Mizo te hi hnam tlawmngai leh phungthlu tak kan ni a, mahse lawmthu sawina tawngkam hi kan la ui hlawm riau in ka hria. Eng thu pawh sawi ila, kan generalize lo theilo a, chutihrualin mi zawng zawngah a ni vek e ka tihna a ni lova, a tlangpuia lakin Mizo te hian lawmthu sawi kan uar lo niin ka hria. Point tlem kan tarlang ang a:
1. Taxi ah kan chuang a, kan tum ram kan thleng a, a fare kan pe a, kan chhuk mai thin. Accident tawk lo a him taka kan kalna tur kan thleng pawh kha a lawmawm viau ania, taxi atanga i chhuk pah khan “Kan lawm e aw” han ti chhin teh, nangma rilru pawh a nuam ang a, taxi driver pawh kha nilengin a rilru a hlim phah ve maithei asin.
2. Office emaw tuemaw dawr a tul a, kan la tih ngailoh anih phei chuan a nuamlo duh hle. Kawng minlo kawhhmuhtu mai te pawh hi ‘Ka lawm e aw’ han ti zel ila, a heklo bawk a, a lawmawm reng bawk a, min puitute tan pawh midang te puih lehzelna kawngah phurna petu ani thei.
3. Monthly bill rawn khawn ang chi Cable fee, bawnghnute, adt. bakah, Kohhran ip hrang hrang rawn khawn leh rawn dah te, Chanchinbu sem te hnenah te pawh hian ‘Kan lawm e aw’ lo ti ve chhin teh, I nunah hlimna engemaw tak a thlen ka ring tlat.
4. Hmanni ah kan office ah mi pakhat lokal kha – ṭawng a thiamlo a, a biak duh ka va biakpui a, hna ka ngah hle nain ka thutna thawhsanin ka kal kualpui a, kan sawi zo ta, ngawirengin a chhuak ta vang vang mai. Ka hrilhhai ru ta tlat mai. Ka bat pawh nilo ah a ma mimal thilah ka lo pui a, ka puihna kha a sang emaw a hniam emaw pawh ni rawhse, ‘Ka lawm e’ han ti ve zeuh se a kim thlap mai tur. Lawmthu dawn beisei vanga midang te puih ka sawimawina nilo in keima tawn ngei atangin lawmthu ṭawngkam khatin rilru a hneh theihdan ka sawina a ni e.
5. Engpawh ti ila, khawihmunah pawh kal i la, lungawilohna tur kan zawng anih chuan khawvelah hian lungawilohna tur a tam lutuk. Dawr nghaktu induh deuh kan tawng fuh a kan lunghnur ru anih pawhin a chhak lawka dawr nghaktu dang fel deuh vang khan lawm tho tur!!
6. Hnamdang te hian chuan lawmthu sawina ṭawngkam hi an uilo khawp mai a. ‘Thank you’ hi an ti thuai thuai mai a, an ni chu ṭawngkam te hi an nei mawi a, han ‘thank you’ i la min lo ‘welcome’ a. Nun hi a zangkhai ṭhin zu nia. Mizo te paw’n kan ti thei ve.
7. Tuemaw lawmthu i hrilh vang khan khami ni khan mi tamtak nunah thil danglam a thleng thei tih hria la. Office a i va dawr hnenah lawmthu i sawi vang khan a office bang nupui fanau vin kual thin khan a vin loh phah thei. I lawmthu hrilh khan tuemaw lawmthu a hrilh ve leh chhawng ang a, mi tamtak nunah a ṭha zawngin thu a sawi ngei ngei ang.
“KA LAWM E” tih te mai hian hna ropui tak a thawk thei asin. Kan thusawiah fimkhur ila, kan sawi tawh anih chuan a nawhreh leh mai mai theih tawh si loh a.
Similar Posts:
- Celebrity nih dan
- Post thar in nei lo e mai…
- Thahnem an ngaih loh hmel mang e!
- Ti hlawhtling hram se
- Ngenna
November 4th, 2011 at 6:06 am
lr, i la tho na nge? :d
tren tren.
November 4th, 2011 at 6:11 am
Lr a va ti ti ik har ve
November 4th, 2011 at 6:15 am
A tha lutuk. Tun atangin practise nghal ang. (y)
Post-tu, nunphung mawi tak mai a nunna kawng min hrilh avangin ka lawm e.
tren tren.
November 4th, 2011 at 6:29 am
Post tha tak ka chhiar theih avangin ka lawm e.
November 4th, 2011 at 6:33 am
Thu tawite, riltak, sawi teuh theih rilru hlim siam thei i rawn phawrh tlat mai. Ka lawm e 🙂 (Y)
November 4th, 2011 at 6:38 am
Post tha tak a ni. Lra ka khalh thei hi Lra chungah ka lawm hle. Taxi-ah chuan ka hmang hram hram thin a, ‘ka lawm e’ tih tawngkam han thlah meuh hi chuan misual zu awm hauh lo va! A point të tëa i pe khian chhiar a tihahdam bik.
1. Chhiartute tana i thahnemngaihna avangin ka lawm e. Duhsak takin thu tha min hrilh si a.
2. Keini chhiar tura khitiang thu rawn ziah nachang i hriat vang hrim hrimin ka lawm e. I hun leh ngaihtuahna i sen teuh phah si a.
3. A.. Hetiang thu ka chhiar thei hrim hrim pawh hi ka lawm e. Ka lawm lutuk, ka lawm takzet e! 🙂
Ka lawm e.
I tan chauh,
TuaiSialA.
November 4th, 2011 at 7:11 am
Hep shala, first ka tum teh reng nen. Ka hming hnaisai lo, in lo lam chhen a ni maw?
Nizan dar khat thleng ka chang a, ka nghatebak hlanin in lo tlar thladul si. Het shala…
November 4th, 2011 at 7:18 am
Ka chhiarchhuak ta lem. Ngaihtuah chhuak tha leh pek mang e. Mi puitling deuh nge nge, keini bike ngen teh thlawt aichuan.
I ti deuh vung vung a, puak tha leh thei phian zel. Ziak teuh rawh, i thiam lutuk.
Ka lawm e,
Ka lawm e.
Lr
November 4th, 2011 at 7:21 am
Eheu! Ka post ve chu a va chhuak zing fia fia ve. In tho hma thei hlawm bik mange aw… Comment ho chu a va lawmawm hlawm em, ka tan.
November 4th, 2011 at 7:22 am
7.lra chu aw, “min lo first khalh avangin ka lawm e” te ti ve la. Post tha khawp mai. Nupuite hnenah pawh hian sawi ui loh tur. Thawmhnaw bal min suk fai sak vang te, Coffee tui tak min hlui vang te leh a dang dang vang in. “Heart’s like door, we can open with ease with two very little keys, which are ‘Thank you and Please’ an tia mi kha?
November 4th, 2011 at 7:25 am
First …em aw/…. 😀
November 4th, 2011 at 7:26 am
Pi Sheldon …..i va tho hma ve …mut ve hmain i lo tho hman ziah mai….lolxzz 😀
November 4th, 2011 at 7:26 am
At Pu Pk, lawmthu ka’n sawi hram ang e. Min first khalh tute hnenah ” ka lawm e”. Ka hming hnaisailo in lam manah, post tunu in chalah ka pen tir dawn. 😛
November 4th, 2011 at 7:34 am
Zanlam menrei hi chuan thawh hma hi a har khawp mai. Misuala ‘Ti ti ik’ hma thei deuh ho hi an ngaihsanawm. Kei hi zawng ka ropui lo teh ania, zing thawh lamah ngat chuan.
@D_auaChwngthu, mu ve em em tawh teh 😀
November 4th, 2011 at 8:00 am
Miss Sheldon: I inngaihtlawmna khan min tilawm hle mai. Ka lawm e. 🙂
November 4th, 2011 at 8:11 am
Ka lawm e tih te mai hi, ka chhiar theih avang hian KA LAWM E.
Thil tangkai tak a ni, mitin ten hman tum ila; misualah hlawkna kan chhar tihna a ni dawn si a.
Ka lawm e,
I tan chauh,
Bike ngen a.
November 4th, 2011 at 8:18 am
tho hma hlawm fia fia ve. Ka lawm e.
November 4th, 2011 at 8:22 am
nia.. lawmthu kan dawnin chhan let leh hram hi a tha khawp bawk. ‘kei pawh le..’
November 4th, 2011 at 8:30 am
Chhiar chhuah dap hnuah, beng sik a ngaihtuah leh hnu pawh in a tha tawlh tawlh (Y)
Ka lawm e 🙂
November 4th, 2011 at 8:31 am
@EmEich: Kei pawh ka lawm e.
November 4th, 2011 at 8:40 am
Office kal ka ngai, ka post hi in kutah ka hlan e. Hun ka neih tak hlauh leh office atangin… Vawiin hman nuam vek u.
November 4th, 2011 at 8:45 am
@TS.Kei pawh le. 😉
November 4th, 2011 at 8:56 am
Van tha tak em! Ka lawm e tih hi sawi harsat vang pawh a ni lo a nachang kan hriat loh vang te, a hlutna kan hriatloh vangte hian kan hmang tlem ni berin ka hria.
Miin lawmthu a sawi na na na chuan tupa thinrim pawh va thinrim reng suh!
November 4th, 2011 at 8:57 am
He post hi a va tha mai mai em ve aw. (Y) Hetiang thiltha lutuk chhiar tur min hlui avangin ka lawm e.
November 4th, 2011 at 9:01 am
Post duhawm tak a ni, ka lawm e. Sawi harsa si lo a dawngtu tan lawmawm bawk si.
Ka sawi leh dawn, ‘a lawmawm e’ tih hi a hmanna awm chu a awm, mahse ‘ka lawm e’ tih aia kan hmang hi chu ka ngaimawh hle.
November 4th, 2011 at 9:10 am
A lawmawm e tih leh ka lawm e/kan lawm e tih te chu a awmzia a hrang daih asin
November 4th, 2011 at 9:18 am
@Rose: Khatia i rawn sawi chu a lawmawm hle mai. Ka lawm e.
November 4th, 2011 at 9:19 am
@Rose, awmzia hrang daih e, kan tawngkam tlawm lutuk vang a nia a lawmawm e kan tih fo, ka lawm e tihna tur awm ngawih ngawihah.
November 4th, 2011 at 9:42 am
Post tha tak practice ngei ngei chi a ni e… (Y) (Y) (Y)
November 4th, 2011 at 9:52 am
A tlang puiin Mizote hi ‘ka lawm e’ tih leh tawngkam hawihhawm hman lamah chuan kan hnufual lo hle in ka lo hria a. In fuih zel phei chu a tul tho.
November 4th, 2011 at 10:33 am
‘Pride’ nei ila, ‘Proud’ lo thung ila.
November 4th, 2011 at 10:34 am
Ka lawm e.
November 4th, 2011 at 10:45 am
#31 (Y)
we are proud without pride. We are stubborn without dignity. We disrespect others without seeing ourselves in the mirror. We want respect but give none. We are selfish but preach against it. Kan duh kan la, ‘ka lawm e’ tih kan harsat leh si thin. Ngaihdam kan duh, ngaihdamna rilru kan nei leh lawi silo. Hmun fai kan lawm, tih hnawk kan hreh hauh silo!
Chhia leh tha hriatna kan nei, mahni tlin lohna theuhah insiamtha thei kan ni. Tum thei kan ni ringawt pawh hi a lawmawm e. Mihring chauh hi fate kalbo tawh kokir leh thei kan ni bawk. Ka lawm e.
Mak teh duah mang e!
November 4th, 2011 at 10:48 am
sheldon170, post tha leh pawimawh tak i rawn post avangin ‘Ka lawm e’.
November 4th, 2011 at 10:49 am
(Y) Tha lutuk….
November 4th, 2011 at 10:50 am
Pu HV, mak teh duah love. I thuziah khi a dik lutuk, ka ziahchhuah thiamloh ania. Tawi te te in thiam ang ang in kan ziak ve a, comment tha tak tak in rawn pek hian post a ti ‘complete’ thin alawm.
November 4th, 2011 at 10:54 am
@33, teh duah love, a tha hlawm kheuh kheuh ka lo tih nak a lai a. (y)
Ka lawm e.
tren tren.
November 4th, 2011 at 10:59 am
Ka theih ang a tamin ka hmang ve thin. A hlutna diktak min rawn hrilh hriat a vangin ka lawm e (Y)
November 4th, 2011 at 11:05 am
Ka lawm fi ni.. 😀
November 4th, 2011 at 11:12 am
thank you
November 4th, 2011 at 11:15 am
Ava’n tha em! (Y)
Tawng uang nilo se.. lawmthu sawi hi ka uar rem2 khawp mai,ka’n nu phei chuan alo ning thin…haha!! Tak2. Mahse ngaihdam dil hi kei mishual hian harsa ka va ti em!
#10,,Pu Pka,, tih zawh hlim lehthlak tawp hma pawh hian lawmthu hrilh ngei2 tur….ti raw? 😀
November 4th, 2011 at 11:20 am
Thil ka hrechhuak zawk mai… 🙂
KTP a inhmang tak tlangval senior pakhat pawh khan tum loh lutuk in a nula rim kha a kiss ve tlat…kun duk,nui put2 pah in… ‘Lawmawm khawp mai.’ 😀 😀
November 4th, 2011 at 11:31 am
41. Lamji, i rilru a chak hle mai. Chuti zawng chu ka sawi theih tawk ni se, ka lawm e. hehe.
November 4th, 2011 at 11:32 am
‘Khawngaihtakin’ tih te pawh hi. Hotu ten ‘Ti rawh’ an tih ringawt ai chuan ‘Khawngaihtakin lo ti ta che’ an tih te hian tih a phurawm bik.
Ka lawm e.
November 4th, 2011 at 11:56 am
Tha hle mai… (Y)
Post-tu nu, in office-a lo len ve a chakawm hle mai 😀
Autorikshow driver-in, beisei aia tam min dil a inhnial deuh bap bap hnu ah pawh “ka lawm e (thank you)” han tih hian, an-mahni ah engtehual thawk lo mah se, i sawi ang khian, ka thinrim (ve deuh) na hi a kiam duak thin.
Ka lawm e.
November 4th, 2011 at 12:01 pm
@Lamji 😀
@filliz, ani ngawt mai. Ai a lal te’n thupe tak mai a ‘kha ti rawh’ min han ti ngawt ai chuan ‘hei hi lo ti ta che aw’ an han tih te hian a phurawm sawt thin. Tawngkam tha in sial a man:-)
November 4th, 2011 at 12:05 pm
@Dr Mahminga Sailo, Mizoram i rawn chhuah hunah i rawn leng dawn nia, thingpui kan indun ang a, ‘Ka lawm e’ kan inti tawn ang a, tha dawn lutuk.
Dakpu lehkha rawn dah te hi ka buai em em lai anih loh chuan ‘kan lawm e aw’ ka lo ti thin, an hmel hmuh a nuam thin asin.
November 4th, 2011 at 12:10 pm
Nia tha khawp mai
Helam tih leh thin i lang a ka ngei pakhat chu maw tute emaw I dam em kan ti a .Aw ka lawm e ti a min chhang tel hram thin hi hahahahaah
Nia Bus eng ang buses ah pawh niseng chhuk pah hian ka lawm e kan ti thin
Hnathawhnaha pawh kan tih tur ngei gnei kan tih te hian lawmthu min hrilh hram zel.
Tin boss ten hna tih tur min hrilh te hian khawngaih takin tiin min hrilh zel kher Mizo te hi tawngkam tha duh hman hreh tak kan ni tlangpui in ka hria.
November 4th, 2011 at 12:19 pm
Post tunu khan #41 khi apply ta se..biru daih
November 4th, 2011 at 12:26 pm
@La-me-a 25, ngaihdam dil a harsat chungchang zawk khi maw? 😀 😀
November 4th, 2011 at 1:02 pm
@sheldon, ni chiang e, i rilru a van chak tak,he2
November 4th, 2011 at 1:15 pm
Ka la lawm tluang zel e!
November 4th, 2011 at 1:16 pm
#La-me-a 25, Nia, nangni chu in rilru a bir a..hehe
Ka lawm tho e
November 4th, 2011 at 2:02 pm
hnam dang ho hian “thank you” tih bakah “sorry” tih pawh hi an uar riau in ka lo hria kei misual hian…..
ka lawm e…
November 4th, 2011 at 2:31 pm
point 4na vang khian misual hoin thu tha deuh chhiartur kan neih phah a a lawmawm hle mai
khimi ni khian i tum nileng em lo ang chu maw 
(phiamthu)
a ni ngawt asin,lawmthu sawi hi i hreh lo ang u.
November 4th, 2011 at 3:00 pm
@century child, khami ni khan ka tum miah lo…hehe… tak tak
November 4th, 2011 at 3:21 pm
#56
lo uang mai mai ania. i post tha lutuk e.
November 4th, 2011 at 6:34 pm
A Pathian thu hle mai.
November 4th, 2011 at 6:55 pm
@Ignatia, ka post i do ta emaw ka lo tia
A Pathian thu ve riau asin.
November 4th, 2011 at 7:02 pm
@Sheldie, engah nge ka do ang aw? Ka lo hmuh hmaih alawm. Zirna chungchang chiah kha ka en hman a tukin khan. Patling nih tawh chuan buai theih em alawm..
Lawmthu sawi hi awmzia tak a ni. Ringtu nun hriseln nihna piah lamah hian nun hrisel neihna a ni. Lawmthu sawi hnem na na na chuan kan lawm duh alawm ti rawh…
November 4th, 2011 at 7:23 pm
Tha khawp mai . .
ka lawm e tih hi ka ching ve ta khawp mai . .thil zawngchhang tlak tak a ni . .ka lawm e 
November 4th, 2011 at 11:13 pm
‘Ka lawm e’ han tih tulh mai hi a formal lutuk deuhva kan ngai a niha, kan hmang zak deuh thin a nih chuan, ‘a lawmawm e’ ‘lawmawm nasa e’ tih ang chi tlema sawi la nuam deuh pawh hi kan nei ve nual a nia. Nui hmel hi pu tel thei hram thung ila, kei tih loh chuan
Ka lawm ve e..
November 8th, 2011 at 2:29 am
Tha bon top mai hei hi chu. Tun hnaia ka thil tawn ka han sawi ve ang e. Mikhual pakhat chhun chaw ei turin kan sawm ve a . . . hun kan neih vang pawh ni lovin, kan tan a tangkai em vang pawh ni lovin leh nakin hnu ah kan tan tangkaina a nei zui beisei vang pawh ni hauh lovin kan ngaih pawimawh ve hrim hrim vanga sawm kan ni a. Kan mi ngaih pawimawh ve tak chaw ei sawm ve ta chu kan lo in buatsaih ve nasa a, mahni tana tih tur pawimawh ti thei lovin chaw ei pui turin inah kan lo nghak a. Chhun chaw ei turin tlai dar 3:00 p.m. ah a lo thleng a. Kan ei kham meuh chuan khua a tlai zo tawh avangin engmah dang tihna hman pawh a awm tawh lo. Mikhual pakhat chaw vawi khat ei sawmnan kan ni leng hun kan hmang a ni ta der mai. Chaw kan ei kham chu kan han kawm lum lam ve a, chutih lai takin a hruaitu turin ‘lo kal rawh le, i kal ang hmiang’ a han tih ve leh engmah sawi lovin kan in kawngka pui panin a chhuak ta nghal mai a. Mak ti tak chuan kan ka hau mai mo le. In nei tu zawkin ka va um zui a, ‘E, chaw ei turin i lo kal a kan lawm e, mang tha aw’ ka han tih takah chuan ‘E, nia . . . ka lawm e’ chu a lo ti ve hram a. Hei zawng hi sawi mai ila . . . kan chhungkua chuan kan hre rei viau dawn a ni.