(Kan chhiar tur hi LUNGDUM October issue ami, call girl in a thiannu hnena a inpuanna ani a, Lungdum hi subscribe kan tam lutuk lovin ka hria a, mi chhiar ve atan ka duh si a, hlawkpui nana hmang kan lo awm tak mialin, tu man ngaihloh lamah an ngai em lovang chu maw…ka kaitawi nual – post tu pa )
” Ama phalna ka la tho bawk a, hming leh veng tidanglamin ka rawn tarlang ve pawp mai, khawvel hi alo mak em ani. Amah chu nula lian lam, hmeltha tak leh ze zawi nelawm tak ani a. A tawngtam lovin a nungchang pawh a tha hle.
An vengah chuan YMA leh KTP tih velah pawh a in hmang ve hle a, zai lam ti mi tak anih vangin Bial zaipawl ah te pawh a tel thin. College a kalna erawh thup sak leh ila, B.sc a zawh hnu chuan hna a hmuh lawk loh avangin mi dawrah te a inhlawh kual ve ta mai mai a.
Reitak kan inhmuh loh hnu chuan kan inhmu ve leh ta hlawl a, chutah chuan chanchin mi barakhaih em em tu chu min hrilh ta a ni. “Thiannu, hetiang mi ka lo ni hi min dem mai thei, mahse hrilh lo thei che ka nilo, khatia 10+2 kan zawh hnu khan ka nu a pension ta si nen, kan harsa khawp mai a, college kal tawh loh hial te ka tum kha, mahse ka ti lui chho hram hram a, college kal hrim hrim kha hreawm ka ti lo, mahse nula ve si, incheina ka neilo lutuk leh canteen vela inhnangfakna ka tlachham lutuk kha hreawm ka ti thin em em a.
Tum khat chu kan vengah contractor rual khat hian sorkar hmun pawimawh tak an rawn sa a, kan inbul mai anih vang chuan an lo lenglutin ka hmelhriat ta khawp mai a. Tumkhat chu contractor zinga pakhat chuan cell phone ka neilo tih a hria a, pek min tiam a, ka lawm hle a, mahse keimah ah beisei let aneih ka rin vangin ka inveng hle a, mahse chutiang engmah sawilo chuan min pe tawp mai a, mak ka ti hle nghe nghe.
Kan in chu an khawsak tamna ber niin zu te pawh an rawn in zauh hlawm a, mahse mi zah lo leh khawsa mawi lo an awm miah lo thung a, chung an zu inbang chu senghawitu ber ka ni a, in ve ka ching ta zauh zauh a, pocket money min pe tawk an awm reng bawk nen, rilru ka nei ru tan ta a. Zankhat chu ka nu a zin a, ka nau lah a lengchhuak deih bawk si. Cell phone min petu chu alo leng a, a zu rawn ken chu a mahin a in a, ‘in ve ta che’ a ti chu ka lo aw thuai a, zu no hnih vel chu ka tan a tawk khawp mai.
Tichuan, chupa chuan thiam takin min thlem a, chumi zan chuan a vawikhat nan Rs 5,000/- in ka inhralh ta a. Heta tang hian contractor zinga pahnih chu ka kawm ta fo a, sum lamah chuan an phanglo khawp mai a, ka fimkhur thiam em em bawk a ni.
Ka inkhawm taima a, mipa lakah ka in uluk a, ka zu in thin pawh chu tuman an hrelo a, ka lan danah chuan nula fel leh nungchang tha tak ka ni reng.
Call girl chanchin an sawi thin te ka hre chiang a, hriat ruk pawh ka nei nual, keimah ngei pawh ka nita reng chu ania. Mahse nuam tihlohna leh hreawm tihna ka neilo reng reng. Thian ka kawm zau in ka hawi zau ve zel a, contractor chauh lo pawh kawm tur ka hmu zel a. Tin, keimah ang tho thian thar che fel leh zei zet ka nei thar ta bawk a, a fimkhur thiam in kei ngei pawhin a nihna chu awih har ka ti.
College chu ka chhunzawm thei ta zela, ka sum hmuhte chu ka chhungte hnenah chuan scho a ni ti te in emaw ka sawi mawi thei zela. Mi rinhlelh ngaihna reng an hrelo. Mi ka kawp te kha kawp bik ka nei a, a rualin mi pahnih te chauh ka kawp thin. Officer chin emaw, sumdawng hausa tak emaw te an ni hlawm a, Kohhran Upa leh rwngbawltu an ni fur mai. Tum khat chu Bial zaipawla ka tel lai khan ka kawp thin pakhat chu bial programme a kan zaiin chanvo pawimawh zet alo chang pek a, biakin kawtah kan inhmu chu kan inhmelhriat chawp leh vel..!
Awle, tichuan kum li (4) zet ka khawsa ta ania, mi dawr nghaka ka awm te hi ka tan chuan a remchang khawp mai. i hrethiam angem aw? Ngaihzawng te pawh ka nei ve tho a, mahse ani erawh chu ka chetsual pui ngai lova, pangai takin kan inkawm mai a. A chang chuan ka khawngaih lutuk hian inthen te hi ka rawt tawp thin.
Kei ang hmeichhia hmangaih tur chuan ka lainat ani, min duh ve si a, amah chuan inthen chu a duh ngailo tih min hrilh thin a. Keipawhin then chu harsa ka ti a ni. Thiannu ka tenawm tiraw?(hetih lai hian a mittui a tla a, rei fe kan ngawi dun a) Awle, ani chu sawi tawh rih lovang, keimah lam zawk aw. Kumin March thla khan ka damlo vak a, ka khua te arawn sik a, ka period ta bawk silo chuan ka inringhlel a, zun test na ka lei a, nau ka lo pai reng mai! ka mangang asin. Ka bialpa hnenah chuan midang nei a, naupai ang in ka insawi a, kiang mai turin ka hrilh ta a ni.
Hetianga nau ka pai mai dan chu ka hre thei mai. Amah pawh ka hrilh a, nau titla tura ruahmanna kan siam lai chuan hreawm ka va ti tehreng em! Ani chuan sumsen ngai zawng zawng min sen sak tiamin shillong kan pan ta a.
Ka chhungte bulah chuan kan dawr thil buaipui angai tiin dawt ka hrilh mai a. Nidangah pawh ka kal fo a,harsatna a awmlo. Tichuan nau chu ka titla ta a, ka bialpa min hmangaih em emtu ka then a, ka fa, ka rila rah ka that bawk a. Thiannu ka nun ka inchhut let a e, ka inten ltutuk.
Pathian pawhin min ngaidam thei loang tih rilru pu in pawisak neilo takin ka nung ta vel anih hi. Kohhrana ka inhmanna te zawng zawng pawh ka bansan vek a, mi te pawhin mak an ti thin khawp mai. min dem ang tih ka ring a, keipawh ka inten lutuk. mahse khawngaihin min tawngtai sak thin dawn nia. tiin a chanchin chu min hrilh ta ani.
He thu ziak hi ama phalna ngeia tih chhuah ani a, miten eng angin nge an ngaih tih a hriat duh ve tho vang ni e. Call girl hna chu a bansan tawh a, mahse Pathiana piantharna tak tak ala nei lovai tawngtai pui thin ang u.
( Khaile, khiti khi ania, eng angin nge kan ngaih le, mi te ngaihdan a mah ngei pawn a hre duh bawk a, tlang takin sawi pawp pawp teh ang u hmiang )
Similar Posts:
- Dear Misual
- Kan Khaw Kawng hi!!
- Ka hmangaih che, ka hmangaih fo ang che.
- Zawhna chhan nuam lo ber te
- Tleitiri zunzam..
November 1st, 2011 at 9:27 am
In va comment duh lo ve…. in chhiar tui lutuk zawk nge maw ni!…
November 1st, 2011 at 9:30 am
He thu hi kei pawhin ka lo chhiar tawh a..hetianga in thup hi kan khawtlangah hian engzat tak awm ang maw…
November 1st, 2011 at 9:32 am
Thingtlang mi, kawhpui-a School, College kal nih hi a hreawm reng a sin chhung khat hla tawh deuh te, hmana kan nu leh pate hmelhriat, a then chu kan khaw chhuak tih ringawt inlaichinna awm miahlo te hnen ah kan awm a, an fel leh inthlahrun a na, an sual leh a herh awm, Riltam kan hre ve tho a, inferiority complex neih a awl teh a nia, hur leh awm hreh vang hrim hrim a call girl tam tak an awm mai thei, hetiang din hmunin a zirloh vanga tianga awm ta hi a tam zawk an ni mai lo maw. mi hausa leh neinung ten thawmhnaw chhia an inbel chu an nun tibuaitu a ni phalo a,tuman an hmusit lo a, an ngaihsan phah zawk hlauh thin…retheih leh neih zawhloh vanga thawmhnaw tha lo inbel chu hmeichhe tan phei chuan a hrehawm leh zual ngei ang…mipa tan pawh engtia tih thu loh.Tawngtai pui ila,tin, a mah ang hi tamtak an awm ang tih ring bawk ila chungte pawh chuan hrehawm leh retheih na huaisen taka an hmachhawna, lei rem an rah ve theih nan Pathian i dil ang u.
November 1st, 2011 at 9:43 am
hetiang hi an tam ngawt ang ka ring
November 1st, 2011 at 9:49 am
A pianthar lem loh chuan, a business chu a va sim chuan loh hmel e……a sualna inhria a, mahse sim duhna tak tak a nei em aw ?
November 1st, 2011 at 9:51 am
Thil pakhat leh chiah, kan duhthlanna a amah kan thlan phawt chuan Pathian in a ngaihdam theiloh ni a kan inhritna hi Setana atanga chhuak vek a ni tih a chiang thin.Ngaihdam tlakloh leh ngaihdam theihloh ngaihdam na tak hi a ni Lal Isua thih a a thawh leh chhan chu…
November 1st, 2011 at 9:53 am
Thalaite hian kan incheina hi i fimkhur ang u …sum lama kan buai loh vanga duhzawng kan lei ngawt hian..midang awhna sualah kan tluk tir thei a…chu2 mi dang rinna tichak lortu a ni a…kan tan SUAL a ni…
November 1st, 2011 at 9:55 am
he tiang hi ka hre nual, poisa mamawh vang a ti zuai, sim leh mai thei lo an ni chawk…
November 1st, 2011 at 10:18 am
Chhungkaw dinhmunin a tlin lo chunga mi thil neih ang neih ve phet tum hi pawi tak a ni.
Sikul/ College kal te pawh a harsaa a theih ngang loh chuan kal loh ngam a, inhlawhna/ sum thawh chhuahna tur hna dang zawn ngam a pawimawh. Zirna chauh hi eizawnna kawng awm a ni lo. Ani pawh hi college kal tum kher lovin a phak tawk hna tawk se, rualawhna avanga hetiang dinhmunah hian a ding kher lo ang. A khawngaihthlak hle mai.
November 1st, 2011 at 10:21 am
A free a tute emaw intihtir deuh reng an tam em hi a, he nu hi a business minded riau a a tha ve tlat. π . A bialpa erawh hi chu a khawngaihthlak teh e.
November 1st, 2011 at 10:26 am
Tawrhna/thawhrimna tello a nawmsakna um/nawmsak tum lutuk hi a thalo renga ni.
Kohhrana inhmang chunga a inzuar thei khi chu amah leh Pathian inkar a ni.
November 1st, 2011 at 10:49 am
Mahni lakluh mil tawka khawsak kan rel thiamlo hi a pawi a ni.Awhna suala tluk luhna,chu mi in a hrin chhuah chu hetiang te,rukruk te,tualthah thlengin…. kan lakluh mil a khawsak thiam dan hi i zir tlang teh ang u
November 1st, 2011 at 11:13 am
No Judgement at all…!! mahni insit in, in ten lutuk lo se…. a nih tur ang ni toh a.. thilkal toh vanga in dawmkun lo in… past experience thra lo eroh chu hmalam hun tan fimkhur nan hman phah zawk se va thra em!! Ka lo tawngtai pui ve ange.. tih theih tok…>
November 1st, 2011 at 11:34 am
Mizoram hi a na hle mai, han ti ngawt ila. Aizawl hian mizoram hi a represent tawp chu nih ber hi. Khaw dangah hetiang hi eng ang chiahin nge a hluar le.
November 1st, 2011 at 11:42 am
Heng nula hi ka dem ngam lo. College kal duh ve si, incheih duh ve si, mahse kalna tur leh incheina tur sum neih lo. A problem a solve dan erawh hi chu a thra lo. Lal Isua zuitu taktak a lo nih chuan, hetiang kawng hi chu a zawh ka ring lo. Tunah erawh chu, a inchhir a, a sim a, Lalpa hnenah a kir leh chuan Lalpa chuan a ngaidam ang a, a lo lawm ang. A thiltihsual zawngzawng Lalpan a hre reng tawh lovang.
“Officer chin emaw, sumdawng hausa tak emaw te an ni hlawm a, Kohhran Upa leh rwngbawltu an ni fur mai. Tum khat chu Bial zaipawla ka tel lai khan ka kawp thin pakhat chu bial programme a kan zaiin chanvo pawimawh zet alo chang pek a, biakin kawtah kan inhmu chu kan inhmelhriat chawp leh vel..!”
Upa leh Rawngbawltu te, chutianga mi fate lo tihchhiat thrin te erawh hi i dem hlawm ang u. An fanute chung ah tuten maw anmahni tih ang hian lo tih ve ta se …
Hetiang angmi Kohhran hruaitute kan ram ah hian an lo awm anih maw!!! Kohhran memberte kan va khawngaih thlak em!
The Lord save us!!!
November 1st, 2011 at 11:47 am
Bible-in ‘awt suh’ a lo tih chhan tak kha manfuh se khitiang khian a awmlo tur. Mahse, a mizia dik tak lo lan chhuahna a nih khi.
November 1st, 2011 at 11:51 am
mak ka ti lem love. Hetiang hi engzat tak awm ang maw?
November 1st, 2011 at 12:02 pm
Dinhmunin a zir miau lohva, mi danglam bik tak te nih bawk si loh chuan mihring nunah hian thleng thei lo hi a awm lo.
A ni pawh hi ka thiam lo lem lo, mahse a hun kal zel turah erawh chuan tawnhriat a neihna atangin a tana tha leh tha lo chu, a duha thuin a thlang thiam tawh ngeiin ka ring.
tren tren.
November 1st, 2011 at 12:03 pm
He nu chu ka van khawngaih ve aw…. mahse rilru chhungrila Pathian tihna a awm tlat chuan nun hi a tleu rei thei tak tak lo a nia.. hei ai hian a tuar hi han ti chhel leh deuh se ka duh pui khawp mai…A call girl na chhan hi midangte neih awt ruk vang leh awlsam taka neih ve theihna kawng a neih vang a nih hmel a….Mizoram ah hi chuan opportunity hi a la tam a, taima taka engpawh tih peih chuan chhungkua din chhuah hi a la theih a, mahse awlsam taka neih teuh erawh chu a har tawh khawp chuan ka hria…
Han tang hram hram teh se…
November 1st, 2011 at 12:06 pm
“Kohhran Upa leh rwngbawltu an ni fur mai” tih lai tak hian ngaihtuah a tithui hle mai. Ka ringhlel deuh hlek. awm mah se fur… engzat chiah nge an nih ang? Eng Kohhran upa nge an nih ang aw? ka ti deuh a…
November 1st, 2011 at 12:19 pm
π π
Bial zaipawl, a dawrtu kohhran upa..tak tak pawh va ni suh!
November 1st, 2011 at 12:26 pm
Ka va khawngaih e aw..a nihna a sawi ngam a ka fak hle bawk.. Kan vai hian tunge dem thei tur awm bik le..sualna nei lo kan awm a m? Pathian thlir dan kan hre si lo a.. Tawngtai sak hi a tana kan tih theih hlu tak a ni..
November 1st, 2011 at 12:28 pm
Mahni thiam loh a chhapah hian midang fel hlel deuh kan hriat hi, uar deuh taka han sawi hi a awl khups mai (keimah chauh ka ni bik lo tih fiah nan). Mihring dan a niang e. :d
tren tren.
November 1st, 2011 at 12:31 pm
Ka va khawngaih e aw..a nihna a sawi ngam a ka fak hle bawk.. Kan vai hian tunge dem thei tur awm bik le..sualna nei lo kan awm lo a, awhna leh it na nei lo kan awm dawn a m? Pathian thlir dan kan hre si lo a.. Tawngtai sak hi a tana kan tih theih hlu tak a ni..
November 1st, 2011 at 12:34 pm
Awihawm loh em mai a……….. π π
November 1st, 2011 at 12:43 pm
Inpuanna tih lampang hawi hi chanchinbu velah hian ka hmu zing tawh ang reng hle a. Mipui pawh hian kan lawm a niang, an hralh a kal phah viau ka ring. KS piangthar te lah hi kan lawm thei huam huam bawk sia.
November 1st, 2011 at 12:54 pm
A hmeltha ngawt ang a! Lo fiamthu khanglang ila π
Tak taka, a khawngihthlak reuh hle mai. Hetiang hi an tam thei khawp dawn a lo nih hi..
November 1st, 2011 at 12:54 pm
science graduate meuh mo??? kan edu. system chhiat zia alo lang in ka hria. khongaih thlak khop mai,certificate ringot hi chuan hna min pe thei si lo, political fitness kan nei thei vek bok silo, chuvangin ei hmuhna lam hoia lehkha kan zir hi ahun toh takzet ani. master degree poh nei ila sorkar hna ka hmuh siloh chuan pvt. schoolah emo dorah emo kan thok a, tuibur thlora eizawngte, bazara nuho sa satte, zodin leh treasury a standingte etc. atam mai lak luh zat poh kn la pha meuh lo ani,khonge kan thiamna kha??? han soi zau ka va chak tak emmm….
November 1st, 2011 at 1:04 pm
A tha ve leh mai ang ai tawp mai ang. π
Hetiang in hmuchhuak hi ka khawngaih tlat zel, AIDS te ala vei loh chuan nupuiah kalo nei mai dawn mawnile. π
November 1st, 2011 at 1:22 pm
sualna nei lo chuan deng rawh u.. :p
November 1st, 2011 at 1:25 pm
Ka ngaihzawng a ni ang tih ka va hlau em.Rilru a dek khawp mai.Hmeichhia te hi mipa ven ngai ngawih ngawih an ni a sin. :-[
November 1st, 2011 at 1:26 pm
Dawt mah nise ka han chhiar zawh peih mial chu. A takin leh video ah bial zaipawl ka hmu ve nual tawh a. Hetianga tel pha chin tute mah a rukin an inzuar lovang. Chu bakah pensioner inah contractor ten zu in turin an kal lovang. An mahni inah zalen tawkin an in thei reng. Kohhran upa KS dawr an awm anih pawn pahnih khat bak anni lovang. Mi zahawm tak tak anni, rinna lamah ngaihtuahawm deuh thin mahse.
November 1st, 2011 at 2:07 pm
Famkim lo leh Famkim ngai lo tur kan nih hi maw. I tawngtaipui ang u
November 1st, 2011 at 2:18 pm
Mahni leh mahni inten khawpa sual nih inhria a nih chuan self realization a nei tihna a ni a, virtue -in a zui tur a ni-according to socrates.
#26 caribou hian a sawi dik khawpin ka ring.
November 1st, 2011 at 2:42 pm
Hahaha…. Hmeichhe awm tha duh lo inpuang apiang hian Kohhran hi an nek ve deuh ra zel a…tha thin e.
Hei hi tak tak a nih leh nih loh chhuichhuah a har lo vang. Mizorama BSc zir niin i sawi a. Chuan kum li liam ta ah a graduate bawk ang a. Chuan Mizoramah hian a hun laia BSc zir an tam lo khawp ang. Hmeichhia phei chu chhuichhuah theih nghal mai ang. Aizawla college pahnihah bak a zir theih bawk si loh.
Eng pawh nise call girl hi an awm tak tak pawh ka ring lo. An khawvel hi ka hriatthiam pui lo. Hriatthiam pui lovin chhan ngai an lo nih reng ang tih erawh hlauhawm hle.
November 1st, 2011 at 3:14 pm
Sual puan apianga Kohhran lam hmer tel ve ziah hi ka awih zo zai tawhlo. Tunlai mizo magazine tam zawk hi chuan an phuahchawp vel mai mai ani e an hralh theih nan. ka chiang khawp mai hei chu. A tak alo nih pawhin a khawngaihthlak animai. mahse han thutak khuk pui viau chi anih ka ring hranlo.
November 1st, 2011 at 3:26 pm
Thnawthu phuahchawp ami lo kawngaih tawk lah bo lo. Lo tawngtai sak mawlh teh u.
November 1st, 2011 at 3:30 pm
Mahni sual pha lova inhria te hi an hmalam panna kawngah an inhriatna hian engemaw chen a puih ka ring tlat. (Y)
In sawi angin chanchinbuah hetiang lam a tam chuan tu emawin a phuahchawp thin te pawh ania’ng chu mawle;misual ah pawh tu emaw in fa a tih tla ngawt tawh ang deuh khan hairehai π
November 1st, 2011 at 3:47 pm
@Ignatia (33-115 AD) #35.Lunglei Gov’t College ah hian B.Sc chu an nei ni lawm ni? Saiha College te pawn nei lo maw???
November 1st, 2011 at 3:56 pm
ka chhiar miah lova… hmana misual dot com a Mihur Inpuanna tih pos lo chhuak ang kha a ni em? π
November 1st, 2011 at 4:00 pm
no_nick hi US boruak rim i nam riau. Tum aiin a tho hma leh pek a ni maw hairehai π π
November 1st, 2011 at 4:06 pm
In la che Detective tiah tiah ka chung a mi hi.. π
November 1st, 2011 at 4:11 pm
#42 π i nick hi a pherh tlat hairehai NOI π
November 1st, 2011 at 4:13 pm
Lungdum hi chu a rintlak viau asin, hetiang lampang hi an vawikhat chhuahna kan subscribe atang. Chuan @35, Call girl hi an awm tak2. pawm ang u. Kohhrana rawngbawltute pawh a kawm thin tu zingah an tang ve leh thin, kan ram hi a chhe tawh tih hi pawm ngam ila, in venpui zawk ang u. Ka thianpa ATC-a BD zirchhuak, tuna B`lore a Mth zir leh mek pawh khuan a sawi, Synod lam atang an zirchian tir avangin. a duh tan chuan a paper pawh en a phal vek. KTP inkhawm ah report a pe a kan vengah.
November 1st, 2011 at 4:15 pm
#44 1 tal phone number han sawi la π π
November 1st, 2011 at 4:20 pm
#43 min it a nih mai chu. π
November 1st, 2011 at 4:21 pm
@41: ka mut huna buai vek aa… tlai dar 3 vel hian ka mut a chhuak em em a, tun ang hunah hian ka mu thei miah bawk si lova.. buaithlak angreng….
November 1st, 2011 at 4:31 pm
@45, an phone No. lampang chu ka ngaihven loh lampang ania, kan venga Taxi driver Pu *********a hian a hre khawp mai. Chhunah a service peih tawh lo, zan lamah call girl akoh sak thina, a hlawh hnem amah pawh hian.a ruka min hrilh ka tlangzarh sak ta ringawt mai a…
November 1st, 2011 at 5:15 pm
Sual ngaidam thei leh theilo chu kan hre veka,mase tuna mi hi chuan awlsam takin pathian a hnai ngam lo ang.(Rilhruah a awm reng dawn avangin)Chu vangchuan pasal nei thuai sela engkim a fel mai ang.
November 1st, 2011 at 5:42 pm
@48: Call girl an awm a, Call Taxi Driver an awm bawk a, Call customer an awm bawk, a in khaidiat tha viau alawm.
Comment 32+35+36 ang deuh hian hetianga inhmuchhuak ho chian Kohhran hruaitute hi an hmer tel ve deuh ziah ta mai,dik tak maw?
Kan rinloh tak tak te pawh hi an ni nulh nulh thei ve tho. Tih tur kan va ngah em!
November 1st, 2011 at 5:58 pm
Phek thar!
November 1st, 2011 at 6:10 pm
A nun khi a khawngaihthlak tehmeuh mai a, mahse vanduai vang a khitiang dinhmun a ding khi a nilo, zu a in a, awhna sualah a tlu a, pawisak neilo tawk velin a rui a, a nun in a tuar ta ani. Thenkhat erawh chu vanduai vang liau liau a hetiang dinhmuna awm hi an awm.
A chhan chu engpawhnise hetiang dinhmuna ding, nun tleu laklawh te hi an khawngaihthlak hle. He nun atanga zalenna tak tak chu Pathian hnenah chiah a awm. Chuvangin Kohhran mi te an pawimawh. Mi in a nun a sim a nunphung pangngai a zawh leh duh anih chuan khawtlang hian lo pawmthiam ila, tihtakemah chuan tumah sawiselbo kan awmlo.
November 1st, 2011 at 6:42 pm
Thawnthu ngaihnawm satliah chhiarin ka chhiar chhuak. Kohhran upa kher khi chu a lo dik anih pawh in chumi bak chu midang an tam ka ring lo khawp mai. Kei hi engemaw chang a inkhawm zeuh zeuh thin ka ni. Call girl hi chu dawr ka tum lo khawp! Kei ai a mifel zawk leh zahawm zawkin an dawr hi ka ring meuh lo ve mai mai.
November 1st, 2011 at 7:48 pm
Lung ngai suh se,
Siamtuiin a lam hnaih turin min thlir reng cin, In chhirna takΒ² neia a lam i hoi phot chuan… ngaih dam theih loh a nei lem don mi le…fel famkim kan om chuang hlei nem…
November 1st, 2011 at 10:29 pm
Phuah chhuak thiam khawp mai
November 1st, 2011 at 11:07 pm
Inchhirna tak tak a nei a,a hna a bansan a nih chuan nunthar a neih leh theih ngei ka ring.A nih lem loh chuan a hna ngaiah bawk a lut leh tho ang.Kohhran upa ho an inhnamhnawih thin thu an sawi hi awih loh ngawt chi ni pawhin ka hre lo.Upa kan thlan dan en hian.Hotu nih chakna thinlung pu hi kan tam tawh em a, chu chuan Pathian rawngbawlna lama tuina nei tak tak mang si lovin hruaitu nih chakna avanga campaign tawk an awm ve tlat.Kohhran kawra hmang hi kan ni nuk tawh hlawm.Inkhawm taima,kohhran a inhmang em em, bial zaipawl member meuh pawh hi an fihlim bik chuang in ka hre lo.Sum duh avang inzuar a ni hi mak ka ti bik hran lo.Ram hruaitu leh officer lian tam tak pawh hi an hlawh bak aia tam neih chakna avanga eiru an ni ve tho a.He nu eizawnna hi a dang a ni ve maiah ka ngai.
β Thil engkimah a luh lam aiin a chhuah lam hi a har duh phian. I luh hmain fimkhur thin ang cheβ. -Agnes Allen sawi hi a dik khop mai.
November 1st, 2011 at 11:25 pm
Call girl thenkhat chu kawl girl an ni e an tih chu!
November 1st, 2011 at 11:28 pm
Mi eizawnna, development pawisa eirukna pawh ni hleilo. Engemaw zawng tak chuan lo tih deuh hluai hi ho ka ti angreng tlat… te ka tia
November 1st, 2011 at 11:57 pm
Ka va khawngaih em, amah kawm chian ka chak hle mai a..
November 2nd, 2011 at 12:14 am
A thiannu khi hriat a chakawm
November 2nd, 2011 at 8:45 am
Lal Isuan mi a sualna ngeiah simna thinlung tak tak nen ngaihdam a dil chuan englaimahin a hnar ngai lo. kross lera misual thi tur kha ngaihtuah rawh, Uire lai ngei an man hnenah pawh, “Kal kal la tisual leh tawh suh” ati mai a ni.
Inchhira kun reng ai chuan nangmah bumtu setana cho letin a ram chhuh let turin Isua Krista hmingin do la, nangmah anga setana buma awm mek chhanchhuahna hnathawk nghal rawh, chutiang turin Lalpan a ko che. Chutichuan nun hlimna dik chatuan atan Lalpa Isua Krista khawngaihna avangin i chang ngei ang.
Nula tho la, “Nazaret Isua Krista Hming avangin setana do let turin Pathian ralthuam famkima inthuamin Kohhran bel thar leh rawh, Lal Isuan a nghak reng a che” Mi in an thlir dan tur che chu pawisa duh suh Lalpa ropuina tur anih phawt chuan chung chu haider ngam rawh.
November 2nd, 2011 at 7:29 pm
A va mak ve !! Bial Zaipawl nichung si a KS han nih chu…Pathian pawh hlau lo mi aw… a in sum zo lo a bial pa nen lo che sual chu ka hre thiam..Pathian rawngbawl chung si a nawh chi zawrh te chu a… rapthlak ka ti khawp mai.. Sual ka hriat ah chuan a lian pawl tak a ni…Setana a lawm viau ang ka ring….
November 8th, 2011 at 2:47 am
βKal kal la tisual leh tawh suhβ. Chutichuan nun hlimna dik chatuan atan Lalpa Isua Krista khawngaihna avangin i chang ngei ang…A inchhir tak tak a, Nun hlimna a duh chuan hei hi zawm ngam rawh se. Lal Isua a duh tak zet anih chuan, a hmu em em ang. A kal zel dan tur pawh Kohhranah a tel chho leh dawn nge, kohhranah kher lo pawh rawngbawlna tur a tam, Lal ISuan a rel sak mai ang. Engmah huphurh tur a awm lo. A rin aiin a rel fel sak ang.
Ka inchhir ti si a, a sim leh si loh chuan, a inchhir awkawng loah ka ngai ang keichu. Mi ten min hmu khawlo ta sa sa ti a, sual kawng zawh hi chu CHHUANLAM mai a ni e.
Tin zu a inkher khi a dem awm ang reng ka ti, sum mahmawh a in tih mai bakah nawm chen a ngainat thlak ka ti tlat. Chutah no 2 chin in thei tur chuan in than ve viau angai asin. Sum harsat vanga rilru lam innocent ang reng taka in zuar angin a in sawia, amaherawh chu no 2 dose chin chu A innocent tawh lo hle tih a ti chiang.
Zu hi thiam lak nan kan hman ber pawh a ni thin. Engpawh ni se a inchhir tak tak a, a Sim anih chuan kei chuan ka dem zui reng2 lovang. Tin Kohhranah a in lan hreh a nih pawn Bible leh lehkhabu dang tha tak2 Pathian hman tak tak ten a, an ziah chhiar tur a tam mai.
Mithi tholeh Upa B. Lalrinkima thu ziah kha chhiar se ka ti khawp mai. Mitin mai Keimahni leh Pathian inkar anih zia, mite min ngaihdanin awmzia a neih loh zia a sawi chiang ang reng khawpin ka hria.
Joel Osteena thu ziah Mizo tawnga an leh pawh kha a tha khawp mai, Pathianin min hmangaih zia, kan tan engkim a phal zia, a dil hlawhtlin dan tur thlengin a sawi chiang khawp mai.
November 8th, 2011 at 3:30 am
Pathiana Piantharna a zawng zui tak tak lo anih chuan, zu leh sex nawmna alo tem thui tawh si a. In zuar em em chiah lo pawn, he kawlah hian ala tluk luh leh ngei ka ring tlat. Mahse he ka thu sawi vang hian inti lunghnual duh suh se, a tum ti ruh sauh zawk rawh se..Mahse, Pathian a zawng hmu tak tak peih lo anih chuan, a tlu lut leh ngei ang ‘sex leh zu ah. Chunglampang ven thawn lem loh chuan nuam deuh ania sum hlawh lemlo pawn.