lawma hminga kovin ” lehkha zir rawh, i zir that loh chuan hlo i thlovang ka ti fo alawm, (vin sang zawkin) zir nghal rawh lal lawm”
Chanchin a ngah mai. A bu a siam ah khek phots! HA HA HA
October 25th, 2011 at 10:27 pm
Chhiar hma in…Ka haihawt uchuak..tlai tin ka thiante ka tlawh kawi hi ka bag ah luh leh luh loh hi zawh hmasak ziah an ngai. :s
October 25th, 2011 at 10:27 pm
@lr: Chuti ve tho maw.. Naktukah kan dam a nih chuan haihawt reh theih dan tur kan ngaihtuah dun dawn nia..haha
Ka lawm e.
I tan chauh,
TuaiSialA.
October 25th, 2011 at 10:27 pm
kan high school kal lai pawh kha kan thianpa pakhat pawh kha lo haihawt ve khawp mai..kekwr kha zip theinghilh alawm,kan miss khan zawhna a zawt pek a, din a chhan kha ngai sia a han ding chiah chu a sazu kha lo khawngin kawk ngil tha angreng khawp mai. A underpant rawng pawh lang vek,zak latuk awm ngaihna hre lo kha pariod zawha a haw daih. .
October 25th, 2011 at 10:30 pm
@ Ignatia, A hming chu Thiamchantira a niin ka hria.
Ka haihawt lutuk a, ka hming nen ka hriat pawlh nawk zel a. 😛
October 25th, 2011 at 10:33 pm
zan muttheihloh hian haihawt a zual…thil vei tlut ci ho pawh hian haihwtna an nei chawk ania..
October 25th, 2011 at 10:36 pm
@Ruata: Ka lawm lutuk e. A hming pawh ka duhzawng tak a ni. Vanlalruata tih te, Lalrawngbawla tih te ai hian Lalchhinchhiaha tih te leh Thiamchantira tih angte hi mawi ka ti zawk tlat nia mawle.
October 25th, 2011 at 10:42 pm
@Ignatia, Ruata’n a chhan mai loh vang che khan, ka intihre ve khanglang a nih kha. Ka hriat ve tawhna lamah chuan, ka páwr ve teh mai a nia
October 25th, 2011 at 10:43 pm
i va haihawt tak ve. hahahaa. Kei chu ka lo la ziaawm hle zawk anih chu. Rowlanda lehkhabu ziah hun chu lo lei ngei ka tum ang.
October 25th, 2011 at 10:44 pm
An haihawt ve mai mai khawp a,a haihawt leh lo.. sawitu-Roluapa!
October 25th, 2011 at 10:48 pm
Similar Post-ah a chhan chu a awm ngei e.
October 25th, 2011 at 10:50 pm
U Ts, khawnge dolly hi? I rawn keng na nge? A tan liau liau sipicial mangtha ka hlan tih lo hrilh la. Chuan, thianpa Badboy kha, zanin chu a chiang tlat lova; a mu ta a nih kha tih i lo hrilh bawk dawn nia.
I tan chauh,
Lr
October 25th, 2011 at 10:51 pm
Haihawt chu vawihnih…. :-O
October 25th, 2011 at 10:54 pm
Mipa haihawt deuh hi chu “Kawih tek an hrat vang,” an ti thin. hairehai 😛
October 25th, 2011 at 10:55 pm
Kei pawh ka khawi lo kal tur hi vawi 2 vel tal hi chu ka let leh deuh ziah a ni. Thil pawimawh deuh hi chu ka ziak mai zel. Ka zin chhuah dawn phei chuan a hma ni 3 vel atang hian ken tur tul awm ka ngaihtuah lawk a, ka ziak nghal zel a, a ziak en in ka bag ken tur ka siam a, a ziaawm khawp mai.
October 25th, 2011 at 10:58 pm
Haihawt Source lian ber chu ”Rilru hmanhmawh vang” 🙂
October 25th, 2011 at 10:59 pm
@Vlremruata in lo lei ve ngei2 dawn nia.
October 25th, 2011 at 10:59 pm
@lr: dolly chu ‘mu hma rawh’ ka ti a nih kha 😀
Ka lawm e.
I tan chauh,
TuaiSialA.
@Pu Hv, ka awih vel lo e a!
October 25th, 2011 at 11:02 pm
Nupui i mamawh tawh a nih chu! Nupui neih hnu hian min lo hriatpui thlipthlep a, ka zia ta phian.
October 25th, 2011 at 11:03 pm
hihi…………#18 pawh chu haihawt ve hle mai maw!!! @Ignatia sorry thil dang ka lo khawih daih a…
October 25th, 2011 at 11:11 pm
GOA A AWM TAWH, AWM MEK, KAL TUM LEH INTEREST HRIM2 TE NEN LAM Mizo United Goa group AH WELCOME VEK KAN NI E. HNATHAWH TUR ZAWNG DUH TAN PAWN SHARE KAN UPDATE RENG E…LO JOIN VE RAWH U
October 25th, 2011 at 11:14 pm
Haihawt chu ka nu hi, nitin a chhuah tawh hnu ah a thil theinghilh pe in ka tlanchhuak ziah, laklawh a sawi theih si loh,ninawm tak a ni.nitin tak meuh meuh…damdawi a awm awm pawh ka hrelo..
October 25th, 2011 at 11:18 pm
Ka chung ami chu a nick ang tak tak zu han ni a male 😀 NOI
October 25th, 2011 at 11:23 pm
hahaha… zu ka ruih hian ka “hai hot” thin… 🙂
October 25th, 2011 at 11:29 pm
#25, 😛
October 25th, 2011 at 11:30 pm
Pu HV, sumirh an tialawm. Hairehai.
October 25th, 2011 at 11:43 pm
Kan comment theihnghilh trep chu le….haihawt chhan pakhat chu ngaihtuah a tam vang ani fo! Bus chuan hian chhukna tur point a chhuk lova tlan tlang daih hi in ching ve em? chhuk theihnghilh hi thinrim thlak ve deuh ani. Vawi khat pawh Lungleia ka zin haw lam Selinga thingpui dawrah ka pawisa pe zo, ka purse ka theihnghilh daih a, kan tlan san tawh si, ka chuanna bus conductor ka hrilh a, a kar leh a Lunglei an kal leh in, bus conductor chuan thingpui dawr atang chuan min lam saka, kan inah pawisa engmah bo lovin min ron pe leh thlap! Dawr neitu leh Bus conductor rinawmzia kha… anmahni lah ka hriat ngai mi an ni bawk si lo… ka lawm asin awww…. (Y)
October 25th, 2011 at 11:47 pm
#25……from his experience. 😛
October 25th, 2011 at 11:47 pm
TSA, chu va haihawt awm reuh ve 🙂
karleh a ka theihnghilh tur te hi a ka hre lawk vek a sin kei chu 😀
October 25th, 2011 at 11:54 pm
Ts #29 han ti khat deuh la i hre mai ang hairehai 😉
Pc-a #37 hairehai 😛
Ruata Pachuau, lotion hmanthiam te i nei thin ani lawm ni hu huuu 😀
October 25th, 2011 at 11:56 pm
@ 41 😀
October 26th, 2011 at 12:06 am
#ka haihawt sia, ka hrat sia.va dik hmel ve..phung2…matric kan exam 1st day a, admit card ka kenglo manganthlakzia kha.
October 26th, 2011 at 12:07 am
misual.com a thil post tur leh comments tur i ngaihtuah nasa lutuk nih chu @Tuaite 😛 😀
October 26th, 2011 at 12:10 am
#25 th kan type theihnghilh chu..pu.Hv a dikloh vaih
October 26th, 2011 at 8:10 am
38@Maisek, Seling thingpui dawr neitute leh Bus conductor (y)
A tu emaw zawk zawk khi MLA thlan leh hunah kan bialah rawn ding se ka va ti e. Ka campaign pui chak zawng tak.
Haihawt hlawm ve aw. Theihnghilh nei thei deuh hi haihawt em mi? 😛
October 26th, 2011 at 8:42 am
Ka bike hawn loh lam turin ka kal a chabi ka theihnghilh a. Chabi la turin mi ka tir a chumi hlan chuan ka puzawn tana ka lukhum lei chu vairam khaw pakhatah ka va theihngilh leh a.
A tukah zoram lamah hawin mizoram taxiah ka grape leh apple hawn ka fate ei tur ka theihngilh a a bo hmak. Chutia ka insawh kual lai leh ka call kual lai chuan ka mobile cover ka ti bo va ka rilru bing lutuk chu ka chhukna tur ka tlanpel a…ka bp ka check a hial.
October 26th, 2011 at 9:21 am
Kan thiannu pakhat pawh a fanu damdawi pek a tum a, a lo ei duh mai si lo, spoon-ah a bun tawh sia. Titi pah in a um kual a, a tawpah amah in a ei daih, ‘khai aw!’ an ti chiah mai chu nuih a za ve duh khawp mai…
October 26th, 2011 at 9:38 am
Kan pa nen kotel kan kal, kan haw lamin dawr vel ah [pheikhawk dawrah]kan kal kual a,ka pheikhawk duhzawng deuh mai ka hmu a,ka bun chhin tur ka pheikhawk[boot] kan en chiah chu inkhing lo kalo bun chu niin ka zah tehreng nen dawrnghak tunu lah chu a nuisai char char mai a,ka damchhung a ka thil tawnah chuan ka la zah ber a ni awm e.Kan pa lah chuan mi hi a melh tha duh tawh der lo, ka va zak tak e aw…… :-[
October 26th, 2011 at 4:13 am
albaldes israel sipai boot khing lo maw, ka nuih huk chu le
October 26th, 2011 at 9:47 am
Office ah ka thian pakhat a rawn leng a, thingpui ka ko a, kan titi tui khawp mai a, ka thingpui kha ka inzo a, titi pah khan ka thianpa in tur kha kan inzo leh hmiah mai ah!! A zialo ve khawp mai, zahthlak duh lutuk.
October 26th, 2011 at 9:52 am
Haihawtte hnemna tha ber chu, “AN RILRU A THA DUH” tih hi a niin ka hria. Ka thil zawn lai leh lak ka tum theihnghilh thut ka ching. Mahse ka rilru a that pawh chu ka hre chuang hlei lo va.
October 26th, 2011 at 10:07 am
Haihawt hi rilru hmanhmawh vang tih hi a chhan pakhat chu a ni ngeiin ka hria.. Inhmakhua ka chin atang hian ka haihawt chu a reh ta viau mai,tin,list insiam hian a zia duh viau bawkin ka hria.. Tuaite thil tam tak i ngaihtuah a i buai a nih kha…
October 26th, 2011 at 11:56 am
Kei pawh haihawt tak ka ni, a chhan nia ka hriat chu thil ka ngaihtuah nasat ltk trin vang a ni ang, a chang leh fiamthu mai mai ngaihtuah in mahni chauh pawh in a nuih theih a nia. Thil dang daih ngaihtuah lai a min lo biak/koh te hian ka lo hre lawk ngai lo trin a, ka pi in i beng hi a tra vak lo a nih hi mi tih phah. huhuhuhu
October 26th, 2011 at 12:17 pm
A chhan tam tak a awm thei ang.keimah ah chuan,thluak exercise that tawk loh vang niin ka hria(hrisel tha pangngai ah chuan).thil ngaihtuah nasat/ngaihtuah chhuah tum te hi a tha.mahse thil ngaihtuah run run/vei tlat erawh a tha lo.
1.Tin,a tam thei ang ber kan tihtur/tih tawh pawh ngaihtuah let fo a tha…careless lutuk hi haihawtna chhhan pakhat ani.
2.Tin,mobile kan nei theuh a.To do notes ah hian emaw,calendar a reminder ah emaw hian alarm ri turin save thin ila.thui tak a pui ang che.
3.Taksa a fit loh lutuk hian thluak pawh a fit lo a.haihawt leh rilru chaklo te a siam thei.
4.Thil kan tih dawn reng rengin nguntaka ngaihtuah hmasak a tha.thil theih nghilh kan hrat te hi alist siam ila,in atanga kan chhuah hma,kan zinchhuah hma chiahte hian ennawn a tha khawp mai.
October 27th, 2011 at 12:28 am
@Kezungpui: I nick anga en ngawt chi chu i ni hauh lo mai! Ka lawm lutuk e. Ka lo hre reng ang e.
October 27th, 2011 at 11:54 am
Haihawt lo awm chhan pakhat chu thil pakhat ngaihtuah bing lutuk kan neih emaw,rilrua kan thil vei leh chak zawng ngaihtuah ngur ngur vang hi a ni ve duh khop mai.
October 28th, 2011 at 12:48 am
insomnia, depression leh stress vangte pawh a nih ka ring khawp mai.
October 28th, 2011 at 10:31 pm
[…] hma lawka ‘Haihawt’ thu lo post tawh ka nih avang khan ka theihnghilh theih tur âwm zawng zawng ka ngaihtuah hmasa vek […]