*Pathian fakna hla phuah thiam hmingthang, Beethoven-a hian an zirtirtuin Violin tum a zirtir chu a thiam thei reng reng lo va, Violin pawh midang angin a keng thiamlo va, a tum thiam hek lo. An zirtirtu chuan hla phuah kawngah chuan beisei bo a lo tih tawh a ni; mahse Pathian fakna hla a phuah chu khawvelin kan sa si..
*Albert Einstein-a pawh hi kum 4 a nih hma chuan aṭawng thei lo zu nia! Kum 7 a tlin hma chuan ziak leh chhiar a thiam der lo bawk. An zirtirtu chuan, “Rilru leh ngaihtuahna ṭuanfum lutuk, rual pawl lo leh ngaihdan sawhsawn thei lo mi,” tiin a lo sawi tawh a. An school aṭanga hnawh chhuah a tawh bakah Zurich Polytechnic School-in an school-a lut turin an admit duh lo tawh bawk. Doctorate degree inbuatsaih nan a thuziak (The-sis) chu The University of Bern chuan pawimawhna neilo leh pawnlawi lutuk tiin a lo hnawlsak tawh bawk; mahse Albert Einstein-a hi tu nge a nih hretu kan ni si..
*Herschel Walker-a hi pa te ve tak a ni a, American foot-ball (NFL) khelh a tum thu a sawi ṭum phei chuan an zirtirtu nuih a za hle. A chhan chu amah a tet em avanga ni. An zirtirtu chuan tharum leh innawr ngai lo intlansiak lama kal zawk turin thurawn a pe a; mahse Walker-a chuan a tum ram thleng turin eng thil mahin a kawng tih hnawk a phal lo. Pa te eng ang mah se, a beihngawrh em avangin NFL-a infiammi hlawhtling ber zingah a mi a ni thei a, Heisman Trophy pawh a la ngat a ni.
*Milim ker thiam hmingthang, Rodin-a hi a pa chuan, “Fapa mi anglo ka nei,” a lo tih khum thlawt tawh bawk. Rodin-a hi school a kal lai pawhin an pawlah a thiam lo ber a nia, milim ker zirna school-a luh a dilna pawh ṭum thum hnawl a ni; mahse khawvelin a kutchhuak a ngaihlu si..
*Richard Bach-a pawh hi khawvel hriata amah hlangkaitua lehkhabu lar, Jonathan Livingston Seagull hi kum 1970 kuma Macmillan-in an chhuah hma khan lehkhabu chhuahtu lar 18 zetin chhuah tlak lovah ngaiin an lo hnawl tawh. He lehkhabu hi kum 1975 khan USA-ah ringawt pawh bu maktaduai 7 an hralh asin..
*Chicken Soup for the Soul tih lehkhabu puitling hmasaber kha New York khawpuia lehkhabu chhuah tu lian ber ber 33 chuan chhuah tlak lohvah ngaiin a hnawl phawta, chumi hnuah Anaheim-a American Booksellers Association intawkkhawm chuan chhuah tlak lovah ngaiin an hnawl leh a; New York-a lehkhabu chhuah tu Manger phei chuan, “Hetiang thu tawi lak khawm tu’n va chhiar duh nek suh,” a ti nghe nghe. A tawpah lehkhabu chhuahtu lar lutuk lo Health Communications, Inc., chuan chhuah a remti ta a, rei lo te chungin copy maktaduai 8 ngawt an hralh der mai.Tunah phei chuan bu 32 an siam hi khawvel pumah copy maktaduai 53 zet zuk hralh tawh a..
*Khawvel huapa naupang thawnthu ziaktu lar Dr. Theodor Seuss Geisel-a hi naupang thawnthu a ziah hmasak ber,”And to Think That I Saw it on Mulberry Street” tih chu lehkhabu chhuahtu 27 chuan chhuah tlak lovah ngaiin an hnawl. A 28-na Vanguard press chuan an han chhuah ta ale, kar lovah copy maktaduai 6 an hralh der!
*Margaret Mitchell-i pawh hi a lehkhabu, “Gone with the Wind” tih avangin khawvelin a hriat a ni; mahse a lehkhabu hi chhuah a nih hmain lehkhabu chhuahtu lian leh lar 25 zetin an lo hnawl tawh bawk asin..
Beidawng duh lova bei ṭalh ṭalhte hi a tawpkhawkah chuan hlawhtlinnain a hmuak ziah ṭhin. Tichuan, beidawng lova i theihtawp i chhuah a, i thiamtawpa i beih a, i tha tawpa i nawr tlat phawt chuan nangmah nghengtu che chuan peih loh hun a nei ngei ang. Nangmaha theihna awm kha ringhlel suh ang che.
Similar Posts:
- Zirtirtu Faktlak A Ni Em??
- Tunlai Mizo Celebrity te chanchinthar
- Min pui thei em?
- Sap hla thluk lak hi!
- Zirtirtu nge pawimawh zirlai?
tren tren
November 2nd, 2011 at 1:03 am
Bei hmasaber ang aw !!!!! khawnge
Report this comment
November 2nd, 2011 at 1:31 am
Ludwig van Beethoven ni ang maw? A larna ber zawk chu ‘fur elise’ ani a tih theih ang. Rindan chuan a bialnu tana a phuah ani awm e. Tin, sonata tamtak a phuah hian ati lar hle, a orchestral music te hi a ropui em em ani. Albert Einstein-a chanchin hi tiang khian an ziak fo mai a. Ka pawm der lo mai. Naupan lai atanga mithiam mi special tak aniin ka hria. Kan ngaisang bawk a, kan sikul hmingah pawh Einstein Boarding School kan phuah nghe nghe.
Report this comment
November 2nd, 2011 at 1:32 am
Mi tumruhte hian atawpah hlawhtlinna an chang chawk reng ani.
Report this comment
November 2nd, 2011 at 1:36 am
Avan bengvar thlak vele.
Luhlulna hi a thalama hman chuan tha deuh ania.
Report this comment
November 2nd, 2011 at 2:12 am
Rodin-a khi…mizo emaw kan lo tih hman chu le…:p
Report this comment
November 2nd, 2011 at 2:24 am
Report this comment
November 2nd, 2011 at 2:24 am
Meister Einstein:
“An school aṭanga hnawh chhuah a tawh bakah Zurich Polytechnic School-in an school-a lut turin an admit duh lo tawh bawk.”
Entrance fail miau te chuan…?
“Although he failed the entrance exam on the first try, he then spent a year studying at a local high school and retook the entrance exam in October 1896 and passed.”
https://history1900s.about.com/.....nstein.htm
“Einstein failed an examination that would have allowed him to pursue a course of study leading to a diploma as an electrical engineer at the Swiss Federal Institute of Technology (the Zurich Polytechnic). ….. Einstein returned in 1896 to the Zurich Polytechnic, where he graduated (1900) as a secondary school teacher of mathematics and physics.”
https://www.phy.hr/~dpaar/fizicari/xeinstei.html
Duh lo tawp chu an nih loh hi…
Mi dang pawh second attempt a pass te chu an tam ve bawk ang chu maw le.
Report this comment
November 2nd, 2011 at 2:26 am
Mi hlawhtling kan hriatte hi an hlawhchhamnaa tawp mai duh lova kal pel tute an lo ni fur alawm le!!
Report this comment
November 2nd, 2011 at 5:29 am
THa hle mai……. A hnu kharna thu tlem khi a tha leh zual, infuihna tha tak ani….
Report this comment
November 2nd, 2011 at 5:32 am
A thuhrimah kan beihnawn duh lohte chuan nupui kan nei thei nang mawle..hairehai
Report this comment
November 2nd, 2011 at 7:24 am
4.hva sawi khi ka pawm zawng tak a ni. Mi luhlul tak te hi Pathian pawhin a hmang duh riauin ka hria. Arshang sikul a naupang luhlul bera kan neih Nason mize pawh Interview chhawng 10 dawnlai a paltlang hnuah, mi 300 vel atangin 3 thlanchhuah zingah a tel daih. Air Force ah hna a hmu.
Report this comment
November 2nd, 2011 at 8:18 am
@7
Report this comment
November 2nd, 2011 at 8:56 am
Ngaihtuah a tithar e, khawnge i’n bei taktak ang hmiang.
Report this comment
November 2nd, 2011 at 9:16 am
Post tha tak a nih hi.
Report this comment
November 2nd, 2011 at 9:33 am
Post tha tak ani
. Nula lam ah te hian a tih chi ve tho ang chu maw ka ti mai mai.(U) 
Report this comment
November 2nd, 2011 at 9:36 am
Hlawhchham hnua huai taka bei hram hram a hlawhtling ta te hi an ropui. Chu aia ropui ka tih chu hlawhchham lo tur a, a hunlaia bei thin te hi an ni.
Post tha tak a ni e.
Report this comment
November 2nd, 2011 at 10:06 am
duata pa says. “Hlawhchham hnua huai taka bei hram hram a hlawhtling ta te hi an ropui. Chu aia ropui ka tih chu hlawhchham lo tur a, a hunlaia bei thin te hi an ni.”
Report this comment
November 2nd, 2011 at 10:21 am
Post tha tak a ni
Report this comment
November 2nd, 2011 at 11:23 am
Kan Zoram siamtha tur leh chawikang tur pawh hian beidawng lovin i thawk zel ang u.
Report this comment
November 2nd, 2011 at 11:38 am
Report this comment
November 2nd, 2011 at 11:53 am
A tha hle mai, mizo ten kan mamoh chu hetiang hi ani, kan tei rei peih lo thin em a, kan nih tur ang ni pha lo hi tam tak kan om ani.hoh u i in fuih thar zel ang u kan ram siam tha tur hian..
Report this comment
November 2nd, 2011 at 11:56 am
he post hi post tha tak a ni. naupang luhlul tak te hi tih thiam chuan mi chhuahawm takah kan chuah daih theii a ni. ka duh e. save hmak angz!
Report this comment
November 2nd, 2011 at 11:57 am
Rilru tithar post hlu tak niin ka hria e. hetiang post hi tam se ka duh nhawt mai.
Report this comment
November 2nd, 2011 at 12:57 pm
Tha riau mai a…………teirei peihna hi a that rual in tih awm chi leh chi loh te hi thliar thiam a tha khop in ka hria. Entirnan Luhlul chhuah a mi beih vak2,mi tih hming chhiat tum ang chi te hian awmzia a nei thui duh lo khop in ka lo hre ve mai2…………….
Report this comment