Ka pu chempui keng ka ni bawk a, reiloteah ka put zawh tawk tum hnih, fak riat daih tur chu ka sual thlu ve ta thuai a. Ka vanneih a siamin ka bul lawkah chuan hnahthak a lo zam dalh mai a, ka va lawm kher em! Hnahthak kher kher hi chu kan hmawmsawm hmuh phak ho tling, hnunthlum, builukham, cherdawng, sirkam, kehme, thakthing, hriang, adt adt zingah chuan a grate sang pawl tak a ni tlat 
. Lawm takin ka la mial mial a, ka kekawr bul hmalam chuar er tarh ipteah chuan khat tanin ka hnawh ta a. Yess.. hnahthak hual ka nei nghal bawk.
Ka pu chempui chu ka thingput hmawr a sat bur va leh hnahthak ak tanin ka thiante awmna lam, kan tui chen zirna ve ber Pu Zama dil kam lam chu ka pan thla ta hnak hnak a. Thian thenkhatte chu an lo zuangthla barh barh tawh a, a thenin khur hlak hlak chungin mei chhem an lo tum mek bawk a. Dil sirah chuan ka thing put chu kan tung ve a, ka rilruah chuan tuichen chiah a lan tawh avangin ka inphelh ve ta sawk sawk a. Mahse order thar ka hmu tlat mai le, nakinah i ai ve duh dawn chuan thing fawm hmasa rawh, tih ri chu ka aw hriat than em em, a hriat loh a zial heha kan tih mai, a hriata u S.tri-a aw ngei a ni tlat. Ka zawm ngei a ngai, a nihna takah chuan ai dawn miah lo pawh ni ila, a nin fawm rawh a tih chuan fawm tur a ni mai, ka hnahthak zawng zawng pawh khi min dil se, pek chiah tih theih ka nei. 
Kan in sorkar dan dictator ang reng tak mai hnuai a ka tih tur ka zawh fel hnu chuan, phur takin tuiah chuan ka zuangthla ve ta barh a. Karei a va hit kher em! A natin a na a ni ber e. Vawt ti takin kan hleuh kual pap pap a, rang takin dil ko ka pan leh vat a. Mei lum lam ka va pan a, kan pu ber ho chuan mei lum ai pahin zial bung an lo in zuk ban laih laih a. Mei lum aina ka chang mai lo bawk nen, kal dawn a ka pu zial bung bangrela a dah ka pai ruk la turin ka thawmhnaw awmna lam chu ka pan phei leh ta tau tau a.
Ka va phei leh chuan roreltupa chuan thupek a thar a lo chhuah leh ta tlat mai!
(to be cont.)
tren tren.
Similar Posts:
- Ka pu chempui – III (thing tuak)
- Ka pu chempui (thing tuak)
- “Masi” ka nghahhlelh thin kha
- Little Drummer Boy
- Kan lo thing ve ta..
November 2nd, 2011 at 5:09 am
Ani maw
Report this comment
November 2nd, 2011 at 5:13 am
Ehe chuti law
Report this comment
November 2nd, 2011 at 7:11 am
A zawm leh chhiar hlan a va nghahlelh awm ve
Report this comment
November 2nd, 2011 at 7:42 am
Report this comment
November 2nd, 2011 at 8:29 am
Post tupa hi Adama suit in ami i chen? Kekawrte i hak chuan, i ha ro mai thin awm si a, tsa te iangin kapthak i nei ve lo maw?
Report this comment
November 2nd, 2011 at 8:29 am
Hnahthak lung a va tileng ve.. Thakthing khi kan zu thin, tui ve duh khawp mai..:-)
Report this comment
November 2nd, 2011 at 8:39 am
Hnahthak,Tling, sirkam,adt… Ava lunglenthlak em….thialsen..ha ha..tha lutuk
Report this comment
November 2nd, 2011 at 8:48 am
Tren tren.
Report this comment
November 2nd, 2011 at 10:07 am
A lo chhuak leh der tawh a ni maw, in lo comment liam liam a, ka lawm e.
ku pk, ke kawrte chu nei ve thlap tawh e. Ngatunglung(555) burma siam ngei kha, a vaiin pakhat ka nei ve tlat.
tren tren.
Report this comment
November 2nd, 2011 at 10:45 am
I inthlahrung a nih kha, thui deuhin rawn ti tawh rawh.
Postupa idolah ka duhthusam a thleng ta. Kan inlawm em kha.
Report this comment
November 2nd, 2011 at 11:02 am
Pc-a@10, ka lawm e.
Idol chungchang kha chu.. A promise is a promise, an tia mi kha, nuam eee..
tren tren.
Report this comment
November 2nd, 2011 at 11:22 am
Hnahthak ka hriat ve hauh loh chu le! Kan khaw lamah a awm ve lo a niang.. Hmar lam pawh hian Pelh an hre lo leh tlat zel.
Report this comment
November 2nd, 2011 at 11:26 am
Kan chhiar nawn leh a, spelling mistake a awm nual mai, lo hrethiam mai teh u. Pawl li exam zo hlim ziah a nih khi.
tren tren.
Report this comment
November 2nd, 2011 at 11:35 am
III ah chuan in hotupa S.tri-a zuk tur zial bung in zawn duh hmel. .
Report this comment
November 2nd, 2011 at 12:01 pm
ngaihnawm leh pek, chhunzawm vat teh khai
Report this comment
November 2nd, 2011 at 12:09 pm
keimaha ka nuih chhuah huk chu le
ka tum loh lamah min kuai her daih a
Report this comment
November 2nd, 2011 at 12:27 pm
Report this comment
November 2nd, 2011 at 12:46 pm
Chhiar zom zel va chak omve ooo…Kan tet laia thian za ho in-sorkar dan kha chu alo puive ngot mai, a lian doi pol nihte kha alo va hre om emm… mahse khang lai a kan boss sual deuh kan hlauh em em te kha kan puitlin hnu hian patereuhte engmah ni mang lo an ni duh khop mai.
Report this comment
November 2nd, 2011 at 2:15 pm
@Ruat ruata Pachuau, hnahthak chu hnah tung, a hring duk a nia. Tui ve deuh a ni mai.
Pelh khi chu a hming chiah ka hria, he lamah a awm lo a ni ngei ang.
@Century child, i lo chhiar lehloh vaih. 
@roseparvul, eng tia awm tir nge min tum aw. 
@malsta27, zawm ngei ngei tur tih bak ka la hrilh thei lo che. 
@Dust_Lv, nia tiraw ku S.tri-a pawh hi tunah chuan ka dar chen vel lek mawle. 
@hlimthla, i tel ve a ni lo maw.
Report this comment
November 2nd, 2011 at 2:24 pm
Hlut ruk riauna he post chuan zuk nei tlat si a.
Report this comment
November 2nd, 2011 at 6:54 pm
Ti zo ta law2 la.a ngaihnawm khawp mai
Report this comment
November 2nd, 2011 at 8:47 pm
first post
2nd post 
. Post tih ngaihnawm tum lutuk a vanga peh hel kual vel leh a lak lawh laia han tih tawp vel hi ka ngai thei ngai lo. A tira post kha chu ngaihnawm ka ti, tunah chuan tih ngaihnawm tum lutuk na ah a originality a hloh ta. 
Report this comment
November 2nd, 2011 at 8:54 pm
@Doc, tihpalh lutuk, mobile atang a online ka nia, word limit a awm tlat a, vawikhatah tih vek ka duh tehlul nen a theih ngang lo a ni e. Ngaidam ngaidam..
tren tren.
Report this comment
November 2nd, 2011 at 8:59 pm
He he post tupa kei hi chu misual ah pawh a sual ber zing ami ka nia, ka duh loh zawng hi chu thup tit tet lovin ri chhuak pawp zel chi ka nia..
Report this comment
November 2nd, 2011 at 9:16 pm
@Doc, ka hrethiam e. Ziah teuh theihna ka tuak ve mek a nia
.
I ngaihdan tlang taka ka chunga i tih lan duh avangin ka lawm e.
tren tren.
Report this comment
November 2nd, 2011 at 9:17 pm
@chhuaklinga, kei chu i fakawm ka ti. Phone atanga type atan chuan part-1 chauh pawh kha sei tak ani. I taima lutuk.
Report this comment
November 2nd, 2011 at 9:23 pm
@sheldon170, ka lawm lutuk e.
tren tren.
Report this comment