Delhi Mizo Kut – Football

November 4th, 2011 7:00 pm by Tetea Tochhawng

Delhi Mizo Kut Outdoor intihsiakna chu zawh fel a ni ta a. Bial li (4) ah in then in bial tin atangin Football-ah pawh team hnih zel siam a ni a. Knockout system-a khelh niin an inkhel hi a hmuhnawm em em vek a ni.

Bial tin atangin India leh state level-a kal tawhte pawh an awm nual a, an game a tang hle. (ZoFooty in Pictures-ah thlalak dang a en theih e).

Delhi Mizo thil tih khawma sports angah chuan mipuiin kan hlut hle a ni. Pawl tinte hian supporters an nei tha em em vek a, players-te ai mahin pawnlam amite kan tang zawk emawni tih mai tur a ni. Kan nula lam leh nu leh pa chenin hmuhnawm kan ti tlang vek a, he inkhel hi a hmuhnawm vek ti ila kan sawi sual awm love.

A bik takin kan ram tana feh chhuak tawhte inkhel kan han hmuh phei cuan mit a tlai hle mai. Semi final inkhel pawh kum dang ang bawkin kan players-te leh mipui pawh kan tang leh hle a, inhliam damdawiina hruai ngai khawp an awm tlat mai. Hei hi a pawi kan ti a, amaherawhchu Mizote hian Football kan ngaihhlut zia leh a mai maia tih kan duh loh zia a lan tirin kan hre ve tlat a ni. Tun thlengin Delhi Mizo titi a la ni tlat mai.

Kut vel boruak nen, a nuam dangdai ve hrim hrim. Chutiang bawkin hmeichhe football-ah pawh team pakhat chu an chak lovin field chhungah an thu reng mai a. Khatiang khawpa kan Mizo nula lam paw’n football kan ngai hlu ta te hi a ropui kan ti dawn nge changkanna pakhat a tling ta kan ti zawk dawn?

Mipa football bik kha han thlir leh i la. Kan semi final match hnuhnung zawk kha mit a tlai kan ti dawn nge, an rough kan ti dawn… English Premier League ang maiin an game a rangin an in tackle a hmuh nawm khawp mai. Game-ah an in ngam dun em em a; ‘a hmuna football inkhel ka en tawhah chuan a hmuhnawm ka la ti ber’ ti kan kat nuk mai…

Tun kum Delhi Mizo Kut-a Football champion team-te hian champion nihna dinhmun hi an phu kan ti a, an game pawh hmuhnawm tak a ni. Ball an thiam a, an in man a, an rang a, an chak bawk a, anni hian an lo phu ber e. Delhi Mizo aiawh pawhin tournament-ah chhuak dawn se an iai awm hauh loh.

Bial tin atanga a tha zual inpawhkhawm phei chuan, kei, inkhel ve thin, thiam em em lem lo pawh hian an duai loh tur zia chu ka hrechiang ve hle. Chutiang khawp a tuina leh potential nei tha Delhi Mizo thalai zingah kan awm hi kan lawm a, kan chhuang tak zet a ni. Hruaitute pawhin chu chu hriain, semi final chin ah tawh phei chuan professional referee an ruai hial reng anih kha.

- By Eden, with inputs from Sangtea

Thlalak kimchang en duh dan HETAH i click dawn nia.