Chhungte’n min hauh vaih chuan, chaw ngheiin fanghmir kawng bo nilenga thlir peih; luhlul tawpkhawk kha ka ni ve a. Bike lei ka’n ngen tak tak mai chu, pui niap niap tak a ni.
Newton’s 3rd law of motion kha ka vawng ve tlat a, “To every action, there is an equal and opposite re-action” tih te hi. Min tih dan equal leh opposite zelin ka’n che tak tak mai chu, an buai teh a sin. Science min laktir kher a nih kha, ka thil thiamte ka nitin nunah ka apply mai loh nakah.
Pa khirh, Nu khirh-
Min tihhlawhtlin sak hma loh chuan, Newton’s law ka apply zel dawn tih an hai mawlh lo. Min uksak pui lohna pawh, sual rawng bawl nân leh lentam phah nân i hmang ang a. Lehkha zir theih loh phah nân i hmang ang min ti tlat a.
Chubakah, chetsual nân ka hman an hlau a ni. A dik lutuk tlat. Mahse, tleirawl hawklak ka ni ve alawm. Thih loh huna thih pawh thil awm thei a ni a, accident vangin ka thi thei tlat, robot ka ni si lova. An sawi dik, keipawh ka ngen dik.
Nakinah hlawhte i neih hunah, i la nei êm êm ang an ti tlat. Tuna duh ve lém, nakin nghah te chu a. Nakinah ka neih avangin, ka accident dawn lo tihna a ni hauh lo. Neih theih hmaa neih te hi a nuam a, a hlu zual thin a lo ni mah zawk.
Hero Honda, dhak dhak go-
Ngen tak meuhva ka ngen hnu chuan, min phalsak ta. Ka va lawm teh reng em!! Eng Law mah ka hmang tawh lovang tiin ka intiam hial.
Mahse, ka buai tak ber chu eng ang nge ka lei ang tih a ni. A sum lamah chuan eng zat pawh nise, ka ngen tawh hrim hrim a. Eng bike nge ka lei ang tih zawk a ni. Ka body milpui tur ka thlan thiam a ngai alawm.
Khawpui chep lutukah hian Karizma han hawl chhuak ve ngawt ila, Traffic Jam vaih teh se; mi Taxi tlawh lo chuan ka inrapkhalh pha kher lo ang. Scooty lei dawn ila, a ho. Kei ang tlangval pa lutuk hian, a tuai ka tihzawng tak a ni ve khanglang.
Khán hniam lamte hi-
E…e, ka hria. Enticer hi a khán a hniam a, ka tih chi tak a ni ang em? That chu a tha, mahse… Eng nge mahse? “Mahse, a steering i vuan pha kher lovang a, a break i rap pha kher lovang” min ti tlat a nih kha. Apache RTR 180 hi a pick up a tha a, a tih chi tak ang a. Hei pawh “mahse” ah bawk a thamral, hei ha.
Ka kezungpuiin lei rim a hre pha, chho ulh deuh ah din ngai thut se; nula ka phur ngei dawn a. Duhthusam chu a ni chiah lo deuh. Lo khalh thiam hle pawh ni ila, chet chhiat palh pawh thil awm thei a ni.
Chi hrang hrang ka chaih kual a, ka body mil tur an siam duh tlat lo. “Mahse” ah a tawp zel. Ka hre ta…
R-15 hi a mawi hrim hrim a, a steering chu ka vuan pha var var. A head a nalh piah lamah, ka inhmeh chi tak. A sang lutuk lem lo, a tih theih mai ang.
A mawsala lam hi-
Bike nei ve tur si, a mawsala tello chuan a dikhlel deuh. Chei vak a ngai lo, a alloy ka kap sen hlarh ang a. A seat ah Arsenal logo chuang ngei ka hmang ang a, a dang chu ka mamawh tawh lo hrim hrim a ni tawp. Petrol man dil a ngai, chu zawng chu.
Mamawh dang a la awm nual leh lawi si. Nula lam te pawh le, a tello chuan Bike hlutna a bo thak. Thalai ka ni tlat alawm, mamawh êm êm vanga lei pawh va ni suh. Sam sei hnáp, ngo veng vung, 120 km/h a ka tlan pawh a; a hnunga Wai Wai leh Kur Kure chawhpawlh zet zet thei a ni tur a ni.
Jacket dum kher ka ha ang a, Supra lawk tha tak ka bun ang. Helmet-ah ka buai lo, full face nge ka khum ang Khumbeu (nui suh). “Polo” sunglass nge, “ess pee” nge, “Ray Ban” ngat ka duh ang? Ka hria e, a pathumin ka lei thawt ang. Pakhat ka vuah ang a, pakhat ka chal záwnah ka thiat ang a; pakhat ka T-shirt nghawngah ka khai va ang.
A botlle nge funte?-
A la kim thei tlat lo nia. Ka nula phurh tur khan, MAN lo min ti dawn em mai. A funte nge ka lam ang a, a capsule nge, a zawlaidi zawk in? Ngawiteh, hei hi chu ka nula thu thu, a duh duh a thlang thei.
A thlan zawhah, ka duhzawng ka thlang ve chauh ang. Russia siam Vodka nge, India siam Bagpiper nge, veng mawng siam Local le? Eheu, eheu…va nuam dawn riap riap ve. A ho e, a changkan kher a ngai lo; a ruihtheih lek luk chuan a pawi lo.
Ka mamawh zualpui chu ka nei a lawm, a dang chu a tul dan a zira chet tur. Buai suh, ka awm a lawm ka ti sap ang a. A bak zawng chu Reiek tlanga anthurium nena inthawi chiah. Famkim lohna khawvelah a famkim thei tlat lo zel.
Duh danin kan ride-
Khawpui chep takah hian, tih tur nei lem si lovin ka tlankual chhen ang. Mi tana hnawksak tur leh hlauhawm ka dâwn a tul lo, motor karah ka inzep phei zet zet mai dawn a ni. Bike khalh te chu hnehsawh tak ka ni, ka ngaihtuah awm lem lo ang…
Khawlaia hriau tla pawh tlan pahin, ka seh kawh nelh nelh thei. Mizoramah phei chuan, Valentino Rosi hian race-ah min cho ther te lo. “Mizo ho chu bike inthiam em mai, khawpui chep zetah pawh in race thiam” a ti tawp. Kha kha a ni mai, “Mizo kan ni kan hmel a tha, kan tum a sang bawk si” (Lengzem a ziah chi tak).
Zan reiah race pui tur ka cho chhuak lui ang a, bengchheng leh thih hlau lo niawm fahranin, ka tlan fia fia mai dawn a ni. Vanduai chin a thleng ang a. Ngûm sawh dawt a, ka lu ka sawh keh nuaih hunah ka sim chauh ang.
Ban zai ka rel mahna-
Zan rei tak tak thleng ka leng fo ang a, eng emaw rim nam ther therin ka haw fo ang. Chhung ten a chhan min zawt a nih pawhin, ka lo ngaihtuah lawk vek tawh ang. Ka in sawi kaw awm em mai. Mi ka bum dawn chuang hlei law, ka chhungte a lawm ka bum dawn.
Heng hi ka chhun leh zan routine a ni ang a. A awm ang lo em mai i ti maw? Thalai zawng zawng an ni vek kher lo i ti maw? Sawi suh, i sawi tum ka hre vek, “Teuh lo”. Ka hrilh ang che “Teuh”. A chhan i hre duh em? ” Keini thalai rual, lungkham nei lo, nu leh pa te ring a inchhek arbawm; thihna luikawr ruam pan kan ni tlat a tin ni”
Heng zawng zawng hi nei vek i la, thleng kim vek bawk se. Ka duhthusam piah lam thlëng pawn thleng se, he khawvel leh a chhunga thil awm zawng zawng pawh hi ka ta nise. Kei val to lo, Modern Saichawnkhûpa tia an hriat “KA U LIANA” hian, ka NUNNA chán si ila- KA TAN ENG NGE SAWT ANG?
Bike chu i lei ta em?
Lei nang…
Ngati nge a?
Heti hrim chuan, min lei duh kher suh u ka ti.
Similar Posts:
- Ka bike ve kha…
- Traffic police-in zana bike-a intlansiak thinte an veh dawn
- Bike-a Nula Phurh Kekawrte lang hi
- Scooty Tangkaina Pathum
- Kei ka thlang zawk
November 3rd, 2011 at 9:59 pm
Ngatinge i khàn hniam thu hlir i ziah le? 😛
November 3rd, 2011 at 10:01 pm
Allow Comments tih box hi i uncheck thin emawni le awwww ka ti ta.
November 3rd, 2011 at 10:02 pm
Thianpa, a ngaihnawm kher mai! Ka chhuang a che. (Y)
November 3rd, 2011 at 10:02 pm
@ aduhi, ka submit bak engmah ka khawih ngai lo. Ka bangbo khawp mai.
November 3rd, 2011 at 10:03 pm
I ziak ngaihnawm phian mai 🙂
November 3rd, 2011 at 10:04 pm
No Comment……………ka first dawn ve leh theih loh zel.. 🙁
November 3rd, 2011 at 10:04 pm
Miss aduh, in wordpress software hman thar khan automatic-in comment a lo close thin zawk alawm…hehe. Mahse, duh aiin a publish hnuah a in-close rei mah mah a ni.
November 3rd, 2011 at 10:06 pm
A hmasain bike knowledge-ah ka tluk lo nghal pang che! 🙂
November 3rd, 2011 at 10:09 pm
Post nghek ang, kawmen off sen loh 😀
November 3rd, 2011 at 10:09 pm
Thil i lei dawn reng rengin i ngaihtuah chiang hmasa phawt thin tih a hriat. Bike lei dawna a mi phurh turte nen lam i’n ngaihtuah hmasa te hi! 🙂
November 3rd, 2011 at 10:09 pm
Tha lehpek hle mai a. (y)
I thutlukna khi a fuh viau ang. Lirthei neih chu a that lai leh a chhawrtlak lai chuan kan intawm vek a, siamthat/repair leh oil thun a ngaih chiah chuan kan ta bik hi a ni hliah hliah mai a ni, an tia lawm. :d
tren tren.
November 3rd, 2011 at 10:11 pm
Comment a inhawng ta maw. I ziak ngaihnawm hle mai. A tawp dan khi ka like. 😛
November 3rd, 2011 at 10:11 pm
Hmm.. comment a in closed tlat a lawm le. Hetiang lam pang chu matluanga fanai, mus-a of kolasib..etc ho hi an ziak nasa tawh lutuk. I post hmasa ah an sawisel luai luai chung che in ka rawn tan tawh che ( originality ka hmuh a vangin). Tun tum erawh i ziak tha i ziak nalh, mahse i hma ah hetiang lama kal hi an tam tawh lutuk. Chuvangin mi sa hnu chhui sa a i rawn pen lut ve anih chuan an kah khalh tawh che.. tih hi ka comment theih tawk ni phawt rawh se. A hma a, nangmah a nangmah ti bo khawp a mi i rawn copy tak vangin copy cat tiin kei chuan ka kut zungpui hi (N)
November 3rd, 2011 at 10:15 pm
Zirtir a nei tha hle mai. Thu hlimawm tak a nih rualin thuziak tha leh zirtir nei tha tak a ni e.
November 3rd, 2011 at 10:17 pm
doclib, comment a in “close” ti rawh, a in “closed” ni lovin 😉 Ka vei riau tunlai chu.
November 3rd, 2011 at 10:17 pm
Sheldon post khi chang teh ang. Ka meng peih ang em aw. Ka men peih loh chuan, naktukah ka tlar thla dul dawn hrim hrim 😀
November 3rd, 2011 at 10:18 pm
Post tupa chu Bike khalh chauh nilo, thu han khalh kual vel pawh i hnehsawh khawp hi mawle. Thu i thiam e. (Y)
November 3rd, 2011 at 10:26 pm
Vawikhatmah hi ka la FIRST lova, he post chu ka va first dawn chiang ka tia, comment a in close si, idol ka ensan a, comment an lo hawng a, ka first ta lo chiang ngei mai 😀
November 3rd, 2011 at 10:33 pm
u Tuaia leh lr a(i thlalak enin ka U ve dawnlo che) hi thu zangkhai ziah in thiam riau
November 3rd, 2011 at 10:36 pm
I post zawng zawngah tha fal nalh, 1st ka tumna rei lutuk tawh (Y)
Doc_lib hian a thik chiang 😉 ‘biru nghal daih.
November 3rd, 2011 at 10:42 pm
He post-ah kher kher chuan first ka tum teu teu khawp mai. Ka phone battery low thak khawpin ka refresh a. Duh aiin a in-close rei mah mah alawm le.
November 3rd, 2011 at 10:44 pm
@EmEich (Y)
Doc_lib mai mai chuh 😛
November 3rd, 2011 at 10:48 pm
EmEich in ti chu..misual ah i comment ka va hmu ngai lo em.. Tun tum post hi tih hot lam a ni lo a, tih hot chi a ni lo. A ziaktu hian tunah hian literature khawvelah ram lak tumin a bei mek a, chutah chuan kan phak tawkin duh sak takin kan endik sak ve mai ani.. Mawl lutuk in kha tiang khan rawn ti lo la, chuan misual.com hmingin lawmthu ka hrilh ang che. A tul anih chuan he kan thuziaktu patuai tak hi a thlawp zawngin ka comment hreh lo tih a post hmasa ka comment a tang khan i lo hriat ve ka ring. Hetianga misual.com a in bawl tum fahrana rawn ti ho pawh hi ka (N) . Misual.com a lut thang ho hi in bawl ngai khawp a mi hnuaihnung leh mawl kan awm ka ring lo.Fiamthu a hun a fiamthu, thu tak huna thu tak na chang hre khawp mi ni vekin kan ngai ringawt a 😉
November 3rd, 2011 at 10:52 pm
@doc_lib: Keiman ka’n chhang ang che. Tuman a post-tu kan bawl lo. Kan inchawimawi tawnna a ni. Em Eich hi a comment ka hmu zing lutuk. Tin, a ziaktu hi ‘ziaktu patuai’ ti tawh reng reng suh. Literature-a a sulhnu chanve pawh i la palchhuah ka ring lo ve.
Indore atanga rawn misual thin kan awm em aw..? Nizan dar 12 hnu hret vel khan Mizo tlangval thenkhat chu Vaihovin an sawisa a ni awm e.
November 3rd, 2011 at 10:54 pm
Doc leh Tuaisiala comment indawt chiah a a awm hian a nuamlo 🙂 🙂
November 3rd, 2011 at 10:59 pm
Chuan, thuziaktu hmasa leh piang hmasate hi mi vannei an ni mai. An tih thîk leh an style lain kan ziak pawh a ni chuang lo. A ziaktu pawh hian Mus-a te, PLa te a copy lo, an style a inang a ni mai. Anni aiin a ziaktu hi upa zawkin lo che hmasa zawk ta se, Mus-a te’n a thuziak ang chi, light reading (an ti em ni kha..h?)-in rawn ziak ve ta se, a ziaktu hmasa style a la tihna a ni chuang lo va, a copy tihna a ni hek lo. Thu leh hla lampang hi ka tui fu, ka thiam lem lo. Mahse, luhchilh tak tak si lova lo iak lo iak ve te chhanletna tur chu thiante tan ka nei…hihi.
November 3rd, 2011 at 11:00 pm
Ka ngawi leh ta hmak e kei chu…Kei aia mi thiam pui pui an tam emai 😛
November 3rd, 2011 at 11:02 pm
Amennn.. Doc_lib i fak ang u!
November 3rd, 2011 at 11:02 pm
Khi pui a indawt leh ta 😀
November 3rd, 2011 at 11:03 pm
Ts, tang fan fan. Mahse, insual loh tur aw 😀
November 3rd, 2011 at 11:06 pm
Tren tren…. 2nd round?? . 😉
@lr…ava ngaihnawm em! Thu thiam tak in an han ziah hi chuan thil ho te emaw kan tih te hi ngaihnawm ti em2 in kan chhiar leh dauh2 zel anih hi maw..
November 3rd, 2011 at 11:07 pm
Post tupa am sorry..i post ka sawisel tumna vang ni loin, nangmah a i nihna tak kha pho chhuaha a awm theih nan i post ah ka rawn comment zawk ania aw..I post hmasa a ka comment atang khan i hriatthiam ka ring. Tun a tang chuan i post ah ngawih ka chuh nang e.
November 3rd, 2011 at 11:11 pm
Doc, ni love. Post lehah i rawn lang ngei tur a ni.
November 3rd, 2011 at 11:13 pm
@Doc_lib.Mawl lutuk in kha tiang khan rawn ti lo la, chuan misual.com hmingin lawmthu ka hrilh ang che. (N)
Fiamthu a hun a fiamthu, thu tak huna thu tak na chang hre khawp mi ni vekin kan ngai ringawt a (Y)
Tun tum post hi tih hot lam chi lo ni reng chuan 😛
November 3rd, 2011 at 11:13 pm
Nia, i rawn lang ngei tur a ni. Hetiang inhnialfiamna vang mai maia i tlanchhiat zel te’n le..
November 3rd, 2011 at 11:18 pm
@lr, bike hi ngen tawh suh, i ngen leh paw’n rawn post tawh suh..hehe… a buaithlak 😀
November 3rd, 2011 at 11:19 pm
Tsa sawi hi a dik. Inhnial fiamna vek a ni.
November 3rd, 2011 at 11:19 pm
Ngaihnawm khawp mai.Nia doc_lib hmeltha an tau ngai lo (H)
November 3rd, 2011 at 11:20 pm
2nd match 😛
I ziak thiam hi ka ti’a
November 3rd, 2011 at 11:22 pm
@ sheldon, ka post leh chu ka rawn rui viau mai thei. Bike nen ngat 😛
November 3rd, 2011 at 11:23 pm
Kei chu ka tel ve miah lo.
Post…ngaihnawm e. A zirtir a tha bawk.
November 3rd, 2011 at 11:36 pm
@Lr: Arsenal fans i nih hmel a, Sandman betha la, ar sawmpanga chu a rawn thawn nghal vat mai ang. 🙂
November 3rd, 2011 at 11:37 pm
lr-a hi ka paws sawisel ngam tur mi ani miaua ka’n sawisel ve lawk –
1st para, tlar tawp ber “Bike lei ka’n ngen mai chu, pui niap niap tak a ni” tih khi – a pui thlawt lo! I hrethiam em aw? “Niap niap” hman nan ka ui. 🙂
November 3rd, 2011 at 11:39 pm
At Ts, Arsenal sawi tawh chuan, ka chil a pút zel nia. Tan rum rut maw le. Kan pu Sandman chu hrilh a ngai a ni.
November 3rd, 2011 at 11:40 pm
At Kawlhawk, “rem rem” tih tur em ni? Ka ngen dan a rothap tawk lo em ni? 😀
November 3rd, 2011 at 11:48 pm
Aw, i man nghal! “pui rem rem tak a ni… pui miah miah tak a ni… pui tak a ni…” eng emaw ber khi a fuh zawk ka ring… tiin, ka rawn sawisel ve niap niap a ni ber e. 🙂
November 3rd, 2011 at 11:49 pm
Ka chhiar hman rih lo mahse a ngaihnawm ka ring.
Doctea hi chu duat hlak a chakawm ve thin hrim hrim alawm. 😛 (I reh em mai)
November 3rd, 2011 at 11:50 pm
Tuai Vs doc chu ka va kham lo e…! :p
November 3rd, 2011 at 11:54 pm
At pu kawlhawk, ka rothap tawh ngawt ang. 😀
November 3rd, 2011 at 11:58 pm
Khawnge maw kan remput-bakcheh hi hi le? a bo daih mai a!
November 3rd, 2011 at 11:58 pm
phek thar hawng ru lem…
November 4th, 2011 at 12:04 am
Doc-lib khan a tisual hleinem.misual ho kan rilru xauh xia rawn en a tum lawm.a post tupa rilru xau tak kha a hre kiau a lawm.
November 4th, 2011 at 12:12 am
i ziak ngaihnawm thiam hle mai.
November 4th, 2011 at 12:12 am
Mimal tak a inkhei fek fek hi tute pawn sim ila, kei hian sim hmasa ber ila, he site hian mizo hnam tan hma a sawn leh zual ang.
Ka lawm e.
November 4th, 2011 at 12:22 am
Ka post ka update chhungin fiamthu inlo thawh a ni maw? Ka va ui ee.
tren tren.
November 4th, 2011 at 12:23 am
#54 ka like e.
November 4th, 2011 at 12:52 am
Tumah thutak leh hmaisen thinrimin kan inhnial looo…! Infiamna chikhat ve lekah ka ngai.
November 4th, 2011 at 1:23 am
Chhim keite kan nei tawh si a, Chhim keipui ni mai teh a! Thuziak (Thuziah) i va thiam em em ve… A ngaihnawm a, i ching let kual ching chi vet thiam ngei mai. Bike chu i la nei em em ang. Hetiang i nih hrim chuan…
November 4th, 2011 at 1:27 am
Bike awh lai chuan lucky ticket kan cut tlut tlut mai lawm..:)
November 4th, 2011 at 1:31 am
ti ve ngawt ila, doc_lib a sawi khi a dikna chen a awm..chhiar zin leh ngaihsan zawng te style hi lak a awl riau…lr ,i thu ziak hi ngaihnawm ka th chi..
November 4th, 2011 at 7:58 am
In fak liam liam hi a lawm awmin chhunzawm zel a phurawm duh. A tha. Chutih laiin hma kan sawn zel theih nana min lo sawi seltu te hi, ‘min hawtu’ ni lovin, ‘min hmangaih leh duhsaktu’ an ni, tih pawh pawm thiam a tha e. Tin, Pathian thu sawi leh Thuziak thiam ni tur pawh hian, mithiam thuziak chhiar zau leh ngaihthlak tam a tha khawp mai. Zir tur tha a awm thin. Keipawh hi Pu R.Vanlawma leh Zikpuii pa te hian min influence nasa khawp mai. Pathian thu sawiah pawh hian Rev.Vanlalnghaka leh Rev.C.Ngurhnema te hian min influence viau bawk. A tha lai lak a, mahni style chher chhuah thiam a tha. Post tha leh ngaihnawm, zirtir nei tha tak a ni e.
November 4th, 2011 at 9:45 am
Ziak tha lutuk, thu thiam bawk si
November 4th, 2011 at 11:04 am
Ka chhiar chhuak a, i hmel ka ngaihtuah leh vang vang a, “luhlul tawpkhawk” i in tih hi dawt i sawi ka ringlo
BMX khalh teu teu la i inhmeh ber ang a te ka lo tia
I ziak ngaihnawm takzet e
November 4th, 2011 at 11:06 am
In va han meng rei hlawm em em….
November 4th, 2011 at 11:08 am
dolly dollz says
inhmeh ngawt ang, (amah mitthla chungin) 
BMX khalh teu teu la i inhmeh ber ang a te ka lo tia
November 4th, 2011 at 12:13 pm
va gaihnawm ve o. .
November 4th, 2011 at 12:38 pm
Chhim keite (
) chu(h), i va ziak ngaihnawm em.. 
Bike khalh lo in, thu hi khalh zel zawk teh. I Bike khalh ah nula pakhat chiah i phur thei dawn a (thik ngam chi a ni dawn miah lo lehnghal
); i thukhalh a chuang erawh kan thahnem e…
November 4th, 2011 at 12:45 pm
@lr hlonchhing, bike chu i la ngen chhunzawm ta cheu elo?
November 4th, 2011 at 2:15 pm
@sheldon, ngen zel dawn
November 4th, 2011 at 2:17 pm
Ngên zel rawh, âwm alawm.
November 4th, 2011 at 5:52 pm
He post chu ava’n hot leh teuh ve aw… a uihawm jokes
November 4th, 2011 at 6:45 pm
Doctea’n TSa post-a a comment ve hma chuan ka ngai a ngam dawn lo rengs. Inkaihbak chang chu awm tur mahse thinlunga pai reng chu dik lauuuuuuuuuuuuuu…
November 5th, 2011 at 1:45 am
@72
November 5th, 2011 at 3:35 pm
ngaihnawm hle mai.. comment pawh a ngaihnawm bawk.. thatna duh vanga in selna zawk niin ka hmu. han ti chho zel teh se, article tha tak, ngaihnawm deuh dang ilo beisei bawk teh ang u..
December 3rd, 2011 at 8:34 am
Bikes…
[…]Bike ka ngen ve a | mi(sual).com[…]…