Mizo te hi hnam tlawmngai leh phungthlu tak kan ni a, mahse lawmthu sawina tawngkam hi kan la ui hlawm riau in ka hria. Eng thu pawh sawi ila, kan generalize lo theilo a, chutihrualin mi zawng zawngah a ni vek e ka tihna a ni lova, a tlangpuia lakin Mizo te hian lawmthu sawi kan uar lo niin ka hria. Point tlem kan tarlang ang a:
1. Taxi ah kan chuang a, kan tum ram kan thleng a, a fare kan pe a, kan chhuk mai thin. Accident tawk lo a him taka kan kalna tur kan thleng pawh kha a lawmawm viau ania, taxi atanga i chhuk pah khan “Kan lawm e aw” han ti chhin teh, nangma rilru pawh a nuam ang a, taxi driver pawh kha nilengin a rilru a hlim phah ve maithei asin.
2. Office emaw tuemaw dawr a tul a, kan la tih ngailoh anih phei chuan a nuamlo duh hle. Kawng minlo kawhhmuhtu mai te pawh hi ‘Ka lawm e aw’ han ti zel ila, a heklo bawk a, a lawmawm reng bawk a, min puitute tan pawh midang te puih lehzelna kawngah phurna petu ani thei.
3. Monthly bill rawn khawn ang chi Cable fee, bawnghnute, adt. bakah, Kohhran ip hrang hrang rawn khawn leh rawn dah te, Chanchinbu sem te hnenah te pawh hian ‘Kan lawm e aw’ lo ti ve chhin teh, I nunah hlimna engemaw tak a thlen ka ring tlat.
4. Hmanni ah kan office ah mi pakhat lokal kha – ṭawng a thiamlo a, a biak duh ka va biakpui a, hna ka ngah hle nain ka thutna thawhsanin ka kal kualpui a, kan sawi zo ta, ngawirengin a chhuak ta vang vang mai. Ka hrilhhai ru ta tlat mai. Ka bat pawh nilo ah a ma mimal thilah ka lo pui a, ka puihna kha a sang emaw a hniam emaw pawh ni rawhse, ‘Ka lawm e’ han ti ve zeuh se a kim thlap mai tur. Lawmthu dawn beisei vanga midang te puih ka sawimawina nilo in keima tawn ngei atangin lawmthu ṭawngkam khatin rilru a hneh theihdan ka sawina a ni e.
5. Engpawh ti ila, khawihmunah pawh kal i la, lungawilohna tur kan zawng anih chuan khawvelah hian lungawilohna tur a tam lutuk. Dawr nghaktu induh deuh kan tawng fuh a kan lunghnur ru anih pawhin a chhak lawka dawr nghaktu dang fel deuh vang khan lawm tho tur!!
6. Hnamdang te hian chuan lawmthu sawina ṭawngkam hi an uilo khawp mai a. ‘Thank you’ hi an ti thuai thuai mai a, an ni chu ṭawngkam te hi an nei mawi a, han ‘thank you’ i la min lo ‘welcome’ a. Nun hi a zangkhai ṭhin zu nia. Mizo te paw’n kan ti thei ve.
7. Tuemaw lawmthu i hrilh vang khan khami ni khan mi tamtak nunah thil danglam a thleng thei tih hria la. Office a i va dawr hnenah lawmthu i sawi vang khan a office bang nupui fanau vin kual thin khan a vin loh phah thei. I lawmthu hrilh khan tuemaw lawmthu a hrilh ve leh chhawng ang a, mi tamtak nunah a ṭha zawngin thu a sawi ngei ngei ang.
“KA LAWM E” tih te mai hian hna ropui tak a thawk thei asin. Kan thusawiah fimkhur ila, kan sawi tawh anih chuan a nawhreh leh mai mai theih tawh si loh a.
Similar Posts:
- Celebrity nih dan
- Post thar in nei lo e mai…
- Thahnem an ngaih loh hmel mang e!
- Ti hlawhtling hram se
- Ngenna
November 4th, 2011 at 1:02 pm
@sheldon, ni chiang e, i rilru a van chak tak,he2
Report this comment
November 4th, 2011 at 1:15 pm
Ka la lawm tluang zel e!
Report this comment
November 4th, 2011 at 1:16 pm
#La-me-a 25, Nia, nangni chu in rilru a bir a..hehe
Ka lawm tho e
Report this comment
November 4th, 2011 at 2:02 pm
hnam dang ho hian “thank you” tih bakah “sorry” tih pawh hi an uar riau in ka lo hria kei misual hian…..
ka lawm e…
Report this comment
November 4th, 2011 at 2:31 pm
point 4na vang khian misual hoin thu tha deuh chhiartur kan neih phah a a lawmawm hle mai
khimi ni khian i tum nileng em lo ang chu maw 
(phiamthu)
a ni ngawt asin,lawmthu sawi hi i hreh lo ang u.
Report this comment
November 4th, 2011 at 3:00 pm
@century child, khami ni khan ka tum miah lo…hehe… tak tak
Report this comment
November 4th, 2011 at 3:21 pm
#56
lo uang mai mai ania. i post tha lutuk e.
Report this comment
November 4th, 2011 at 6:34 pm
A Pathian thu hle mai.
Report this comment
November 4th, 2011 at 6:55 pm
@Ignatia, ka post i do ta emaw ka lo tia
A Pathian thu ve riau asin.
Report this comment
November 4th, 2011 at 7:02 pm
@Sheldie, engah nge ka do ang aw? Ka lo hmuh hmaih alawm. Zirna chungchang chiah kha ka en hman a tukin khan. Patling nih tawh chuan buai theih em alawm..
Lawmthu sawi hi awmzia tak a ni. Ringtu nun hriseln nihna piah lamah hian nun hrisel neihna a ni. Lawmthu sawi hnem na na na chuan kan lawm duh alawm ti rawh…
Report this comment
November 4th, 2011 at 7:23 pm
Tha khawp mai . .
ka lawm e tih hi ka ching ve ta khawp mai . .thil zawngchhang tlak tak a ni . .ka lawm e 
Report this comment
November 4th, 2011 at 11:13 pm
‘Ka lawm e’ han tih tulh mai hi a formal lutuk deuhva kan ngai a niha, kan hmang zak deuh thin a nih chuan, ‘a lawmawm e’ ‘lawmawm nasa e’ tih ang chi tlema sawi la nuam deuh pawh hi kan nei ve nual a nia. Nui hmel hi pu tel thei hram thung ila, kei tih loh chuan
Ka lawm ve e..
Report this comment
November 8th, 2011 at 2:29 am
Tha bon top mai hei hi chu. Tun hnaia ka thil tawn ka han sawi ve ang e. Mikhual pakhat chhun chaw ei turin kan sawm ve a . . . hun kan neih vang pawh ni lovin, kan tan a tangkai em vang pawh ni lovin leh nakin hnu ah kan tan tangkaina a nei zui beisei vang pawh ni hauh lovin kan ngaih pawimawh ve hrim hrim vanga sawm kan ni a. Kan mi ngaih pawimawh ve tak chaw ei sawm ve ta chu kan lo in buatsaih ve nasa a, mahni tana tih tur pawimawh ti thei lovin chaw ei pui turin inah kan lo nghak a. Chhun chaw ei turin tlai dar 3:00 p.m. ah a lo thleng a. Kan ei kham meuh chuan khua a tlai zo tawh avangin engmah dang tihna hman pawh a awm tawh lo. Mikhual pakhat chaw vawi khat ei sawmnan kan ni leng hun kan hmang a ni ta der mai. Chaw kan ei kham chu kan han kawm lum lam ve a, chutih lai takin a hruaitu turin ‘lo kal rawh le, i kal ang hmiang’ a han tih ve leh engmah sawi lovin kan in kawngka pui panin a chhuak ta nghal mai a. Mak ti tak chuan kan ka hau mai mo le. In nei tu zawkin ka va um zui a, ‘E, chaw ei turin i lo kal a kan lawm e, mang tha aw’ ka han tih takah chuan ‘E, nia . . . ka lawm e’ chu a lo ti ve hram a. Hei zawng hi sawi mai ila . . . kan chhungkua chuan kan hre rei viau dawn a ni.
Report this comment