Ka ngaihtuah mai mai thin, engatinge mizote hi nupui pasal neih chungchanga kan fir em em thin le. Kan pi leh pute chuan an mo emaw makpa tur emaw chu uluk takin an thlithlai a, khawtlanga hming hliauna nei an nih leh nih loh thlengin an chhui thin. An fakawm hle.
A kum ka hre chiang ta lo. Kan zaithiam pakhat chuan sap pasal a nei a, seltu chu tlemte an ni. Kan veng nulain vai pasal a nei veleh a, ram phatsantu ang hialah kan ngai leh si. Khawtlangin kan ensan a, kan kawmserh thin a nih si hi.
Kan Bible atanga kan thlirin sakhaw dang bemi neih a phal lo tih loh hnam dang chungchang a sawi awm reng kan hre si lo. Chutih lai karin phai lama kan fate lah chuan, changkanna emaw tiin hnamdang an bel a. A rukin hlimna an chen a ni si a.
Kan inhmangaih a, an inhmangaih a nih chuan eng nge kan sel vak thin le. Mi thenkhat sum leh thil dang duh vanga neite hi chu an demawm hle rualin, hmangaihnaa avanga inzui/innei lehzel kan sel hi chu a dik ber dawn emaw ni le? Nia, kan hlauh ber hi chu inchimralna a ni lovem ni?? Inchimral chu a hlauhawm teh meuh mai. Mahse,heng avanga inchimral ai hi chuan thatchhiatna avanga inchimralna emaw nawmsipbawl duhna avanga inmchim ralna kan hlat lo zawk lo maw?
A tawp berah chuan, i hmangaih, i duh tak kha…kumkhuaa chan turin inngaihtuah teh le?
November 13th, 2011 at 1:06 pm
Hmangaihna dah 1st lutuk hi a that lohna chin a awm thei. ‘Hmangaihna mit a del’ an tih thin kha. Hmangaihna dah pawimawh ber hun leh hun lo thliar hran thiam a tha khawpin ka hria. Hnam dang neih leh ngaihzawn kawngah ngat phei chuan hmangaihna aiin kan chhia leh tha hriatna dah pawimawh a tha zawkin ka hria.
Englekhawle, post chhia zawng a ni lo ve.
Report this comment
November 13th, 2011 at 1:15 pm
awke lei tur in nei mial em, han ti mai ila topic nen intu lo fu ang a
Report this comment
November 13th, 2011 at 1:22 pm
“Chutih lai karin phai lama kan fate lah chuan, changkanna emaw tiin hnamdang an bel a. A rukin hlimna an chen a ni si a.” i tih khi a dik chiah em aw?
Sual kawng zawhin, rei lo te atan nuam an chen thin a ni lek zawk lo maw?
Report this comment
November 13th, 2011 at 1:30 pm
Inkhawm lo ho chu in hriat hle mai maw!
Report this comment
November 13th, 2011 at 1:40 pm
Van post tha ve. Lunglei lam i ni maw..!! i mi sawi te khi ka hriat ka ring tlat mai.
Sakhua dang vawn phah nana an hmang te nih loh chuan ka dem lo, inhmangaih a, dam chhung hun hman dun an huam phawt chuan, chubaka hlu mihring nunah enge awm chuang..!!
Report this comment
November 13th, 2011 at 1:51 pm
Hnam dang hrim hrim nupui pasal a kan nei hi tha ka ti lem lo. A ngai zam zawnga sawi pawh hi tha ka ti lo. Hnam anga kan din chhuahna ti thuanawptu lian tak pakhat a ni. Mizo takin mahni hnampui ngei neih vek i tum ang u. Chu chu hnam anga kan duty a ni si a.(sap pasal nei i tih khi gospel singer kha a nih ka lo ring ve ngawt a, ka tan chun dumka nei nen ka ngaihdan eksaman nen thuhmun reng a ni e)
tren tren.
Report this comment
November 13th, 2011 at 1:57 pm
Hmangaihna atanga thlir chuan tupawh mai hi an thiamawm vek zel e.
NOI
Ram leh hnam hmangaihna atanga en chuan palzam an har fu si a. Engpawh nise kan fin a,thuthlukna kan siam hma in kan hma lam thui tak kan ngaihtuah lawk a ngai reng ani.
Kha La-me-a paw’n nuam tih loh chang a ngah kha.
Report this comment
November 13th, 2011 at 1:59 pm
Post tupa hian point a rawn chhawp chhuak tha khawp mai, hnamdang nei an awm vang hian kan dinchhuah loh phah lovang. Kan sawifo thin, eirukna, taimakna, tih tak takna te hi han vei tak tak zawk teh u, kan dinchhuak hma zawk ang.
Rilru te lutuk leh mahni kuang lo kan nawr nasat lutuk vang zawk hian kan hetih phah zawk nih hi, mi lo inhmangaih ngawih ngawih lo sawisel a, lo ensan vel mai mai lo hi khawvelah tihtur a tam lutuk tlat.
Report this comment
November 13th, 2011 at 2:00 pm
Hnam dang tan chuan a pawi lo a ni thei.
Mizote chu kan la tlem a.
Kan tan a pawi thei a ni.
Eirukna kan vei leh kan sawiselna kawng a awm ang a.
Hnam dang kawppui chungchang sawiselna hun a awm tur alawm.
Rukru pakhat kan zawn avangin tualthat pakhat kan kaltir mai mai dawn em ni?
Report this comment
November 13th, 2011 at 2:02 pm
Hnamdang Kristian tha tak, an hmangaih tak te pasala an nei thin hi chu ka dem tehchiam lo… Chutihrualin hmangaihna (love) kan tih hian duhthlanna (free-will) a tel ve tlat, hnamdang nupui pasala nei lo tura i rilru i siamnghet phawt chuan i nei lo thei khawp ang.
Kan Mizo hmeichhia te hi chuan hnamdang pasal chu nei lo hram se ka ti khawp mai, nei lo tura rilru siamnghet tur pawn ka’n chah duh nghal e – keipawn hnamdang chu nupuiah ka nei dawn lo reng reng…
Chuan Vai pasal nei kan hmuhsit em em laia Sap pasal nei kan sawi leh mang lo hi keipawh a “biased” ka ti khawp mai! Sala!
Report this comment
November 13th, 2011 at 2:12 pm
Rukru pakhat kan zawn avangin tualthat pakhat kan kaltir mai mai dawn em ni?
Ni lul love..
Nausen pawngsual a that tu kan zawn buai lai hian kilkhata lo Pherh ve mai mai te chu kan thlir liam ve hrih ang chu le..!!
Report this comment
November 13th, 2011 at 2:26 pm
hmangaihna.???
Hnamdang hmangaih ai chuan mahni hnampui ngei hmangaih zawk mai se a va tha zawk mai awm ve.. kan duhthlanna hi a lawm hmangaihna hming kan hawh tir mai2 .
Report this comment
November 13th, 2011 at 2:36 pm
CYMA in sap pasal nei se an tihna chhan chu Indian dang (Mizo ni lo) Mizo nupui nei angin Mizoram ah awm zui an tum lo, nia an rin vang ani. Chu vangin kan nulate hian sap pasal nei sup sup rawh se. Mizo tlangval pasal tlak an vang si.
Report this comment
November 13th, 2011 at 2:44 pm
hetiang nei ai chuan neih in ang inkawp te kha vei zawk rawh u, chi an thlah dawn lo, hnam chu an ti pung lo chiang ang chu
Democracy, secular state duh duh nei rawh sek sek
Report this comment
November 13th, 2011 at 3:11 pm
Hmangaih taka innei annih chuan i sawi tur/ ka sawi tur a awm hauh lo.
Hnam timualpho zawnga hnam dang kawp lawr te annih loh chuan, mizoram a lo intih fir ve em em hi kan hah thlawn mai mai a ni
Report this comment
November 13th, 2011 at 3:17 pm
#8 ka thlawp e
Report this comment
November 13th, 2011 at 3:19 pm
Vai angin sap hi chu an la hnawk ve rih lo deuh alawm.
Ngun takin ngaihtuah se, an rila rahte chan tur hre lawka an ti a nih chuan a tha alawm. An thlahten harsatna an lo tawk a nih pawn tumah indem lovah kan ti a ni ang chu.
Report this comment
November 13th, 2011 at 3:22 pm
#12 lolz
Report this comment
November 13th, 2011 at 3:22 pm
Mizo mipate hian thîkthu tihchhiat hle tur.
Report this comment
November 13th, 2011 at 3:25 pm
Mizo mipa te hi hnamdang nula nalh tak tak te hian min ngaizawng in pasal tan pawh min duh ve tlat mai se, mizo nula ngat le, ti tlat thei kan tam vak ka ring lo. Kan tawn loh vang mai mai, engatinge chu chu a thlen ve mang loh mipa ah hian? Ele! Hnam dang te hian an hmeichhia te an humhalh zia a lang chiang, an culture leh sakhua na hian mizo te anglo tak in a phuar hneh tawk em. An rilru thlaksak mai mai hi har tak a ni.
Report this comment
November 13th, 2011 at 3:35 pm
Kan nula lehkhathiam ho dinhmun te hi ngaihtuah pui ve an ngai khawp a nia. Pasal tur hi an van ve teh mai ania aw. Ka hmelhriat hnai tak pakhat Mizoram pawn a hnathawk a awm pawh hian mizo ngei pasal neih hi a duh ve em em thin a, zah pawh dawn lo hian min lo zawnpui teh te pawh a ti thin a. Mahse kan society ah hian nula lehkhathiam leh mahni a eizawng thei chin hi (kum 30 vel bawr te an lo ni tlangpui a) hralh an tla mang tlat lo a nih hi! A beidawng a, hnamdang a mah duh ve em em tu a nei ta a nih kha. Ka dem lem love.
Report this comment
November 13th, 2011 at 3:35 pm
Mizote tan a thil tha lo hi kan sawi kan sawi a, puitling chinte hi chuan kan hre fu mai. Ram leh hnam hmangaihna rilru hi naupan tet atanga inzirtir chi ani a, hetiang feeling nei lem lo hi chuan hnam tan a tha lo, thil pawi thei pawh hi kan en liam mai mai zel.
Primary school to High School ah hian Mizo subject bikah emaw hian mumal tak a zir turin ziak thei awmse a tha ngawt ang.
Report this comment
November 13th, 2011 at 3:45 pm
Ka tleirawl chhuah hian ngaihzawng, duh em em mai ka nei a, ka hmangaih em em bawkin ka hria. Kum 5 chhung vel kan in zui a, a tellovin ka awm hleithei lo thin. Kum 5 hnu velah kan inthen a, a tirah chuan a chanchin pawh ka hre thei viau, mahse hun a inher liam zel a, achanchin ka ngaihven lo telh telh a. Tunah chuan a chanchin hi ka ngaihven lo mai nilovin, a hriat pawh ka hre tawh ngai lo. Keimahah hian engmah a lo ni lo niin ka hria.
Ka nupui hi rei kan inngaizawng hman lova, kan inzui ve laiin ka hmangaih em em pawh ka hre chuang lo. Mahse hei erawh ka hrechiang thung, ka nupui ni sela ka hmangaih dawn khawp tih hi. Tichuan nupuiah ka nei ta a, ka hmangaih em em a ni. A tellova nikhat hun hman pawh hi harsa ka ti em em thin.
Hmangaihna chhuanlam a hnamdang neih tum hian nei lovin mahni hnampui ngei hmangaih tur a nei ngeiin ka ring. Nupui pasala kan innei a nih ngawt loh chuan nulat tlangval laia hmangaihna hi chu hmangaihna tluantlingah ka ngai lo a ni kei chuan. HMANGAIHNA hi hnamdang neih chhuanlam tlingin ka hre ta chiah love.
Thui ve viau lo maw…heheh
Report this comment
November 13th, 2011 at 3:46 pm
Mizo te chu kan Perfectionist hlawm lutuk a, thil neuh neuh kan vei neuh neuh a, kan khel neuh neuh a, tha famkim, hnam inlungrual, hnam changkang nih kan duh a, kan hmun ngaiah engkim tih fel vek tumin kan tei kan tei mai nih hi maw..!
Report this comment
November 13th, 2011 at 3:47 pm
ngaihdan a in ang lo thei hle ang le,min neih tlak hmangaih aneih chuan lo dem vak chi ani lo ang
Report this comment
November 13th, 2011 at 3:53 pm
He post chu hnamdang pasal neih chungchang post rau rau ah chuan a dang zaih mai, hmeichhia te min rawn vei nghal hluah hluah lo.
A post thupui a word zawng zawng leh a post tupa nick hi alphabet 2 theuh a ni.
Report this comment
November 13th, 2011 at 4:05 pm
Kan naupangte hi ILP kan neihchhan te, Mizo anga kan dinchhuah a tul thu te hi kan hrilh ngai pawh ka ring lo, hnam boral thei kan nih zia te hi kan zirtir tam tawk lo mai thei.
Report this comment
November 13th, 2011 at 4:07 pm
Miss Aduhi nick hlui chu Amber.
Report this comment
November 13th, 2011 at 4:08 pm
Vai ho pawh hi a tam zawk chu arrange marriage a nupui/pasal nei an ni a, an inneih hnu ah an in hmangaihna chu a lo piang ve mai. Thenkhat te hi chuan hmandang nupui/pasal nei chakna hi an nei ve bawk ani
Report this comment
November 13th, 2011 at 4:08 pm
Kei chu Sap kantih mai leh dumka nei hi tlang taka sawi chuan Ek-Saman ani theilo hrim hrim a…mahse
Hnamdang nupui pasala neih duh te leh tumte tan chuan comment hmasaber khi ka ngaihdan a ni e.
Report this comment
November 13th, 2011 at 4:21 pm
Hmangaihna hi in ti teh fo a, ka awih ve zawng a ni lem lo. Tin, hmangaihna tak tak nia kan hriat te pawh hi hun rei lo te atana hlimna mai mai a lo ni zawk fo. Hnamdang nei in ‘hmangaihna’ leh ‘Pathian remruat’ an chhuanlam fo hian a hlut na a ti nep niin ka hre bawk a ni. Hnamdang nula 2 hi serious deuh in ka lo ngaizawng ve tawh a, Mizo nula ka ngaihzawn ve tawh te aiin an hmeltha a, an zei zawk a, min duh thiam zawk bawk. Nupui atana neih mai duh chang pawh ka nei hman thin a. Mahse, ka lo nei ta lo kha tifuh ka inti hle mai. Khatih lai kha chuan ka hmangaih ber te an ni thin a, mahse Mizo nula ngei, anmahni ang tho a ka duh leh anmahni aimah a min duat thiam tute ka tawng leh tho. Chumi in a entir nia ka hriat chu ‘hnamdang hmangaih thei chuan Mizo pawh a hmangaih thei tho, a duh phawt chuan’ tih hi niin ka hria. Kan duhthlanna mai mai a ni.
I mingo pasal nei sawi khi ka hriat a nih a, kan thianpa (an veng ami) thusawi hi a dik anih ngai chuan Mizoram a haw let leh a chak viau a, mahse a pa in a remti tawh lo a ni mai thei e.
Hnamdang nupui pasal a inneih hrim hrim hi tha ka ti lo a. Fuh tawk awm mah se a tam zawk hi chu an inchhir leh nge nge thin. Mizo te thinlungah vai huat hi a la reh tak tak thei lo a, chuvang chuan kan duh lo zual bik a ni thei ang em? Mingo, midum, vai leh hnamdang neih hrim hrim hi hnam ralna tha ber a ni. Mizo hnam hi a ral kan duh chuan i nei chur chur ang u.
Amaherawhchu, Mizo tlangval tan chuan Mizo nula an tha ber a, Mizo nula te tan pawh Mizo tlangvalte tluk an awm thei lovang.
Report this comment
November 13th, 2011 at 4:25 pm
#31 I sawi nu chu a pa in lo haw leh a phal tawh lova? A mak ka va ti em. A fanu chu a hmangaih lo in a ngaidam theilo emi le? Nge, pasal neih tawh chuan then tawh loh tur tih dan zawmbur te zingah a tel ve zawk?
Report this comment
November 13th, 2011 at 4:38 pm
32 I zawhna hnuhnung ber ang khi a nih ka ring. Ka hre thui bik lo, kan titi khawm na a kan thianpa min share a nia.
Report this comment
November 13th, 2011 at 5:40 pm
Mi va ngainat zawng neih chu a awm teh meuh mai a, mahse hmangaihna hi kan sawi vul ang chek chuk hi chu niin ka hrelo. Saint samoo @12 khi ka thlawp viau mai.
Report this comment
November 13th, 2011 at 6:35 pm
Inneih atanga reilote a haw leh an dila lo phal nghal ngawt chu ngaihtuah tawi tak anni zawk daih lo’ng maw ? An fanute nun a chhe lehzual ang a, an zahawmna a bo bawk ang. Chu ai chuan an duhthlanna a an pawm ngei, kumkhuaa rinawm taka an thlan ngeite hnenah khan hrehawm pawh an tuar ve ngam tur a ni mai lo’m ni? Nunna hialin a tuar dawn te a nih chuan tu Pa mahin an fanute an phal bik kher lovang. Ho lam leh duap lutuk a an duh dan a piang lo zawm ringawt te chu Pa ho tak leh mumallo tak nihna a ni daih dawnin ka hria….
Report this comment
November 13th, 2011 at 7:10 pm
A in hmangaih miau te chuan duh leh nei ang hmiang,an hmangaih a hnu,an nunah sawi tur kan nei lo em mai.I fa te emaw in chhungte emaw nei lo tur a i duh chuan,an mahni khuahkhirh mai rawh.Sap leh vai nei kan thliar lutuk hi chu a mi pangai loh thlak.
Good post
Report this comment
November 13th, 2011 at 7:17 pm
In comment hrang hrang ka en atang hian “vai ti thei lo” in tam hle mai. Kei pawh kum 40 hnuailam ka nih lai chuan ka ti thei thak lo. Mahse kum an vei zel a, ngaihdan pawh a puitling chho ka ti dawn nge, a danglam chho a, “Whatever will be, will be” tih hi ka philosophy chu a ni deuh ta. Hnamdang pasala neih chungchangah hi chuan kan Mizo nula hetianga hnamdang kumtluang atan tia kawp te hi an huaisen ka ti a, fakna chen pawh ka nei. Mahse Mizo nula nazawng hian hnamdang an nei lo tih ka hriat tel a tha ang. A percentage-in han chhut mah teh u, an tlem viau a nia
Report this comment
November 13th, 2011 at 7:40 pm
A tha ber beisei ila…a chhe ber thleng turin inpuahchah mai ang aw..
Report this comment
November 13th, 2011 at 7:53 pm
An hmangaih tak2 a nih chuan vai pawh nei sela mahse a hmangaih te khua vairampur ah liam a fate nen liam thla ngam sela ni mai lawm… An hmangaih tak an nei a,, chuan Aizawl ah vai an pung lo bawk ang a, lehlam lehlam ah lap ni mai…
Report this comment
November 13th, 2011 at 8:04 pm
Fernando Torres ka nei ta lo rau rau bawk a ka tia, Pachuau lulian ngat ka nei ta mai!
Report this comment
November 13th, 2011 at 8:11 pm
#21 comment khi ngaihtuah chian tlak a ni, tlangval ho kha han tang teh u, khawpuiah phei chuan 30+ nula hi an pung zel dawn a nia
Report this comment
November 13th, 2011 at 8:19 pm
Mizo hmeichhia te hian mizo mipa neih tlak hmu hlawmlo mahse ‘zo hnahthlak lanu’ ngei hian ka lung an la dum ber e.
Report this comment
November 13th, 2011 at 8:45 pm
Dumka anni emaw english anni emaw ka ngai sangin ka ngai nep hran lo, ka tan chuan hnam dang a ni mai. Hnam zawng zawng te PA, PU nih hi ka tum lo ve tawp. Min PA, PU tute chu mizo fir tak nise tih hi ka duhthusam a ni ve teh tlawng e.
tren tren.
Report this comment
November 13th, 2011 at 9:10 pm
Mizo te hi ILP vanga la chimral loh mai mai kan niin ka hre thin. Vai ho hi an duh duhin rawn awm thei se chuan kan Mizo nula engzat tak hian vai pasal nei ang maw? Enge maw han sawi dawn ila ‘it’s my life, i sawi tur a awmlo, kan in hmangaih chuan a tawk’ tih vel hi kan chan ania. ‘Mizo mipa neih tlak ka hmu lo’ an tih pawh hi dawt, an chhuanlam mai mai ani. Mizo tlangval fel leh taima an tam… A tawp nan hnamdang kawp hi
Report this comment
November 13th, 2011 at 10:11 pm
Hmeichia te u, in duh phawt chuan Vai pasal nei rawh u!in duh loh chuan nei suh uuu!!!Tuikuk nei zawk mai rawh u emaw,chakma pawh an tha tho!kha daih kha a sin!mai mai a!suskoss!! Aaaa..keimah hi min rawn nei zawk mai rawh uuu!bye2!
Report this comment
November 13th, 2011 at 10:14 pm
#22
Report this comment
November 13th, 2011 at 10:21 pm
Zo vs Zo lo atang hian a chiang tawh lo a lawm. Zo leh Zo lo te han ni se comment pawh a kal deuh zaih tur
Report this comment
November 14th, 2011 at 12:56 am
Hnamdang kawppui nei Mizoram ngai lo ka hre leu…. an rilru-ah chuan an ZO veks..
Report this comment
November 14th, 2011 at 5:50 am
“Kan pi leh pute chuan an mo emaw makpa tur emaw chu uluk takin an thlithlai a, khawtlanga hming hliauna nei an nih leh nih loh thlengin an chhui thin.” hei te hi..
neih ngei ka duh sia test kan nei chu a lo pure hlauh 
Zawl sawi zanah phaw monu ai mopa sam a sei zawk.:-D ha…ha.. ka sawi peih tawh lauu
Vai nula ka kawp deuh reuha ‘ka nei mai dawn mi chu aw..’ tia ka inngaihtuah chian chuan khuareia ka inchhir dan tur leh neuh2 ka han ngaihtuah hian tha bera ka hriat loh vangin mizo nula ngei tiin mizo nula, mahni hnam pui ngei chungah ka mit kan len kul ta chiam a. Hei zet chu tiin an run ka va bela leh!! A sam a sei emai( a sei bawk tak sia) drugs addict a ang si tiin min lo hnawl.sallaa.. zam ngai lo vala a dang ka han bel leh a min lo YESS ta. Chuveleh rei rial lova inneih kan tum ta a. Chhungkua an han inrawn khawm leh a, ‘Thisen a test loh chuan nei thei lovang’
Report this comment