Halloween hi Mizoramah chuan kan hre lar lutuk lova he hun hi kan culture-a bet a nih ve lo avang te pawh a ni ang kan ngaipawimawh ve lem lo bawk.
Khawthlang lam ho chin dan anih avangin hmelhriat lutuk lo mah ila Mizo zingah pawh Halloween festival hmang kan awm ve nual tawh (Foreign-ah phei chuan an tam) khawthlang lam thil chin danin min nghawng zel avangte, tun hnaia electronic media (TV, Internet etc) kaltlanga Mizo thalaiten Halloween an hmelhriat chhoh ve zel dan te leh tleirawl te zinga Halloween party buatsaih ve chakna lo awm tan avangtein Halloween tobul leh Kristianna hi thil a inhmeh leh hmeh loh te han chhui dawn teh ang.
Enge Halloween chu?: Halloween hi All Hallows/All Saints Day Nov 1 thlen hma ni chiah October 31-ah a urlawkna ang reng deuhin khawthlang lamah chuan hman a ni thin a. Kum sang engemawzat kalta a Ireland rama Celtic hovin Samhain kut an hman thin kal zel niin sawi a ni.
Samhain hi Cetics ho thihna pathian niin an Lunar Calendar hmanga an chhut a November 1 hnaih bertu Full Moon zan hian Samhain chuan mitthi tawh te chu an chhungte tlawh a phalsak thin a, chung thlarau chuan an mi hrang hrang tlawh kualin eitur te an ei thin ni a an ngaih avangin ramhuai ho hnawh kian nan Celtics ho chuan an khaw chhungah meipui (bonfire) an chhep hluah a, nasa takin an in chei rangin ramhuai te tihlawm nan an puithiam (druids) te chuan ran leh mihring thisen hial te an hlan thin a, he huan hlan tur hian puithiam te chuan dawithiam pitar angin an inchei thin.
Hetih hunlai hian Halloween tih a la ni lova, mahse Roman hovin Kum zabi 1-na hunlaia Celts ho an run vak tumin Celts ho chu an tlawm a, Roman hovin an awp bawk a, tichuan chu Samhain kut pawh chu Roman ho vek chuan siam danglamin he kutah hian Roman ho thei leh thlai chi pathian Poloma leh mitthi tawhte an zahna lantirna Feralia chu an telh belh a.
Chu Celtic leh Roman ho tradition inchawhpawlh chu hmang chho zelin AD 800 lai vela Kristian hovin mithianghlim kal ta te puala All Saints Day/All Hallows Day an hman ni, November 1 hma chian October 31 ah a urlawk nan All Hallow Eve tiin thlak ani chhova, hei hi hun lokal zelah Halloween tia thlak a ni chho ta a ni.
Halloween leh Kristian te: Constantine-a hunlaia Roman Empire kha Kristian lalram anih thin avangin Rome kohhran hote chuan Roman Empire chhunga Pagans (Pathian thu awihlo/Ramhuai bia) ho kha Kristiana sengluh an nih theihna turin Pagans ho chu thil tih thin tam tak Kristianna nen inmil turin an senglut a, Halloween pawh hi khata tang khan Kristian ten an hmang ve tan a ni.
Vawiin niah chuan Khawthlang ramah te tradition-a an lo neih tawh avangin Kristian tam tak pawhin Halloween hi an hmang thin a, mahse Kristian nghet leh conservative deuh erawh chuan Halloween hi ramhuai biakna, thlarau biakna nena inzawm nia an hriat avang leh Halloween Costume te hi a ramhuai(evil) em avangin an duh lo bur a an hmang ngai meuh lo.
Roman Catholic erawh chuan Halloween hi Kristian nen inzawma ngaihna an neih avangin Halloween hi Catholic School leh Colleges ah te chuan a hluar hle a. Prostestant kohhran thenkhatin Reformation Day atana hmangin thenkhat chuan a tuk maia All Saints Day atana inpuahchahna leh intihhlimna ni angah an hmanga Kristian leh tian lo tam tak chuan an mahni thlahtu leh an chhungte thi tawh leh anmahni thlahtute chanchin chhuibinga, zahna lantirna hun atan an hmang ve thung a ni.
Engtin nge Halloween an hman thin?: Hetianga Halloween hi tradition lar tak a nih chhoh tak hnu hian he hun hman dan te pawh an thlak danglam ve hret hret a. Kumtinin he Halloween ni hian mi te chu thawmhnaw maksak tak tak leh ramhuai ang tak taka incheiin hmaikawr (mask) ramhuai ang tak tak te an invuah a, intihhlimna hun Halloween Party an buatsaih thin.
Halloween nena kalkawp tlat pakhat chu Mai (pumpkin) kerkuak, a chhunga mombati chhit en, Jack O’ Lantern hmanga in leh a vel an chei a, an chhit eng tuarh thin hi a ni. Tin naupangte tan he hun hi hun hlimawm tak a ni a, Halloween in a ken tel Trick or Treating hun hmang bawkin he hunah hian a hmaa ramhuai hovin mi in tlawh kual a thil an ei thin ang deuhvin naupang te chu ramhuai ang taka incheiin mi in an tlawh kual a, eitur hrang hrang dilin heng ei tur hlawh chhuak tur hian ramhuai thawnthu te an sawi a, an zai bawk thin.
Pek an nih loh erawh chuan nawupang te hian thil te an ruk bakah anmahni eitur peduh lo tu te thil engemaw ber an tih chhiat sak thin. (Ram thenkhatah chuan naupang ho hian pawisa te an dil thin). Hetiang leh kawng hrang hrang hmang hian tunlai khawvelah Halloween chu lawm a ni tawh a, khawthlang lam ramah te chuan Halloween Day hi an Urlawk zan leh Kumhlui thlah zan tih lohah chuan intihhlimna hun ropui bera an neih a ni tawh a ni.
Halloween leh Kristian sakhua hi a inhmeh em?: Mizoramah pawh thianzaho leh sikul thenkhat chuan Halloween Party hi an lo nei ve tawh a ni awm e. Phai lama Mizo te luhna college thenkhatah te pawh Halloween hi an hmang fo tawh reng a ni. Khawthlang zia ngaisang ta reng reng chuan engtikah emaw chuan Halloween te pawh hi kan ramah kan sengluh ve hun a la awm ngei ang a, kan society hlimhlawp lawm tak hian a pawm angem? Kristian sakhua nen a inhmeh reng em?
Halloween Day-a intih hlim hrim hrim hi sual a ni ka ti lem lo.
Mi hrang hrangin he hun an hman duh dan a zirin a tha zawng pawhin a kaihlek theih awm e. Khawthlang lam rama naupangte tan phei chuan hun hlimawm ropui tak ani a, he hun lo thleng tur hi an nghakhlel hle thin. Mahse a history kan chhuiin Halloween hi ringlo mite ramhuai biakna (paganism) leh Dawi (witchcraft) nena kalkawp tlat a ni a, Halloween costume (incheina) te pawh ramhuai hmel te, dracula, vampire etc leh satanic thei ang ber thawmhnaw te anih avangin Halloween hman leh Kristianna hi thil inhmeh tak zawng a ni thei lo a ni.
Setana hian thiam takin he hun hi a hlimawm zawngin a rawn kuai her mai mai ani lo maw! A rapawm thei ang bera inthuam a, ramhuai an tum thei angber a inchei hi a Kristian lo phawt. A tobul leh chinchhuah anih dan kan thlir phei chuan Kristiante inrawlh ve lohna tur chi a ni.
Kum 4000 chuang kalta phei chuan Halloween-ah hian ran leh mihring thisen hial te pawh an hlan thin tih kan sawi tawh kha. Kristian te tan chuan festival hlu leh ropui tak Krismas kan nei a, a tobul felfai lo leh a chin dan satanic tak Halloween lo lawm ve hi kan Pathian thu nen pawh a inhmeh lo a ni.
I Korinth 10:20-21 ah chuan “Jentailte inthawina chu Pathian lakah nilovin, ramhuaiho lakah an inthawi thin ani tih ka sawi zawk a ni; nangni zawngin ramhuaiho in tawmpui ka duhsak lo che u a sin. Lalpa no leh ramhuai no in in kawp thei lovang; Lalpa dawhkana mi leh ramhuai dawhkana mi in ei kawp thei hek lovang” tiin kan Bible-ah a lo chuang daih tawh a. Tin Ephesi 5:11 ah chuan, “Tin, thim thiltih rah nei ngai lovahte chuan telna reng reng nei suh ula, tel ahnekin a thiam lohzia hriattir zawk rawh u,” tiin min hrilh bawk a ni. Hei hian ramhuai biak atanga bul tan Haloween chungchanga kan rilru put dan tur chu a tichiang mai awm e.
Awle kan thuziak tih tawp nan Kristian mi hmingthang tak te’n Halloween chungchanga an thusawi thenkhat han tarlang teh ang:-
*Albert Dager – Naupangte hian Pathian hmelma Setana chawisanna thiltih reng rengah, a nuam emaw a hlimawm emaw an tel ve tur a ni lo.
*David L Brown : Halloween –a thil tih reng rengte hi pathian lem chawimawina a ni, chu chu Setana lawmzawng a ni a, Chuvangin Halloween hi Setana holliday a ni
*Christian Youth Alliance – Halloween hian thim thil tih theihna a chawimawi avang leh naupang te te ten an ngaihhlut em avangin Setana hian Halloween hi a duh hle a ni.
*Tom Sanguinet – Halloween hi ramhuai thil a ni. Eng ang pawhin siam danglam mah ila a tobula fuh miau loh avangin Isua pawm tlak a ni thei lo.
Similar Posts:
- Kristianna leh a Hnamzia..
- Mingoho min puh chhiatna mai mai a ni
- Advent nge Advance Christmas?
- Halloween a Pawngsualtu te tih makmawh chu!
- World No Tobacco Day Pualin
October 25th, 2011 at 12:37 pm
A ni thei khawp ang.
Report this comment
October 25th, 2011 at 12:43 pm
Halloween Kristianna nen a inhmeh loh chuan Santa Claus leh Kristianna pawh inhmeh chuang lovang.
Mahni chhia leh tha hriatna zir aniang chu. Halloween leh witchcraft ngaih bel miah lo, naupang anga innocent taka Haloween hmang tan chuan pawina a awm lo. Mahse i rilru a inthiamlohna i neih tlat chuan sual ani mai.
Halloween hi foreign culture ani a, kan culture ah kan lalut tur ani lo. Tuten emaw an lakluh chuan (Chinese) Lunar Festival kan lalut ve ngat ang.
Report this comment
October 25th, 2011 at 1:12 pm
Loh theih lohvin, thenawm khawveng naupangten CANDY min rawn dil thin a, USA-ah chuan —lo pek loh a rem si lo! He mi hun chiah hi thenawm khawveng naupangten kan leikapui an rawn kai ve hun a ni si. Kristianna nen hian a inrem mawlh lo va. Mizoram-a chin ve atan chuan ka duh lo tawpthang.
Engle khaw le, Romish Christianity, Protestants-ten eng engemaw an chhawm nun zui thil reng reng hi chu a engamah ka thlawp ve lo hrim hrim.
“A hrangin awm rawh u, thil bawlhhlawh reng reng pawh tawk suh u” tih hi A HRANG NALHA AWM NGAM a ngai! According to the Scripture hi mahni leh Chunglam inkungkaihna atan a him ber!
Report this comment
October 25th, 2011 at 1:12 pm
Kristianna nen a inhmeh nge, lo nge lam anilo. Sap kan ngaisang lutuk hi anih hi pawi ber. ‘tiang te chuan kan society/culture a dal tial tial ang. Kan mizo culture tih nun zel tur chuan, a ziah a ziak/sawi mai dudtawk lova, practice zel chi.
Report this comment
October 25th, 2011 at 1:42 pm
#1,2,3,4…. in ngaihdan ka thlawp e!!!!!
Report this comment
October 25th, 2011 at 1:46 pm
a va ngaihnawm dap2 tehreng emm
Report this comment
October 25th, 2011 at 1:50 pm
GOA A AWM TAWH, AWM MEK, KAL TUM LEH INTEREST HRIM2 TE NEN LAM Mizo United Goa group AH WELCOME VEK KAN NI E. HNATHAWH TUR ZAWNG DUH TAN PAWN SHARE KAN UPDATE RENG E…LO JOIN VE RAWH U
Report this comment
October 25th, 2011 at 1:52 pm
Mizo ten kan hmang ve lo a,engpawh nise durga puja leh diwali pawh hi Kristianna nen chhuan a inhmeh lem lo…daih mai a!
Report this comment
October 25th, 2011 at 2:11 pm
A bul thut a thil hi chhut chuan Kristian te tih ve loh tur hi a tam duh awm mange… Halloween te pawh hi nopang te te uar tak tak a hmang thin te pawh khuan a lo chhuah dan chu an hre kil kel miah lo ang… Lo lakchhawn ve kher hi a thatna chu ka hre lem lo.. mahse kristianna nen in rem lo chu ni lo se, mizoramah hian hmang thin bawk ila chu a uar ber pawlah ka tang ang.. ka chak riau in chei ran vel hi…
Report this comment
October 25th, 2011 at 2:13 pm
Han chhut han chhut chuan Kristian pawh hi Ringtute tih chi a lo ni hleinem le… hehe chiamfu..
Report this comment
October 25th, 2011 at 2:20 pm
@sony#2, hlawm khatna khi ka thlawp khawp mai… Hlawm hnihna erawh achiloh…
Report this comment
October 25th, 2011 at 3:07 pm
Intih-thaih-ni emo ka lo ti ve top mai a sin..
Report this comment
October 25th, 2011 at 3:09 pm
Khawthlang lam Kalchar anih ve hi.
Report this comment
October 25th, 2011 at 4:17 pm
Tunlai Kristiannaa serh leh sang leh ni serhte hi chhut chiang ngam lo, chhut chiang duh tawh lo an tam lulai ta! Tihdan thanah neih a lo ni tawh a —Back to the Bible, Back to the true faith, Back to the Almighty God lam ai chuan, a hniak tam lam lam tia lung timuang chawp (complacent) an tam tawh zawk! Chunglam min pek Comfort (thlamuanna) tak tak nei tehlul ang maw?
Report this comment
October 25th, 2011 at 5:27 pm
Haalo-Ween a
Kristianna sakhua hi a va darhna hmuna awmte nunphung ang zelin a danglam ve mai alawm.
Sawlai Europe ah pawh a dawih pawl Celtic ho chuan lo hmang mai mai se la, Mizoten an senglut duh anih leh an whiskey pawh lalut ve nghal hmak se. Haalo-Ween i ang hian Mizote Kut/Zai etc etc te han ngaipawimawh la chuan mi thlirthui tak i ni mai tur, mahse thenkhatin an haw awm si che a…tsk tsk tsk..
Report this comment
October 25th, 2011 at 5:44 pm
Kristianna nen a in mil em?tih lam ngaihdan ka sawi ve don lo…
ka fanu chuan ‘i want vampire costume on halloween night’ a ti hem mai!!! tichuan heng an costume ho hi a to ve phian hlawm sia,’black dress i nei a,fangs lem kan lei anga tawk mai roh se’ ka ti a,cape kha tlawm te a lei tur kan hmu ta bawk a,a vampire costume tur chu kan nei thei ta a….a ma hriatthiam na tawk ah chuan halloween ah chuan thil dum/hlauhawm lam thuamhnaw inbelin ‘trick or treating’ theih ani e…ti zawng ani e.
Report this comment
October 25th, 2011 at 8:13 pm
Mi tihdan zir hi kan theih ve tawk a ni rih si a le, nakinah chuan kan ramah ngei hian kan la ti ve lovang tih pawh ka hlau hlel love.
Engpawh nise kan hnamin kut kan neih sa hi i uar zual sauh sauh ang u. Chu chuan hnam dang culture-in min run tur pawh hi a ti nep thei deuh ngei ang.
Report this comment
October 25th, 2011 at 8:26 pm
Fimkhur ila, Nakinah kan thil duh loh hi kan fate zia ah tuh kan tum lo anih chuan next generation chuan an rawn ti dawn ani. Kan chhuan kal zel te leh kan ram kan care anih chuan kan values hi kan tih chian a ngai ka ti. Kan duh loh chu fa te leh thangtharte zinga lo piang chhuak tur pawh lo do ngam ila. Chuti anih loh chuan ‘A heichu a, ka fate ka zirtir lo asin’ kan ti anga a sawt tawh si lo anga, diwali ah leh holi ah te hian a hlim thei ber ber an lo ni palh ange, kan duh loh hi hi i ti chiang ang u. (Chutilo zawng, Durga lim hma a agarbati te kan chhi nawlh nawlh mai ang)
Report this comment
October 26th, 2011 at 12:29 am
Kei zawng a nawm hmel hi ka tih teh a nia.. nagpan that leh a hman ve ham ham te hi a nia ka chak thin chu…
Ka ngaihdan mawlteah chuan.. Halloween ni kher lo hian.. hetiang ang chi hi kan cultureah a awm ve nual a lom le.. hetiang te hi chawisang ila Halloween tluk chu ka nei ve tho a lawm mole.
Kan thilneih te hi chawisan thiam te chuan.. kan thawnthu leh culture a bet ho bo mai tur te cawisan leh nan hian tih than ah nei ila.. a huau hauau lam hawi a tih thiam a nih phawt hi chuan kan chhawmnung leh tha thei maiin a nia ka lo rin ve thin ni…fate neih ve hunah chuan tuman an tih loh pawn chinchhuah tur hi a nia ka zawn ruk reng ni..
Report this comment
October 26th, 2011 at 2:56 am
HMEH VE THLOT LO! SORRY….
Report this comment
October 29th, 2011 at 5:28 am
Poat tu pa chu va ti ho ve..uk kum khat ka awm ve na nia kan khua ah chiah hian mizo an awm ve loh vang in sap ka kawm na sa a..mani lo mah a hman ka lo tum na sat ve teh rengnen ka in chei natur te nei leh neilo in ka lo lei ve toh a….
pawi lo rilru hi ni zawk…kan hmang ve phots nge aw..sawi ve reng2 a a lo that loh viau te nih chuan kum leh an\h kan ti toh dawn lo nia.. 
Report this comment