Archive for October, 2011

Ka thlirna tukverh atangin…

Friday, October 28th, 2011

Ka room turverh la inkhar tha lo chu kan pawt khâr mai dawn a, thangvân zâwla Chhawrthlapui êng kulh mai chu kan thlir leh te te a.

Arkaiden  zân tih takah Chhawrthlapui pawn a mawina zawng zawng a rawn lan chhuahpui a. Mite angin a êng mawina chhawr ve em em lem lo mah ila Siamtu themthiam zia leh a kutchhuak ropui zia min hriatchhuah tir thung a. Heti chung hian a siam  hringfa te hian… E heu! Chu e nge ni ta tuar tuar?

Ka thil ngaihtuah lai pawh chu a rawn thlâk hlawk mai. A nei faten thla êng lawm nan khawpui dung an fang ni âwm tak a ni. Thlen hman loh hlau ni awm tak leh driving liscence pawh keng hman lo hial tur khawpa hmanhmawh leh chakin an lirthei, nu leh pa thawhchhuah ringa an lei chuan an lîm fua fua mai zawng a nih hi le.

(more…)

Posted in More than words | 10 Comments »

Chemtatrawta baltin mawng a pawp

Friday, October 28th, 2011

Keini mi(sual) chemtatrawta nilo, chhuanlam nei Chemtatrawta hi Mizo legend a kan hero pakhat ani a. European ho hian anmahni Chemtatrawta an lo nei ve reng mai nia.

A hming chu Henry. Germany atanga chhuak hmanlai naupang hla “There’s a hole in my bucket” ah chuan a nupui Liza-in “Henry” tui va chawi teh” a tihin Henry-an baltin pawp a chhuanlam a, Liza chuan ‘baltin mawng pawp chu buhpawl in hnawhping rawh’, ‘mahse buhpawl sah nan chem a ngai’, ‘chem tah nan tui a ngai’, ‘tui chawi nam bal tin a ngai’…

There’s a hole in the bucket, dear Liza, dear Liza,
There’s a hole in the bucket, dear Liza, a hole.
Then fix it, dear Henry, dear Henry, dear Henry,
Then fix it, dear Henry, dear Henry, fix it.
With what shall I fix it, dear Liza, dear Liza?
With what shall I fix it, dear Liza, with what?

(more…)

Posted in HAHAHA, Poetry | 13 Comments »

GMI @ Thenzawl bawk

Thursday, October 27th, 2011

(Picture lam chu midang kutah a tam e. Ka duh duh ka sawi tawp dawn)

Lo…

Picture ka post dawn lo. Picture ka nei ve bawk lo. Ka post thiam bawk lo. Thiam pawh ni ila, ka peih hek lo. Ka hmeltha ber lo. Ka fel ber lo, ka thleng hmasa ber hek lo. First paragraph “lo” vek a, a tawp avangin ka uang kher lo.

Lamtluang chu-

Ni 26/10/2011 zing dar 7 velah Maxi Cab in ka chhuak a. Kan engineer thiam tak tak te’n duhthala an kawng siam chhiat zia kha. Kal lamin tukhum paw thur leh chhipa chirh kai luaiin ka thleng rup a. Mahse, a pawi therte lo. Ka inhmeh êm êm vek tho alawm, a chhan chu ka hmeltha tlat alawm.
Aizawl lam pawh kalkawngah an rawn chhe hlek a ni awm a. Tupa zak thei lo in, battery a zunkhum a; an lo thleng hram a nih hmel.

Pi Dari hotel ngeiah-

Ka ril a tam lutuk tlat. Ka thlen hnu chuan, nak veilam puar pawg leh dul hmul khát phuarin ka ei ang ka ti ran ran a. Ka chhipa chirh kai luaite chu ka nam thla tawp tawp, ka in beng fai thuak thuak a.
Chaw ei ang.
Eng hotel berah nge ka ei ang? Pi Dari hotel a awm em tiin ka zawng ru ran ran a, a awm chiah lo a ni ang. Rinzual hotelah puar mangkhenga kan ei nual kha. Ei leh in, hmel lamah chuan, ka buai ve loh na lam tak a ni. Ka buai ring suh.

(more…)

Posted in Luangliam, News | 65 Comments »

Sex Education

Thursday, October 27th, 2011

Sex education hi eng tik hun atanga inzirtir tur nge a nih tih hi tunlai khawvel buaipui berte zinga mi a ni hial awm e. Thenkhatin kum 12 bawr vel, tilpawr aw ve tan tihah emaw, an hmeichhe niha a lo lan chinah emaw zirtir tur a ni ti an awm a, chu chu an pawm tlang viau niin a lang.

Keini Asia lama cheng, a bik takin Mizote zingah chuan mi puitling an lo nih hnu, kum 18 an tlin chauhah zirtir kan tum thin a, thenkhatte phei chuan infuih chi leh zirtir chiah pawh kan ngai lo hial zawk awm e.

Hei vang hian a hun thlen hma (kum tling lo, kum 18 hnuai lam) a nupui pasal innei kan tam phah em em a, zirna lamah min tih hnufual hle a, kan hnam a thuanawp phah hle bawk a ni. Chu mai a la ni lo, tun laiah phei chuan natna tha lo tak takte pawh awlsam takin kan inkai chhawng ta hial a nih hi.

(more…)

Posted in Opinion | 25 Comments »

Social Networking leh Mizote

Thursday, October 27th, 2011

Khawvel thiamna leh finna a sang zel a. Heti ang lama hmasawnna hian keini Mizote pawh min chiah hneh em em tawh tih kan hre vek awm e. Hei hi a lanchian em em-na pakhat chu ‘Social Networking’ hi a ni.

Social networking ka’n ti hluai tak na a, twitter, orkut etc. chu kan sawi hman lo ang a, Mizoten kan hmelhriat tlanglawn ber FACEBOOK chungchangah ka mimal ngaihdan ka’n phochhuak ve lawk teh ang.

Kan hre theuh va, hetia mobile phone atangte-a browse theih alo nih takah hian tu tan pawh alo awlsam phah viau a, hei hi a lar tak hluai na chhan pawh a ni ta ve ang. Kan population nena khaikhin phei chuan user kan tam viau ni pawhin a lang a. Thenkhatin tha tak leh tangkai taka an hman mek lai hian a side lehlam hi kan thlir ngai em le?

(more…)

Posted in Internet, Lifestyle, Tech trek trek | 21 Comments »

Vawikhatna

Thursday, October 27th, 2011

Article hi ka ziak ve zeuh zeuh thin a,mahse ka pen hmanthiam leh lehkhapuan nen inchhawp a,kut ngeia ka ziah loh hi chuan “thu” hi ka rilru ah hian a lut thei mai thin lo. Mahse tunah chuan computer a type paha ngaihtuah dan pawh ka thiam ve ta viau mai,chutichung chuan kut a ziah hmasak phawt hi ka la ching viau tho.

Hetiang ka nih avang hian mi(sual) ah pawh thil post tur tha deuh neia ka inhriat pawh hian ka ziak hman thin si lo a,ka thulh leh thin a,tun tum zawng tih patawk kan chhuah a,ka khawrpum thei hram e.

A hmasa berin mi(sual).com admins te fakawm tihna em em pahnih ka nei a(tlawn hmasa zeih zeih :-))Pakhatna ah chuan, Mizo tawng in duh ulukin in duhtui a,naupang zawk te pawhin inzir nan an hmang thei a,hei hi a lawmawm ka lo ti ve em em thin.

(more…)

Posted in Education, Opinion | 39 Comments »

MI

Thursday, October 27th, 2011

MI

Kan MI,
Kan hlim,
Kan thim.

Kan dai,
Kan kai,
Kan tlai.

Kan nam,
Kan lâm,
Kan châm.

Kan thlep,
Kan kêp,
Kan hlêp.

MI

Posted in Event, Poetry | 46 Comments »

Pu H. Rotluanga ruang chhar a ni.

Thursday, October 27th, 2011

Tukin (27.10.2011) dar 9 vel khan sihphir Vengthar mi Pu H.Rotluanga chu an mahni huan Selesih leh Sihphir in ri na a an thlam chhungah a ruang chhar a ni.

Pu H. Rotluanga te hi motor a tui phur hnena tui hralh thin an ni a, a zing feh thlamah thi a hmuh ani ta a ni. A ruang hi bawkhup in awm a, thlam pawn ah hian thi a tam viau a, thlam pawn a thah ani maithei. Police leh Forensic lam nghah mek a ni, a ruang hi an la khawih che hrihlo a ni awm e….

Posted in News, Obituary | 39 Comments »

YMA General Conference October 25-27, 2011

Thursday, October 27th, 2011

2011-2013 Central YMA Hruaitu thlan tharte leh an vote hmuh dan.

President – T. Sangkunga (Vote 1404/2640 – 53.19%)
Vice President – Lalbiakzuala (Vote 2087/2532 – 82.43%)
Gen. Secretary – Vanlalruata (Vote 2006/2305 – 87.03%)
Asst. Secretary – R.L. Rindika (Vote 710/2310 – 30.74%)
Treasurer – R. Lalngheta (Vote 960/2141 – 44.84%)
Fin. Secretary – J. Lalsailova(Vote 887/1680 – 52.80%)

Source: https://centralyma.org.in/news.php?readmore=150 [Click pic for larger size] (more…)

Posted in Event, Mizoram | 60 Comments »

Kapthak!

Thursday, October 27th, 2011

Hiah a nuam ti rawh u? Mahse, a hrehawm ru riau bawk sia. Mi zingah a thak a rawn chhuah tawh chuan hiah sut sut a mawi si lo, hiah lohvin a reh duh mai bawk si lo. Kan hiah nasat poh leh a zual zel si.

Hmeichhia hian kapthak an nei ngai em ka hre miah lo va, ka la zawt lo bawk a. Mipa hi chuan kapthak kan nei ṭhin a, a bikin naupangin. A thak a’n chhuak tak tak chu, a châk leh kan han chûm det det a, a châng leh kekawr nen kan han nuai pawlh nawk nawk a; a vun te kan han sik leh rih ṭhin a. A nuam em em mai si.

A lo rei tawha hiah nasat chuan a pilh ve ṭhin a, a pilh khan a thak a reh phah mang si lo va. Dim zetin a pilh bul vel kan han hiat set set bawk a, a thak a zau deuh deuh va, hiah a nuam telh telh a, a pilh pawh kan vaihma leh ta law law a. A lo remchang em bawk a ni.

A bikin ringworm-ah hian hiah tam lo a ṭha khawp mai. Kan hiah tam poh leh a huam chin a zau telh telh a, enkawl loh phei chuan hringnun kal ṭha hle hle lai a tibuai pha hle. A thak tak tak peih chuan a thak lai vun kha hlehthlaka duhtawka ṭhial vak vak a châkawm ṭhin.
(more…)

Posted in Whatever | 64 Comments »

« Older Entries
Newer Entries »