Tlangval ve ta nafam chuan kan bialnu emaw nula han Kiss (fawh) kha kan nuam tih leh tum ve ber pakhat kha a ni reng lah tak a. Kan ngaih zawn ruk ve reuh reuh ten min duh leh duh loh hriatna awlsam tak chu KISS kha a ni ve tlat. Mipa lam hi kan hruanghrau mai bakah a hma hruaitu tur kan nih ang tak khan zak leh hreh chung chung paw’n kan bialnu te KISS kan tum thin kha a ni a. Vawikhatna tur anih ngat phei chuan a awlai lo thin teh a nia.Ngam ngawt mah ila alo duhloh bur chuan a zahthlakin hnar hi a lian duhin kan bing chuk chuk thin a. Kiss a duh loh kha min duhloh vang em em pawh ni chuang lovin a zah vang leh eng emaw riau dawn a hriat vang a ni bawk a nia.
Archive for October, 2011
Urlawk zan “kiss”
Sunday, October 23rd, 2011NRI doctor gets 1 crore compensation for wife’s death
Sunday, October 23rd, 2011New Delhi: Awarding a record compensation in a medical negligence case, the country apex consumer panel has directed that a US-based Indian origin doctor be paid Rs. 1.73 crore for the death of his wife while undergoing treatment at a prominent hospital in Kolkata in 1998.
The National Consumer Dispute Redressal Commission (NCDRC) asked three Kolkata doctors and the Advanced Medicare and Research Institute (AMRI) to share the compensation amount.
An NCDRC bench of Justice R C Jain fixed the compensation on a direction by the Supreme Court, which had referred US Doctor Kunal Saha’s appeal to it while holding the three doctors and the hospital culpable to civil liability for medical negligence which had led to the death of his wife Anuradha, herself a child psychologist, in 1998, when she was in the city on a summer vacation.
Read More: NDTV
Kan hotupa Benjamin Rualthanzauva Birthday!
Sunday, October 23rd, 2011
Sawi hnem vak pawh a ngai lo. Tunah ding chungin kan awmna hmun theuh ah “Happy Birthday” hla kha i sa ang u.
Dawn chiang rawh se
Sunday, October 23rd, 2011( ka thil tawn behchhan a ka ziah)
July thla tawp lam ani a, khua a lum in Gwti boruak lum leh uap lai aniin tihtur tul vang mah nise pawn chhuah a peihawmloh in, room a kekawrte nen chauh a fan hnuai a hahuk kahthlak ang diai a lungmuang taka mut a chakawm hle a…Ka kalna tur lah chu khawpui daifem lamah niin a phurawm tehchiam loh ..
Bus 21 tih inziak ngei mai chu ka chan hnuah ka kalna tur lam pan chuan ka insawh phei ta bauh bauh a..Bus tawt nen, khawlum nen, lu a na churh in, ka hma a ding lo lut thar ina bus vawnban a han vuan chiah mai chu, a zak thlan rim chu a ngan in a rawn hring chhuak ngaih ngaih hian a hriat a, ka luak lo chauh ani..
Tichuan rei fe ka hma a pa zak rim ka hnim phei hnu chuan ka tum lam chu ka thleng phei ta hram a…Zirna lam kaihhnawih a nih avang chuan ka in tiphur lui hram hram a,ka tih tur thenkhat te ka zawh hnu chuan, ka la hmuhloh thenkhat zawn pah chuan chulai veng ah chuak ka tei kual vel a.. (more…)
Thimin min hualvel laiin Pathianin hna a thawk thin (Sunday Pual)
Sunday, October 23rd, 2011“Lalpa’n zankhuain Khawchhak thli na takin a rawn tlehtir a, tuipui chu a nem kirtir a, tin, tuipui chu lei charah a chantir a, tin, tuite chu a lo inthen ta a.” (Exodus 14:21)
Lalpan a mite Aigupta sala an tanna lak atang a Mosia hmanga a hruaichhuah lai khan, Hlim takin an chhuak fel deuh chauh tihin, thui an la thlen hmain, thil mangan thlak tak an tawk ta tlat mai a. An hmalamah chuan Tuipui sen daikai ngaihna reng reng awm lo a lo awm cham po mai a.
An dinglam sir lam lah chu Thlaler zau lutuk nunauva han kalchhuah mai ngaihna awm lo ni a lang a lo ni si. An vei lam Tuifinriat kam lah chu Philistia Ralhrat ho awmna alo ni bawk si. Tlanchhiatna tur lam reng a awm lo ve. An hnung lamah lah chuan Pharoa Sipai chhuan vawr hovin Tawlailir nen an rawn um khu rum rum mai bawk si. Mang ava han ang dawn tak em. Chutah mang ti ang zual turin khuain a rawn thim hnan tan chu a ni mai bawk si. (more…)
Ka pa duh tak
Sunday, October 23rd, 2011Aw ka pa, ka pa duh tak,min hmangaihtu,
Duatte’n min chawia, duh tin par min hlantu;
Ka hmatiang nun kawng ka lungkham bấnna ber
Famkhua min zawn san ta,lung ka phang mang nge.
Ka ngaithiam lo ka tuar thiam lo ana lua,
Mahriakte’n awmlai vei laikhum zấl che maw;
Dawi ang dawmtu reng nei lo che maw ka pa,
A na em mai, ka tuar nem thei dawn lo ve.
Kristian Chhungkua
Sunday, October 23rd, 2011NU ENTAWN TLAK – ABIGAILI
Kristian chhungkaw Campaign kan neih hian chhungkaw thenkhatah chuan Nu ber leh Pa ber inmawhpuh lek lekna boruak hi kan tawng leh zauh zauh thin. A nihna diktakah chuan Kristian chhungkaw din kawnga Nu leh Pa mawhphurhna hi a inchen reng ti ila tuman ‘a diklo’ kan ti thei miah lovang.
Chutiang ni reng chung si chuan tun tumah hian Bible a Nu ropui tak mahse, lar em em lo Abigaili chanchin atang hian chhungkaw siamthatna kawnga Nu ber mawhphurhna han sawi ka tum a ni.
Abigaili hi I Sam 25-ah kan hmu a, Hebrai tawnga a hming awmzia chu ‘ka pa chu a hlim a ni’ tihna a ni. Bible ah mi pahnih kan hmu a, tuna kan sawi lai Nabala nupui lo zawk hi Davida farnu Zeruii laizawn a ni.( I Chro 2:16)
Zahmawh Fiamthu 5
Saturday, October 22nd, 20111. Nu pakhat zing tho pawh kha a lungawi chiah lo a ni ang, “Vantirhkoh tlangval 500 vel ka duh,” a ti hlak hlak a. Nakinah chuan an nupain an thi ta a. Pathian chuan chu nu ànhla chu a thih hnuah a chhâng a, vantirhkoh tlangval 500 a pe a. Tum khat chu a dam laia a pasal nen an inhmu thut a, a pasal chuan, “Nu-i, vantirhkoh tlangval 500 i nei ta chu a nuam bawk em?” a tia, a nupui chuan, “Nuam teh suh ei. A zun pawh kan zung hman hleinem,” a lo ti hlak hlak a!
2. John leh Mary te restaurant chu a lian vak lo va. Mary’n choka lamah ei-in a siam a, John-a’n khual a lo chhawn a. Ni khat chu an khuaah mitdel thil rim hre thei tak mai hi a rawn thleng a, an restaurant-ah chuan eitur a rawn chah dâwn a.
John: Ka pu, eng nge i ei dâwn?
Mitdel: Ka hmu thei si lo va, mi eina hnu thleng kha rawn la la, a rim atangin ka chah mai dâwn a nia.
John-a chuan mi eina hnu thleng a pe a, an dah ho zawng zawng hming kha kim thlapin a rim atangin a a sawi chhuak thei vek a, a chah ta a.
YMA General Comference hmanna tur Pandal chu
Saturday, October 22nd, 2011
October Ni 25 a hman tan tur YMA Gen. Conference hmanna tur hmun Pandal pawh a ruangam chu peih fel a ni ta. A chhung lamah tlem azawng hna a la awm tih mai loh chu.
Pandal hi 210 x 150 a zau ani dawn a, mi 9974 vel leng tura beisei an ni. He Conference ah hian Au rinna lamah chuan Delta Sound te an ruai dawn ani.
